дилер на дрога – Kurir.mk

Приведен дилер на дрога од скопско

Дарко Андоновски — Fri, 10 Jun 2022 12:07:10 +0000

Полицајци од Единицата за недозволена трговија при СВР Скопје вчера го уапсиле Е.Ц.(29) од село Долно Коњари, скопско кај кого пронашле дрога. Од МВР соопштија дека кај него биле пронајдени прашкаста материја, марихуана, семки од марихуана и пари, кои се одземени и предадени за вештачење. Дилероте задржан во Полициска станица Гази Баба, а во координација со Јавен обвинител, по целосно документирање на случајот ќе биде поднесена соодветна кривична пријава.

Поднесена кривична пријава против охридски дилер на дрога

Магдалена Андонова — Thu, 14 Oct 2021 15:32:12 +0000

СВР Охрид поднесе кривична пријава против В.К.(38) од Охрид, поради постоење основи на сомнение за сторено кривично дело „неовластено производство и пуштање во промет наркотични дроги, психотропни супстанции и прекурсори“. При претрес извршен во неговиот дом, полициските службеници пронајдоа и одзедоа марихуана.

Поведена истрага против дилер на марихуана од Студеничани

Дарко Андоновски — Fri, 20 Aug 2021 07:53:53 +0000

Основното јавно обвинителство Гостивар донесе Наредба за спроведување истражна постапка против 41-годишен жител на Студеничани кој е осомничен за кривичното дело – Неовластено производство и пуштање во промет на наркотични дроги, психотропни супстанции и прекурсори според член 215 став 1 од Кривичниот законик. На 18 август, осомничениот во Скопје набавил наркотична дрога – марихуана со намера да ја препродаде. Откако ја набавил дрогата, се упатил кон стан во Гостивар за да изврши продажба на корисници на наркотични дроги. При извршен претрес, полициски службеници кај осомничениот пронашле и одзеле вкупно 1.765,2 грама марихуана во повеќе различни ќеси. Ценејќи дека постојат законските основи, јавниот обвинител до судијата на претходна постапка од Основниот суд во Гостивар достави предлог за определување мерка притвор за осомниченото лице.

Поведена постапка против 32-годишен дилер на дрога

Магдалена Андонова — Mon, 17 May 2021 08:48:37 +0000

Основното јавно обвинителство Скопје донесе Наредба за спроведување истражна постапка за 32-годишен скопјанец, за кој постои основано сомнение дека го сторил кривичното дело – Неовластено производство и пуштање во промет на наркотични дроги, психотропни супстанции и прекурсори од член 215 став 1 од Кривичниот законик. При извршен претрес на 14 мај 2021 година, службените лица во домот на осомничениот пронашле наркотична дрога – марихуана во количина од 497,6 грама и дигитална вага на која има утврдено присуство на кокаин и тетрахидроканабинол – психоактивна компонента што го содржи растението Cannabis. Во насока на непречено одвивање на кривичната постапка, надлежниот јавен обвинител до Основниот кривичен суд Скопје достави предлог за определување на мерка притвор за осомничениот.

Притвор за тетовецот во чиј „Хамер“ беа пронајдени 100 пакувања кокаин

Дарко Андоновски — Tue, 13 Apr 2021 18:38:07 +0000

Денеска попладне (13 април) А.Б.(31) од тетовски Порој, со кривична пријава поднесена од СВР Тетово, беше изведен пред судија на претходна постапка во Основен суд Тетово, кој му определи мерка притвор од 30 дена, а поради основано сомнение дека сторил кривично дело „неовластено производство и пуштање во промет на наркотични дроги, психотропни супстанци и прекурсори“, казниво по член 215 од Кривичниот законик. Вчеравечер(12 април) на паркинг во Порој, во неговото патничко моторно возило „хамер“ биле пронајдени 100 пакувања со различна големина кокаин и 9 пакувања со марихуана, две дигитални ваги и два мобилни телефони. Денеска А.Б. ќе биде спроведен во КПУ Затвор Скопје во Скопје за издржување на притворот, информира портпаролот на СВР Тетово Марјан Јосифоски.

Притвор за 23-годишен дилер на дрога од Албанија

Дарко Андоновски — Sun, 11 Oct 2020 10:12:52 +0000

Основното јавно обвинителство Струга поведе постапка против 23 – годишен државјанин на Република Албанија за кој постои основано сомнение дека го сторил кривичното дело – Неовластено производство и пуштање во промет наркотични дроги, психотропни супстанции и прекурсори од член 215 став 1 од Кривичниот законик. Осомничениот управувал патничко моторно возило со македонски регистарски ознаки во близина на село Франгово, Струга, кога бил сопрен од полициски службеници. При извршен личен претрес на осомничениот, надлежните службени лица кај осомничениот пронашле 50 грама наркотична дрога – кокаин, која тој неовластено ја држел заради продажба. Јавен обвинител од Основното јавно обвинителство Струга по донесувањето на Наредбата за спроведување истражна постапка, до Основниот суд Струга достави предлог на осомничениот да му биде определена мерка притвор. Судијата на претходна постапка при надлежниот суд, го прифати предлогот на обвинителството и на осомничениот со Решение му определи притвор во траење од 30 дена.

