дидие дрогба – Kurir.mk

Дрогба не е избран за претседател на Фудбалската федерација на Брегот на Слоновата коска

Тале Кристо — Mon, 25 Apr 2022 12:55:52 +0000

Прославениот фудбалер на Брегот на Слоновата коска, Дидие Дрогба, не успеа во својата намера да стане претседател на тамошната фудбалска федерација, јави денеска агенцијата ДПА. Дрогба испадна во првиот круг гласање, а за нов претседател на Фудбалската федерација на Брегот на Слоновата коска е избран 61-годишниот Јасин Идриз Дијало. Во текот на кариерата, 44-годишниот Дрогба беше капитен на репрезентацијата на Брегот на Слоновата коска и нејзин најдобар стрелец во историјата. На 105 натпревари постигна 65 голови, а со националниот тим настапи на три светски првенства (2006, 2010, 2014).

Дрогба не е избран за претседател на Фудбалската федерација на Брегот на Слоновата коска

Ивана Ефремовски — Sun, 24 Apr 2022 14:30:59 +0000

Дрогба: Мурињо може да го направи Сити шампион најмалку два-три пати

Ивона Петрова — Thu, 22 Nov 2018 20:15:05 +0000

Поранешниот напаѓач на Челзи, Дидие Дрогба, кој стави официјално крај на кариерата, смета дека неговиот поранешен тренер Жозе Мурињо може далеку полесно да стане шампион на чело на Манчестер Сити, кој во моментов е предводен од Пеп Гвардиола. Специјалниот трпи критики поради лошите резултати кои ги постигнува во Манчестер Јунајтед, а Африканецот има објаснување зошто стратегот на „црвените ѓаволи“ е толку многу критикуван во последно време. – Мислам дека ако Мурињо го преземеше Манчестер Сити, без проблеми досега ќе ја освоеше титулата два или три пати. Добива критики, бидејќи е менаџер кој сме навикнати да гледаме како освојува многу трофеи. Во моментов е тешко, сепак. Да се вратиме малку назад, меѓутоа и да видиме како се справија оние кои беа пред Жозе на „Олд Трафорд“. Не е лесно да го замениш Сер Алекс и да ги постигнуваш неговите успеси. Тоа е голем товар, изјави Дрогба, цитиран од „Скај Спортс“. Поранешниот репрезентативец денеска официјално објави дека става крај на својата фудбалска кариера.За последно, 40-годишниот напаѓач настапуваше во втората американска лига, во тимот на Феникс. МИА

Дрогба ги негираше информациите за пензионирање

Дарко Андоновски — Sat, 10 Nov 2018 08:33:18 +0000

Напаѓачот Дидие Дрогба, ги негираше информациите дека става крај на неговата кариера. Четириесет-годишниот поранешен ас на Челзи игра во последниве години за Феникс, кој во вчера загуби со 0:1 во финалето на УСЛ против Луисвил. Според разни публикации, ова беше последниот натпревар на Дрогба, но тој не се согласува со тоа. Тој постави видео на Твитер со сцена од филмот „Волкот од Вол стрит“ со учество на Леонардо Ди Каприо. Во предметната сцена, ликот на Ди Каприо им објавува на своите вработени дека не ја напушта компанијата.

Крај на една ера: Дрогба ја заврши блескавата кариера

Дарко Андоновски — Fri, 09 Nov 2018 13:24:12 +0000

Еден од најдобрите фудбалери последните 15 години Дидие Дрогба денеска и официјално го објави крајот на својата играчка кариера. Негов последен натпревар беше синоќешното финале од плеј-офот во втората американска лига меѓу Феникс Рајзинг и Луисвиле Сити кој тимот на Дрогба го загуби со 0-1. Поранешниот фудбалер на Челси и репрезентативец на Брегот на Слоновата Коска помина три години во САД, а претходно настапуваше во Челси. Најблескавиот период од кариерата го помина во Челси во чиј дрес освои четири титули во Премиер лигата и една во Лигата на шампионите. Од фудбалот се прости на 40-годишна возраст.