детско игралиште – Kurir.mk

Во завршна фаза реконструкцијата на детско игралиште во Миладиновци во општина Илинден

Катерина Бојаџиева — Fri, 19 May 2023 14:08:27 +0000

Во тек е целосна реконструкција на детското игралиште во населеното место Миладиновци, која е во завршна фаза. Во рамки на игралиштето поставени се детски реквизити, нишалки и лизгалки, поставена е гумирана подлога, клупа, канти за отпадоци за почиста и поубава средина. Во наредните денови ќе се санира и оштетената заштитна ограда на детското игралиште. Градоначалникот на општина Илинден, Александар Георгиевски го посети детското игралиште и истакна дека со реконструкцијата на ова детско катче и децата од Миладиновци ќе добијат убаво и безбедно место за игра и забава, каде ќе можат да го поминуваат слободното време. Во наредниот период Општина Илинден ќе изврши реконструкција и на детските игралишта во останатите населени места, со цел да се добие уреден простор за рекреација и забава на најмладите во општината.

Ново детско игралиште во градскиот парк во Кавадарци

Тале Кристо — Wed, 03 May 2023 17:04:32 +0000

Во тек на изградба е детското игралиште во Градски парк Кавадарци, кое е дополнето и со мини фудбалско игралиште, информираа попладнево од Кабинетот на градоначалникот Митко Јанчев. - Игралиштето се бетонираше, по што се поставува гумена подлога која е во завршна фаза, се монтираа детски реквизити, огради и нова урбана опрема за најмладите. Изведувач е фирмата „Бетон М и М“, соопштија од кабинетот на Јанчев. Оттаму додадоа дека истовремено се продолжува со поставување и бојадисување на метални столпчиња на повеќе локации во Општина Кавадарци. Деновиве се поставуваат на улиците ,,Игман", ,,Браќа Хаџи Тефови" и ,,Цано Поп Ристов".

Се гради ново детско игралиште во Кавадарци

Тале Кристо — Thu, 02 Feb 2023 09:50:55 +0000

Се гради ново детско игралиште во Кавадарци, информираа денеска од Службата за односи со јавноста при кавадаречката локална самоуправа. - Во тек на изградба е детското игралиште во месноста Опитно Поле, веднаш до памтрак патеката. На игралиштето беше поставена гумена подлога, по што следува поставување на реквизити, нова урбана опрема, заштитни огради и озеленување, соопштија од прес службата при Општината. Оттаму исто така се осврнаа и на поплочувањето на тротоари со дрворед на улицата ,,Мито Хаџивасилев Јасмин", откако претходно беше реконструирана водоводната мрежа, атмосферската и фекалната канализација. Изведувач на работите на оваа улица е ,,Жикол".

Ново повеќенаменско детско игралиште во Аеродром

Ивона Петрова — Thu, 28 Apr 2022 12:03:47 +0000

Со зголемен интензитет течат активностите на Општина Аеродром и на реализирање на сите ветувања од предизборната кампања. По долги години чекање, жителите на населбата Ново Лисиче добиваат повеќенаменско детско игралиште, ново игралиште за кошарка и уредување со нова урбана опрема. Инвестицијата е во вкупна вредност од 1.800.000 денари и е во соработка со општествено одговорна компанија Фратели Дакордо ДОО. Локацијата на паркот е на булеварот Февруарски Поход во Ново Лисиче. -Повеќе паркови и места за рекреација беа помеѓу нашите клучни приоритети, а оттаму и заложбата за брзо поставување на ова повеќенаменско детско игралиште. Продолжуваме да ги остваруваме нашите зацртани цели и заедно да создаваме поубав, почист и посреден Аеродром, велат од Општината.