диего армандо марадона – Kurir.mk

Загина навивач во Италија, се обиде да влезе на дерби без влезница

Бошко Тасиќ — Tue, 31 Oct 2023 04:58:34 +0000

Телото на мртов 42-годишен маж е пронајдено на напуштен паркинг до стадионот Диего Армандо Марадона во Неапол по неделниот натпревар меѓу Наполи и Милан (2:2).

Мажот се обидел да влезе на трибините без билет и паднал од висина од околу 20 метри и починал на лице место.

Пријател на починатиот во полиција изјавил дека двајцата низ тунел влегле во просторот на стадионот и се обиделе да продолжат кон трибините.

Починатиот прв тргнал и успеал да се искачи во обид да влезе на трибините, но потоа паднал од голема височина. Неговиот пријател останал долу, бидејќи патот му бил блокиран од греда која паднала од конструкцијата.

Меси: Верувам дека Марадона би бил среќен што го подобрив неговиот рекорд

Ристе Здравков — Thu, 01 Dec 2022 15:36:21 +0000

Аргентинскиот напаѓач Лионел Меси го коментира своето достигнување во репрезентацијата во кое го надмина легендарниот аргентински фудбалер Диего Марадона. Меси го одигра својот 22. натпревар на светските првенства за репрезентацијата на Аргентина во синоќешната победа од 2:0 над Полска, со што го подобри рекордот на Марадона од 21 настап за „гаучосите“ на мундијалите. „Многу бргу дознав дека го соборив неговиот рекорд. Не го знаев тоа. Среќен сум што можам да продолжам да поставувам такви рекорди. Верувам дека Диего би бил многу среќен за мене бидејќи секогаш ми покажуваше многу љубов. Тој секогаш беше среќен, кога сè ми одеше добро“, изјави Меси, цитиран од „РМЦ спорт“. Репрезентацијата на Аргентина се пласира во осмина-финалето на Светското првенство во Катар 2022 година завршувајќи на првото место во својата група. Во осмина-финалето Аргентинците ќе играат против Австралија.

ДВЕ ГОДИНИ ОД СМРТТА НА МАРАДОНА: Катар и Доха и оддадоа почит на фудбалската легенда, Аргентинците направија забава (ФОТО+ВИДЕО)

Магдалена Андонова — Sat, 26 Nov 2022 10:29:00 +0000

Аргентинците и Меѓународната фудбалска федерација (ФИФА) на маргините на Светското првенство во Катар ја одбележаа двегодишнината од смртта на легендарниот фудбалер Диего Армандо Марадона. Неколку илјади аргентински навивачи се собраа во петокот вечер на еден од плоштадите во Доха за да му оддадат почит на Марадона и да изразат поддршка на својата репрезентација, која по сензационалниот пораз од Саудиска Арабија, вечерва ја очекува дуел против Мексико во рамки на второто коло во групата Ц. Улиците на Доха беа преплавени со аргентински знамиња, додека голем број аргентински навивачи го скандираа името на Марадона и пееја песни во негова чест.

🏆 BANDERAZO ARGENTINO EN #QATAR2022 EN MEMORIA DE DIEGO #MARADONA 🇦🇷

Miles de fanáticos de la #Scaloneta se reunieron en Souq Waqif, uno de los mercados turísticos de Doha, para brindarle su apoyo a la Selección en la previa de México y para recordar el 2do aniversario de 🔟👏🏻 pic.twitter.com/mi7PfrIC9H
— ADNSUR (@ADNsur) November 25, 2022

-Премногу ни недостасува. Секогаш беше со нас. Сигурен сум дека ќе ја гледа репрезентација каде и да е и би требало да ни помогне“, рече еден аргентински навивач во Доха. Претседателот на ФИФА, Џани Инфантино, рече дека Марадона е бесмртен и најави оти на секо Светско првенство во иднина ќе има ден резервиран за сеќавање на легендарниот аргентински фудбалер. -Сите знаат за уникатната искреност и харизма кои ги имаше Диего. Беше голем лидер во Аргентина, Јужна Америка и во целиот свет. Мораме да продолжиме да го славиме, додаде Инфантино. Марадона почина на 25 ноември 2020 година од срцев удар во својот дом во Буенос Аирес додека се рехабилитираше од операција на мозокот.

