Дибала – Kurir.mk

Јувентус се прости од Дибала: Секогаш ќе му бидеме благодарни

Ивона Петрова — Thu, 30 Jun 2022 09:17:42 +0000

Јувентус потврди дека напаѓачот Пауло Дибала го напушта клубот. Денеска на Аргентинецот му истекува договорот со торинскиот клуб. Пауло го напушта Јувентус како слободен играч. – Тој дојде во Торино како млад и талентиран, а сега се збогува со Јуве, земајќи го со себе богатството на искуство што го направи шампион каков што е денес. Пауло помина седум години во црно-белиот дрес, одигра 293 натпревари, постигна 115 гола, даде 45 асистенции и освои 12 трофеи. Сега неговата кариера ќе продолжи надвор од Торино. Овие бројки, ако ги погледнете повнимателно, кажуваат многу за историјата на клубот. На пример, Пауло е деветти најдобар стрелец во историјата на Јувентус, тој е десетти најдобар стрелец во Серија А, трет стрелец на Јувентус во европските натпреварувања со 18 гола во Лигата на шампионите. А кога сме веќе кај головите, Дибала е играчот со најмногу постигнати голови на „Алијанц“ стадионот (68 гола) во сите натпреварувања. Ова е „бјанконерот“ кој постигна најмногу надвор од шеснаесетникот (25 гола) во Серија А. Седум години заедно беа исполнети не само со голови и победи, туку и со моменти на мајсторија, незаборавни вечери и настапи на највисоко ниво. И за сето ова секогаш ќе му бидеме благодарни. Среќно, Пауло! – се вели во соопштението на Јувентус. Дибала во Јувентус дојде во 2015 година од Палермо. Претходно играше во неговиот матичен клуб Институто.

И официјално, Дибала во Јувентус до 2025 година

Тале Кристо — Tue, 05 Oct 2021 17:06:07 +0000

Аргентинскиот фудбалски репрезентативец Пауло Дибала (27) постигна договор со калчолигашот Јувентус за нов четиригодишен договор според кој бил заработувал осум милиони евра плус два милиони во бонуси по сезона, јавија денеска италијанските медиуми. Актуелниот договор на Дибала истекува на крајот од сезоната, а новиот ќе го „врзе“ со Јувентус до јуни 2025 година. Дибала во моментов се рехабилитира од повреда, а новиот договор се очекува да биде потпишан пред неговото враќање на теренот на 17 октомври во дербито против Рома. Аргентинскиот фудбалер, кој дојде во Јувентус во 2015 година, во меѓувреме ги одби понудите на премиерлигашите Манчестер јунајтед и Тотенхем.

Јувентус сè уште му нема понудено нов договор на Дибала

Тале Кристо — Mon, 19 Oct 2020 11:56:18 +0000

Напаѓачот на Јувентус, Пауло Дибала сè уште не добил понуда од клубот за продолжување на договорот, објави „Калчо Меркато“. Актуелниот договор со 26-годишниот Аргентинец се пресметува до јули 2022 година, но самиот напаѓач повеќе пати навести дека не би имал ништо против да го смени тимот. Претходно во медиумите имаше информација дека Дибала сака да се пресели во Англија. Оваа сезона во Серија А, Аргентинецот сè уште не влегол на теренот. з

Јувентус може да го продаде Дибала за 90-100 милиони евра за да купи нови играчи

Тале Кристо — Sun, 16 Aug 2020 20:25:54 +0000

Фудбалерот на Јувентус, Пауло Дибала може да го напушти клубот. Според „La Gazzetta dello Sport“, италијанскиот клуб е подготвен да ја разгледа опцијата за продажба на Аргентинецот, доколку добие понуда од 90-100 милиони евра. Парите собрани од овој трансфер би можеле да се искористат за купување играчи што новиот тренер Андреа Пирло сака да ги види во составот. Исто така, клубот е под влијание на правилата за финансиски фер-плеј. Во исто време, се забележува дека Јувентус не се сомнева во вештината на фудбалерот. Минатото лето Дибала веќе беше близу до напуштање на Јувентус. Тогаш Тотенхем и Манчестер Јунајтед сакаа да го купат. Претходно беше објавено дека интерес за 26-годишниот играч од средниот ред покажува Реал. Исто така, се дозна дека фудбалерот преговара за продолжување на договорот со Јувентус и сака да остане во Италија. Сегашниот договор истекува во летото 2022 година.

Реал е заинтересиран за Дибала и може да го размени за Иско или Кроос

Тале Кристо — Mon, 10 Aug 2020 08:40:14 +0000

Напаѓачот на Јувентус, Пауло Дибала, може да ја продолжи кариерата во Реал Мадрид, пренесува „Sport Mediaset“. Според изворот, кралскиот клуб е заинтересиран за 26-годишниот Аргентинец и е подготвен за него да го понуди во замена Иско или Тони Кроос. Останува да се почека одговорот на италијанскиот шампион за да се види дали ќе има преселба на играчи во правец Мадрид – Торино и обратно. Минатата сезона, Дибала одигра 46 натпревари на сите турнири, во кои постигна 17 голови и направи осум асистенции. Исто така, напаѓачот беше прогласен за најдобар играч во италијанскиот шампионат.

