дезинфекција – Kurir.mk

СОДРЖАТ КАНЦЕРОГЕНИ МАТЕРИИ: Повлечени средства за дезинфекција на рацете на Дизни

Катерина Бојаџиева — Mon, 04 Apr 2022 18:37:01 +0000

Американските власти открија канцерогени материи во две средства за дезинфекција на рацете на компанијата „Дизни“. Компанијата ги повлече овие производи од пазарот. Агенцијата за храна и лекови (ФДА), по тестирањето на средствата за дезинфекција на рацете од марките „Мандалоријан“ и „Мики Маус“, откри дека тие содржат бензен и метанол, пренесува Ен-Би-Си њуз. „Дизни“ овие производи ги набавувале преку Best Brands Consumer Products, кои го суспендираа својот бизнис минатиот април од комерцијални причини. Компанијата соопшти дека сè уште не добила извештаи за штетни несакани ефекти од средствата за дезинфекција, ниту за други серии свои производи за дезинфекција на раце кои содржат 68 проценти етил алкохол.

За здрав и чист тоалет: Со помош на оваа намирница ќе се ослободите од непријатната миризба

Магдалена Андонова — Wed, 09 Mar 2022 21:55:14 +0000

Лукот обезбедува импресивен број и количина на хранливи материи во однос на малиот број на калории, што го прави хранлива состојка. Со консумирање лук внесувате бројни витамини и минерали во вашето тело. Ве заштитува од вируси, бактерии и габи, најмногу благодарение на состојката алицин. Покрај неверојатните придобивки за телото, лукот се бори и со бактериите и габите на тврдите површини. Лукот можете да го ставите во WC школката и да го оставите да делува преку ноќ, а наутро истурете со вода. ВЦ школката ќе биде целосно дезинфицирана. Правете го ова од време на време. Други методи за чистење: Исецкајте 4 чешниња лук и ставете во 2 дл зовриена вода, па тргнете од оган и оставете да отстои околу 15 минути. Потоа користете ја смесата за дезинфекција на површините.

Новинарите на годишната прес-конференција на Путин ќе бидат дезинфицирани со сребрени честички

Тале Кристо — Thu, 23 Dec 2021 09:56:16 +0000

Новинарите кои денеска ќе присуствуваат на годишната прес-конференција на рускиот претседател Владимир Путин ќе бидат испрскани со сребрени честички на влезот за дезинфекција. – Подготвувајќи се за конференцијата за новинари нашите експерти посебно внимание посветија на санитарните барања, наведе портпаролката на одделението за претседателски имот Елена Крилова. Путин денеска ќе ја одржи традиционалната годишна прес-конференција. Поради мерките против коронавирусот, годинава бројот на новинари ќе биде ограничен на 500, а конференцијата ќе се одржи на поголем простор. За учество на прес-конференцијата ќе бидат потребни три ПЦР тестови. Големата прес-конференција на Путин е годишен настан кој се одржува од 2001 година. По правило, шефот на државата прво се осврнува на главните економски и социјални показатели, а потоа новинарите имаат можност да поставуваат прашања.

Сигурно го заборавивте: Ова е најлесниот начин да го дезинфицирате вашиот далечински управувач

Ивана Ефремовски — Wed, 21 Oct 2020 19:46:09 +0000

Се сеќавате ли кога последен пат го исчистивте вашиот далечински управувач? Сигурно нема да можете да се сетите. А дали знаете оттогаш колку пати членовите на вашето семејство се разболеле и гледале телевизија, користејќи го управувачот со раце полни бактерии? Во ова време на епидемија од коронавирус дезинфицираме дома, на површините, нашите раце, мобилните телефони, но сигурно сте зборавиле на овој валкан управувач. Со цел да го заштитите вашето здравје, како и здравјето на вашите најблиски, погледнете го следниов начин на кој можете брзо и едноставно да го исчистите најнечистиот уред во вашиот дом. За најголем ефект, потребни ви се гел за дезинфекција на раце, хартиена крпа и чепкалка за уши. Најпрво извадете ги батериите од далечинскиот управувач, а потоа ставете малку од гелот за дезинфекција за раце врз хартиената крпа. Исчистете го најдобро што можете, а кога ќе ви останат најмалку достапните нечисти места околу копчињата, ставете од гелот и на чепкалка за уши и поминете го уште еднаш со неа. За само неколку секунди вашиот далечински управувач ќе биде дезинфициран и ослободен од сите оние лоши бактерии кои секогаш успеваат да го најдат својот пат до вашето тело. Сега слободно можете да ги вратите батериите во него и да продолжите со гледање на вашите омилени ТВ серии.

