детроит – Kurir.mk

Адетокумбо и Мидлтон се вратија, Милвоки го преслуша Детроит

Ристе Здравков — Tue, 24 Jan 2023 01:53:12 +0000

Детроит постигна 130 поени на дуелот против Милвоки, но и тоа не беше доволно за победа над Бакс, екипа во чии редови се вратија две големи ѕвезди. Јанис Адетокумбо и Крис Мидлтон ги надминаа проблемите со повреди и беа дополнителна мотивација за екипата која го доби натпреварот со 130:150. Грчкиот кошаркар постигна 20 од 29 поени во првиот период, додека Мидлтон бил поскромен со 8 поени и 4 асистенции. Најефикасен на теренот бил Богдановиќ со 33 поени. Браун и Тејтум постигнаа по 26 поени и беа најефикасни на Флорида, но Орландо го совлада Бостон со 113:98, а во своите редови го имаше расположениот Банкеро кој постигна 23 поени. Детроит – Милвоки 130:150 Орландо – Бостон 113:98 Чикаго – Атланта 111:100 Хјустон – Минесота 119:114 Јута – Шарлот 120:102 Портланд – Сан Антонио 147:127 Сакраменто – Мемфис 133:100

НБА:Кошаркар на Детроит заразен со коронавирус

Тале Кристо — Sun, 15 Mar 2020 09:16:11 +0000

Центарот за Детроит Пистонс Кристијан Вуд е тестиран позитивен за коронавирус, се вели во извештаите на американските медиуми. Тој е третиот познат НБА играч до денес со КОВИД-19 по Руди Гобер и Донован Мичел од Јута џез. Детроит потврди дека имаат играч со позитивен тест, но не го открија неговото име. – Ги добивме тестовите денес (сабота) и тие се позитивни. Здравјето на нашите играчи, нашите членови, апсолутно сите во лигата и на оние кои се погодени од вирусот е од најголема важност за нас. Ние ќе ја продолжиме соработката со медицинската заедница. Тимот и самите здравствени власти се во изолација и ќе останат под внимателно набудување во наредните денови, соопштија од Детроит. „Атлетик“ известува дека Вуд ги почуствувал симптомите на коронавирус во четвртокот и веднаш бил тестиран. Неговиот агент, Адам Пенсак, изјави за „Детроит њуз“ дека „тој е 100 проценти добро“.

Детроит го претрпи петтиот последователен пораз

Дарко Андоновски — Fri, 21 Feb 2020 08:12:55 +0000

Кошаркарите на Детроит загубија на својот терен од Милвоки во еден од шестте НБА натпревари одиграни ноќеска. За Пистонс, овој пораз беше петти по ред. Постигнати резултати: Детроит – Милвоки 106:126 Атланта – Мајами 129:124 Чикаго – Шарлот 93:103 Филаделфија – Бруклин 112:104 (по продолжение) Сакраменто – Мемфис 129:125 Голден Стејт – Хјустон 105:135. Милвоки со биланс 47-8 (победи-порази) е прв на Исток, ЛА лејкерс водат во Западната конференција со ефект 41-12.

Грифин: Лос Анџелес е град на Лејкерси, а не на Клиперси

Ивана Ефремовски — Thu, 12 Sep 2019 07:56:06 +0000

Напаѓачот на Детроит, Блејк Грифин, верува дека Клиперси секогаш ќе бидат подобри од Лејкерс, но ривалот го има приматот во Лос Анџелес. Претходно, кошаркарот играше за Клиперси. -За кошарката во Лос Анџелес, она што го направија Лејкерс и Клиперс е величествено, но Лејкерси се толку моќни. Ова го говорев кога сè уште играв тука. Не мислам дека Клиперс некогаш ќе го одземат од Лејкерс приматот во градот. Но, барем тие се обидуваат да ја зголемат конкуренцијата и да се приклучат во борбата, изјави Грифин.

Ужасно откритие во Детроит: Полицијата во кутии и замрзнувач пронашла остатоци на 63 фетуси

Предраг Кукиќ — Sun, 21 Oct 2018 20:23:13 +0000

Американската полиција пронајде остатоци од 63 фетуси во просториите на погребална фирма во Детроит во рамките на поширока истрага за неправилности во локалните погребални фирми. Се наведува дека полицајците пронашле 36 фетуси во кутии и 27 во замрзнувачи во текот на вчерашниот претрес на „Пери фјунерал хоум“, а шефот на полициајта во Детроит Џејмс Крејг рече дека е зачуден од ова ужасно откритие. Остатоците им се предадени на државните обвинители, кои веднаш ја затворија погребалната фирма и и ја одзедоа дозволата за работа. АП наведува дека ова се случила недела дена откако остатоци од 10 фетуси и едно дете се пронајдени во некогашната погебална фирма „Кантрел фјунерал хоум“, во Детроит која престанала со работа. Ова е второ откритие на посмртни останки на непогребани фетуси и мали деца во Детроит.

