дидие дешамп – Kurir.mk

Дешамп објасни зошто Бензема не играше на СП во Катар

Бошко Тасиќ — Sun, 12 Mar 2023 07:37:30 +0000

Играчот на Реал Мадрид Карим Бензема го пропушти последниот Мундијал во Катар, официјално поради повреда. Но, со тоа веројатно не се согласува фудбалерот кој ја продолжи „војната“ на социјалните мрежи со актуелниот француски селектор Дидие Дешамп, кој не сметаше на Карим на последните две Светски првенства. Дешамп објасни што се случувало пред почетокот на Мундијалот, објаснувајќи дека самиот Бензема му соопштил дека нема да биде подготвен најмалку до 10. декември, и затоа не се нашол меѓу патниците на СП. Потоа Бензема се опоравил од повредата, но Дешамп се одлучи да не го повика.

„Не навредува кога се кажува тоа. Постои само една вистина, и Карим ја знае. Ни се приклучи на 14. ноември откако во клубот не беше целосно активен поради повреда. Работеше под посебна програма. Не беше сигурен дали ќе може да стартува против Австралија во првиот натпревар. Кога се повреди, нашиот лекар го однесе на магнетна резонанца. Карим резултатите ги испрати и на својот доктор во Мадрид. Во хотелот се врати после полноќ, јас го сретнав со нашиот лекар. Карим беше лут затоа што СП многу му значеше и рече дека е уништен. Во најдобар случај би се вратил на тренинзите на 10. декември. Рече дека е разочаран што мора да си оди, но одлуката ја правдаше за доброто на селекцијата. Бевме заедно 20 минути. Кога си заминуваше му реков нема потреба да брза. Беше тоа негова одлука, и јас ја почитувам“, рече Дешамп.

Бензема му одговори на социјалните мрежи со натпис „Каква дрскост“, и стави слика од кловн.

Важен член од „златната генерација“ на Франција: Дешамп нема однос со никого!

Ристе Здравков — Wed, 25 Jan 2023 14:31:27 +0000

Светските шампиони од 1998-ма година имаат традиција заедно да се собираат на почетокот на секоја година, па свечената вечера на „златната генерација“ на триколорите имала средба изминатиов понеделник (пред два дена). Неколку членови од легендарниот француски тим овојпат не се појавиле на пријателската средба, но на медиумите посебно внимание им привлекло отстуството на Дидие Дешамп, за кого веќе подолго време се зборува дека загубил секаков контакт со своите поранешни соиграчи. За да се разјасни оваа тема, Ротен го повикал Емануел Пети во совјата програма на „Радио Монте Карло“, во која светскиот првак од 1998-ма година навистина потврдил дека Дешамп комплетно се изолирал и не контактира речиси со никого. – Со кого има Дешамп однос? Навистина не знам што да кажам. Можам да кажам дека сигурно нема однос со златниот тим од 1998-ма година. Веќе долго време немаме слушнато ништо од него. – Можно е да има некој контакт со Десаи, но со нас останатите не. Тој нема однос со никого. Ни здодеа да молчиме и да не ја кажуваме вистината. Дешамп нема однос со никого, тоа е се, – изјавил Пети.

Дешам: Ќе беше помалку тешко доколку загубевме со 3:0

Катерина Бојаџиева — Sun, 18 Dec 2022 21:47:20 +0000

Селекторот на Франција, Дидие Дешамп даде свое видување за вечерашното финалето со Аргентина на Светското првенство 2022. Франција загуби на пенали, иако се врати по 0:2 и во продолженијата по 2:3. – Сега има уште повеќе жалење отколку да загубивме со 3:0. Тогаш немаше да има за што да се зборува. Не го направивме тоа што требаше да го направиме цел час, но потоа покажавме храброст, енергија, умешност. Меѓутоа, како заврши сето тоа? Загубивме, но ако допрете нешто, а тоа ви се лизне од раце, само станува потешко. Ќе мора да се помириме со ова. Направив рани замени бидејќи не бев среќен, мислев дека можеме подобро. Тоа не значи дека заменетите играчи се повеќе виновни од другите. Од различни причини не успеавме да ги покажеме нашите сили, но нема да навлегувам во детали. Успеавме да ја превртиме многу тешката ситуација благодарение на умешноста и волјата, но тоа не беше доволно, рече Дешамп на „TF1“. По натпреварот, претседателот на Франција, Емануел Макрон го замоли Дешам да остане на селекторското место на „триколорите“.

