Сопственичката на „Диамед“ добу условна казна од две години затвор

Тале Кристо — Mon, 13 Feb 2023 13:39:26 +0000

Сопственичката на „Диамед“ Вера Иванова денеска во Кривичниот суд беше прогласена за виновна дека сторила кривично дело злоупотреба на службената положба и овластување и перење пари за центрите за дијализа „Диамед“, и доби условна казна од две години затвор. -За кривичното дело злоупотреба на службената положба и овластување, Судот утврди казна затвор од една година и три месеци, и за кривичното дело перење пари - една година и три месеци затвор. Согласно 44 од КД од сторените кривични дела, на обвинетата и утврдува единствена казна затвор од две години, па согласно одредбите од членовите 48, 42 и 50, единствена казна затвор од две години, која нема да се изврши доколку обвинетата во рок од пет години сметано од денот на пресудата, не стори ново кривично дело, наведе во изречувањето на пресудата судијата Илија Трпков. Иванова беше обвинета дека како управител со умисла и на незаконски начин, продавајќи ја фирмата и без да го извести Министерството за здравство, ја предала лиценцата на шведски „Диаверум“. Таа се товари за злоупотреба на службената положба и за перење пари во вкупен износ од 11 милиони и 500 илјади евра. Процесот започна во септември 2021 година, а судењето го водеше судијата Илија Трпков.

Врвен професионализам и стручност, посветеност и грижа за пациентите: Приказната на Диамед трае девет години

Ивана Ефремовски — Wed, 15 May 2019 09:31:55 +0000

Како дел од Германската групација D.Med Healthcare, ПЗУ Специјална болница Диамед започна со работа во 2010 година чија успешна приказна до сега брои девет години. Секој ден за нив претставува славење на животот. Диамед е Специјална болница по нефрологија со дијализа која обезбедува грижа за пациенти со бубрежни заболувања, бубрежна инсуфициенција и болни кои се на хроничен програм на хемодијализа. Нивниот клуч за успехот е комбинација на врвен професионализам, стручен кадар, посветеност во грижата за пациентите и хуманоста. Вчера тимот на ПЗУ Специјална болница Диамед во пријатна атмосфера и во присуство на претставници од Германската Амбасада, Делегацијата на германското стопанство, блиските соработници, но и најважните гости-пациентите прослави 9 години постоење во Македонија. Пред присутните се обрати Управителот на болницата, Герд Бројх. Својот говор го посвети да им се заблагодари на своите вработени за професионалноста и посветеноста, кадешто особено пофални зборови упати кон Професор Доктор Специјалист Интернист-Нефролог Гроздановски Ристо, Медицинскиот директор Др. Елена Б.Бансколиева, Финансовиот директор Емилија Петровска како и главната медицинска сестра Емин Имран. Бројх посочи дека најважно за нивниот центар е грижата за пациентите која има круцијална улога. КУРИР на прославата разговараше со главната медицинска сестра Имран Емин. Таа говореше за важната улога која ја има оваа болница по нефрологија со дијализа, за грижата за пациентите, но и за хуманиот аспект од нивното работење, односно психолошкиот сегмент кој во оваа дејност е многу важен. Посветеноста и грижата и натаму ќе бидат нивен врвен приоритет. Си се почестија за постигнатиот успех и го најавија ребрендирање во ПЗУ Специјална болница Д.Мед Медикал (D.Med Medical). Вам и на Вашите пациенти Ви посакуваме мирни денови, успешна работа и секако, успешна битка за здравјето.

диамед – Kurir.mk

Сопственичката на „Диамед“ добу условна казна од две години затвор

Врвен професионализам и стручност, посветеност и грижа за пациентите: Приказната на Диамед трае девет години