Хорор во Детроит: Пронајдени тела на 11 бебиња скриени во зграда (ФОТО)

Ивона Петрова — Sat, 13 Oct 2018 17:38:16 +0000

Властите во Детроит, по анонимен повик, пронајдоа тела на 11 бебиња во распаѓање, скриени во таван на зграда на една погребна фирма во градот. Поручникот Брајан Браузер од детроитската полиција изјави дека телата на бебињата се најдени меѓу првиот и вториот кат. Тој додаде дека девет тела биле сместени во картонска кутија, а две замотани во ќеса за ѓубре и оставени во ковчег. Бебињата се идентификувани и полицијата ќе се обиде да стапи во контакт со семејствата. Погребната фирма е затворена во април, кога инспектори им ја одзеле опремата за работа, бидејќи во нејзината зграда се откриени човечки тела покриени со мувла. МИА

Маја Иванова ја посети Детската болница на Мичиген во Детроит

Ивана Ефремовски — Sat, 22 Sep 2018 12:15:09 +0000

Во рамки на работната посета на претседателот на Република Македонија Ѓорге Иванов на САД, сопругата на претседателот Маја Иванова, во Детроит ја посети Детската болница на Мичиген. Сопругата на македонскиот претседател од менаџментот беше запозната со севкупната работа на оваа детска болница, идните планови во нејзината работа, а беше разговарано и за можностите за соработка на болницата со здравствени институции во Македонија. Иванова ги претстави нејзините активности поврзани со детското здравје, со посебен акцент на децата со аутизам, соопшти прес-службата на Кабинетот на претседателот. - Често велам дека аутизмот не познава големи и мали држави, богати и сиромашни држави, туку тоа е проблем за којшто треба да се обединиме и да работиме сите. Активноста што ја започнав за аутизмот во Македонија, потекнуваше токму од овде, од Соединетите Американски Држави, кадешто присуствував на конференциите што се организираат од организацијата Autism Speaks и веднаш по враќањето ги продолжив моите активности во Македонија. Почнав да ја подигам јавната свест, да бидам гласноговорникот во Македонија за подигање на јавната свест дека аутизмот во Македонија постои, и треба да се обединат сите, да се соочат со тој проблем и едноставно да почнат со негово решавање. Меѓутоа не застанувам тука, затоа што аутизмот не познава само активности, туку познава обединување на сите оние што треба да работат на овој проблем, почнувајќи од образовниот систем, од здравствениот систем, од невладините организации. Посетата на оваа болница ми е големо искуство, затоа што видов дека овде здравствената заштита на децата е на највисоко можно ниво, со најсовремена опрема, со најмодерна опрема. Се надевам дека мојата посета овде ќе биде една иницијатива да се продолжи натаму со соработката помеѓу оваа болница и Детската болница во Скопје. Се надевам дека оваа посета ќе вроди со плод, изјави Иванова. Луан Евалд, главен извршен директор на Детската болница на Мичиген пПосочи дека разговарале за начините како може да разменат информации, како американските лекари можат да соработуваат со македонските, за подобро здравје на децата. Иванова е носител на повеќе иницијативи за подобрување на здравјето и унапредување на здравствената заштита на децата. Нејзините напори и активности се првенствено насочени кон борбата против аутизмот и подигнувањето на јавната свест за постоењето на оваа болест. Меѓу бројните реализирани активности, под нејзино покровителство, во 2016 година во Скопје беше отворен Центарот за сензорна терапија за лица со аутистичен спектар на нарушувања, а во 2013 година беше отворен првиот Детски ургентен центар во Република Македонија. За време на работната посета на претседателот Иванов на САД, предвидено е Иванова во Њујорк да присуствува на настанот со првите дами учеснички на 73. Генерално Собрание на ОН во организација на Првата дама на САД, Меланија Трамп, како и на настан на високо ниво кој го приредува првата дама на Република Турција, Емине Ердоган, додаваат од Кабинетот на Иванов.

