диети – Kurir.mk

Со ригорозните диети си правите повеќе штета, еве зошто се тие неуспешни долгорочно

Ивана Ефремовски — Wed, 05 May 2021 18:33:08 +0000

Кога го изложувате телото на намалено внесување на количина на храна или скратување на одредена група храна, резултатите можеби ќе бидат видливи за скоро време, но штом престанете да го правите тоа и се вратите на старите навики, килограмите ќе се вратат, а можеби ќе бидат проследени и со здравствени проблеми. Ваквите методи и режими се неодржливи на подолг период бидејќи во поголемиот број случаи, едноставно не можете да бидете функционални и да имате енергија. Не е ништо ново кога ќе речеме дека умереноста е клучна за многу работи во животот, а тука спаѓа и храната. Ригорозните диети, оние што се темелат на ограничување на количините и видот на храна, можеби се добредојдени кога е потребно за кратко време да се симнат повеќе килограми, како на пример пред операција или ако сте решиле да направите драстична промена во изгледот и начинот на живот, на пример мора да ослабете за да може да почнете да се занимавате со некаква физичка активност. Она што не смеете да го заборавате е дека по ригорозната диета треба да се држите до исто така контролиран режим на исхрана, но не и да се прегладнувате или лишувате од одредена храна што ви е потребна за нормално функционирање. Освен ако немате медицинска потреба од тоа, не скратувајте ниту една група храна од вашето мени. Она што треба да го скратите, не само поради вишокот килограми, туку и поради квалитетот на живеењето, е брзата и пржена храна, газираните пијалаци и претераната количина благо. Кога сте решиле да слабеете, прво направете контрола на порциите, избирајте здрави намирници и здрав начин на готвење, почнете со редовна физичка активност и најважно од се: имајте реални очекувања од вашето тело.

Заборавете на строги диети: Овие три правила ќе ви помогнат да ослабнете

Ивана Ефремовски — Wed, 04 Mar 2020 21:40:37 +0000

Појадокот е најважниот оброк од повеќе причини. Она шо можеби е најважно е праивлно да јадете. Доколку сакате да ослабнете или само да ја одржувате својата тежина, ви пренесува три правила до кои треба да се придржувате и на соодветен начин да уживате во својот прв оброк во денот. Јадете рано Истржаувањата откриваат дека појадокот го подобрува метаболизмот и предизвикува во текот на денот да бидете помалку гладни, па подоцна поздраво да ручате и уште поздраво вечерате. За да телото ги согори мастите, по будењето појадуваје што порано можете. Изберете намирници кои ќе ве заситат Нека појадокот би биде богат и обилен за да не бидете гладни за 2-3 часа. Јадете храна која споро се вари, како и храна која содржи многу влакна и протеини затоа што ќе ви дадат неопходна енергија. И секако внимавајте појадокот да не содржи премногу шеќери. Внимавајте на величината на порцијата Обилен појадок секако ќе ве засити, но немојте да претерувате. Јадете умерено, онолку колку што ви треба. Кога ќе почувствувате дека сте сити, застанете. Не мора да изедете се што е во чинијата.

Никогаш нема да ослабете ако овие намирници ги ставите во оброците и салатите!

Ивана Ефремовски — Sun, 28 Jul 2019 20:09:20 +0000

Здравите оброци се претвораат во масни калориски бомби. Во текот на летото, салатите се храна која нјамногу се користи. Тие се подготвуваат едноставно, не им треба сериозна термичка обработка, а и лесни се за варење. Покрај тоа, се сметаат за диетални, што ги прави добар избор за многу луѓе кои сакаат да живеат здраво или да ослабат. Треба да се има на ум дека не секоја салата е диетална. Ако ставите во чинија домати, рукола, ајсберг и друг зеленчук сигурно салатата ќе ви биде нискокалорична и корисна. Но, ако додадете некоја друга состојка, ризикувате да го претворите вашиот специјалитет во калорична бомба! Овие состојки никогаш не треба да ги додавате во салати, но ни во други јадења ако сакате тенка линија! 1. Пченка Еден од најлесните начини да го намалите внесот на калории и јаглени хидрати е да престанете да додавате пченка насекаде. 2. Павлака Павлаката е исто така многу калорична. Бидете сигурни дека ако ја додаде во салата таа веќе нема да биде диетална и лесна, а јадењето ќе биде многу мрсно. 3. Кротони Ако се обидувате да го намалите внесот на тестенини, никогаш немојте да јадете оброк со кротони. Тоа е како да јадете 1-2 парчиња леб. 4. Солени јаткасти плодови Сирови ореви и семиња се здрав додаток, но печени јаткасти плодови во кои има сол се нешто друго. Тие ниту се корисни, ниту диетални. 5. Сланина Дали мислите дека вашиот оброк ќе биде диетален кога во него ќе додадете масна свинска сланина? 6. Сос од мајонез Сосот од мајонез е тежок и многу калоричен. Со неговите калории може да ги надмине сите здрави состојки во оброкот.

Овие диети се најздравиот начин за слабеење, препорачани се од СЗО

Ивана Ефремовски — Tue, 21 May 2019 07:15:26 +0000

Стручни лица од Светската здравствена организација, анализирале 41 режим на исхрана, па направиле листа на најдобрите диети. Топ-листата е составна врз основа на неколку фактори, како што се ефективноста на диетата околу намалувањето на тежината, баланс, достапност на цените, ефекти врз крвниот и ендокриниот систем. Така, во првите три, се наоѓа флекситаријанството. Оваа диета вклучува растителни протеини, зеленчук и јаткасти плодови. Флекситаријанството е всушност „флексибилно вегетаријанство“, при што месото не е така строго забрането, но се консумира многу ретко. На второ место е диетата ДАШ, којашто првично била наменета за пациенти со хипертонија, оти ефикасно го намалува нивото холестерол. Диетата е слична на популарниот средоземноморски режим, бидејќи опфаќа консумација на повеќе овошје и зеленчук, млечни производи, бело месо, риба, зрнести и јаткасти плодови. На врвот на листата на СЗО, е тнр. „средоземноморска диета“, што покрај ослабувањето, го намалува и ризикот од дијабетес. Таа ефикасно ги топи килограмите, што пак, го снижува ризикот од срцев удар и предвремена смрт. Овој режим на исхрана препорачува зрнести плодови, многу овошје и зеленчук, грав, боранија, но и по некоја чаша вино. Јаткастите плодoви, рибата и зејтинот обезбедуваат мононезаситени масти, коишто позитивно влијаат на холестеролот. (МИА)