детска евровизија – Kurir.mk

„Кажи ми, кажи ми кој“: Ова е песната со која ќе се претставува Македонија на детската Евровизија (Видео)

Катерина Бојаџиева — Tue, 17 Oct 2023 10:01:17 +0000

Се ближи датумот кога ќе се одржи годинешното издание на детскиот Евросонг каде Македонија ќе ја претставува Тамара Грујеска која ќе настапи со песната „Кажи ми, кажи ми кој“ (Tell me who), Видеото сега се најде на официјалната страница на Junior Eurosong, а истото го потпишуваат Огнен Шапковски и Кристијан Теодоров. Текстот на песната која е отпеана на македонски и англиски јазик е дело на Роберт Билбилов и Коста Петров, а за продукцијата и музиката се погрижија Билбилов и Дарко Димитров. Детската Евровизија ќе се одржи на 26 ноември во Ница, Франција, а младата Тамара од Гостивар беше избрана за наш претставник на аудиција која се одржа во месец мај. Инаку, Тамара е родена на 2 декември 2010 година во Гостивар. Своите почетоци во светот на музиката ги прави на само пет години и оттогаш постојано е активна на детските фестивали во земјава и во странство. Таа е уникатна и бестрашна. Препознатлива е по моќните изведби и својот вокал, кој освојува и никого не го остава рамнодушен. Доказ за тоа се и големиот број на награди кој ги освојува, не само во Македонија туку и на интернационални натпревари. Погледнете ја нашата „Кажи ми, кажи ми кој“:

Тамара Грујеска ќе ја претставува Македонија на Јуниорскиот Евросонг 2023

Ивона Петрова — Tue, 16 May 2023 12:23:12 +0000

Македонската радио-телевизија по одржаната аудиција ја избра Тамара Грујеска за претставник на Република Северна Македонија на годинашниот Јуниорски Евросонг. Солистката Тамара Грујеска, поддржана од авторски тим од реномирани уметници ќе ја претставува земјава на Јуниорскиот Евросонг 2023 година, кој ќе се одржи на 26 ноември во Ница, Франција. Тамара е родена на 02.12.2010 во Гостивар. Своите први почетоци во светот на музиката ги прави на само пет години и оттогаш постојано е активна на детските фестивали во земјава и странство. Таа е уникатна и бестрашна. Препознатлива е по моќните изведби и неверојатен вокал кој освојува и никого не остава рамнодушен. Доказ за тоа се и големиот број на награди кој ги освојува, не само во Македонија туку и на интернационални натпревари. Првиот нејзин настап на интернационален натпревар е во 2021 година на „Езерски Бисери“ во Струга, каде што го освојува Првото место Лауреат I степен. Истата година учествува и на Интернационалниот Фестивал „Ѕвездички“ во Прилеп каде што освојува највисока Гран при награда со нејзината песна „Музиката во мене има дом“. Истата година учествува и на интернационалниот Фестивал „Шкољкице“ во Нови Сад, Србија каде што повторно освојува Гран при награда. Во 2022 година Тамара учествува и на најпрестижниот фестивал и натпревар во Владимир „Golden Stars Rain“ каде што во конкуренција од 150 натпреварувачи од повеќе земји ја освојува Гран при награда. Гран при награда освои и на меѓународниот фестивал Angel Voice во Белград Србија. Тамара е ученичка во основното училиште „Гоце Делчев“-Гостивар во VII одделение и во Основното музичко училиште „Тодор Скаловски“-Тетово отсек „соло пеење“. Љубовта и посветеноста на музиката ја надградува и со онлајн часови и курсеви кај светски познатата вокална учителка Cheryl Porter од САД.

Македонија на 14-то место на Детската Евровизија

Ивана Ефремовски — Sun, 11 Dec 2022 17:40:00 +0000

Со песната „Oh Maman!“ во изведба на Лисандро, победник на овогодинешното јубилејно 20-то издание на Детскиот избор за песна на Евровизија е Франција. Македонија со песната „Животот е пред мене“ во изведба на Лара Трпческа со Јован и Ирина се пласираше на 14-тото место со 54 бодови.

