Дигитални – Kurir.mk

На кои дигитални правила треба да се придржувате доколку сте во врска

Ристе Здравков — Wed, 27 Oct 2021 11:43:12 +0000

Речиси невозможно е да го одделите дигиталниот свет од она кое го градите со својот партнер. Навиките кои ги имате при употреба на мобилниот телефон или лаптоп можат да го загрозат вашиот љубовен живот, а за тоа да не сте свесни. Четири начини кои ќе ви помогнат да бидете сигурни дека "дигиталниот сегмент" од вашата врска е здрав се следните: Немојте претерано да го користите телефонот Претераното користење на телефонот додека поминувате време со партнерот е некултурна пракса. Истражување од 2017 година покажа дека тоа може да го доведе партнерот до депресија бидејќи се чувствува запоставено. Друго истражување пак покажа дека поврзаноста со телефонот, дури и кога не го користите, резултира со незадоволство во врската. Не претерувајте со објавување на социјалните мрежи Ако некогаш сте помислиле дека паровите кои често објавуваат заеднички фотографии се обидуваат да им покажат на сите дека се среќни, иако не се, науката е на ваша страна. Студија покажала дека честото објавување е исто така поврзано со незадоволство во љубовниот живот. Договорете се околу периодот во кој ќе зборувате или пишувате пораки Некои парови постојано сакаат да бидат во контакт, додека други ретко си испраќаат пораки. И двете опции се прифатливи, но доколку тоа им одговара на двајцата. Обврските се важни и мора да се придржувате. Ако сте се договориле дека ќе бидете во контакт еднаш дневно, тогаш почитувајте го тоа. Не се оптоварувајте со микро-неверства Микро-неверства се наизглед неважни работи кои не означуаат конкретно неверство, но можат да упатат кон тоа. Тие тешко можат да бидат одредени, бидејќи секој има различни граници на тоа како треба да се однесува во врската. Праќање пораки на поранешните партнери, опуштен начин на однесување кога излегувате со пријателите и слично, можат да бидат микро-неверства кои ќе му сметаат на партнерот. Секако, треба да знаете кога незадоволството ќе стане опсесивно однесување. Тогаш е време да ја прекинете врската.

Јужна Кореја ќе издава дигитални „ковид пасоши“

Тале Кристо — Thu, 01 Apr 2021 06:45:27 +0000

Јужна Кореја ќе издава т.н. „пасоши за вакцинација“ на имунизирани граѓани против Ковид-19 и со тоа им се придружува на други држави со цел да го заживеат патувањето во странство, истовремено задржувајќи го под контрола ризикот од инфекција и ширењето на вирусот. Премиерот Чунг Сје-кјун изјави дека мобилната апликација, која ќе им овозможи на странските патници да покажат дигитален доказ за вакцинација, официјално ќе биде промовирана овој месец. – Воведувањето „ковид пасош“ ќе им овозможи на вакцинираните лица да доживеат закрепнување во нивниот секојдневен живот, истакна јужнокорејскиот премиер, објаснувајќи дека апликацијата користи блокчеин технологија за да се спречи фалсификување.

Дигитални имунолошки пасоши во Естонија

Тале Кристо — Wed, 27 May 2020 06:16:57 +0000

Естонија покрена апликација со дигитални имунолошки пасоши, што им овозможуваат на луѓето да го споделат својот статус поврзан за коронавирусот со трета страна, како што се властите или работодавецот. Immunity Pass е мобилна и веб-апликација што собира податоци за тестирање за новиот коронавирус. Апликацијата е направена од невладина организација, со поддршка на почетни компании и здравствени службеници. Програмерите велат дека апликацијата е во согласност со естонските и меѓународните регулативи за приватност на податоците, но признава дека тие се „свесни за можни етички, социјални и други проблеми и зошто тоа решение може да не функционира“ во некои земји. Светската здравствена организација предупреди да не се издаваат такви пасоши на лица кои се опоравиле од коронавирусот, затоа што нема докази дека тие лица се заштитени од повторна инфекција.