деве баир – Kurir.mk

Турчин приведен на македонска граница, ова е причината

Ивана Ефремовски — Sat, 09 Sep 2023 12:08:00 +0000

На 08.09.2023 во 10:50 часот на граничен премин „Деве Баир“ од полициски службеници е приведен A.Ј.(39) од Р.Турција, кој управувал минибус „мерцедес“ со турски национални ознаки. При извршена пасошка контрола било констатирано дека меѓународната зелена карта на возилото, која ја приложил, е фалсификувана. Лицето е предадено на полициски службеници од ОВР Крива Паланка за понатамошна постапка.

Турчин приведен на „Деве Баир“, приложил фалсификуван зелен картон

Ивана Ефремовски — Tue, 02 May 2023 10:41:36 +0000

На 02.05.2023 во 00:30 часот на Граничниот премин „Деве Баир“, поради постоење основи на сомнение за сторено кривично дело „фалсификување на исправа“, од слобода бил лишен Х.К.(51) од Република Турција. При пасошка проверка и контрола, на увид приложил фалсификуван зелен картон за возилото кое го управувал. Тој бил предаден на полициски службеници од Полициската станица Крива Паланка за понатамошна постапка.

Битолчанец користел фалсификувани возачки дозволи – македонска и бугарска

Ивана Ефремовски — Fri, 24 Feb 2023 19:06:47 +0000

Регионалниот центар за гранични работи Исток поднесе кривична пријава против С.Л.(41) од Битола, поради постоење основи на сомнение за сторено кривично дело „фалсификување исправа“. На 22.02.2023 на граничен премин „Деве Баир“, пријавениот на увид приложил фалсификувани македонска и бугарска возачка дозвола.

(ВИДЕО) Бугарски пратеник објави снимка од приведувањето на бугарските државјани на „Деве Баир“ кои се обиделе да ги нападнат полицајците

Ристе Здравков — Sat, 04 Feb 2023 13:50:50 +0000

На снимката може да се види како неколку бугарски државјани се приближуваат кон полицајците, иако предупредени да не го прават тоа, и им се обраќаат на висок тон. Бугарскиот пратеник Ангел Георгиев од партијата Преродба, на Фејсбук во живо го пренесуваше инцидентот во кој бугарски државјани при влез во Македонија на граничниот премин „Деве Баир“ се обидоа да ги нападнат македонските полицајци, по што беа приведени. На снимката може да се види како неколку бугарски државјани се приближуваат кон полицајците, иако предупредени да не го прават тоа, и им се обраќаат на висок тон. Тие негодуваат за нивни сограѓанин кој бил спроведен во просториите на полицијата на граничниот премин. Потоа бугарските граѓани и се втурнуваат кон полицајците по што тие се обидуваат да ги оддалечат од зградата на граничниот премин и доаѓа до буткање. МВР денеска информираше дека тројца бугарски државјани биле приведени на граничниот премин „Деве Баир“ бидејќи се обиделе физички да нападнат полициски службеници. „Околу 12.45 часот на Граничниот премин Деве Баир дошло до нарушување на јавниот ред и мир од страна на Г.З (35), А.Х (50) и Р.Х (54) бугарски државјани кои најпрво вербално, дрско и недолично со најпогрдни зборови се однесувале. Потоа се обиделе и физички да ги нападнат полициски службеници кои преземале службени дејства, при што се приведени и се работи на целосно расчистување на случајот“, известија од МВР. Како што информираа претходно од МВР, отстранет е дефектот на системот на сите гранични премини и се пропуштаат возила за влез и излез од земјава. Од утринава неколку часа беше во прекин протокот на возила на граничните премини поради пад на системот. Поради тоа, на бугарските државјани кои денеска тргнаа кон Скопје да се поклонат на гробот на македонскиот револуционер Гоце Делчев им беше оневозможен влез во Македонија. Ова предизвика тензии и расправии на граничниот премин „Деве Баир“ каде што бугарски државјани, поради неможноста да ја преминат границата, упатуваа навреди и недолично се однесуваа кон македонската гранична полиција.