ФИФА најави дека од следниот Мундијал ќе има ден посветен на Марадона

Бошко Тасиќ — Sat, 26 Nov 2022 06:06:38 +0000

Претседателот на светската фудбалска федерација (ФИФА), Џани Инфантино, смета дека од наредното Светско првенство треба да има ден посветен на Диего Марадона. Легендарниот Аргентинец почина на 60-годишна возраст на 25 ноември 2020 година од срцев удар. Оддавајќи почит за време на Светското првенство во Катар по повод втората годишнина од смртта на Марадона, Инфантино рече дека дека на секое наредно Светско првенство, светот треба да се потсетува на легендарниот Аргентинецот и еден ден треба да биде посветен токму за него. „Диего е бесмртен, тој е со нас. Не само што треба да му оддадеме почит, туку треба и да го славиме Диего. Би сакал на секое наредно Светско првенство да издвојуваме еден ден за славење на Диего Армандо Марадона, бидејќи тој направи многу луѓе да се заљубат во фудбалот. Јас сум Италијанец и навивам за Интер, не сум навивач на Аргентина или Наполи, и секако Диего многупати ги расплака и Интер и Италија, но ние сепак го сакаме. Диего беше голем лидер во Аргентина, во Јужна Америка и во целиот свет. Мораме да продолжиме да го славиме. Чувствувам голема емоција, посакуваме тој да беше тука на ова Светско првенство, но тој е во сите наши срца”, изјави Инфантино.

На денешен ден: Пред две години почина фудбалската легенда Марадона

Ивона Петрова — Fri, 25 Nov 2022 07:38:04 +0000

На 25 ноевмри 2020 година, на 60-годишна возраст во Тигре, предградие на Буенос Аирес, почина легендарниот аргентински фудбалер Диего Армандо Марадона. Тој е најдобриот фудбалер на 20 век со гласање на официјалната веб-страница на ФИФА. Марадона е првиот носител на почесна „Златна топка“ на „Франс Фудбал“. За време на неговата 21-годишна кариера како фудбалер, тој играше во шест екипи, вклучувајќи ги Бока јуниорс (двапати), Барселона и Наполи. За клубовите одигра на 491 натпревар и постигна 210 гола. Учествуваше на четири светски шампионати од 1982 до 1994 година, стана шампион во 1986 година и вицешампион во 1990 година. Одигра 91 натпревар за Аргентина, постигнувајќи 34 гола. Од 1986 година е капитен на националниот тим. Во 1986 година ја освои Златната топка за најдобар фудбалер на Светското првенство. На четвртфиналниот натпревар против Англија постигна два гола, кои влегуваат во историјата на фудбалот. Првиот, постигнат со рака стана познат како „рака на Бога“. Вториот, по спектакуларниот дриблинг што започна од централната линија на теренот, помина крај четворица англиски играчи, се нарекува „Цел на векот“. Во 1991 година тој беше суспендиран на 15 натпревари откако беше осуден за допинг. Во 1994 година, за време на Светското првенство во САД, тој повторно беше позитивен на допинг тест – овој пат ефедрин, што беше крај на неговата кариера за националниот тим. Диего Армандо Марадона е роден на 30 октомври 1960 година во Ланус, близу Буенос Аирес, како петто од осумте деца во семејството на Диего Марадона и Далма Салвадоре Франко.

На неговиот роденден: Наполи му оддаде почит на Диего Армандо Марадона (ФОТО)

Магдалена Андонова — Mon, 31 Oct 2022 08:42:56 +0000

Фудбалскиот клуб Наполи на роденденот на Марадона му оддаде почит и се потсети на легендарниот аргентински фудбалер Диего Армандо Марадона. По повод 62-от роденден на Марадона се одржаа голем број активности. Сеќавањето на „десетката“ започна пред два дена, пред мечот во кој Наполи го победи Сасуоло со резултат 4:0 во Серија А, на стадионот што го носи неговото име. По неговата смрт, стадионот доби и статуа на Марадона, која беше поставена во тунелот на соблекувалната. Почит оддадоа голем број навивачи, а присутни беа и поранешните соиграчи на Марадона. - Додека талентот го постигнува она што другите не можат, генијалноста го постигнува она што другите не можат да го замислат. Тоа беше разликата помеѓу Марадона и сите останати, изјави тренерот на Наполи, Лучијано Спалети. Исто така, група верници се собраа во светилиштето на Марадона во Квартиери Спањоли во Неапол во неделата за да го одбележат неговото раѓање. Во Помпеја, која е дел од Неапол, официјално беше отворена улицата „Диего Армандо Марадона“ и големиот мурал со ликот на ѕвезда, дело на аргентинскиот уметник Максимилијан Бањаско. Марадона почина на 25 ноември 2020 година во својот дом во Тигре, а во извештајот од обдукцијата се вели дека легендарниот фудбалер подлегнал на акутен белодробен едем предизвикан од хронична срцева слабост. Роден е на 30 октомври 1960 година во Буенос Аирес. Во текот на својата блескава кариера играше за Аргентинос Јуниорс, Бока Јуниорс, Барселона, Наполи, Севиља, Њуелс Олд Бојс. Кариерата ја заврши во Бока Јуниорс во 1997 година. Работеше и како тренер, а најсериозен ангажман му беше од 2008 до 2010 година кога ја водеше аргентинската репрезентација. Како играч на репрезентацијата на Аргентина, тој стана светски шампион во 1986 година во Мексико. Во репрезентативниот дрес одигра 91 натпревар и постигна 34 голови.

