детска порнографија – Kurir.mk

Во Франција уапсени 48 лица за користење на детска порнографија, меѓу нив и неколкумина локални функционери

Ивана Ефремовски — Wed, 16 Nov 2022 18:41:50 +0000

Четириесет и осум лица, осомничени дека масовно преземале и гледале слики и видеа со детска порнографија, вчера и денеска се уапсени во Франција. Меѓу нив има локални избрани функционери и луѓе кои работат во контакт со млади малолетни лица, јави дописникот на МИА. Овие лица се уапсени низ целата територија на Франција, за време на операција координирана од ОЦРВП (Централна канцеларија за сузбивање на насилството врз лица), дознава Франсинфо од полициски извори. Во моментов уапсените се во полициски притвор. Цел била лица осомничени за масовно користење детска порнографија, понекогаш со „особено насилна“ содржина, наведува полицискиот извор. Сите уапсени се мажи, главно на возраст од околу четириесет години. Најмладиот има 26 години, најстариот 79 години. Засегнати се сите социјални категории: избрани функционери, работници, раководители, но и пензионери. Покрај сомнежите за користење детска порнографија, целта на истражителите за време на полицискиот притвор е да откријат дали некои од овие мажи биле способни да преземат акција и на тој начин би можеле да бидат цел на кривично гонење за детски криминал. (МИА)

Во Грција откриени уште четири случаи на детска порнографија

Тале Кристо — Thu, 10 Nov 2022 18:02:17 +0000

Одделот за борба со електронски криминал на грчката полиција, открила четири нови случаи на детска порнографија со материјал од над 1.800 фајлови и веќе се уапсени две лица, а против други две лица е поднесена кривична пријава, јави дописничката на МИА од Атина. Од грчката полиција соопштија дека во рамките на активностите за спречување и сузбивање на појави на детска порнографија и по повеќемесечно детално онлајн истражување и анализа на дигитални податоци, биле идентификувани интернет корисници на грчка територија, кои поседувале вкупно 1.874 фајлови со детска порнографија. Веднаш било известено надлежното обвинителство, а во понатамошната истрага биле откриени податоците на конкретните интернет корисници, по што бил извршен и претрес во нивните домови, во периодот од 24 октомври до 7 ноември 2022 година и биле пронајдени и одземени компјутер, хард дискови и усб. При направениот увид биле откриени видеа и фотографии со детска порнографија и уапсени двајца од четворицата интернет корисници.

Притворен познат грчки автор на детски книги поради поседување материјал со детска порнографија

Катерина Бојаџиева — Wed, 02 Nov 2022 17:14:39 +0000

Познат и наградуван грчки автор на детски книги е притворен поради поседување материјал со детска порнографија, објавија грчките медиуми, јави дописничката на МИА од Атина. Грчката новинска агенција АНА-МПА, повикувајќи се на извори од полицијата пишува дека 55-годишниот писател од интернет симнувал детски порнографски материјал, а рекол дека материјалот го симнал бидејќи сакал да напише книга во врска со детската порнографија и педофилите. Весникот „Катимерини“ објави дека писателот кој до неодамна бил раководител на детскиот оддел во голема грчка издавачка куќа, во притвор во затворот во Триполи е од 18 октомври 2022 година, а на неговиот хард диск имал над 90 видеа со детска порнографија, дел од нив со деца под 12 години.

Припадник на армијата на САД осуден за превезување снимки со детска порнографија

Тале Кристо — Sat, 07 May 2022 08:03:13 +0000

Поранешен службеник во воено-воздухопловните сили на САД синоќа беше осуден од суд во Мериленд на 11 години затвор поради транспорт на снимки со детска порнографија, соопшти синоќа федерален обвинител. Судија од сојузниот областен суд го осудил Џејсон Даниел Орт (36) од Валдорф, Мериленд, на 11 години затвор, а по истекот на казната и 15 години надгледувана слобода, поради обид да превезе снимки со детска порнографија од Мериленд во Њујорк. Судијата рече дека по одлежувањето на казнениот рок, во местата каде ќе престојува, работи или учи Орт мора да се регистрира како прекршител на полова основа согласно Закон за регистрација и известување за полови напади. За време на престој во дом во Њујорк, а по поплака од сопствениците, Орт бил откриен како поставува камери во спална соба на домот. Спроред истрагата, тој потоа признал дека поставувал камери и во други домови на други места.

