детски фестивал – Kurir.mk

„Поточиња“ на 13 и 14 мај во Филхармонија, слават 20 години

Ивона Петрова — Wed, 05 Apr 2023 10:10:44 +0000

На 13-ти и 14-ти мај во Македонска Филхармонија по јубилеен 20-ти пат, ќе се одржи детскиот фестивал „Поточиња“. Најавена е голема роденденска забава, а на репертоарот се нови 16 детски песни, заедно со пригодно јубилејно чествување со добропознатите хитови изведени на Поточиња. За атмосферата и изненадувањата ќе се погрижи незаменливиот водител - маскотата Поки ( актерот Мартин Јорданоски ). Билетите по цена од 300 денари се пуштени во продажба преку продажната мрежа МК Тикетс. Претставите се закажани во 11:00, 13:00 и 19:00 часот во двата дена.

Детскиот фестивал Калинка повторно ќе се одржи во Гевгелија

Ивана Ефремовски — Wed, 01 Mar 2023 14:02:39 +0000

Изминатиот период заедно со моите соработници и вработените во Општина Гевгелија, посветено работиме на секое поле и будно ги следиме потребите на граѓаните на Општина Гевгелија.Во таа насока, денес сме овде заради еден нов почеток на детскиот музички фестивал „КАЛИНКА“,заради преродба на една традиција која за жал долги години беше згасната, вели градоначалникот на општина Гевгелија од ВМРО-ДПМНЕ, Андон Сарамандов. Сарамандов го отвори детскиот музички фестивал КАЛИНКА и рече дека како градоначалник ан општината ќе ги подржи сите активности за организација на овој настан за најмалите. Детскиот музички фестивал „КАЛИНКА“ се роди пред точно 31 година, во далечната 1992 во Гевгелија. Фестивалот Калинка низ годините ја пишуваше својата музичка историја и прерасна во Гевгелиски бренд. И јас како дете пораснав со песните од детскот фестивал КАЛИНКА, фестивалот имаше магија и ги правеше децата среќни и радосни.Во оваа прилика сакам да им се заблагодарам на ентузијастите кои ја создадоа КАЛИНКА и кои со љубов напорно работеа за овој детски музички фестивал. Денес од тука на мое и на огромно задоволство на сите граѓани на општина Гевгелија сакам да го најавам новиот почеток на детскиот музички фестивал „КАЛИНКА“ кој годинава ќе се оддржи во Народниот театар во Гевгелија, додаде тој. -Јас како градоначалник на општина Гевгелија во целост ќе ги подржам сите активности за организација на овој прекрасен настан. Гевгелија и КАЛИНКА имаат богата традиција која во минатото оставила белег како на домашен така и на меѓународен план,а наша обрска е да продолжиме да ја негуваме оваа традиција, рече Сарамандов.

Детскиот фестивал „Гроздоберче“ по 26 пат вечерва во Кавадарци

Катерина Бојаџиева — Fri, 25 Nov 2022 19:15:00 +0000

Детскиот фестивал „Гроздоберче“ по 26 пат се одржува вечерва во Кавадарци. Уметничкиот директор на фестивалот, Зоран Станоев – Дејзи рече дека фестивалските доживувања низ годините оставаат белег што трае. -Дваесет и шест години, ова веќе станува традиција. Ние возрасните, правиме максимум што можеме за нашите деца, во рамки на нашите можности. Секоја нивна насмевка, за нас значи многу. Нема ништо поубаво од тие насмевки, нагласи Станоев, упатувајќи голема благодарност до поддржувачите на фестивалот и родителите на дечињата кои настапуваат. Станоев потсети дека фестивалот има симболично име, го одразува духот на Тиквешијата, како најголем лозарски регион во државата. Тој се осврна и на пораките што ги носат песните од годинашново „Гроздоберче“.

Интернационален детски театарски фестивал „Битолино“

Ивона Петрова — Wed, 03 Aug 2022 05:44:26 +0000

Во Битола денеска почнува 11. издание на Интернационалниот детски театарски фестивал „Битолино“ кој годинава се одржува под мотото „Per astera ad astra“ или „Патот до ѕвездите е трнлив“. Фестивалот за прв пат ќе се одржи во нов формат односно претставите ќе се одиграат под отворено небо, на две сцени, на платото на Офицерски дом, дел од „Културен и информативен центар“ во Битола. Фестивалот е во организација на „Бабец театар“ а од оваа година е дел од Годишната програма за култура на Општина Битола и ќе се реализира во рамки на програмата на Битфест 2022. На првиот ден од фестивалот ќе се одржи театарска работилница за изработка на кукли од разни материјали под раководство на актерот Марјан Георгиевски. Театарската работилница за изработка на кукли ќе трае три дена и ќе претставува експресно брз процес за создавање на куклена претстава во која куклите раководени од самите деца учесници на работилницата ќе оживеат на сцената во една кратка куклена претстава која ќе се одигра пред публиката на последниот ден од Фестивалот, соопштија организаторите на „Битолино“.