💙 pic.twitter.com/33qhaXAWIU
— Official SSC Napoli (@sscnapoli) October 29, 2022

Топката со која Марадона постигна два гола против Англија на СП 1986 се продава на аукција

Катерина Бојаџиева — Thu, 13 Oct 2022 17:19:07 +0000

Топката со која Диего Армандо Марадона ги постигна двата гола во победата на Аргентина над Англија (2-1) во четвртфиналето на Мундијалот 1986, првиот познат како „Божја рака“, а вториот наречен „Гол на столетието“ идниот месец ќе биде продадена на аукција во Велика Британија. Проценките се дека топката може да достигне цена меѓу 2.9 и 3,4 милиони долари. Продажбата е закажана за 16 ноември од британската аукциска куќа Грахам Буд (Graham Budd). Топката е во сопственост на Тунижанецот Али Бин Насер, кој беше главен судија на дуелот меѓу Аргентина и Англија одигран на стадионот „Астека“ во Мексико сити.

Дресот на Марадона од СП 1986 продаден за рекордна сума

Дарко Андоновски — Thu, 05 May 2022 13:58:07 +0000

Дресот што легендарниот аргентински фудбалер Диего Армандо Марадона го носеше во четвртфиналето на Мундијалот 1986 година против Англија, кога постигна гол со рака, е продаден на аукција за рекордни 7.1 милиони фунти. Повеќе од 35 години сопственик на легендарниот дрес со бројот 10 беше поранешниот англиски репрезентативец Стив Хоџ, кој по завршувањето на четвртфиналето го размени својот дрес со Марадона. Победата на Аргентина во четвртфиналето на Светското првенство во 1986 година е една од најконтроверзните во историјата на мундијалите токму поради голот што подоцна го доби прекарот „Божја рака“. Поранешниот англиски репрезентативец, кој својата автобиографија ја наслови „Човекот со дресот на Марадона“, дресот му го довери на Националниот фудбалски музеј во Манчестер за таму да биде изложен и вети по смртта на Марадона во 2020 година дека предметот нема да се продава, бидејќи има „неверојатна сентиментална вредност“. Во меѓувреме, Хоџ се предомисли и дресот е продаден за рекордна сума. Досега рекордниот износ што беше платен за спортски дрес изнесуваше 4.4 милиони фунти, за дресот на безбол легендата Њујорк Јенкис, Бејб Рут, во 2019 година. Истата година Олимпискиот манифест од 1892 година беше продаден за околу седум милиони фунти (8.8. милиони долари).

ВИДЕО: Наполи ја претстави статуата на Марадона на годишнината од неговата смрт

Ристе Здравков — Mon, 29 Nov 2021 07:15:19 +0000

На една година од смртта на големиот Диего Армандо Марадона, клубот кој ја одбележа неговата кариера откри прекрасна статуа во негова чест. Наполи и навивачите на италијанскиот клуб му оддадоа посебна почест на аргентинскиот генијалец, кој како играч освои два шампионати на Италија и еден трофеј на Купот на УЕФА. Пред почетокот на дуелот против Лацио беше откриена статуата на „десетката“ на Аргентина и Наполи во доцните осумдесетти, а навивачите не престанаа да ракоплескаат.

Наполи го совлада Лацио со 4-0 и се издвои на врвот со три бода повеќе од второпласираниот Милан.

Наполи ќе игра со специјални дресови во чест на Марадона

Бошко Тасиќ — Sat, 06 Nov 2021 19:56:38 +0000

Италијанскиот фудбалски клуб Наполи ќе игра со специјални дресови во чест на легендарниот Диего Армандо Марадона кој остави голема трага во клубот од Неапол. Се работи за дресови со кои ќе биде ликот на славниот Аргентинец со што ќе биде одбележана годишницата од трагичната смрт на еден од најголемите фудбалски виртуози на сите времиња. Дресот е направен од Емпорио Армани и истиот има име „Maradona Game“. Елиф Елмас и неговите соиграчи ќе ги носат на три натпревари во Серија А и тоа против Верона, Интер и Лацио. Воедно истите ќе бидет достапни во три различни бои и во само по 1926 примероци за секој, бројка која го означува основањето на годината на клубот. Дел од средствата кои ќе се заработат ќе бидат донирани во хуманитарни цели.