дијабетис – Kurir.mk

Бидете внимателни: Знаците на дијабетес може да се најдат и во устата

Магдалена Андонова — Mon, 06 Dec 2021 21:33:49 +0000

Вообичаени показатели за висок шеќер во крвта се зголемената жед и потребата од почесто одење во тоалет, но експертите велат дека тие би можеле да се најдат и во усната шуплина. Истражувачите велат дека на луѓето со тешка болест на непцата, периодонтитис, им е потешко да го држат шеќерот во крвта под контрола. За оние чиј шеќер во крвта не е добро контролиран, тие може да откријат преку проблеми со заболување на непцата, според Американската стоматолошка асоцијација (АДА). Претходна студија објавена од експерти на AДА наведува дека луѓето со дијабетес може да имаат поголем ризик од развој на заболување на непцата од луѓето кои немаат дијабетес. Болеста на непцата е сериозна инфекција која може да се лекува во повеќето случаи. Ако не се лекува, може да доведе до губење на забите кое е неповратно, бидејќи може да ја уништи коската што ги држи вашите заби заедно. Бидејќи болеста на непцата е инфекција, веројатно е дека на дијабетичарите ќе им биде потешко да се справат со неа отколку на другите луѓе. - Кога не е добро контролиран, дијабетесот исто така може да го забави процесот на заздравување. Ова значи дека ако имате дијабетес, можеби ќе ви треба повеќе време да се опоравите по стоматолошки третмани како што се вадење заби или било која орална операција, велат од АДА. Нивната претходна студија покажа дека генерално, луѓето со дијабетес се повеќе склони кон губење на забите од оние кои не страдале од оваа состојба. Околу 28 отсто од дијабетичарите тестирани во студијата ги изгубиле сите заби. NHS наведува дека вишокот на гликоза во крвта може да ги зголеми шансите за заболување на непцата и инфекција. Официјалните упатства велат дека треба веднаш да посетите стоматолог доколку забележите проблеми во устата. Експертите исто така додаваат дека треба да престанете да пушите за да го подобрите здравјето на непцата. Еден од главните начини за контрола на дијабетесот и спречување на болести на непцата е одржување на нормално ниво на шеќер во крвта, пренесува Њујорк Пост. Ако сте дијабетичар, веројатно ќе добиете уред за да можете да го направите дома. Ќе ви биде кажано кое е вашето просечно ниво на шеќер во крвта и тоа се нарекува ниво на HbA1c. Иако тие се разликуваат за секого, NHS вели дека ако ги следите вашите нивоа дома, нормалното ниво е помеѓу четири и седум mmol / l пред оброците и под 8,5 до девет mmol / l 2 часа по оброкот. Ако се тестира на секои неколку месеци, нормалниот HbA1c е под 48 mmol / mol (или 6,5 проценти на постарата скала).

Лани во земјава 7.432 новозаболени од дијабетес

Тале Кристо — Fri, 12 Nov 2021 14:01:55 +0000

Во Република Македонија во 2020 година имало 7432 новозаболени од дијабетес. Новите бројки на Меѓународната федерација за дијабетес откриваат алармантен раст на застапеноста на дијабетесот. Вкупно 537 милиони возрасни луѓе ширум светот живеат со дијабетес. Ова го покажуваат бројките на Државниот завод за статистика што ги објави во пресрет на Светскиот ден на дијабетесот, 14 Ноември. Во земјава минатата година 1365 луѓе починале од дијабетес мелитус. Дијабетесот е значаен глобален предизвик за здравјето и благосостојбата на луѓето, семејствата и земјите. Владите мора да ги преточат зборовите во дела за да овозможат достапен и непрекинат пристап до грижа за дијабетесот за сите луѓе на кои им е потребна и да помогнат во спречување на состојбата кај луѓето со висок ризик. Се предвидува дека 643 милиони возрасни луѓе во светот ќе живеат со дијабетес до 2030 година, покажуваат предвидувањата. Речиси едно до две возрасни лица кои живеат со дијабетес не се дијагностицирани. Се проценува дека 6,7 милиони возрасни луѓе починале поради дијабетес или неговите компликации во 2021 година. Kако земја и како подрачје со 11,2 проценти заболени, влегуваме во групата држави со висока преваленца на дијабетес. Тоа е повеќе од алармантен показател за една динамична прогресија на оваа здравствена состојба. Потребни се системи на континуирано следење на гликемијата и нивна достапност за поголем број на пациенти, изјави денеска Димче Велев, претседател на Сојуз на здруженија на дијабетичари на Северна Македонија на Форумот за одбележување на Светскиот ден на дијабетесот – 14-ти Ноември, насловен „Што не сторивме против Дијабетесот?“, што денеска се одржа во Скопје. Во рамки на настанот, Министерството за здравство и Сојузот на дијабетичари потпишаа Меморандум за соработка, а беа одбележани и јубилеите „Сто години инсулин“ и „20 години Сојуз на здруженија на дијабетичари на Македонија“.