УЖАС: Гледал и поседувал детска порнографија, видеа од полови дејства со деца споделувал во „Јавна соба“

Ивана Ефремовски — Tue, 29 Mar 2022 13:01:59 +0000

По спроведена истражна постапка, Основното јавно обвинителство Велес до Основниот суд во Велес поднесе Обвинителен акт против едно лице на возраст од 22 години за кривично дело – Производство и дистрибуција на детска порнографија од член 193-а став 3 во врска со став 2 од Кривичниот законик. На обвинетиот му се става на товар дека во месец јануари 2021 година, преку сопствениот мобилен телефон, набавил и поседувал видео снимки со детска порнографија. Користејќи ја мобилната апликација Телеграм инсталирана на мобилниот телефон, со сопствен кориснички профил, се приклучил во групата Јавна соба со намера да прегледува фотографии и снимки со експлицитна содржина. На телефонот презел повеќе фотографии и видео снимки со експлицитна содржина, меѓу кои и видео снимка со очигледни полови дејствија помеѓу жена и дете на возраст под 10 години, како и видео снимка со очигледни полови дејствија помеѓу деца – момче и девојче на возраст под 18 години. Таквите видео снимки ги зачувал во својот мобилен телефон што е утврдено од извршената форензичка анализа на телефонот. Заради обезбедување на присуство во текот на кривичната постапка, надлежниот јавен обвинител достави и предлог да продолжат мекрите на претпазливост кои му беа веќе определени на обвинетиот во текот на истражната постапка.

УЖАС: Гледале и споделувале детска порнографија, шест лица уапсени во БиХ

Ивана Ефремовски — Wed, 16 Feb 2022 16:53:32 +0000

Шест лица од Босна и Херцеговина се уапсени денеска поради детска порнографија, потврди Министерството за внатрешни работи на Република Српска, каде се извршени апсењата. Во полициското соопштение се наведува дека тие се од областа Бања Лука, Приједор и Добој. Компјутери, таблети, мобилни телефони, УСБ-стикови, мемориски картички, СИМ-картички и други дигитални уреди за складирање, како и други предмети кои може да се поврзат со извршување кривични дела, се запленети при рации на шест локации. Сите се уапсени под сомнение дека посетувале веб-страници што содржеле материјали со фотографии од детска порнографија или фотографии кои визуелно или на друг начин прикажуваат дете во вистинско или симулирано очигледно сексуално однесување или прикажување полови органи на деца за сексуални цели. Користејќи ги социјалните мрежи, тие потоа споделувале таква содржина со други луѓе.

Ситуацијата е алармантна: Бројот на случаи на детска порнографија е двојно зголемен во Германија

Магдалена Андонова — Mon, 08 Nov 2021 17:01:19 +0000

Бројот на пријавени случаи на детска порнографија во првата половина од оваа година е речиси двојно зголемен во однос на истиот период минатата година, објави германската канцеларија за борба против криминалот (БКА), а денеска пренесоа германските медиуми. - Во првите шест месеци од оваа година забележавме речиси ист број пријавени случаи на детска порнографија како и во целата минатата година - изјави претседателот на БКА Холгер Минч во интервју за германскиот весник Билд, пренесе Хина. Според Мин, расте бројот на пријави и започнати постапки поврзани со случаи на прикажување материјали со детска порнографија, што им носи големи тешкотии на истражните органи. - Забележливото зголемување на овие случаи ја доведува полицијата до границите на своите можности и во техничка и во кадровска смисла - посочи Мин. Претседателот на БКА рече дека е забележано нагло зголемување на компјутерскиот криминал, што е тренд што започна минатата година. Тој укажа и на зголемувањето на случаите на измами во делот на субвенциите што ги плаќа државата за време на пандемијата на коронавирусот.

