Дидие Дешам – Kurir.mk

Дешам: Полуфиналистите на СП 2022 не го контролира натпреварот цело време

Ивана Ефремовски — Sun, 11 Dec 2022 15:13:07 +0000

Селекторот на француската репрезентација Дидие Дешам рече дека ниту еден полуфиналист на Мундијалот во Катар не одиграл константно цел натпревар. -Одлично е што нашите играчи повторно се пласираа во полуфиналето. Имавме малку среќа против Англија, бидејќи два пенали беа упатени во нашиот гол, но успеавме да го задржиме водството. Ги гледав сите четвртфиналиња, а ниту една екипа што се пласираше во полуфиналето не го контролираше текот на натпреварот целото време. Би сакал да не и дадовме подароци на Англија, но противникот се покажа на многу високо ниво, изјави Дешам за „Дејли мејл“. Франција во четвртфиналето вчеравечер ја победи Англија со 2:1. Во полуфиналето „триколорите“ ќе играат со Мароко на 14 декември. Ден претходно (13 декември) во првото полуфинале ќе се сретнат Хрватска и Аргентина. (МИА)

За Дешам Бензема е незаменлив!

Ристе Здравков — Sun, 20 Nov 2022 14:56:16 +0000

Карим Бензема е новиот француски фудбалер кој поради повреда ќе го пропушти Мундијалот, но селекторот Дидие Дешам реши да не повика замена за него. Неодамна Кристофер Нкунку отпадна поради повреда, а Дешан веднаш реши следниот ден во тимот да го додаде напаѓачот на Ајнтрахт Рандал Коло Муани. Сепак, Дешан денеска потврди дека нема да повика никого наместо Бензема, иако се шпекулираше за потенцијални замени. „Не, нема да повикаме никого наместо Бензема“, кратко изјави Дешан за француските медиуми. Французите ќе имаат на располагање 25 играчи во Катар, а Дешан очигледно верува дека Оливие Жиру, Антоан Гризман, Килијан Мбапе и Усман Дембеле ќе можат да го надополнат отсуството на Бензема. Походот на Франција за одбрана на трофејот започнува во вторник во 20 часот против Австралија.

Дешам е убеден дека Погба ќе закрепне за Светското првенство во 2022 година

Ивана Ефремовски — Tue, 09 Aug 2022 11:40:10 +0000

Селекторот на Франција, Дидие Дешам не се сомнева дека играчот од средниот ред на Јувентус, Пол Погба ќе може да и помогне на репрезентацијата на Светското првенство во Катар. -Неговото учество на Светското првенство е несомнено, изјави Дешам, за „Le Parisien“. Претходно беше објавено дека играчот може да го пропушти Мундијалот 2022 поради операција. Светското првенство во Катар ќе се одржи од 21 ноември до 18 декември. Франција ќе игра во групата „Д“ со Данска, Австралија и Тунис. (МИА)

Жиру ќе разговара со Дешам за својата иднина во репрезентацијата

Ивона Петрова — Wed, 23 Mar 2022 08:26:23 +0000

Напаѓачот на Франција и Милан, Оливие Жиру ќе разговара со селекторот Дидие Дешам за неговите перспективи во националниот тим. Претходно, Жиру беше повикан за следните пријателски натпревари наместо повредениот напаѓач на Реал Мадрид, Карим Бензема. – Никогаш не разговаравме лице в лице по Европското првенство. Дури и ако веќе е поминато многу време, има потреба од разговор меѓу двајца возрасни. Секогаш сум се согласувал со одредени работи, секогаш сум мислел на перспектива. Тренерот знае што ми е на ум. Тој знае дека сум свеж и секогаш 200% со францускиот тим. Отсекогаш си велев дека преку напорна работа, пожртвуваност и истрајност ќе има подобри денови. Со задоволство ќе разговарам за сето ова со тренерот и ќе слушам што има да ми каже“, изјави Жиру за „Фигаро“. Жиру за Франција игра од 2011 година. За тоа време, 35-годишниот фудбалер стана вториот стрелец во историјата на националниот тим, постигнувајќи 46 гола на 110 натпревари. На првото место е Тиери Анри со 51 гол. Француската репрезентација овој месец ќе одигра два пријателски натпревара: на 25 март против Брегот на Слоновата Коска и на 29 март против Јужноафриканска Република.