Притвор за дилер на дрога

Магдалена Андонова — Fri, 09 Oct 2020 07:54:41 +0000

Основното јавно обвинителство Велес донесе Наредба за спроведување на истражна постапка против лице од Велес на 26 годишна возраст за кривично дело – Неовластено производство и пуштање во промет наркотични дроги, психотропни супстанции и прекурсори од член 215 став 1 од Кривичниот законик. Осомничениот во својот дом неовластено заради продажба држел наркотична дрога – марихуана во количина од 1229 грама сместена во 4 стаклени тегли и наркотична дрога – хашиш во количина од 1.04 грама спакувана во едно полиетиленско пакување. Дрогата е пронајдена и одземена при вршење претрес од овластени полициски службеници врз основа на Наредба донесена од судија на претходна постапка. Со оглед на постоење на основан страв дека осомничениот може да се даде во бегство или со влијание врз сведоци да ја попречува истражната постапка, како и можност тој да го повтори кривичното дело, по предлог на јавен обвинител, Основениот суд Велес на осомничениот му определи мерка притвор во траење од 30 дена.

Приведен дилер на дрога во село Заграчани

Дарко Андоновски — Wed, 13 May 2020 13:47:31 +0000

Единицата за недозволена трговија со дрога при Одделот за сузбивање на организиран и сериозен криминал, во содејство со полициски службеници од СВР Охрид завчера го лишиле од слобода З.А.(49) од село Заграчани. Приведувањето, соопштија денеска од МВР, е извршено по претходно распишана потерница и наредба издадена од Основниот кривичен суд Скопје, поради постоење на основано сомнение дека е сторител на кривично дело „неовластено производство и пуштање во промет на наркотични дроги, психотропни супстанци и прекурсори“ по чл.215 од КЗ. Притоа на З.А. од страна на Основен суд Струга изречена му е мерка притвор во траење од 30 дена. – По спроведена истрага во врска со реализиран случај на недозволена трговија со марихуана во кој беше запленета наркотична дрога од пет килограми марихуана, на 11.05.2020, поднесена е кривична пријава против Ф.Д.(55) од Албанија и З.А.(48) од Струга, поради постоење на основано сомнение за сторено кривично дело „неовластено производство и пуштање во промет наркотични дроги, психотропни супстанции и прекурсори” по чл.215 од Кривичниот законик, се појаснува во соопштението. Во текот на ноември 2019 година, Ф.Д. извршил неовластена набавка и транспорт на марихуана од територијата на Република Албанија на територија на Република Северна Македонија, која што З.А. ја чувал во семејната куќа во с.Заграчани со цел понатамошна продажба. Притоа Ф.Д. и З.А. врз основа на претходен договор на 02.12.2019 остваруваат средба на територија на Струга, поточно во семејната куќа на З.А. во с.Заграчани каде било извршено предавањето на марихуаната и истата ја презел Р.А. кој ја сместил во патничко моторно возило „опел корса“, по што се упатил во правец на Кичево. Од полициски службеници било сопрено возилото управувано од Р.А. и по извршен преглед на возилото во предниот дел на подот пред совозачкото седиште пронајдени биле пет најлонски паковки со марихуана. По извршеното вештачење, се подвлекува во соопштението од МВР, утврдено било дека се работи за вкупно нето маса од 5019,6 грама марихуана. На 11.05.2020 година врз основа на претходно издадена наредба од Основен Кривичен Суд Скопје 1 Скопје, извршен бил претрес на дом и други простории на З.А. каде било пронајдено и со потврда за привремено одземени предмети одземени биле мобилен телефонски апарат, 16 патрони за ловечка пушка, два патрони за ловачка пушка, како и предмети со остатоци од непозната црна материја.

Во притвор дилери на дрога

Дарко Андоновски — Fri, 21 Feb 2020 14:34:16 +0000

Наредби за спроведување истражна постапка донесе Основното јавно обвинителство Кавадарци во два одделни предмети против две лица, 43-годишен неготинец и 30-годишен жител на село Корешница, Демир Капија, поради основано сомнение дека го извршиле кривичното дело – неовластено производство и пуштање во промет наркотични дроги, психотропни супстанции и прекурсори.

Како што соопшти Обвинителството, при извршен претрес на дом и други простории, на 20 февруари, во домот на осомничениот неготинец биле пронајдени тринаесет најлонски пакувања наротична дрога кокаин во вкупна количина од 16,19 грама и шест најлонски пакувања наркотична дрога хероин во количина од 36,58 грама, кои осомниениот ги држел неовластено заради продажба.

Истиот ден во одделна акција при личен претрес кај жителот на Корешница биле пронајдени импровизирана-цилиндер епрувета со 5,82 грама амфeтамин и 42,1 грам наркотична дрога марихуана спакувана во пет најлонски пакувања.

Јавните обвинители кои постапуваат во предметите доставија предлози за определување на мерката притвор за осомничените, по кои судија на претходна постапка во Основниот суд Кавадарци со решенија определи притвор за секоe од лицата во траење од по 30 дена

Поднесено обвинение за дилер на дрога

Катерина Бојаџиева — Wed, 17 Jul 2019 09:31:33 +0000

Надлежен јавен обвинител од Основното јавно обвинителство- Скопје поднесе обвинителен акт против 39-годишен скопјанец за сторено кривично дело „неовластено производство и пуштање во промет наркотични дроги, психотропни супстанции и прекурсори“. Како што соопшти денеска Јавно обвинителство на Република Северна Македонија, на 17 јуни годинава при извршен претрес во домот на обвинетиот била пронајдена наркотична дрога марихуана во вкупна количина од 131,33 грама. Обвинетиот неовластено заради продажба ја држел дрогата спакувана во повеќе предмети во домот. -Јавниот обвинител до Основниот кривичен суд- Скопје достави и предлог за продолжување на мерката притвор за обвинетото лице, со оглед на тоа што ценеше дека и натаму постојат условите заради кои првично беше определен притворот, се вели во соопштението од Јавно обвинителство.