диего годин – Kurir.mk

Годин раскина со Интер

Дарко Андоновски — Sat, 19 Sep 2020 08:18:06 +0000

Дефанзивецот Диего Годин го раскина договорот со Интер, објавија италијанските медиуми. Уругваецот имаше договор со „нероазурите“ на уште две години, но сега се согласи со управата да го раскине договорот. Сепак, повеќе детали од разговорите меѓу двете страни не се откриени. Триесет и четири-годишниот ветеран сега може да потпише со Каљари како слободен агент. Тој се согласи со раководството на екипата од Сардинија и се очекува да се приклучи на клубот до 2023 година. Трансферот се очекува да биде објавен подоцна денес. Раскинувањето на договорот со Годин беше важно за Интер, бидејќи клубот ослободи средства во буџетот за да го привлече Артуро Видал од Барселона.

Годин ќе го напушти Интер поради Конте

Ивона Петрова — Thu, 09 Apr 2020 10:19:53 +0000

Дефанзивецот Диего Годин летово ќе го напушти Интер. Според новинарот Фабрицио Романо, Уругваецот не можел да се прилагоди на тактичкиот систем на тренерот Антонио Конте. Интер ќе го купи Мараш Кумбула од Верона за да го замени Годин. Оваа сезона, Годин играше на 25 натпревари и оствари една асистенција, а Кумбула има 19 настапи и постигнато еден гол.

Годин ќе се приклучи на Интер во текот на летото

Ристе Здравков — Tue, 15 Jan 2019 10:37:39 +0000

Одбранбениот фудбалер на Атлетико Мадрид, Диего Годин, чиј договор истекува во јуни 2019 година, ќе замина во Интер во летниот трансфер рок, јавува радиостаницата „Кадена СЕР“. Атлетико му нуди на Годин едногодишен договор, но спортистот не е задоволен. Изворот на информацијата тврди дека 32-годишниот уругвајски фудбалер ќе потпише двегодишен договор со калчолигашот за плата од 5,5 милиони евра по сезона. Во тековната сезона, Годин играше на 21 натпревар за Атлетико, постигна два гола и забележа една асистенција.

Атлетико повторно може да смета на Годин и на Филипе Луис

Ристе Здравков — Mon, 10 Dec 2018 12:56:08 +0000

Дефанзивецот на Атлетико, Диего Годин, закрепна од повредата и е вклучен во составот за натпреварот од шестиот круг од групната фаза на УЕФА Лигата на Шампионите со Бриж. Истото важи и за Фелипе Луис кој е подготвен да игра со Белгијците. Во исто време, според официјалната веб-страница на мадридскиот клуб, Лука Ернандез и Стефан Савиќ. Поради повреди нема д абидат во можност да му се стават на располагање на тренерот Диего Симеоне. Натпреварот Клуб Бриж – Атлетико Мадрид се игра утревечер од 21 часот. Атлетико веќе обезбеди пласман во осминафиналето од ЛШ, додека Бриж ќе продолжи во ЛЕ без оглед на исходот од утрешниот дуел.

Манчестер Јунајтед сака да го ангажира Годин од Атлетико

Ивона Петрова — Fri, 16 Nov 2018 13:01:55 +0000

Манчестер Јунајтед сака да го донесе во своите редови одбранбениот фудбалер на Атлетико Мадрид, Диего Годин, објавија британските медиуми. Според „Дејли Стар“ англискиот клуб е подготвен да плати 20 милиони фунти за Уругваецот. 32-годишниот Годин оваа сезона играше 15 натпревари за Атлетико и постигна два гола, оствари и една асистенција. Како краткорочна алтернатива, Јунајтед решение во дефанзивната линија гледа во играчот на Челзи, Гери Кахил, кој може да се пресели на „Олд Трафорд“ во јануари. МИА

Годин одби да го продолжи договорот со Атлетико

Предраг Кукиќ — Wed, 15 Aug 2018 12:16:47 +0000

Дефанзивецот на Атлетико Мадрид, Диего Годин призна дека го одбил новиот договор со клубот. Уругваецот во новата сезона ќе биде капитен на „јорганџиите“. - Не го продолжив договорот од лични причини. Исто така, ги отфрлив неколкуте понуди добиени ова лето од други клубови. Оваа сезона повторно се обидуваме да ја освоиме Лигата на шампионите, исто така ќе се обидеме да ја подобриме играта и резултатот во сите натпреварувања, изјави Годин. Уругваецот на истекот на летниот рок ја одби и понудата од менаџерот на Манчестер Јунајтед, Жозе Мурињо. (МИА)