Иванов одржа предавање на Државниот универзитет Вејн во Детроит

Ивана Ефремовски — Sat, 22 Sep 2018 09:56:22 +0000

Претседателот на Република Македонија Ѓорге Иванов, на почетокот на работната посета на САД, одржа предавање на престижниот Државен универзитет Вејн во Детроит. Македонскиот претседател, кој беше најавен како поддржувач на принципите на пазарната економија и политичкиот плурализам, говореше на тема „Раѓањето на нов свет: Предизвици и можности за генерациите Y, Z и Алфа“, соопшти прес-службата на Кабинетот на Иванов. Зборувајќи за предизвиците и можностите на новите генерации низ призмата на познатите филозофи, Иванов ги објаснуваше промените во светот, предизвикани од брзиот напредок на технологијата, миграцијата, демогафијата, климатските промени. - Настапува период на пост-демократија. Тоа не е недемократија, туку демократијата ќе влезе во поинаква фаза кога ќе се види дека на неа не делуваат толку тие што ги избираат политичарите, туку спин докторите. Спин доктори се креатори на политиките, програмите и активностите на политичарите, рече претседателот Иванов. Говорејќи за големата криза од 2008 година и за причините поради која се случија промени, и во реалноста и во размислувањата, тој посочи дека се загубила етиката и ги охрабри младите да го искористат својот потенцијал, во ова време на хиперповрзаност во дигитално трансформиран свет. Според македонскиот претседател таквиот нов свет на sharing philosophy, block-chain технологии и старт ап бизниси, го создаваат младите дигитални генерации, преку социјалните мрежи. - Знаењето нема смисла ако не се користи, тоа треба да има апликативна функција, да го примените тоа знаење, да ви користи во животот. Се претпоставува дека едно од тие најтајни учења е дека се што е човекова креација, се што е создадено од човек, без разлика дали е политика, спорт, војна, медицина, култура, сè подлежи на исти четири правила. Ако ги почитувате, секој пат ќе најдете решение за сè. Тие четири златни правила се состојат од четири мудрости: бидете трпелив, учете од другиот, искористете го моментот и четврто, ако сакате да успеете бидете подготвени за жртва“, изјави Иванов. Пред студентите, македонскиот претседател истакна дека е восхитен од нивната самодоверба, храброст и подготвеност, да бидат социјално активни за бројни прашања, но истовремено им порача да го канализираат уникатниот потенцијал на нивната генерација за достигнување на трајни вредности. Државниот универзитет Вејн, основан во 1868 година, е меѓу топ 50-те американски државни универзитети за истражувачка дејност. Во рамките на овој универзитет е Мајк Илич Бизнис Школата, која го носи името во чест американскиот бизнисмен со македонско потекло Мајк Илич. За време на престојот во Детроит, на претседателот Иванов ќе му биде врачена наградата Глобален државник, највисоко признание што го доделува Обединетата македонска дијаспора. Посетата на македонскиот претседател на САД е по повод учеството на 73. Генерално Собрание на Обединетите нации во Њујорк, каде е предвидено да се обрати на 27 септември.

Веќе не се дружи со микрофонот: Ламбе Алабаковски денес живее во Детроит, но никогаш нема да ви падне на памет со што се занимава (ФОТО)

Дарко Андоновски — Wed, 05 Sep 2018 17:23:57 +0000

Некогашната музичка ѕвезда Ламбе Алабаковски кој во минатото важеше за вистински заводник кај понежниот пол веќе неколку години не живее во Македонија, но не се занимава и со музика.

#blessedtohaveyou #thank #you #God for All the #blessings? #loveher❤️

A post shared by ???Ламбе Алабаковски ???® (@lambealabakovski) on Aug 19, 2018 at 7:20am PDT

Ламбе Алабаковски, македонскиот пејач денес живее во Америка, а наместо да се дружи со микрофонот, се занимава со друга професија и е обезбедување на Аеродром. Тој е оженет со Магдалена со која го имаат синот Михаил и живеат во Детроит, САД.

A post shared by ???Ламбе Алабаковски ???® (@lambealabakovski) on Sep 1, 2018 at 4:58pm PDT

Ламбе ја побарал за жена Магдалена на традиционален начин, на празникот Голема Богородица, пред манастирот „Свети Јован Бигорски”.

#❤️ Михаил

A post shared by ???Ламбе Алабаковски ???® (@lambealabakovski) on Jan 9, 2018 at 3:32pm PST

Сакаше да скокне од мостот, но полицијата мудро се досети (ФОТО)

Дарко Андоновски — Sat, 28 Apr 2018 17:13:06 +0000

Дури 13 шлепера во вторникот рано наутро го блокираа автопатот 696 во околината на Детроит се со цел како би го спасиле животот на еден маж кој сакал да се фрли од надвозникот. Веднаш по информирањето на полицијата таа го затворила надвозникот и сопрела повеќе камиони се со цел да ги подредат под надвозникот. Фотографијата која ја објави полицијата на Твитер предизвика големо внимание.

This photo does show the work troopers and local officers do to serve the public. But also in that photo is a man struggling with the decision to take his own life. Please remember help is available through the National Suicide Prevention Lifeline at 1-800-273-8255. pic.twitter.com/RBAlCIXT1o
— MSP Metro Detroit (@mspmetrodet) April 24, 2018

-Не е необично во вакви ситуации да бараме помош од возачите на камиони, додека во некои ситуации ни било доволен само еден шлепер, сега ни беа потребни повеќе шлепери и три часа убедување на мажот да се предомисли од намерата да се фрли од мостот. Од полицијата велат дека повикот го добиле во еден часот наутро, а во такви ситуации тие ги затвораат сите улици и го пренасочуваат сообраќајот, а камионите им овозможуваат на луѓето кои сакаат да скокнат тоа да го направат „безболно“ од висина не повеќе од четири метра.