Лара, Ирина и Јован ја имаа првата проба на импресивната евровизиска сцена

Тале Кристо — Wed, 07 Dec 2022 11:39:41 +0000

Задоволни и возбудени со нетрпение го очекуваат стартот на спектакуларното шоу кое ќе се одржи на 11-ти декември во Ереван, а гледачите на Македонската телевизија ќе го можат да го следат настанот во живо со почеток од 16:00 часот. Полни со енергија, насмеани и весели Лара, Ирина и Јован заедно со танчарките Александра и Мила, ја имаа првата проба на импресивната евровизиска сцена. Задоволни и возбудени со нетрпение го очекуваат стартот на спектакуларното шоу кое ќе се одржи на 11-ти декември во Ереван, а гледачите на Македонската телевизија ќе го можат да го следат настанот во живо со почеток од 16:00 часот. На годинашното 20-то јубилејно издание ќе настапат вкупно 16 земји-учеснички. Лара, Јован и Ирина настапуваат 10-ти по ред.

ВИДЕО: Слушнете ја песната за Детската Евровизија – „Животот е пред мене“ пеат Лара, Јован и Ирина

Ивона Петрова — Fri, 04 Nov 2022 06:35:27 +0000

Објавена е песната и видеозаписот за истата која годинава ќе нè претставува на 20-то издание на Јуниорскиот Евросонг. Лара, Јован и Ирина ќе не претстават со песната „Животот е пред мене“ чиј автор е Симон Трпчески, продуцент Дарко Димитров, а текстот е на Јован Трпчески и Лара Трпческа. На евровизиската сцена ќе застанат на 11-ти декември во Ереван, по победата која Малена ѝ ја донесе на Ерменија. Ерменскиот национален сервис како домаќин и ЕБУ ветуваат одлична програма. Директен пренос ќе има и на програмите на Македонската радио-телевизија.

Македонија на 9-то место, Ерменија победи на Јуниор Евросонг (ВИДЕО)

Катерина Бојаџиева — Sun, 19 Dec 2021 18:15:39 +0000

Кристина, Анастасија, Миха и Филип од „Дајте музика“ кои имаа одличен настап на овогодишната детска Евровизија во Париз со песната „Green Forces“, завршија на 9-то место со 114 поени. Песната на Малена „Qami Qami“ со вкупно 224 поени, заврши на првото место. Погледнете го и одличниот настап на нашите претставници. Македонија секако е горда на нив!

БРАВО ДЕЧКИ: Одличен настап на нашите претставници, Македонија е горда на вас! (ВИДЕО)

Катерина Бојаџиева — Sun, 19 Dec 2021 17:08:22 +0000

Кристина, Анастасија, Миха и Филип од „Дајте музика“ имаа одличен настап на овогодишната детска Евровизија во Париз со песната „Green Forces“. Браво дечки, Македонија е горда на вас! Погледнете го нивниот настап.

ГЛАСАЈТЕ ЗА МАКЕДОНИЈА И СТИСКАЈТЕ ПАЛЦИ ЗА ПОБЕДА НА ДЕЦАТА ОД „ДАЈТЕ МУЗИКА“!

Катерина Бојаџиева — Sun, 19 Dec 2021 09:51:48 +0000

Гласајте за Македонија и стискајте палци вечерва за децата од „Дајте музика“ кои ќе настапат претпоследни на Јуниор Евросонг. Како што е веќе познато, децата од мегапопуларната детска серија „Дајте Музика“ се избрани од МРТ да ја претставуваат Македонија. Песната се вика „Green forces“, а ќе ја изведуват Кристина, Анастасија, Миха и Филип од „Дајте музика“. „Гласајте за Македонија“, вели македонскиот тим. На официјалната страница на Јуниор Евросонг може да се гласа за три земји, вклучувајќи ја и сопствената. Интернет гласањето ќе трае до 19 денес до 15:59 часот, односно до пред почетокот на музичкото шоу. Овие гласови потоа ќе се спојат со гласовите од публиката што ќе гласа преку СМС. Тие се половина од вкупните поени што ќе одлучуваат за победникот. Останатите педесет проценти од гласовите ќе ги даде жирито. За потсетување, оваа година 19. издание на Јуниорскиот Избор за Песна на Евровизија ќе се одржи на 19-ти декември во спектакуларната концертна сала „La Seine Musicale“, во градот на светлината, Париз, по победата која Валентина и ја донесе на Франција, а францускиот Национален сервис како домаќин и ЕБУ ветуваат одлична програма. Директен пренос ќе има на програмите на Македонската радио телевизија.

