диего коста – Kurir.mk

Диего Коста се сели во бразилски Ботафого

Бошко Тасиќ — Sun, 13 Aug 2023 15:51:38 +0000

Поранешниот напаѓач на Челзи и Атлетико Мадрид, Диего Коста, потпиша за водечкиот тим во бразилското првенство Ботафого, соопшти бразилскиот клуб. Коста (34) беше без ангажман од јуни кога ги напушти редовите на премиерлигашот Вулверхемптон и со Ботафого потпиша четиримесечен договор. „Многу сум среќен што сум избран да бидам дел од семејството. Ви благодарам и се гледаме наскоро“, објави поранешниот шпански репрезентативец на социјалните мрежи.

Диего Коста се враќа во Европа?

Тале Кристо — Wed, 26 Jan 2022 07:27:31 +0000

Поранешниот играч на Челзи и Атлетико мадрид, Диего Коста по само пет месеци реши да го напушти Атлетико Минеиро. Според информациите на италијанските медиуми тој добил понуда да заигра во италијанската Серија А. Наводно, италијанскиот калчолигаш Салернитана која се бори за опстанок во Серија А, а на Салернитана и се потребни играчи кои можат веднаш да помогнат затоа што клубот не се наоѓа во добра ситуација. Коста имал понуда и од Коринтијас, но наводно негова желба е да се врати во Европа и кариерата да ја заврши во најсилните првенства.

Диего Коста си најде клуб

Бошко Тасиќ — Sun, 15 Aug 2021 07:29:44 +0000

Фудбалерот Диего Коста е нов играч на Атлетико Минеиро, потврди бразилскиот тим на социјалните мрежи. Шпанскиот репрезентативец кој осум месеци беше без клуб во таборот на Атлетико доаѓа како слободен играч, тој за првпат во својата кариера ќе заигра за клуб од Бразил. Атлетико Мадрид беше последниот тим за кого настапуваше, таму мина две години, откако претходно беше дел од Челзи.

Диего Коста во Бешикташ

Ивона Петрова — Fri, 18 Jun 2021 06:48:59 +0000

Напаѓачот Диего Коста ќе се приклучи на Бешикташ. Според шпански „АС“, постигнат е договор меѓу турскиот клуб и фудбалерот. Претходно беше објавено за интересот за играчот од страна на Палмеирас, Бока јуниорс, Сао Паоло, како и клубови од Англија и од Саудиска Арабија. Триесет и двегодишниот Шпанец го раскина договорот со Атлетико Мадрид во јануари и сè уште е слободен играч. Тој игра за клубот од Мадрид од 2018 година. Во сезоната 2020/21, Коста одигра седум натпревари и постигна два гола.

Коста се согласи да се пресели во Бенфика

Тале Кристо — Thu, 25 Mar 2021 09:44:15 +0000

Поранешниот напаѓач на Атлетико Мадрид и Челзи, Диего Коста, најверојатно ќе продолжи со кариера во португалскиот шампионат. Триесет и двегодишниот Шпанец дал согласност за трансфер во Бенфика, која му понудила двегодишен договор со плата од три милиони евра по сезона. Исто така, понудени му се и бонуси во висина од три милиони, пишува „Мундо Депортиво“. Коста го напушти Атлетико на крајот на декември. Него го застапува познатиот фудбалски агент Хорхе Мендеш.

Диего Коста тренира со бразилски клуб откако го напушти Атлетико

Тале Кристо — Tue, 05 Jan 2021 13:42:59 +0000

Напаѓачот Диего Коста преку социјалните мрежи информира како се одвиваат неговите тренинзи. Фудбалерот се наоѓа во неговата татковина и тренира со матичниот клуб Лагарто. На крајот на декември 2020 година, Коста по своја слободна волја, го раскина договорот со Атлетико Мадрид. Сега тој е без тим. Беше објавено дека Арсенал, Јувентус и голем број бразилски клубови се заинтересирани за играчот. Во Атлетико, 32-годишниот Шпанец има одиграно 215 натпревари, постигнато 83 голови и направено 36 асистенции. Заедно со клубот Коста во 2014 година стана шампион на Шпанија. Оваа сезона Диего Коста има постигнато два гола на седум натпревари во Ла Лига.

Диего Коста може да ja продолжи кариерата во Арсенал

Тале Кристо — Tue, 29 Dec 2020 12:27:06 +0000

Напаѓачот на Атлетико Мадрид, Диего Коста може да продолжи со кариерата во Премиер лигата. Според шпански „АС“ Арсенал е заинтересиран за 32-годишниот фудбалер, кој може да договори трансфер бесплатно. Беше објавено дека напаѓачот сака да го напушти шпанскиот клуб по своја волја и да продолжи да игра во Англија. Коста играше во Премиер лигата за Челси од 2014 до 2017 година. За играчот се заинтересирани и клубови од Кина. Оваа сезона, Шпанецот постигна два гола на седум натпревари од лигата. Неговиот договор со Атлетико трае до 30 јуни 2021 година. „Трансфермаркт“ ја проценува вредноста на напаѓачот на 10 милиони евра.

Атлетико нема добиено понуди за Диего Коста

Ивона Петрова — Sun, 20 Sep 2020 13:51:03 +0000

Атлетико не доби никакви барања за трансфер за напаѓачот Диего Коста, објави „АС“. Според шпанскиот портал, Атлетико сака да го продаде 31-годишниот напаѓач, надевајќи се дека на негово место ќе ги ангажира Луис Суарез или Единсон Кавани. Минатата сезона во Ла Лига, Диего Коста одигра 23 натпревари на кои постигна пет гола и оствари четири асистенции. Во Мадридскиот клуб Коста се врати од Челзи во 2017 година

Диего Коста изјави пред семејството дека Милан е следната фаза од неговата кариера

Магдалена Андонова — Mon, 17 Aug 2020 18:47:38 +0000

Напаѓачот на Атлетико Мадрид, Диего Коста може наскоро да ги смени клубовите. Според новинарот Хуан Гато, 31-годишниот Шпанец по елиминацијата на Атлетико Мадрид во четвртфиналето на Лигата на шампионите, на семејството му кажал дека следната фаза од неговата кариера е Милан. Коста има намера да го напушти Атлетико, чиј договор истекува во летото 2021 година Минатата сезона, напаѓачот постигна пет гола и четири асистенции на 23 натпревари во Ла Лига. (MИА)

Урнебесно: Диего Коста го “нокаутира“ физиотерапевтот на Челзи (ВИДЕО)

Ивана Ефремовски — Wed, 22 Apr 2020 07:19:03 +0000

Џон Тери објави уренебесно видео на Инстаграм од периодот додека уште беше активен играч на Челзи, а во составот беше и Диего Коста. Шпанскиот репрезентативец кој важи за еден од највоинствените на теренот, имал вистински бокс-меч со физиотерапевтот на клубот и го нокаутирал. Сето ова се одвивало за време на ручек додека тимот бил на подготовки во претсезоната. За ова видео информираше порталот ЕКИПА

Diego Costa boxing the Chelsea physio is still amazing ? (via johnterry.26/Instagram) pic.twitter.com/fF6MB3HWga
— ESPN FC (@ESPNFC) April 21, 2020