Детска клиника – Kurir.mk

Почина бебето кое на Детска клиника беше примено со туберкулоза

Катерина Бојаџиева — Sun, 05 Mar 2023 10:22:38 +0000

Почина бебето кое беше примено во тешка состојба на Детската клиника во Скопје. Се работи за деветмесечно бебе кај кое на почетокот постоеше сомневање дека белодробната слабост му е предизвикана од инфективната болест туберкулоза, но подоцна и се утврдило дека има туберкулоза. Дететото на Детската клиника во Скопје беше донесено на 24 февруари во тешка состојба и беше итно префрлено од болницата Козле“. Како итен случај беше сместено во одделот за интензивна нега на детската клиника и беше ставено на машина.

Бебето со туберкулоза е во многу тешка состојба

Ивона Петрова — Mon, 27 Feb 2023 11:02:00 +0000

Деветмесечно бебе сомнително на туберкулоза хоспитализирано на Интензивна на Клиниката за детски болести е во многу тешка состојба, и поставено на механичко дишење, и засега состојбата му е стабилна, изјави за Телма, директорката проф.д-р Стојка Фуштиќ. Доктор Фуштиќ вели дека деветмесечното бебе е донесено на детска клиника во многу тешка состојба во петокот вечерта од болницата во Козле. Директорката уверува дека нема потреба од паника за зараза, затоа што бебето е згрижено според сите протоколи. Бебето и денеска е во многу тешка состојба затоа што има само три килограми, и иако докторите прават се што можат, можно е ваков случај да заврши фатално. Бебето се заразило од неговата мајка, која боледувала од туберкулоза. Доктор Фуштиќ вели дека детето не било заведено во здравствениот систем, и нема податоци каде се лечело.

Се борат за неговиот живот: Бебе со туберкулоза хоспитализирано на клиника, има 9 месеци и 3 килограми!

Ивана Ефремовски — Sat, 25 Feb 2023 20:47:14 +0000

Деветмесечно бебе сомнително на туберкулоза хоспитализирано на Интензивна на Клиниката за детски болести. Веднаш е поставено на механичка вентилација откако синоќа во тешка состојба било донесено со возило на Брза Помош од болницата во Козле. Дали сомнежот за заразната болест која претходно ја имала мајката ги става во опасност новороденчињата и малите пациенти на одделот, директорката на установата тврди дека не постои никаква закана. Професор Нацева Фуштиќ во изјава за Сител вели дека постапуваат по пропишани протоколи, но бебето е во многу тешка состојба и има само три килограми. -Детето е во тешка малмутриција со респираторна инсуфициенција. Детето е во посебна изолација. Го води посебна сестра која е само со него и со посебна заштита, меѓутоа немаме никаков доказ освен анамнезата на мајката. Дали ќе преживее е знак на прашање бидејќи е само три килограми на девет месеци, вели проф. д-р Стојка Нацева Фуштиќ, директор на Клиника за детски болести. На детска дополнително ќе прават анализи за евентуално докажување на заразата, но како што вели проф. Фуштиќ, бебињата не можат да ја пренесуваат. Но она што загрижува кај овој случај е што деветмесечното бебе прво од Куманово било испратено на детска хирургија за третман на хернија, оттаму поради сомнеж за туберкулоза го препратиле во Козле откаде пак поради тешката состојба завршил она детска Клиника. Зошто е неухрането и толку слабо и дали истото било предмет на социјални служби? Во болницата во Козле има социјален работник киој разговара и со овие пациенти, но за овој случај немале време поради итноста, пишува Сител. -Ние ќе ги известиме социјалните служби, но зошто е на тој начин пропуштено и не било под медицински надзор јас не можам да кажам, вели Фуштиќ. Ноќеска бебето било интубирано и завршило на респиратор на одделот за итнензивна нега. Порано вакви случаи но и тешки ковид пациенти ги изолираа во Ургентниот Центар кој сега е пренаменет во специјалистички амбуланти.

Софијанова ги исплатила сите средства на клиниката пред да си даде оставка

Ивана Ефремовски — Thu, 17 Nov 2022 13:51:44 +0000

Пред да даде отказ, поранешната директорка на Детската клиника д-р Аспазија Софијанова и ги вратила на Клиниката сите исплатени средства, информираше министерот за здравство Беким Сали во одговор на новинарско прашање на денешното одбележување на Светскиот ден на предвремено родени бебиња. Директорката на Детската клиника заедно со директорот на Клиниката за Онкологија, д-р Нино Васев минатиот месец поднесоа оставки, откако во јавноста излегоа информации дека си исплаќале високи додатоци за дежурства и прекувремена работа.

