Девин Букер – Kurir.mk

Девин Букер се врати во Минхен

Бошко Тасиќ — Tue, 25 Jul 2023 04:05:28 +0000

Ново име во таборот на германскиот шампион Баерн Минхен е Девин Букур. Тој го потпиша договорот и наскоро ќе биде официјализиран. Девин Букер се враќа на местото на успехот и пак ќе го носи дресот на минхенски Баерн. Крилниот центар настапуваше за Баварците од 2016 до 2019 година, по што се пресели во Химки, па во Фенербахче, каде имаше просек од 9,3 поени и 4,2 скока по натпревар. Букер со Баерн освои две шампионски титули и големи се шансите да ја продолжи серијата успеси.

Феникс еден месец без Девин Букер

Бошко Тасиќ — Mon, 02 Jan 2023 10:02:56 +0000

Кошаркарот на Феникс, Девин Букер, ќе помине најмалку еден месец надвор од терените поради повреда на препоните, објавија американските медиуми. Плејмејкерот на Санси веќе пропушти шест од последните девет натпревари поради повреди. Букер се обиде да се врати на натпреварот со Денвер, но по само три минути го напушти паркетот. Според клубот, заздравувањето ќе трае најмалку четири недели, кога ќе има и ревалоризација на состојбата на НБА кошаркарите. Американецот во просек постигнува 27 поени по натпревар оваа сезона. Букер зад себе има одлична сезона, а колку е опасен во нападот доволно говори податокот дека годинава на два натпревари постигна 50 поени.

Букер ќе го пропушти натпреварот 5 против Њу Орлеанс

Дарко Андоновски — Tue, 26 Apr 2022 09:48:31 +0000

Прес-службата на Феникс санс, објави дека нивниот играч Девин Букер ќе го пропушти натпреварот 5 од плејоф серијата од првото коло против Њу Орлеанс. – Букер е загрижен за тетивата на десната нога. Тој ќе го пропушти трет меч по ред откако на втората средба ја повреди тетивата. Предводникот на Санс се чувствуваше подобро во последните денови, но допрва треба да му биде дозволено да се врати во акција, стои во информацијата на Феникс. Местото на Букер во стартната петорка го зазеде Кам Џонсон, кој оттогаш има само шест реализирани од 19 обиди од поле. Моменталниот резултат во серијата прв до четири победи е 2:2. Петтиот натпревар на кој домаќин е Феникс ќе се игра ноќта вторник кон среда (почеток 4 часот).

Букер се повреди на вториот натпревар од плејофот против Њу Орлеанс

Катерина Бојаџиева — Wed, 20 Apr 2022 06:17:23 +0000

Еден од клучните кошаркари на Феникс санс, Девин Букер, не успеа да го заврши вториот натпревар (114:125) од осминафиналето на плејофот во НБА против Њу Орлеанс. Дваесет и петгодишниот Американец на натпреварот одигран утринава се здоби со повреда на тетивата на десната нога. Тој го напушти теренот на 4 минути 35 секунди пред крајот на третата четвртина. Букер до крајот на мечот не се врати во игра. До повредата, Букер постигна 31 поен, реализирајќи 12 од 19 обиди од поле, вклучувајќи 7 од 11 шутеви за тројка. Резултатот во серијата прв до четири е 1:1 Третиот натпревар ќе се одигра на 23 април на теренот на Њу Ореланс.

Феникс Санс поведе со 1-0 во финалето на Западната Конференција

Бошко Тасиќ — Mon, 21 Jun 2021 06:23:42 +0000

Екипата на Феникс го отвори финалето на западната конференција во НБА плејофот, со победа над Лос Анџелес Клиперс со 120:114 пред своите фанови, Отсуството на Крис Пол и Кавај Ленард беше голем хендикеп за двете екипи, но домаќините подобро се снајдоа во последната четвртина и поведоа во битката за големото НБА финале. Девин Букер реализираше 40 поени, 13 скокови и 11 асистенции , трипл-дабл учинок вреден победа. Ејтон со 20 и Бриџис со 14 поени беа следните најдобри реализатори кај Феникс, додека кај Клиперс, Џорџ го заврши натпреварот со 34 поени, додека Џексон постигна 24 на оваа средба. .