Сојузот на здруженија на пациенти со дијабетес бара изработка на национален регистер на дијабетичари

Магдалена Андонова — Wed, 19 Aug 2020 14:47:42 +0000

Сојузот на здруженија на пациенти со дијабетес во Македонија упати барање до Министерството за здравство за усвојување на национален план за превенција од дијабетес 2020 – 2030 и изработка на национален регистер за лица со дијабетес со цел, како што наведуваат, подобрување на медицинската грижа на пациентите со дијабетес мелитус, имајќи ја предвид новата реалност предизвикана со вирусот Ковид-19 – Водејќи се од потребата за добра евиденција и увид во моменталната ситуација, потребно е државата да го креира овој национален регистар со точна бројка на лицата со дијабетес, по тип на дијабетес, возраст, пол, место на живеење и сл. Транспарентно достапниот регистер ќе биде сериозен темел за да се изработи националната стратегија за справување со дијабетесот. Изработката на оваа национална стратегија сметаме дека треба да биде доделена на стручната јавност и во креирањето на истата да бидеме вклучени и ние како национален сојуз, наведуваат во барањето од Сојузот на здруженија. Воедно, бараат и организирање на едукативни кампови за деца и адолесценти со дијабетес при што едукацијата за дијабетес да се стави на врвот на приоритетно дејствување на сите чинители за превенција и справување со дијабетесот, предводени од Националната комисија за дијабетес и Министерството за здравство. Со организацијата на овие едукативни кампови кај овие две групи на пациенти,кои се посебно осетлива категорија на пациенти, очекуваат дека на истите ќе им се помогне полесно да ја прифатат својата здравствена состојба и со тоа да постигнат добра контрола на дијабетесот, како и да научат како да постигнат сигурна лична заштита од Ковид-19. Меѓу барањата се и набавка на најсовремени достапни терапии GLP-1 агонисти како и друга таблетарна терапија. и оти во реализацијата на престојниот тендер, наведуваат, очекуваат дека, согласно законот за лекови, сите законски барања во делот на квалитет ќе бидат запазени. Потоа набавка на сензори за континуирано мониторирање на гликемиите, глукометри, ленти, ланцети и инсулински игли. Сензорите за континуирно мониторирање на гликемиите, појаснуваат, се медицинско помагало со кое во огромна мерка од една страна се унапредува гликемиската контрола, а од друга страна се подобрува квалитетот на живот на децата со дијабетес тип 1 и нивните фамилии. Очекуваме набавка на количини кои ќе бидат доволни за сите деца со дијабетес тип 1 на возраст до 18 години. За нивната набавка сметаме дека треба да се обезбеди буџет кој ќе биде независен и одвоен од буџетот за набавака на инсулин и друга антидијабетична терапија. За набавката на глукометри за мерење на гликемија, ленти, ланцети и игли за пациентите со дијабетес тип 1 и тип 2 согласно највисоките светски стандарди за глукометри и протоколи за контроли на гликемијата, задржувајќи го принципот на предност за квалитет наместо најниска цена. Предлагаат таа да се реализира по принципот на референтна цена, односно истите да се вклучат на позитивната листа или да се издаваат по принципот на издавање на ортопедските помагала. – Сметаме дека треба да се дефинира најниска референтна цена која ќе биде покриена од страна на ФЗО а разликата од таа цена до цената на друго избрано помагало да биде надоместена од страна на самите пациенти. Исто така, очекуваме дека ќе продолжи како и досега, набавката на игли за аплицирање на инсулин од 4мм и 6мм. На ваков начин од една страна државата ќе продолжи да обезбедува загарантирани глукометри, ленти, ланцети и инсулински игли, како и до сега, а од друга страна самите пациенти ќе имаат право на избор ако сметаат дека истиот е неопходен,велат од Сојузот на здруженија на дијабетичари. Тие предлагаат и измена за системско решение за континуирана достапност на стручна психолошка поддршка на нивните пациенти така што сите интернисти кои имаат право да пропишуваат инсулинска терапија да имаат право да ја пропишуваат и новата современена терапија, за разлика од сегашното решение согласно кое само одреден број интернисти (центри за дијабетес во рамки на општи и клинички болници), имаат привилегија да лечат со современа терапија. Неопходно е, порачуваат, и рестартирање на центрите за дијабетес, во здравствените установи каде постоеле, во некои од регионите и како регионални центри за дијабетес. – Особено важно, за здравјето па и животот на лицата со дијабетес, е итно да се вратат сите специјалистички и субспецијалистички прегледи за лицата со дијабетес покрај шестмесечните, да се овозможат интеревенциите на лицата со дијабетес кои имаат комбордитети како шти се неврологија, офтамотолигија – особено за спас на видот, подвелкуваат од Сојузот на здруженија на дијабетичари и покрај благодарност и изразуваат и надеж дека овие нивни барања и прелози ќе бидат земени предвид од Министерството за здравсство. (МИА)

