детски игралишта – Kurir.mk

Нови детски игралишта во Кавадарци

Тале Кристо — Mon, 09 Jan 2023 16:29:43 +0000

Нови детски игралишта доби Кавадарци, информираа денеска од кабинетот на градоначалникот Митко Јанчев. – Целосно е завршено детското игралиште на булеварот „Никола Минчев“, кај фонтаната на виното, на кое беше поставена гумена подлога, се монтираа нови и репарираа стари детски реквизити, нова урбана опрема и заштитни огради, соопштија од кабинетот на Јанчев. Оттаму додадоа дека комплетно е завршено и детското игралиште на булеварот „Вељко Влаховиќ“, на кое беа поставени нова гумена подлога, нови детски реквизити, нова урбана опрема, се репарираа постоечките, а игралиштето беше и оградено. Изведувач на работите е „Градба промет“.

Седум нови детски и спортски игралишта во Аеродром (ВИДЕО)

Катерина Бојаџиева — Tue, 05 Jul 2022 11:49:12 +0000

Општина Аеродром периодов интензивно работи на реконструкција и обновување на голем број спортски и детски игралишта на ниво на целата територија, со што аеродромци добиваат можност за спорт и рекреација во најсовремени услови, а за децата се создаваат катчиња за безбедна игра. Спортското игралиште „Никола Христовски- Кољо“ во Ново Лисиче е опремено со најсовремени елементи, како и тартан-подлога, на која може да се спортува во сите временски услови. Современ лик добива и спортското игралиште во населбата „Јане Сандански“ во непосредна близина на кулите кај поранешна „Стела“, каде што ќе се изврши целосна реконструкција на кошаркарското игралиште што беше заборавено со години, а во овој дел целосно ќе се уреди и запуштеното детско игралиште. Општината работи на реконструкција и на детските игралишта во населбите Острово, Стар Аеродром, Реонски центар, а во тек е изградба и на комплетно ново игралиште покрај булеварот „Февруарски поход“ во Ново Лисиче, со што и дечињата од овој дел на Аеродром ќе добијат свое место за игра и дружење.

Во Велес превентивно затворени јавните детски игралишта и детските забавни паркови

Дарко Андоновски — Sun, 01 Nov 2020 11:41:11 +0000

Општинскиот штаб за заштита и спасување на својата последна седница во петокот одлучи превентивно да бидат затворени и јавните детски игралишта и детски забавни паркови во Велес. Целта на оваа одлука, како што информира градоначалникот Аце Коцевски, е да се спречи групирање и пренесување на вирусот Ковид-19 кај младите и нивните најблиски – родители, баби и дедовци кои одат со нив во детските забавни паркови, а со тоа и да се заштити нивното здравје. Тој ја оцени како крајно алармантна состојбата со Ковид -19 во Велес и апелира до граѓаните да ги почитуваат превентивните меки за заштита со цел да се спречи ширењето на заразата и да се сочува здравјето на граѓаните. Бројот на активни случаи во Велес и велешко од ден на ден расте и до вчера попладне тој број изнесува 383. Вчера беа регистрирани 50 новозаболени, а завчера рекрдни 83 новозаболени со Ковид-19. За десетина дена на Инфективно одделение починаа 15 пациенти што е најмноги од почеток на епидемијата од кога досега се почината вкупно 29 пациенти од Велес и велешко.

Во Велес забрана за користење на Детските игралиштa и собирање во групи

Тале Кристо — Tue, 24 Mar 2020 16:01:17 +0000

Општина Велес ја известува јавноста дека како дел од мерките за заштита и превенција од ширење на Ковид-19 ги затвора сите детски игралишта во градот оградувајќи ги со заштитна лента спортските терени, патеката околу езеро „Младост” и другите јавни површини во градот со цел редуцирање на движењето на граѓаните. Општина Велес апелира до сите граѓани да не се собираат и да не ги користат овие рекреативни зони. Воедно согласно Одлуката од дваесет и третата седница на Владата, целосно се забранува собирање во група на повеќе од пет лица, во паркови и на други јавни места и јавни површини. За оваа цел, се интензивираат и контролите на Министерството за внатрешни работи и Армијата. Општина Велес ги повикува граѓаните на целосно почитување на препораките за заштита од коронавирус, со цел за заштита на сопственото и здравјето на останатите граѓани од ширење на Ковид-19.