Аспазија Софијанова: Шестмесечно доенче беше примено како позитивно, најмлад пациент досега

Дарко Андоновски — Sat, 05 Feb 2022 16:48:57 +0000

Директорката на Клиниката, проф. д-р Аспазија Софијанова, во вестите на ТВ24 откри дека пред 10 дена шестмесечно доенче било најмладиот пациент досега регистриран како ковид-позитивен. Доенчето било доведено во исклучително тешка состојба, а ковидот бил откриен при испочитување на протоколите и направениот ПЦР-тест. „По сите протоколи заврши на механичка вентилација. Имае потреба од хируршка интервенција, но веќе е дома. Бидејќи ние се испитуваме, го утврдивме тоа. Го склопивме тимот, детето сега е негативно и е дома. Дури и на механичка вентилација, успеавме да го спасиме“, рече Софијанова. бебето имало откажување на дишните патишта, а директорката вели дека најверопјатно се работи за делта-сојот.

Заѕвони ѕвончето на Детската клиника – Четиригодишно девојче ја победи леукемијата

Тале Кристо — Mon, 31 Jan 2022 14:03:59 +0000

На Клиниката за детски болести во Скопје успешно е излекувано девојче кое девет месеци се лекувало од акутна леукемија. -Ни беше драго што лекувањето за девојчето заврши без никакви последици и што таа можеше да го чукне ѕвончето. Тоа значи дека среќата кај децата мораме да ја поддржуваме и почитуваме, а оттука почнува и среќата на возрасните, рече денеска директорката на Клиника д-р Софијанова. На Клиниката за детски болести наскоро се планира да се отвори и нов оддел за онкологија, најави министерот за здравство Беким Сали кој беше во оваа клиника. -Онколошкиот центар на клиниката за педијатрија е еден од поуспешните во регионот, рече Сали. Наредните месеци новиот регионален онколошки центар ќе биде ставен во употреба со капацитет од 25 до 30 деца. Моментално на клиниката има околу 20 деца со леукемија.

На Детската клиника заѕвоне ѕвончето – малата Ана победи во две големи битки! (ВИДЕО)

Магдалена Андонова — Sat, 08 May 2021 11:31:22 +0000

На Детската клиника вчера малата Ана победи во две големи битки - го победи коронавирусот и малигната болест. Нема поголема радост кога мајка си го гушка оздравеното дете ❤ особено ако станува збор за една опасница Ана, која како од шега отепа една Корона и една досадна малигна болест. Денеска сите на Универзитетска Клиника за детски болести потпевнуваа "Браво Ана - браво Ана " ! Епа, навистина браво Ана, стои во Фејсбук објавата на Детска Клиника.

На Клиниката за Детски болести нема да се хоспитализираат возрасни пациенти со коронавирус

Ивана Ефремовски — Sun, 04 Apr 2021 17:34:30 +0000

Mинистерството за здравство ја информира јавноста дека возрасни ковид пациенти нема да се хоспитализираат на Клиниката за детски болести во Скопје. -Единствени возрасни пациенти на Детска клиника се мајките на хоспитализираните деца со ковид, кои исто така се позитивни. Министерството за здравство апелира да не се создава непотребна паника, Клиниките каде со преадаптација се направени кови оддели физички се оделени и не постои никаков контак меѓу ковид пациенти и пациенти кои не се заразени со ковид, а се хосиптализирани на Клиниките поради други заболувања. Целокупниот систем е организиран и добро се менаџира, хоспиталните оддели, одделите каде се врши дијагностика, лабораториски анализи се поделени на црвени и зелени зони за ковид пациенти и останати пацинети, велат од МЗ.

Пожарникарите го донесоа Дедо Мраз на Детската клиника – на среќата на децата и нема крај! (ФОТО)

Магдалена Андонова — Sun, 27 Dec 2020 15:16:45 +0000

Дедо Мраз со помош на пожарникарите од Бригадата за противпожарна заштита на Град Скопје денеска дојде да ги израдуваа децата хоспитализирани на Универзитетската клиника за детски болести. Точно во 9 часот, возачот на противпожарното возило ги вклучи сирените во чест на децата во болница и го најави доаѓањето на Дедо Мраз. Дечињата, подароците ги пречекаа на терасите на Клиниката, заедно со нивните родители, директорката на Клиниката Аспазија Софијанова и целиот медицински персонал.

Дете со сложена клиничка слика од Клиниката за детски болести транспортирано на лекување во Италија

Магдалена Андонова — Sat, 05 Dec 2020 15:18:46 +0000

Специјален медицински тим од Институтот “Џанина Џаслини” од Џенова – Италија, денеска од Универзитетската клиника за детски болести изврши транспорт на дете со сложена клиничка слика во болницата во Италија. Директорката на Клиниката Аспазија Софијанова, целиот медицински тим од одделението за интензивна нега и лекување и онколошкото одделение го подготвија малиот јунак за нов животен предизвик.