дијабола – Kurir.mk

Скопјанец со дијабола погоден во ногата

Тале Кристо — Wed, 31 Aug 2022 15:22:11 +0000

На 31.08.2022 околу 02.30 часот во СВР Скопје било пријавено дека во Градската општа болница „Св.Наум Охридски“ со повреда од дијабола бил донесен В.Р.(63) од Скопје. Според пријавеното, на 30.08.2022 околу 17.30 часот на работното место како обезбедување во приватна фирма на територија на н.Пинтија почувствувал болка во ногата, по што бил пренесен во болницата. Увид бил извршен и се работи на расчистување на случајот.

Млад гостиварец обвинет за тешки дела, со воздушна пушка пукал во другар

Ивана Ефремовски — Fri, 22 Oct 2021 13:01:10 +0000

Јавен обвинител од Основното јавно обвинителство Гостивар поднесе Обвинителен предлог против 21-годишен гостиварец за кривично дело – Тешки дела против општата сигурност според член 292 став 3 во врска со член 288 став 4 во врска со став 1 од Кривичниот законик. На 01.05.2020 година, обвинетиот со испукување дијабола од воздушна пушка предизвикал значителна опасност за животот и телото на еден оштетен. Обвинетиот, оштетениот и уште четворица другари биле во викенд куќа во селото Сретково, па во еден момент обвинетиот од гаражата извадил воздушна пушка и започнал да нишани кон својот пријател. Оштетениот реагирал со барање да не го прави тоа, но обвинетиот сепак нанишанил и испукал една дијабола кон оштетениот, погодувајќи го во слабината од десната страна и нанесувајќи му тешки телесни повреди. Иако бил свесен дека со стореното може да настапи штетната последица, обвинетиот лекомислено сметал дека ќе може да ја спречи или дека таквата последица нема да настапи, со што го сторил наведеното кривично дело.

Малолетник погоден од залутана дијабола од пушка

Ивана Ефремовски — Sat, 06 Jul 2019 15:00:43 +0000

На 05.07.2019 година во 23:23 часот пријавено е дека малолетник од с. Драчевица додека бил на нива во м.в.„Тречничка река“ во ногата бил погоден од залутана дијабола од воздушна пушка. Констатирана е телесна повреда и пуштен е на домашно лекување.

Маж погоден со дијабола од воздушна пушка среде Центар

Ивона Петрова — Wed, 20 Jun 2018 12:59:22 +0000

Во Секторот за внатрешни работи Скопје, З.С. вчера пријавил дека, додека се движел по ул. „Борка Талевски“ со една дијабола бил погоден во пределот на раката. По преземени мерки било утврдено дека лицето кое пукало од воздушна пушка е Ѓ.С.(63) од Скопје, информираат од полицијата. Тој бил приведен во полициска станица, а пушката била одземена. По целосното расчистување и документирање на случајот против него ќе биде поднесен соодветен поднесок.