Транталовска: Масовно да се излезе на Референдумот за отфрлање на договорот со Бугарија, ќе ги пребродиме препреките како што го направивме тоа во 1991

Дарко Андоновски — Thu, 08 Sep 2022 17:11:08 +0000

На годишната Конференција на Унијата на ветерани на ВМРО-ДПМНЕ, се обрати и Дијана Транталовска која е основач на ВМРО-ДПМНЕ и потписник на документот за регистрација на Партијата. Таа пред присутните истакна дека идејата околу која беше формирана ВМРО-ДПМНЕ се оствари уште по првите парламентарни избори во 1990 година кога Партијата со своето учество во првиот парламентарен состав ги наметна своите програмски цели и ги постави темелите на македонската држава со име Република Македонија. „Идејата за независна македонска држава околу која се собравме и ја формиравме Партијата се оствари уште по првите парламентарни избори во 1990 година, кога Партијата со своето учество во првиот плурален Парламент ги наметна своите програмски цели и ги преточи во декларации, закони, Устав и со тоа ги постави темелите на независна македонска држава со име Република Македонија. Историска е улогата на ВМРО-вските пратеници кои партиската политика ја подигнаа во државна политика и со тоа беше трасиран патот од кој немаше враќање. Македонија стана самостојна држава и покрај многуте сопки на ретроградните сили од пројугословенска провиниенција“, рече Транталовска. Таа истакна нагласи дека сега повторно сме исправени пред големиот предизвик да ја ослободиме татковината од политичките противници на ВМРО-ДПМНЕ кои со петгодишното владеење целосно ја уништија, ги срушија сите институции, ја обезличија до непрепознатливост. За таа цел таа потенцираше дека е многу важно масовно да се излезе и да се гласа на Референдумот за отфрлање на договорот со Бугарија кој е штетен за Македонија. „Воедно сега е многу важно да се излезе и да се гласа за Референдумот на кој ќе се одлучува за отфрлање на договорот со Бугарија. Како што вели нашиот претседателот Мицкоски тој договор е посеан со отворен плод, тоа дрво денес раѓа отровни плодови. И затоа е потребно македонците да се обединат но и другите граѓани и да излезат и гласаат за отфрлање на ваквиот договор и напуштање на неговата важност. Масовно и во голем број“ истакна Транталовска. Таа исто така упати и порака до политичарите и функционерите на ВМРО-ДПМНЕ, порачувајќи им дека ВМРО-вската идеја треба да ја вградат во нивното делување, да ја пренесат на идните поколенија, како што тоа го направија основачите на ВМРО-ДПМНЕ ја воскресна идејата на историското ВМРО, зашто таа идеја е нашето битие, таа идеја е македонскиот код, нашето ДНК, без кое би биле безлична маса, без идентитет и посакувана цел на негаторите на нашето постоење.

Транталовска: Бараме повторно фер судење според сите на правото за затворените од 27 април

Тале Кристо — Wed, 27 Apr 2022 16:52:31 +0000

На денешниот протест со кој се бараше слобода за Уставобранителите пред затворот во Штип, пред присутните се обрати Дијана Транталовска од Унијата на ветерани на ВМРО-ДПМНЕ и рече дека Македонија е осудена да ѝ се повторува историјата, дека секоја генерација ги дава своите жртви, а жртвеникот е неправдата. - Позади овие ѕидови годините ги поминуваат луѓе кои на тој кобен 27-ми април 2017-та година, беа втурнати во мамка скроена од продажници кои сѐ уште се на власт и се обидуваат да ја докусурат државата на секој можен начин. Во затворите, лежи Македонија, лежат нашите души: Јане Ченто, Митко Чавков, Влатко Трајковски, Александар Јаневски, Кире Горгиевски, Душко Лазаров, Оливер Поповски, Митко Пешов, Младен Додевски, Никола Матевски, Мунир Пепиќ, Оливер Радулов, Николче Димитриевски, Коста Делов, Андреј Митев, Оливер Ошавковски, Вилијам Михајловски, Горан Ангелов и Игор Југ. Имаат вина колку што има Методија Андонов – Ченто и Драган Богдановски, беа Македонци повеќе од што им беше дозволено. Да прашаме од име на вас, каде се тие што на 27-ми април ги отворија вратите во Собрание? Ни ги вовлекоа во пеколот во кој денес живеат нашите мили деца и браќа. Вратарите уживаат во привилегиите, во колнати удобства, тие за ова судство немаат вина, кариери изградија, функции запоседнаа на грбот на овие луѓе – рече Транталовска Таа додаде дека тероризам е она што власта го направи,велејќи дека она кое било во нашите глави, сега го живееме како сурова реалност. - Овде, денес сме да покажеме на светот дека нашите браќа не се сами и сѐ што е во наша моќ ќе направиме да бидат ослободени според правото и правдата. Македонскиот народ кој цели 5 години страда заедно со семејствата на затворените истакнува барање за правична постапка и притоа, итно бараме: Ново фер судење според сите стандарди на правото, со одлука на Врховниот суд постапката да биде повторена неодложно. Не бараме милост, бараме правда – рече Транталовска.

Дијана Транталовска – Kurir.mk

Транталовска: Масовно да се излезе на Референдумот за отфрлање на договорот со Бугарија, ќе ги пребродиме препреките како што го направивме тоа во 1991

Транталовска: Бараме повторно фер судење според сите на правото за затворените од 27 април