„Сонот на облачето“ – Интернационален детски фестивал на театар на сенки во МКЦ

Ивона Петрова — Wed, 08 Jun 2022 06:46:22 +0000

На второт ден од Интернационалниот детски фестивал на театар на сенки „Сонот на облачето“ кој се одржува во МКЦ, за вечер со почеток во 18 часот е најавена работилница на тема „Заробени реки” под водство на Доротеј Нешовски. Како што информираат од „Shadow Puppet Theater Shadows and Clouds“, на работилницата преку мозаична игра со фолија во боја, со помош на светло и сенки, децата ќе раскажат една поинаква приказна за зачувувањето на животната средина, со фокус на водата и реките. Потоа со почеток од 19:30 часот вторпат во Скопје гостува театарот „Le Studio“ од Србија со нивната најнова претстава „Заборавените принцези”. Денот ќе биде заокружен со изведбата на ликвид перформансот „Флудо” на платото пред МКЦ во 20:15 часот од страна на Театар „Сенки и облаци”. Последната фестивалска вечер ќе започне во 18 часот со работилницата на Караѓоз мајсторот Џемал Фатих Полат од Турција, каде децата ќе имаат уникатна можност да ги применат традиционалните техники за изработка на Караѓоз кукли за сенки стари над 650 години. Фестивалската вечер ќе биде заокружена со премиерната изведба на претставата „Колку е часот“ во 19:00 часот од страна на организаторот на фестивалот Театар „Сенки и облаци”. Интересна приказна за Старо Купувам, девојчето Сара и еден старински часовник кој пак чука во некое си чудно време, два пати тик, еднаш так! Чие ли време покажува тој? За да дознае, Сара заминува на незамислива авантура, а по пат ќе си најде новo другарче. Како единствен фестивал од овој тип во поширокиот регион, “Сонот на облачето” успешно придонесува кон интернационална и локална афирмација на театарот на сенки, а воедно е и една од ретките манифестации кај нас што во континуитет прикажува претстави од странска продукција пред детската македонска публика. Организатор на фестивалот е Театар „Сенки и облаци“, кој со поддршка од Министерството за култура на С.Р.М., Градот Скопје, МКЦ, Центарот за истражување и информирање за животната средина „Еко-свест“, Амбасадата на Италија во Скопје, Српскиот културно информативен ценатр СПОНА и Институтот „Јунус Емре“ во Скопје ќе ѝ овозможат на најмладата публика да ужива во несекојдневните спектакли со сенки. Учеството на работилниците е бесплатно со задолжително претходно пријавување. Билетите се во продажба на билетарницата на МКЦ по цена од 250 денари, како и онлајн на https://bileti.mkc.mk

Детски фестивал на театар на сенки „Сонот на облачето“ во МКЦ

Ивона Петрова — Mon, 06 Jun 2022 05:49:18 +0000

Од денеска до 8 јуни во просториите на МКЦ во Скопје ќе се одржи 9-то издание на интернационалниот детски фестивал на театар на сенки „Сонот на облачето“. Во рамки на фестивалот децата ќе имаат можност да погледнат меѓународни претстави со сенки. Како што е најавено, фестивалот ќе биде отворен со промоцијата на креативниот сет „Театарче за игра со сенки”, а веднаш потоа на сцената Фросина ќе се претстави театарот од Италија Unterwasser со претставата „Лавиринт”. Уникатна мултимедијална претстава без текст и со рачно изработени 3D скулптури чии сенки се проектирани на големото платно. Публиката ги гледа актерките на сцената како ја содаваат илузијата на гледање филм во живо, користејќи го изворот на светлина како камера. „Лавиринт” е приказна за погледот на светот низ очите на една жена, а сцени од нејзиниот живот се појавуваат како лирски фрагменти – визуелни поеми кои фрлаат светло на разни нејзини чувства и спомени. Инспирирани од опусот на Марианџела Гуалтиери, Емили Дикинсон, Ети Хилесум, Вислава Шимборска и Лори Андерсон. Во продолжение на фестивалското издание, на 7 јуни најпрво ќе се одржи работилницата „Заробени реки” под водство на Доротеј Нешовски, каде преку мозаична игра со фолија во боја, со помош на светло и сенки децата ќе раскажат една поинаква приказна за зачувувањето на животната средина, со фокус на водата и реките. Веднаш потоа, по втор пат во Скопје гостува театарот Le Studio од Србија, овој пат со нивната најнова претстава „Заборавените принцези”. Денот ќе биде заокружен со изведбата на ликвид перформансот „Флудо” на плато МКЦ од страна на Театар „Сенки и облаци”. Мултимедијален перформанс за Флудо, духот на водата, кој со своите пријатели од подводниот свет ќе биде заробен од човечка рака со изградбата на една хидроцентрала. Приказна раскажана преку интересна техника со многу вода, боја и масло на платно и текст на Д. А. Лори. Последната фестивалска вечер, на 8 јуни, ќе почне со работилницата на Караѓоз мајсторот Џемал Фатих Полат од Турција, каде децата ќе имаат можност да ги применат традиционалните техники за изработка на Караѓоз кукли за сенки стари над 650 години. Фестивалската вечер ќе биде заокружена со премиерната изведба на претставата „Колку е часот“ од страна на организаторот на фестивалот Театар „Сенки и облаци”. -Како единствен фестивал од овој тип во поширокиот регион, „Сонот на облачето” успешно придонесува кон интернационална и локална афирмација на театарот на сенки, а воедно е и една од ретките манифестации кај нас што во континуитет прикажува претстави од странска продукција пред детската македонска публика, посочуваат во соопштението од фестивалот. Организатор на фестивалот е Театар „Сенки и облаци“, со поддршка од Министерството за култура, Градот Скопје, МКЦ, Центарот за истражување и информирање за животната средина „Еко-свест“, Амбасадата на Италија во Скопје, Српскиот културно информативен ценатр СПОНА и Институтот „Јунус Емре“ во Скопје. Учествот о на работилниците е бесплатно со задолжително претходно пријавување.