дилери на дрога – Kurir.mk

Приведени тројца дилери во Гостивар, пронајден кокаин

Дарко Андоновски — Mon, 17 Apr 2023 08:04:25 +0000

На 16.04.2023 во 22.00 часот од страна на полициски службеници од Надворешната канцеларија за криминалистички работи Гостивар на ул."Илинденска" во Гостивар од слобода се лишени Д.Н.(29) од Гостивар, А.Ш.(31) од с.Лакавица и А.Б. (32) од с.Здуње. Кај Д.Н. и кај А.Ш. биле пронајдени и одземени две ќеси со кокаин, а кај А.Б. е пронајдена и одземена поголема сума на пари во различни валути. Лицата се приведени и по документирање на случајот против нив ќе биде поднесен соодветен поднесок.

Кривична пријава против тројца дилери на дрога од Тетово, определен притвор

Дарко Андоновски — Mon, 21 Mar 2022 11:56:48 +0000

На 20.03.2022 Одделот за сузбивање на организиран и сериозен криминал - Сектор за криминалистички истраги - Единица за недозволена трговија со дрога до Основното јавно обвинителство за гонење на организиран криминал и корупција поднесе кривична пријава против С.С.(29), Н.С.(31) и М.А.(37), сите од Тетово, поради постоење на основано сомнение за сторено кривично дело „неовластено производство и пуштање во промет наркотични дроги, психотропни супстанции и прекурсори“, по член 215 ст.3 од Кривичниот законик, при што запленети се 25 полиетиленски пакувања кокаин, како и едно пакување марихуана, а трите лица се лишени од слобода. Во периодот од месец декември 2021 до месец март 2022, трите лица со цел стекнување на противправна имотна корист, извршиле набавка на кокаин со потекло од Јужна Америка, која потоа во угостителски објект лоциран во Тетово, управуван од страна на второпријавениот Н.С., ја препакувале во помали количини, во зависност од нарачката и ја препродавале. На 19.03.2022 врз основа на наредба од Судија на претходна постапка при Основен суд Тетово, од Одделот за сузбивање на организиран и сериозен криминал - Единица за недозволена трговија со дрога во координација со Единицата за недозволена трговија со дрога при СВР Тетово, извршен е претрес во угостителски објект на ул.„Видео Смилески Бато“, управуван од Н.С., каде повремено престојувале и С.С. и М.А., во помошен објект адаптиран за одгледување на кучиња, во непосредна близина на угостителскиот објект, личен претрес над лицата, како и претрес на едно патничко возило и два мотоцикли, пришто пронајдени се и одземени 25 полиетиленски пакувања со кокаин, едно пакување со марихуана, мобилни телефони и пари. Лицата се приведени во полициска станица и од страна на Судија на претходна постапка им е одредена мерка притвор во траење од 30 дена.

Притвор за четворица дилери на дрога од гостиварско

Магдалена Андонова — Mon, 14 Sep 2020 11:22:02 +0000

Основното јавно обвинителство Гостивар поведе постапка против четири лица, жители на гостиварски села на возраст од 32, 24, 19 и 20 години, осомничени за неовластено производство и пуштање во промет на наркотични дроги и супстанци. На предлог на обвинителството, Судот на четворицата им определил мерка притвор од 30 дена, поради опасност од бегство. – Четворицата осомничени заеднички се договориле да набават дрога, мерејќи ја на дигитaлна вага да ја распоредат и да ја продаваат низ Гостивар. На 9.9.2020 при полициска акција пронајдена е дрогата во вкупна нето маса од 25,00 грама, заедно со дробилки за мелење на дрогата и дигиталната вага. Дрогата марихуана била распоредена во повеќе пакувања и скриена кај осомничените и во вулканизерска работилница на еден од осомничените во с. Здуње, информираат од ОЈО. Поради околности кои укажуваат на постоење опасност од бегство на осомничените, опасност дека ќе го повторат кривичното дело и дека ќе влијаат на сведoци, јавниот обвинител до Основниот суд Гостивар достави предлог за определување на мерката притвор за осомничените, а Судот со Решение на четворицата осомничени им определи притвор во траење од по 30 дена. За лицата постои основано сомнение дека како соизвршители го сториле кривичното дело – Неовластено производство и пуштање во промет на наркотични дроги, психотропни супстанции и прекурсори од член 215 став 1 од Кривичниот законик. (МИА)

Дилери на дрога од заседа убиле тројца војници- прогласена вонредна состојба во 22 општини во Гватемала

Катерина Бојаџиева — Sun, 08 Sep 2019 09:08:46 +0000

Владата на Гватемала прогласи вонредна состојба во 22 општини во североисточниот дел на земјата, откако дилери на дрога од заседа убиле тројца војници на границата со Белизе. Конгрес ја одобри мерката, со која на полицијата и се овозможи притворање на осомничените, без налог за апсење. Со вонредната состојба воведен е и полициски час во текот на ноќта и ограничено е правото на одржување протести и масовни собири. Гватемала важи за транзитна локација за кокаин, кој од Колумбија се пренесува во САД.