Детроит Пистонс – Kurir.mk

Две НБА екипи им доделија отказ на тренерите

Бошко Тасиќ — Wed, 12 Apr 2023 04:17:46 +0000

Двете најслаби екипи оваа сезона во НБА лигата, Детроит Пистонс и Хјустон Рокетс ќе добијат нови тренери откако ја раскинаа соработката со досегашните стратези. Стивен Сајлас си заминува од Хјустон по три тешки години на клупата на тимот од Тексас кој минуваше низ период на транзиција. Во трите сезони оствари вкупно 59 победи на 236 натпревари (25%). Како можни наследници на Сајлас се спомнуваат Ник Нурс, Франк Вогел, Кени Еткинсон и Име Удока. Нешто поинаква е ситуацијата со Двејн Кејси кој нема да биде тренер на Детроит Пистонс, но сепак ќе остане во франшизата, како дел од менаџментот. Тимот од Мичиген беше убедливо најслаб во лигата со само 17 победи. Засега не е познато кој би можел да го замени Кејси на тренерската позиција

Бојан Богдановиќ останува во Детроит

Бошко Тасиќ — Mon, 06 Feb 2023 05:33:51 +0000

Бојан Богдановиќ, кошаркарот на Детроит Пистонс, нема да ја промени средината, барем до крајот на сезоната. Се шпекулираше дека хрватскиот кошаркар би можел да го напушти овој тим, но познатиот новинар Џејк Фишер носи нова вест. „Заинтересираните екипи почнуваат да веруваат дека Бојан Богдановиќ ќе остане во Детроит“, напиша новинарот на „Јаху спортс“. Богдановиќ е предводник на Детроит оваа сезона и на теренот и надвор од него. Тој има просек од 21,4 поени, 3,6 скока и 2,4 асистенции.

Бојан Богдановиќ потпишува за Детроит Пистонс

Бошко Тасиќ — Thu, 22 Sep 2022 16:59:33 +0000

Бојан Богдановиќ има нов клуб. Најдобро информираните новинари во САД пренесуваат дека Јута договорила трејд со Детроит и останува тој само да биде потврден и официјално. Хрватот ќе замине во редовите на Пистонс, додека Јута ќе ги добие Кели Олиник и Сабин Ли. „Џезерите“ претходно ја завршија соработката и со најголемите ѕвезди, Руди Гобер и Донован Мичел, најавувајќи дека планираат целосно проветрување на тимот и создавање нова екипа која би имала поголеми амбиции за неколку години. Богдановиќ имаше просек од 18,1 поен за Јута минатата сезона, а сега ќе се пресели во една од најслабите екипи во НБА лигата.

Падна голем трејд во НБА лигата

Бошко Тасиќ — Thu, 10 Feb 2022 20:51:51 +0000

Трејд периодот во НБА-лигата доаѓа при крајот, па така екипите ги користат максимално сите ресурси да заменат играчи или да се ослободат од оние на кои не сметаат. Четири тима постигнаа договор и направија голем трејд. Сакраменто Кингс, ЛА Клиперс, Милвоки Бакс и Детроит Пистонс разменија дури седум играчи. Главно име на трејдот е шпанскиот кошаркар Серж Ибака кој потпиша за Милвоки Бакс. Во редовите на Сакраменто Кингс пристигнаа Донте Дивинченцо, Треј Јулс и Џош Џексон, кај „бакси“ покрај Ибака ќе дојдат уште два пика на следниот драфт, плус ќе се добијат и пари. Кај Клиперси пристигнаа Родни Худ и Семи Оџеле, додека Детроит го доби Марвин Бегли Џуниор.

Роуз казнет со 25.000 долари поради фрлање пенкало кон публиката

Ивона Петрова — Wed, 15 Jan 2020 08:23:04 +0000

Кошаркарот на Детроит пистонс, Дерик Роуз е казнет заради фрлање пенкало на трибините за време на натпревар со Њу Орлеанс. При еден тајм-аут, Роуз зема од записничката маса едно пенкало и го фрли на трибините на спротивната страна. Инцидентот не остана незабележан од службените лица, а НБА парично го казни 31-годишниот Американец со 25 илјади долари.

Рекордни педесет поени за Грифин

Ивона Петрова — Wed, 24 Oct 2018 06:30:37 +0000

Кошаркарот на Детроит Пистонс, Блејк Грифин постигна 50 поени во победата остварена ноќеска над Филаделфија по продолжение со резултат 133:132. Грифин во финишот на основните 48 минути успеа да изедначи на 120:120 за продолжение, а во дополнителното време погоди под фаул на две секунди пред крајот и обезбеди триумф за својот тим. Покрај рекордните во неговата кариера 50 поени, Грифин мечот го заврши и со 14 скока и шест асистенции. За Детроит ова беше трета победа во третиот натпревар оваа сезона, додека Филаделфија е на половичен биланс од две победи и два пораза.