Дешамп пред полуфиналето со Мароко: За среќа навивачите не постигнуваат голови

Дарко Андоновски — Wed, 14 Dec 2022 08:54:38 +0000

Францускиот селектор Дидие Дешамп рече пред денешниот полуфинален натпревар на Светското првенство дека неговиот тим ќе биде инфериорен на трибините поради бројната поддршка која ја има Мароко, но оти среќна околност е што „головите не ги постигнуваат навивачи“. „Ќе биде бучно и се подготвуваме за тоа. Цела среќа е што навивачите не се тие кои постигнуваат голови. Дознавме како е да се игра во таква ситуација кога се натпреварувавме против Тунис. Мораме психички да бидеме подготвиме за тоа. Мароко? Грешат сите кои велат дека тоа е само силна дефанзивна екипа која на ова првенство прими само еден гол и тоа автогол. Само со одбранбена игра не би дотуркале толку далеку“, рече Демашп. Дуелот меѓу актуелниот светски првак, Франција, и најголемото изненадување на Мундијалот, Мароко, која воедно е прва африканска репрезентација која обезбедила полуфинале во историјата, ќе се игра вечерва од 20 часот на стадионот „Ал Бајт“ во Ал Кор. Натпреварот ќе го суди Цезар Артуро Рамос од Мексико.

Дешамп: Победивме многу добар англиски тим

Бошко Тасиќ — Sun, 11 Dec 2022 06:26:54 +0000

По завршувањето на натпреварот Англија-Франција , своето мислење го изнесе Дидие Дешамп. Селекторот на Франција е задоволен од прикажаното, а го најави и полуфиналето. „Прекрасно е чувството по една ваква победа. Вечерашниот беше одличен натпревар, победивме многу добар англиски тим. Но, уште еднаш одговоривме на предизвикот. Одлично е за сите играчи што стигнаа повторно до полуфиналето. Имаме менталитет, состојба на умот и тоа се покажува на теренот. Со срце и храброст однапред го славиме овој успех. Ќе го подготвиме дуелот против Мароко многу сериозно. Овој тим го заслужува тоа. Тие се сè, само не изненадување“, кажа Дешамп

Дешамп: Покажавме силен карактер

Ивона Петрова — Fri, 08 Oct 2021 09:14:00 +0000

Селекторот на француската фудбалска репрезентација Дидие Дешамп истакна дека клучен фактор за пресвртот во синоќешното полуфинале против Белгија во Лигата на нации бил силниот карактер на неговите играчи. – Тие (Белгија) имаа 20 минути одлична игра во првото полувреме и во тој период постигнаа два гола. Победата во ваков натпревар ја покажува силата на карактерот на екипата. Моите играчи никогаш не се откажуваат. Мислам дека на полувремето немаше многу луѓе, кои веруваа дека можеме да успееме, изјави Дешамп. Белгија поведе со головите на Јаник Караско во 37 минута и Ромелу Лукаку само три минути подоцна, одржувајќи го сигурното водство до 62 минута кога Карим Бензема прво ја преполови нивната предност, а седум минути подоцна Французите го израмнија резултатот преку Килијан Мбапе. Триколорите дојдоа до ретко виден пресврт во судиското продолжение со голот на Тео Хернандез Противник на Франција во финалето ќе биде Шпанија, која во средата во Милано го совлада домаќинот Италија со 2:1. Финалето е на програмата в недела на стадионот „Сан Сиро“ во Милано. – Дојдовме тука за да играме финале и сега ќе се бориме за трофејот. Ќе сториме сè за да го освоиме, најави францускиот селектор.

Стадион во Монако преименуван во чест на Дидие Дешам

Ристе Здравков — Thu, 13 Sep 2018 12:21:27 +0000

Стадион кој се наоѓа во Монако веднаш до арената на ист клуб „Луј Втори“ е преименуван во чест на селекторот на Франција, Дидие Дешам. Како што информира „Ле Фигаро“, францускиот тренер беше присутен на свечената церемонија. Исто така, церемонијата ја посети и принцот Алберт Втори од Монако и околу 500 гледачи, како и млади фудбалери од локалното училиште. „Стадион Дидие Дешам“ се наоѓа преку улицата од стадионот на Монако „Луј Втори“. Исто така, во чест на Дешам, еден стадионот беше именуван по него во неговиот роден град Бајон. Франција предводена од Дешам стана светски шампион на Мундијалот во Русија 2018.