Детали за апсењето на Бугарите кои нападнале полицајци на Деве Баир

Ристе Здравков — Sat, 04 Feb 2023 13:24:41 +0000

Околу 12.45 часот на Граничниот премин Деве Баир дошло до нарушување на јавниот ред и мир од страна тројца бугарски државјани, информира МВР. „Г.З (35),А.Х(50)и Р.Х(54) бугарски државјани кои најпрво вербално, дрско и недолично со најпогрдни зборови се однесувале, а потоа се обиделе и физички да ги нападнат полициски службеници кои преземале службени дејства, при што се приведени и се работи на целосно расчистување на случајот“, соопшти Министерството. Денеска над 100 автомобили и десетици тешки товарни возила се блокирани на границата меѓу Бугарија и Република Северна Македонија помеѓу граничните премини „Ѓуешево“ и „Деве Баир“. Во автомобилите запрени на граница се и патници за прославата на 151-годишнината од раѓањето на Гоце Делчев, јавија бугарските медиуми. Сообраќајот беше во прекин околу 9 часот утринава поради неисправност на системот за контрола на патници и возила, кој беше обновен по 12:30 часот и сообраќајот продолжи да се одвива нормално.

Турчин се обидел да направи голема измама на „Деве Баир“ – еве за што станува збор

Ивана Ефремовски — Mon, 03 Oct 2022 15:13:14 +0000

Регионалниот центар за гранични работи Исток поднесе кривична пријава против B.E.(48) од Република Турција, поради постоење основи на сомнение за сторено кривично дело „фалсификување на исправа“. На 30.09.2022 на граничен премин „Деве Баир“, пријавениот дал на увид турски документи, и тоа возачка дозвола и два зелени картони, за кои било констатирано дека се фалсификувани.

Турчин приведен на „Деве Баир“

Ивана Ефремовски — Sat, 17 Sep 2022 13:09:04 +0000

На 16.09.2022 во 14:30 часот на Граничен премин „Деве Баир“ од слобода бил лишен C.O.(50) од Република Турција затоа што осигурителната полиса за автоодговорност за патничкото возило „тојота корола“ со турска национална ознака, кое го управувал, била фалсификувана. Лицето било предадено на полициски службеници од ОВР Крива Паланка за понатамошна постапка.

Турчин фатен на „Деве Баир“, еве како сака да ги измами цариниците

Ивана Ефремовски — Thu, 15 Sep 2022 15:08:26 +0000

Регионалниот центар за гранични работи Исток поднесе кривична пријава против турскиот државјанин У.А.(41) поради постоење основи на сомнение за сторено кривично дело „фалсификување исправа“. На 06.05.2022 на Граничен премин „Деве Баир“, пријавениот приложил фалсификувана меѓународнa зеленa картa за осигурување од автоодговорност за автобус „мерцедес“, кој го управувал.

Полицаец дозволил едно лице да премине граница без ПЦР тест и примил поткуп за тоа, еве што следува за службеникот

Магдалена Андонова — Mon, 23 May 2022 12:38:25 +0000

Одделот за внатрешна контрола, криминалистички истраги и професионални стандарди до надлежното ОЈО за ГОКК поднесе кривична пријава против полицискиот службеник И.Г., вработен во Полициската станица за ГП и ГН Деве Баир поради постоење на основи на сомнение за сторено кривично дело „примање поткуп“ по член 357 од КЗ. Пријавениот на 16.04.2022 од оштетениот А.Ѓ. побарал и примил парични средства за да не изврши службено дејствие кое морал да го изврши, односно му овозможил да ја помине границата без валиден негативен ПЦР тест, кој во тој период бил задолжителен при влез во Република Северна Македонија. Против полицискиот службеник ќе биде покрената и постапка за утврдување на дисциплинска одговорност, како и отстранување од работното место до завршување на дисциплинската постапка.

Поради магла намалена видливост на патот Крива Паланка – граничен премин Деве Баир

Тале Кристо — Sun, 12 Dec 2021 11:51:49 +0000

Поради појава на магла намалена видливост до 50 метри има на патниот правец Крива Паланка – граничен премин Деве Баир, соопшти АМСМ. Останува забраната за тешки товарни возила на патниот правец Крак Маврово – Жировница, патниот правец Тетово – Попова Шапка, каде дополнително забраната важи за камиони и автобуси, а за останатите е задолжителна употребата на зимска опрема, информираат од АМСМ. Патниот правец Македонски Брод – Скопје, кај село Близанско се уште е блокиран за сообраќај за сите возила, поради одрон на патот. -Сообраќајот на државните патишта се одвива по влажни коловози. Поради голем број на одрони на патните правци Делчево-Кочани, Делчево-Пехчево и Делчево-граничен премин Делчево се препорачува да не се користат овие патни правци без поголема потреба, велат од АМСМ. Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата. АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.