Дешам: Бензема докажа дека е клучен играч во националниот тим, тој значително созреа

Дарко Андоновски — Mon, 11 Oct 2021 18:39:44 +0000

Селекторот на Франција, Дидие Дешам го пофали напаѓачот Карим Бензема, по победата над Шпанија во финалето на Лигата на нации (2:1). – Карим е клучен играч, тоа го докажа на последните два натпревара. Многу сум среќен за целиот тим и за него. Тој е неверојатно ефикасен. Не е истиот играч како во 2015 година. Забележливо е созреал многу како личност. Овој трофеј од Лигата на нации не е најважната титула, но, за него беше важно да го освои, рече Дешамп. Бензема во јуни годинава се врати во француската репрезентација по пауза од шест години поради скандалот со Валбуена. Фудбалерот на Реал Мадрид вчеравечер во финлето на Лигата на нации против Шпанија беше стрелец на изедначувачкиот гол.

Дешам по триумфот во Лигата на нации: Нашиот систем треба да се подобри

Ивона Петрова — Mon, 11 Oct 2021 06:42:16 +0000

Селекторот на француската фудбалска репрезентација Дидие Дешам ги сумираше впечатоците по финалето во Лигата на нации против Шпанија (2:1). – Многу сум горд на играчите и многу сум среќен за нив. Губевме во двата меча на завршниот турнир. Во финалето брзо го израмнивме резултатот откако примивме гол. Покрај талентот, овој тим има и карактер и менталитет, и јас сум многу горд на играчите. Направивме сè за да стигнеме овде. Кога сте во финалето, секогаш е најдобро да го победите. Престанавме да играме 20 минути по почетокот на средбата, а тоа не можете да го направите против Шпанија. Нашиот систем и начинот на кој работиме во него сè уште треба да се подобрат, истакна Дешам за официјалната веб-страница на УЕФА. Француската репрезентација е вториот победник во историјата на Лигата на нации. Првиот турнир го освои репрезентацијата на Португалија. Претходно, Французите станаа победници на Светското фудбалско првенство 2018 година во Русија.

Баерн и Реал не ги пуштија играчите во француската репрезентација

Ивона Петрова — Wed, 11 Nov 2020 11:33:16 +0000

Селекторот на Франција, Дидие Дешам сакаше да го повика Бун Сар од Баерн Минхен, но германскиот клуб се спротивстави од медицински причини, објави Л’Екип. Наместо Сар, во репрезентацијата беше повикан Рубен Агилар од АС Монако. Исто така, се забележува дека Дешам сакаше да ги повика Ферлан Менди и Норди Мукиеле во националниот тим, но Реал и Лајпциг, не им дозволија на своите фудбалери да заминат во националниот тим.

Дешам: Конфликт меѓу Погба и Мурињо е преувеличен

Предраг Кукиќ — Tue, 09 Oct 2018 09:12:40 +0000

Селекторот на Франција, Дидие Дешам, смета дека печатот го преувеличува конфликтот меѓу играчот од средниот ред на Манчестер Јунајтед, Пол Погба и тренерот на тимот, Жозе Мурињо. Според Дешам, Погба игра на високо ниво и нема потреба за загриженост околу неговата форма. - Мислам дека конфликтот меѓу Погба и Мурињо беше надуван. Видов колку добро Погба играше на последниот натпревар. Мислам дека и Мурињо го виде истото. Погба нема проблем. Но, не сакам да се мешам во односот меѓу фудбалерот и тренерот, изјави Дешам. Франција е актуелен светски шампион, победувајќи на Мудијалот што ова лето се одржа во Русија. „Триколорите“ в четврток (11 октомври) ќе одиграат пријателски натпревар со Исланд. (МИА)

Дешам: Играта на Манчестер не зависи само од Погба

Ристе Здравков — Mon, 01 Oct 2018 10:53:07 +0000

Селекторот на француската фудбалска репрезентација, Дидие Дешам, изјави дека играчот од средниот ред на Манчестер Јунајтед, Пол Погба, не може сам да обезбеди победничките резултати на тимот. - Играта на Манчестер Јунајтед не зависи само од Погба. Се базира на целиот тим. Пол не може сам да победи. Тој презема на себе многу, лидер е. На теренот прави се што може. Но, некогаш тоа не е доволно. Мора да има поддршка од соиграчите, изјави Дешам. Манчестер Јунајтед по седум рунди се наоѓа на 10 место во Премиер лигата со 10 бода. Погба кој под водство на селекторот Дешан во јули со Франција ја освои титулата светски шампион, во тековната сезона настапи на осум натпревари за тимот од „Олд Трафорд“ и има ефект од четири погодоци, и две асистенции.