Дешамп: Подготвени сме на сѐ против Белгија

Даниел Василев — Mon, 09 Jul 2018 18:11:32 +0000

Главната сила на тимот на Белгија е во нападот, но тоа што добро го познаваме противникот, не ни дава предност во полуфиналниот судир, изјави францускиот селектор Дидие Дешамп на денешната прес-конференција, пред утрешниот полуфинален меч меѓу Франција и Белгија, што ќе се игра од 20 часот во Санкт Петербург. - Белгијците имаат напаѓачки тим и тие покажуваа таков стил во текот на целиот турнир до тука. Во натпреварот со Бразил тие покажаа дека можат да играат добро и во одбраната, особено на крајот на натпреварот. Исто така, можат да се бранат многу добро во средината на теренот, но главната закана доаѓа од нападот, рече Дешамп. Тој истакна дека целиот тим на Франција е подготвен за средбата и во нивните редови нема повредени. - Дадов одмор на четворица играчи, за да бидат свежи за утрешниот натпревар, но повредени немаме, соопшти селекторот. Самиот тој е светски шампион како играч од 1998 година, а во 2016-та на ЕП во Франција, стигна до финалето, каде сепак претрпе пораз Португалија. Сега тој има нова можност да се искачи на врвот на светскиот фудбал како тренер. - Во моментов се уште припаѓам кон кругот од фудбалери кои станале светски шампиони со нозете на теренот. Кога ќе станам таков и како тренер, тогаш ќе ви кажам како се чувствувам, додаде Баскиецот. Инаку, францускиот тим се подготвува за секое сценарио во полуфиналето. - Белгија одигра одличен натпревар против Бразил со еден специфичен план за таа средба. Дали ќе го стори тоа и против нас? Сосема е возможно. Но, ние сме подготвени за се. Подготвени сме да се адаптираме на каква и да е тактичка шема на тимот на Белгија. Сметам дека и моите играчи во главите се подготвени за какво и да е сценарио, пресврт на натпреварот, како од самиот почеток, така и при промена на време на самата средба, заклучи 49-годишниот селектор на „петлите“. МИА

Осминафиналната фаза се отвора со дерби- еве што кажаа селекторите на Франција и Аргентина пред денешниот меч

Матеја Петровски — Sat, 30 Jun 2018 07:10:31 +0000

Од 16 часот денеска осминафиналната фаза од Светското првенство ја отвораат Франција и Аргентина. Селекторите на двете репрезентации се огласија пред почетокот на овој меч и ги кажаа нивните очекувања. Францускиот селектор, Дидие Дешамп кажа дека потребно е да „неутрализираат“ Лионел Меси. -Тој знае со многу малку потези да направи голема разлика. Поради тоа ќе мора да го запреме, да го неутрализираме. На 127 натпревари за националниот тим има дадено 65 гола. Тешко ќе биде да се чува еден од најдобрите играчи на светот, меѓутоа ние ќе се обидеме. Се надевам дека по натпреварот ќе може да се пофалиме дека сме одиграле добро во одбраната, а секако треба да функционираат беспрекорно и другите линии. Покрај Меси, Аргентина има и други големи ѕвезди и врвни фудбалери и затоа очекувам исклучително тежок натпревар, истакна Дешамп. Селекторот на Аргентина, Хорхе Сампаоли, пак пред натпреварот вели дека неговиот тим ќе биде под огромен психолошки притисок. - Аргентина ќе игра со нож меѓу забите. Знаете какви се очекувањата во земјата и што значи фудбалот за Аргентинците. Сите ја видовте реакцијата по пласманот во осминафинаето кој „висеше“ до последен момент. Не очекува тежок меч, но се зависи од нас самите. Мораме да ја контролираме играта. Ако не го сториме тоа ќе има многу физичка борба, а нам тоа не ни одговара. Франција е тим кој брзо ја движи топката, игра цврст фудбал и затоа не треба да им дозволиме да се „растрчаат“, рече Сампаоли. Овие две репрезентации меѓу себе имаат играно само два пати во историјата на Мундијалите, а во двата наврати во 1930 и 1978 победник била Аргентина. Натпреварот со кој ќе биде отворена елиминациската рунда на СП во Русија почнува во 16 часот, а во вториот меч вечерва од 20 часот играат Уругвај и Португалија.

Дешамп шокираше: Објавен конечниот список за Светското првенство- четири големи ѕвезди остануваат дома

Матеја Петровски — Fri, 18 May 2018 20:55:05 +0000

Изненадувачки сигурно, а за многу и со доста шокови е списокот на францускиот селектор, Дидие Дешамп, на него фалат четири ѕвезди, но како и да е тимот изгледа моќно. Дешамп одлучи во Русија да замине без ѕвездите од Премиер лигата, Александре Лаказет и Антони Марсијал, место на списокот немаше ниту за најдобриот фудбалер на Марсеј, Димитри Паје, како и за еден од најдобрите играчи на ПСЖ оваа сезона Адриен Рабио. Во одбраната на репрезентацијата поради повреда ќе фали Лорен Кошиелни од Арсенал, а главни ѕвезди таму се дефанзивците на Барселона и Реал Мадрид, Умтити и Варан. Во средината исто така Франција има одлични играчи, а оние од кои најмногу ќе се очекува сигурно се Канте и Погба. Нападот изгледа и повеќе од страшно, таму главни ѕвезди ќе бидат Гризман и Мбапе. Голмани: Хуго Лори, Алфонс Ареола, Стив Манданда. Одбрана: Лукас Хернандез, Преснел Кимпембе, Бенџамин Менди, Бенџамин Павар, Адил Рами, Џибрил Сидибе, Самуел Умтити, Рафаел Варан Средина: Н’Голо Канте, Блес Матуиди, Стивен Н’Зонзи, Пол Погба, Корентин Толисо Напад: Осман Дембеле, Набил Фекир, Оливие Жиру, Антоан Гризман, Томас Лемар, Килијан Мбапе, Флорин Товин.