Во Берово започна дезинфекција на гласачките места

Тале Кристо — Tue, 14 Jul 2020 14:50:37 +0000

Во насока на директен придонес кон безбедно гласање на граѓаните и заштита на нивното здравје, во Берово започна дезинфекција на сите гласачки места во општината. Како што информираат надлежните вечер од 19 часот ќе бидат дезинфецирани и улиците околу гласачките места. – Со тоа сметаме дека ќе се обезбедат сите предуслови за безбедни гласачки места каде граѓаните ќе го остварат своето право на глас. Со тоа гласањето ќе биде целосно безбедно поради што граѓаните треба да излезат масовно да го дадат својот глас за својата политичка опција и со тоа да го покажат патот по кој ќе се движи државата во следните четири години, информираа надлежните. Од општинската изборна комисија информираат дека во Берово утре ќе се гласа на 16 избирачки места, а со право на глас се 10.797 граѓани.

Во Бугарија развиен робот за дезинфекција

Тале Кристо — Thu, 02 Jul 2020 11:06:02 +0000

Истражувачки тим од Институтот за роботика при Бугарската академија на науки (БАС) разви UVC робот за дезинфекција кој може да се користи против ширење на новиот коронавирус, соопшти денеска БАС. Роботот користи UVC дезинфекциска технологија и може да се користи во простории, на кои им е потребна ефективна дезинфекција на подови и површини, вклучувајќи куќи, здравствени установи и други јавни простори. Изумот неодамна е регистриран во Бугарскиот завод за патентирање.

Секој што сака да има средба со Путин мора да мине низ тунел за дезинфекција

Ивона Петрова — Wed, 17 Jun 2020 06:53:26 +0000

Рускиот претседател Владимир Путин е заштитен од новиот коронавирус со посебен тунел за дезинфекција преку кој мора да мине секој кој доаѓа да ја посети неговата резиденција во близина на Москва. Специјални тунел е изграден од руска компанија, а е поставен во официјалната резиденција на Путин, во Ново-Огарјово, пренесува „Њујорк пост“, повикувајќи се на руски медиуми. Снимка од тунелот објавиле руските агенции, а на неа се прикажани лица со заштитни маски кои минуваат низ него, додека средства за дезинфекција ги прскаат од таванот и од страната.

„Проветрувајте и дезинфицирајте откако ќе си заминат гости од вашиот дом“

Тале Кристо — Wed, 20 May 2020 07:04:12 +0000

Раководителот на француската јавна здравствена служба, Жером Соломон, изјави дека граѓаните, доколку поканат гости дома, треба да носат маски, а подоцна да го проветруваат домот и да ги дезинфицираат контактните површини. На прес-конференција, прва по олеснувањето на мерките на 11 мај, тој ги предупреди Французите да ја почитуваат физичката дистанца кога се дружат со пријателите. – Вирусот е се уште тука и е смртоносен, нагласи тој. На деветтиот ден по укинувањето на карантинот, што траеше 55 дена, бројот на заразени со коронавирус во Франција дневно не се зголеми значително. Во вторникот, коронавирус беше потврден кај 524 лица, а вкупно кај 143.427, или зголемување од 0,4 проценти, што е нешто повеќе од просекот од 0,3 проценти на ден од укинувањето на карантинот. Сепак, тоа е значително помалку од 0,8 проценти дневно зголемување во последните две недели на карантинот.

Без него не се може: Откако се донесе одлука за отворање на моловите, се отвори и пазарот во Шутка- еве како се врши дезинфекција таму (ФОТО)

Дарко Андоновски — Sat, 16 May 2020 19:28:55 +0000

Како што неодамна соопшти Комисијата за заразни болести, а одобри Владата беа отворени моловите на затворено ширум земјава. Еден од нив е и пазарот „Нова Европа“ во Шутка кој иако беше на отворено беше затворен дури 45 дена. Тие ги почитуваат мерките за дезинфекција, а доказ се овие фотографии. Сепак останува нејасно дали ќе може да се проба облеката, или пак ќе важи истата мерка како во моловите, облеката да се однесе дома, да се проба, па да се врати доколку е потребна замена. https://www.facebook.com/pazar.sutka/posts/2879307405510458

Да се мијат или дезинфицираат рацете откако ќе се користи јавен превоз

Ивона Петрова — Wed, 13 May 2020 08:36:28 +0000

Министерот за здравство Венко Филипче на својот ФБ профил денеска објави препораки за патници кои користат јавен превоз. Редовно мијте ги или дезинфицирајте ги рацете, особено по допир на површини во јавниот простор (држачи, рачки, копчиња), покријте ја устата со марамче или превиткан лакт доколку се накашлате или кивнете и секогаш кога сте во можност, користете велосипед или пешачете, посочува министерот во препораките.