Во Србија само оваа година биле уапсени 57 лица поради користење на малолетници во п*ргнографски цели на Интернет

Магдалена Андонова — Wed, 20 Oct 2021 09:02:43 +0000

Како што изјави денеска премиерката на Србија, Ана Брнабиќ, од почетокот на оваа година се поднесени обвиненија против 165 лица за експлоатација на малолетници за порнографски цели на Интернет. - Од 2010 година се спроведува акцијата Армагедон, чија цел е сузбивање на употребата на малолетници за порнографски цели на Интернет. Од почетокот на оваа година, поднесени се 101 обвиненија против 165 лица, за сторени 188 кривични дела, а 57 лица се лишени од слобода. Во 2017 година беше формиран Националниот контакт центар за безбедност на децата на Интернет, а во 2021 година беа примени 35 извештаи за итна акција - рече Брнабиќ. - Никогаш не смееме да ја свртиме главата кога гледаме или чувствуваме злоупотреба на деца. Целото општество мора да работи заедно. Министерството за внатрешни работи одржа уште една средба со комесарот со цел побрзо усогласување на процедурите - додаде премиерката. - Кога станува збор за дигиталното насилство, целиот свет се соочува со тоа и особено сакавме да се посветиме на заштита на децата на Интернет, на социјалните мрежи, каде што тие сега се на помлада возраст. Затоа, по моја иницијатива, предметот Дигитален свет беше воведен од прво одделение во основно училиште. Преку овој предмет, децата учат како безбедно да користат дигитални уреди, зошто не треба да оставаат лични податоци, како да реагираат на несоодветна содржина - рече Брнабиќ.

МОНСТРУМ: Кумановец полово ја нападнал ќерката, се снимал со мобилен и ги делел видеата преку социјална мрежа

Ивона Петрова — Fri, 09 Jul 2021 09:20:17 +0000

Основното јавно обвинителство Куманово донесе Наредба за спроведување истражна постапка против 39-годишен кумановец, поради постоење на основано сомнение дека ги сторил кривичните дела – Полов напад врз дете кое не наполнило 14 години од член 188 став 1 во врска со член 45 став 1 и Производство и дистрибуција на детска порнографија од член 193-а став 3 во врска со став 1 во врска со став 45 став 1 од Кривичниот законик. -Осомничениот во својот дом во Куманово, во повеќе наврати во временскиот период од мај до јуни 2021 година, извршил друго полово дејствие врз дете, негова ќерка. Притоа ги снимал дејствијата со мобилен телефон, ги дистрибуирал направените видеа преку социјална мрежа и ги направил достапни на повеќе лица, информираат од Обвинителството. Во насока на непречено одвивање на кривичната постапка, а поради опасност од бегство и повторување на кривичното дело, јавниот обвинител до Судијата на претходна постапка при Основниот суд Куманово достави Предлог за определување на мерката притвор за осомниченот. Предлогот на обвинителството е прифатен и со Решение на Судот на осомниченото лице му е определен притвор во траење од 30 дена

Во Република Српска уапсени 5 лица поради детска порнографија

Магдалена Андонова — Tue, 01 Jun 2021 14:13:20 +0000

Пет лица осомничени за сторено кривично дело експлоатација на деца за порнографија се уапсени денес во акцијата на Министерството за внатрешни работи на Република Српска. П.П.М. од Бјелина, П.М. од Бања Лука, Д.Б. од Козарска Дубица, М.Б. од Градишка и Д.С. од Модриша, објавено е од Министерството за внатрешни работи на Република Српска. Полициските службеници ги уапсија споменатите лица во акција со кодно име „Систем 2021“. - Како дел од овие активности, според наредбите на надлежните судови, извршени се претреси на седум локации на територијата на Република Српска, за кои е утврдено дека ги користат лица поврзани со извршување на горенаведеното кривично дело, а тоа се компјутери, таблети , мобилни телефони, УСБ-стикови, мемориски картички, СИМ-картички, фити уреди и други уреди за складирање на дигитални податоци, како и други предмети што можат да бидат поврзани со извршување на кривично дело - се наведува во соопштението на Министерството за внатрешноста. Како што беше објаснето, кривичните дела ги извршиле осомничените во претходниот период посетувајќи ги Интернет страниците што содржат материјали со фотографии од детска порнографија, преземале фотографии и видеа од споменатите страници, по што користеле социјални мрежи и апликации за комуникација во споделени или во неколку наврати ја добија споменатата содржина. - Исто така, се сомнева дека создале простор за складирање на далечински инфраструктури за складирање на дигитални податоци што биле под нивна контрола, по што во неколку наврати ја зачувале содржината на детска порнографија на споменатите простори за складирање - се наведува во соопштението. Во тек е кривична обработка на уапсените.