Дибала ќе го пропушти натпреварот со Милан поради дисквалификација

Тале Кристо — Sat, 04 Jul 2020 17:38:54 +0000

Напаѓачот на Јувентус, Пауло Дибала, нема да игра во натпреварот од 31. коло од италијанскиот шампионат против Милан, поради дисквалификација. Напаѓачот ќе го пропушти следниот натпревар поради акумулирање на жолти картони. Фудбалерот доби жолт картон на денешниот натпревар од 30-то коло од Серија А против Торино. На овој меч Дибала постигна гол, а Јувентус победи со 3:1. Дваесет и шестгодишниот играч има одиграно 40 натпревари оваа сезона за „старата дама“ и постигна 13 голови со 13 асистенции. Исто така поради жолти картони, дефанзивецот на торинскиот клуб Матијас де Лихт ќе ја пропушти средбата со Милан.

Сари е задоволен од соработката меѓу Роналдо и Дибала

Тале Кристо — Wed, 01 Jul 2020 06:45:14 +0000

Главниот тренер на Јувентус, Маурицио Сари ја пофали екипата за победата над Болоња. „Старата дама“ повторно има предност од 4 поени пред Лацио, а Сари го истакна добриот настап на Адријан Рабио. Кристијано Роналдо и Пауло Дибала исто така заслужија добри зборови. – Мислам дека игравме добро, дури и во првото полувреме. Имавме јасни позиции, но не дозволивме ниедна пред нашиот гол. Ние постигнавме три убави гола, покажавме тимска игра. Беше само прашање на време пред да се вратиме на нозе по разочарувањето во финалето на Купот на Италија. Рабио напредува. Сите очекуваат многу од него и не е лесно да се исполнат ваквите очекувања. Тој не играше за ПСЖ 7 месеци. Тој дојде во друга земја и во тим со различен стил. Потоа имаше повреда, но сега се е во ред, изјави Сари. Стручњакот откри дека претходно било решено Кристијано Роналдо да добие пауза во последните минути, доколку мечот се реши во корист на Јувентус. Тој особено е задоволен разбирањето меѓу Португалецот и Пауло Дибала. – Тие научија да се бараат едни со други почесто и веќе ги реализираат придобивките од играњето заедно. Тоа е нешто што го забележувам и на тренинзите, рече Сари.

Ѕвездата на Јувентус конечно се излечи од коронавирусот!

Тале Кристо — Wed, 06 May 2020 17:40:49 +0000

Одлична вест за Пауло Дибала и Јувентус дојде лично од аргентинската sвезда на „бјанконерите“. После неколкунеделна борба со лекувањето од КОВИД-19, Дибала конечно призна на социјалните мрежи дека веќе е целосно опоравен од коронавирусот. Познат е фактот дека напаѓачот на гигантот од Торино не можеше да се избори со вирусот, откако четири последователни тестови покажаа дека тој сè уште е носител на инфекцијата. Најновиот тест беше направен во средата (6-ти мај), кој објави негативни вредности. – Конечно сум излечен од КОВИД-19. Моето лице кажува се, откако конечно се опоравив од коронавирусот, напиша Дибала на Инстаграм.

Јуве потврди за двајца излечени, молчи за Дибала

Тале Кристо — Tue, 05 May 2020 16:14:15 +0000

Јувентус денес издаде долга изјава во која ги најави клупските мерки во однос на пандемијата од коронавирус. Се споменува дека Даниеле Ругани и Блеиз Матуиди се излечени од инфекцијата, но ништо не се зборува за третиот пациент во тимот, Пауло Пауло Дибала. Во последните неколку дена се појавија информации дека Аргентинецот дал негативен тест за присуство на КОВИД-19 во неговото тело, а се очекуваше и втора потврда. – Ругани и Матуиди поминаа преку двоен дијагностички тест за коронавирус. Резултатите беа негативни. Затоа, играчите беа прогласени за озздравени на 15 април и веќе не се под самоизолација, се вели во извештајот. Ова ќе им овозможи да продолжат со индивидуалните тренинзи во клупската база.

Јувентус ќе го продолжи договорот со Дибала

Ивона Петрова — Thu, 09 Apr 2020 06:44:21 +0000

Јувентус е близу до склучување нов договор со напаѓачот Пауло Дибала. Според „Calciomercato.com“, обновувањето на договорот е прашање само на време. „Старата Дама“ ќе го зголеми предлогот за плата на Аргентинецот од 11 милиони евра годишно, заедно со бонусите на околу 12 милиони – тоа е токму она што го барал напаѓачот, чиј тековен договор се пресметува до јуни 2022 година. Новиот договор ќе биде склучен до јуни 2024 или 2025 година.