Докажано најлековитото овошје: Лекува сè – од дијабетес до кардиоваскуларни заболувања

Магдалена Андонова — Mon, 17 Aug 2020 15:20:18 +0000

Ова овошје содржи неверојатна количина на витамини и на минерали, а бројни истражувања докажале дека лекува многу здравствени проблеми Сите уживаме во вкусот и мирисот на дињата, а не сме ни свесни колку е лековите. Содржи малку калории, па им се препорачува на сите оние што се обидуваат да ги намалат килограмите, освежува и преполна е со витамини и други важни состојки неопходни за организмот, го сопира растот на клетките на рак и лекува дијабетес. Содржи околу 88% вода и само 11% шеќер, па се препорачува нејзина примена неколку пати во текот на денот. Витаминот А од дињата е неопходен за добар вид и тен, а покрај тоа содржи и витамин Ц. Овие два антиоксиданси го штитат организмот од кардиоваскуларни заболувања и од стареење. Некои нови истражувања тврдат дека бетакаротенот од дињата помага во борбата против карцином на белите дробови, но и против рак на грлото на матката, желудникот, како и орални болести. Растителните влакна поволно дејствуваат на чистењето на организмот од штетни радикали и претставуваат одлична помош за подуеност. Го штити здравјето на очите Дињата содржи нутриенти важни за здравјето на очите, бета каротен (од кого се ослободува витамин А), витамин Ц, лутеин и зеаксантин. Со оглед на тоа што бројни истражувања докажале дека недостигот на витамини А и Ц може да доведе до глаукома и макуларна дегенерација, па дури и до слепило, дињата е одличен избор за спречување или забавување на развојот на овие нарушувања. Го регулира крвниот притисок Дињата содржи влакна, калиум, витамин Ц и колин, кој го подобрува здравјето на срцето, го регулира холестеролот и крвниот притисок. Ја спречува појавата на камен во бубрег Внесувањето калиум е поврзано со намалувањето на ризикот од губење на мускулната маса. Овој минерал, исто така, ја спречува појавата на камења во бубрегот. Ја регулира дигестијата Дињата е добар избор за оние со осетлив желудник, бидејќи содржи ензими и не ја троши енергијата на организам на варење храна. Поради изобилството на влакна и вода спречува констипација и помага за регулација на дигестијата, го подобрува здравјето на дигестивниот тракт и го поттикнува исфрлањето на токсините од цревата.