Годин го одби Јунајтед, Мурињо во паника да пронајде стопер

Дарко Андоновски — Thu, 09 Aug 2018 12:49:05 +0000

Уругвајскиот дефанзивец Диего Годин одби да го напушти Атлетико Мадрид и да потпише за Манчестер Сити, објави шпанска „Марка“. Менаџер на Јунајтед, Жозе Мурињо е во панична потрага по засилување за стоперската позиција, инсистираше на Годин, но 32-годишниот играч решил да остане во Мадрид и се согласи на нов договор. Мурињо сакаше да ја активирате откупната клаузула и да плати 20 милиони евра за Годин, но фудбалерот одби плата од дури девет милиони евра. Годин е член на Атлетико веќе осум години, три претходно беше дел од Виљареал и целосно е задоволен од животот во Шпанија. Јунајтед во летниот преодниот рок не успеа да ги ангажира ниту Тоби Алдервејрелд од Тотенхем, Хари Мегвајер од Лестер, Џери Мина од Барселона, а на листата желби се наоѓа и Жером Боатенг од Баерн Минхен.

Роналдо е само почеток на трансфер „лудилото“ во Торино: Уште три фудбалски мега ѕвезди доаѓаат во Јувентус?

Матеја Петровски — Mon, 16 Jul 2018 19:06:03 +0000

Денеска официјално во прес центарот на Јувентус беше презентирано новото засилување на клубот, Кристијано Роналдо, може да се каже дека клубот од Торино веќе изгледа доста страшно, а ако се остварат прогнозите на медиумите во Италија и низ светот, торинскиот великан може да направи навистина непобедлив колектив. Досега во тимот на Јувентус покрај Роналдо пристигнаа и Матија Калндара, Леандро Спинацола, Емре Џан, Матија Перин и Жоао Кансело, а откупен беше и договорот на Даглас Коста. Кога ќе се погледнат досега овие имиња, јасно е дека тројката Ањели- Марота- Паратичи, направија навистина одлична работа за само 16 дена од преодниот рок. Но, сериозни се шпекулациите дека Јувентус не планира тука да застане, а имињата кои се поврзуваат со Јувентус се три големи мега ѕвезди. Едната од тие ѕвезди е левиот бек на Реал Мадрид, Марсело, кој на Инстаграм објави фотографија каде вели дека наскоро повторно ќе биде заедно со Роналдо. Оваа информација уште толку им даде жар на медиумите за да пишуваат за трансфер на Бразилецот во Јувентус. А шансите за овој трансфер да се оствари дека се реални потврдуваат и информациите кои велат дека на излезна врата од Јувентус е еден друг Бразилец, левиот бек на тимот, Алекс Сандро. Уште едно големо име е планирано за во дефанзивата, а тоа според информациите на медиумите е Диего Годин, за кого Јувентус е спремен да плати 25 милиони евра, кај фудбалерот постои голема желба да дојде во Торино, но ќе треба да се омекне тврдиот став за овој трансфер на Диего Симеоне, кој не сака да го пушти од Атлетико Мадрид. А третата голема ѕвезда која се споменува како можно засилување во Торино е Пол Погба, за кого ова би било враќање во италијанскиот шампион. И тука медиумите добија потпора да пишуваат, откако вчера на прославата на титулата за светски првак на Франција, фудбалерот на Јувентус Матуиди му кажа на Погба да дојде во Јувентус, а тој почна да вика Старата дама, Старата дама... Доколку овие трансфери се остварат тимот на Јувентус би можел да изгледа вака: На голот би бил Војчех Шчезни, во дефанзивата Жоао Кансело, Диего Годин, Џорџо Киелини и Марсело, во средниот ред би се нашле Емре Џан, Миралем Пјаниќ и Пол Погба, додека напред би биле по крилните позиции Пауло Дибала и Даглас Коста, а во централниот дел од нападот Кристијано Роналдо. Кога на овие 11 играчи ќе се додадат новиот голман Матија Перин, Матија Де Шиљо, Медхи Бенатија, Сами Кедира, Клаудио Маркизио, Гонзало Игуаин (доколку не замине во, најверојатно во Челзи), Алекс Сандро (доколку не замине, според последните шпекулации можно е во ПСЖ), Матија Калдара, Блез Матуиди, Андреа Барзаљи, Марио Манџукиќ, Даниеле Ругани (доколку не замине, најверојатно во Челзи), Стефано Стураро, Родриго Бентанкур, Федерико Бернардески, Хуан Квадрадо, Леонардо Спинацола... јасно е дека Јувентус ќе има и повеќе од пеколен тим. Инаку, управата на Јувентус, посебно онаа задолжена за трансферите, предводена од Џузепе Марота и Фабио Паратичи, во светскиот фудбал важи за најдобрата во својата работа, токму затоа не треба да чуди доколку дојде до реализација на некои од овие трансфери, кои во моментов можеби и изгледаат нереално, слично како што беше случајот и со Кристијано Роналдо, новата седумка на Јувентус која беше денеска промовирана.