Диего Карлос – Kurir.mk

Астон Вила се засили со Карлос од Севиља

Дарко Андоновски — Fri, 27 May 2022 10:18:39 +0000

Премиерлигашот Астон Вила постигна договор со шпанскиот прволигаш Севиља за трансфер на бразилскиот фудбалер Диего Карлос, потврдија двата клуба. Финансиските детали не се објавени, а според англиските медиуми, вредноста на договорот изнесува 26 милиони фунти. Карлос беше дел од бразилската репрезентација, која на Олимписките игри во Токио го освои златниот медал. Бразилецот е второ засилување на Астон Вила за новата сезона, по Бабукар Камара од француски Олимпик Марсеј.

Астон Вила купува од Севиља

Бошко Тасиќ — Thu, 26 May 2022 20:11:21 +0000

Астон Вила е многу блиску до третото засилување за новата сезона, тимот предводен од Стивен Џерард го договори Диего Карлос од Севиља. Филипе Кутињо беше задржан и постигнат договор со Барселона за перманентен трансфер на Бразилецот. Астон Вила потоа успеа да ја доби битката за потписот на Бубакар Камара од Марсеј, а сега е потврдено и третото засилување. Тимот предводен од Стивен Џерард соопшти дека начелно е постигнат договор за трансфер на Диего Карлос од Севиља. Бразилецот важи за еден од подобрите дефанзивци во Шпанија и има откупна клаузула од 80 милиони евра. Во моментов нема потврда за сумата која ќе биде платена.

Играч на Нант го обвини судијата дека се потсмевал со неговиот тим

Ивона Петрова — Sat, 01 Dec 2018 16:46:12 +0000

Одбранбениот фудбалер на Нант, Диего Карлос, го обвини судијата дека го исмевал неговиот тим за време на натпреварот од Француското првенство со Сент-Етиен (0:3). Според него, судијата Жером Бризар си дозволил неприфатлива изјава на крајот од натпреварот, кога играчите на Нант побарале повеќе дополнително време. Судијата се насмеал и рекол: – Дали ви треба повеќе време за да примите и четврти гол? Карлос вели дека судијата не смеел да го каже тоа. -Изненадувачки, судијата го рече тоа. Има записи од камери, можете да проверите што рекол, изјави фудбалерот на Нант. Арбитерот одби да го коментира инцидентот, велејќи дека постојат надлежни органи кои ќе ја разјаснат ситуацијата. МИА