НАД МИЛИОН ПРЕГЛЕДИ: Стискајте палци за Македонија да победи на Детска Евровизија! (ВИДЕО)

Катерина Бојаџиева — Sun, 05 Dec 2021 09:57:35 +0000

Како што е веќе познато, децата од мегапопуларната детска серија „Дајте Музика“ се избрани од МРТ да ја претставуваат Македонија на годинешната Детска Евровизија. Хит песната се вика „Green forces“, а ќе ја изведуват Кристина, Анастасија, Миха и Филип од „Дајте музика“. Спотот веќе има над милион прегледи и ниту еден „дислајк“, а некои веќе не вбројуваат во фаворити и победници на Детската Евровизија. За потсетување, оваа година 19. издание на Јуниорскиот Избор за Песна на Евровизија ќе се одржи на 19-ти декември во спектакуларната концертна сала „La Seine Musicale“, во градот на светлината, Париз, по победата која Валентина и ја донесе на Франција, а францускиот Национален сервис како домаќин и ЕБУ ветуваат одлична програма. Директен пренос ќе има на програмите на Македонската радио телевизија.

МАКЕДОНИЈА МЕЃУ ФАВОРИТИТЕ: Слушнете каква порака испраќаат децата од „Дајте музика“ (ВИДЕО)

Ивона Петрова — Sat, 13 Nov 2021 11:26:33 +0000

„Ова е единственото место кое го нарекуваме дом и мора да сфатиме дека постапуаме погрешно“ – можеби звучи како заклучок од неодамнешната конференција за климатски промени COP26, но всушност ова се стиховите од песната која ќе ја претставува Македонија на Детскиот избор за песна на Евровизија 2021 во Париз. Четворица тинејџери од актерската екипа на проектот „Дајте музика“ која е составена од речиси 40 талентирани деца, беа избрани од страна на Македонската радио телевизија да ја претставуваат нашата земја во Париз. Два водечки и два пратечки вокали ќе го кренат гласот за заштита на животната средина и со здружени сили под зеленото знаме, ќе пеат за злото кое ѝ е нанесено на планетата Земја со глобалното затоплување. -Идејата за учество на Детската Евровизија 2021 дојде некаде во месец мај, кога се подготвувавме за снимање на третата сезона од едукативно-забавниот серијал „Дајте музика“. Добивме многу добра песна потпишана од Роберт Билбилов, кој е можеби еден од најталентираните музички продуценти кај нас и кога ја слушнавме, помисливме дека би било штета доколку истата остане само за серијалот. Што се однесува до темата, таа беше избрана од страна на децата. Потоа следеше соработката со еден од врвните македонски бизнис лидери со вродена љубов кон музиката, Робин Зимбаков, а сето тоа на крај резултираше со извонреден пакет кој достојно може да се носи со останатите 18 европски земји кои ќе настапат на годинешниов детски Евросонг! – рече Цаци Паковска, продуцент на „Дајте музика“. Заштитата на животната средина е тема која е често споменувана во серијалот. Во 2019 година, песната „Има ли воздух“ изведена од Филип Поповски се искачи на врвот на топ листите на популарното македонско радио „Бубамара“. Актерската екипа имаше спектакуларен настап, борејќи се за водух, при доделувањето на освоената најпрестижната национална награда „Златна бубамара на популарноста за најпознато шоу во 2019 година“. „Ние не можеме да ги решиме проблемите со загадувањето, но секој од нас МОЖЕ да направи огромна разлика! Потребни сме ѝ на нашата планета!“ – велат изведувачите Анастасија, Филип, Кики и Миха во нивниот блог за песната. Свесни дека не можат да ја поправат штетата што ѝ е нанесена на природата, целта на GREEN FORCES е да поттикнат што е можно повеќе деца, да го согледаат наследството и да почнат да се однесуваат одговoрно кон единственото место кое 7.9 милијарди луѓе нарекуваат дом. „Дајте музика“ е партнерски проект на Македонската радио телевизија и Рифенштал продукција. Од октомври 2019 година, шоуто има повеќе од 32 милиони прегледи на својот You Tube канал. Видео записот GREEN FORCES го изработи продукцијата Вертиго Вижуалс и истото премиерно беше претставено синоќа на првиот канал на македонскиот национален сервис и официјалниот You Tube канал на јуниорскиот Евросонг.