дилери – Kurir.mk

Приведени дилери во Скопје: Пронајдена илегална лабораторија за марихуана, разни видови дрога и пиштол (ВИДЕО)

Ивана Ефремовски — Mon, 23 Oct 2023 13:04:08 +0000

Денеска (23.10.2023) полициски службеници од СВР Скопје, Единица за недозволена трговија со дрога и оружје во заедничка координирана акција со Оддел за криминалистичка полиција, Сектор за недозволена трговија со дрога оружје и опасни материи, по претходно спроведени истраги, преземени мерки и активности и по обезбедени наредби за претрес од Основен кривичен суд Скопје, извршија претреси на 4 локации на подрачјето на град Скопје, при што лишени се од слобода четири лица, а пронајдена е илегална лабораторија за производство на марихуана, разни видови дрога и пиштол. При извршен претрес на дом и други простории кај Б.А.(42) пронајдена е илегална лабораторија за одгледување и производство на марихуана, при што се пронајдени 289 саксии со засадени 291 растение cannabis sativa, заедно со целокупната опрема за одгледување и производство на марихуана, и тоа: ламби за затоплување и осветлување, филтри и црева за прочистување на воздухот, систем за напојување на енергија, вештачки ѓубрива, систем за наводнување и разни видови на алатки за одржување на лабораторијата. Од страна на полициски службеници сите пронајдени предмети се одземени, Б.А. е лишен од слобода и по документирање на случајот од страна на СВР Скопје ќе биде поднесена кривична пријава по чл.215 од Кривичниот законик. Во врска со пронајдените над два килограми амфетамин, таблети екстази и кокаин на 10.10.2023 во оградено место за отпад во Влае, полициски службеници од СВР Скопје, Единица за недозволена трговија со дрога и оружје преземаа опсежни мерки и активности и по спроведена истрага врз основа на обезбедени докази, денеска (23.10.2023) извршен е претрес и во домот на Д.Т.(33). При претресот е пронајден пиштол, а Д.Т. е лишен од слобода и со кривична пријава ќе биде предаден кај Јавен обвинител од ОЈО Скопје. По претходно спроведена истрага во врска со случајот на пронајден ранец со марихуана и дигитална вага на 11.09.2023 во населба Драчево, во текот на денешниот ден претрес беше извршен и во домот на Д.Р.(31). При претресот се пронајдени се марихуана, дигитална вага и празни опаковки за пакувања на дрога. По документирање на случајот од страна на Единицата за недозволена трговија со дрога при СВР Скопје ќе биде поднесена кривична пријава по чл.215 од Кривичниот законик, соопшти Сузана Прањиќ Талевска од МВР. Од страна на полициските службеници од СВР Скопје - Единица за недозволена трговија со дрога и оружје, при претрес извршен со судска наредба во дом и помошни простории кај А.М.(27) и Б.М.(30), бил пронајден хероин. А.М. е лишен од слобода и по документирање на случајот ќе биде поднесена кривична пријава по чл.215 од Кривичниот законик.

Полициска акција во тек: Пронајдена лабараторија за дрога, апсења и претреси во Скопје

Ивана Ефремовски — Mon, 23 Oct 2023 11:45:25 +0000

Во тек е полициска акција во Скопје за апсење на дилери, а пронајдена е и лабараторија за производство на марихуана. Од МВР потврдуваат дека е во тек голема полициска акција, но детали најавуваат по нејзиното завршување

Кривична пријава против двајца дилери од Струмица

Тале Кристо — Fri, 20 Oct 2023 14:39:04 +0000

СВР Струмица поднесе кривична пријава против А.А.(36) и Н.А.(35), двајцата од Струмица, поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанци и прекурзори“. На 21.06.2023 во близина на Струмица, полициски службеници ги затекнале пријавените и до нив биле пронајдени повеќе стебла од растението канабис кои заедно ги засадиле и одгледувале. Исто така, кај второпријавениот била пронајдена и одземена марихуана.

Велика Британија: За една недела уапсени над 1.600 осомничени дилери на дрога

Ивона Петрова — Fri, 20 Oct 2023 06:37:09 +0000

За една недела во Англија и Велс уапсени се повеќе од 1.600 осомничени членови на банди кои тргувале со дрога. Вкупно 710 лица, меѓу кои 58 деца, биле упатени до службите за заштита како можни жртви на експлоатација од бандите. Бандите се познати по тоа што ги искористуваат децата како дилери на дрога и ги преземаат домовите на ранливите луѓе за складирање на нелегални супстанции. Полицијата заплени дрога од класа А во вредност од 1,2 милиони фунти повеќе од 100 килограми канабис. Во рацијата запленети се 250 телефони, 458 парчиња оружје, од кои 33 огнени оружја, 377 ножеви, три самострели, 21 палки и други оружја. Од почетокот на националната програма за борба против дилерите на дрога во 2019 година уапсени се 14.887 лица, а 7.267 деца или ранливи лица се упатени до службите за заштита.

Италијанската полиција уапси 33 лица: Падна мрежа на кинески дилери кои переле пари за криминални организации

Ивона Петрова — Wed, 04 Oct 2023 18:56:37 +0000

Италијанската полиција денеска уапси 33 лица во операција против мрежа на кинески дилери кои наводно испрале повеќе од 50 милиони евра на групи за шверц на дрога. Меѓу овие групи беше и калабриската мафија Ндрангета. Според полковникот Франческо Руис од италијанската финансиска гарда, кој ја водеше денешната операција, она што беше специфично за овој случај е поврзаноста помеѓу мафијашката организација Ндрангета и кинеските компании кои обезбедуваат нелегални финансиски услуги. Меѓу уапсените има и седум кинески државјани. Апсењата беа извршени во Рим и во шест други италијански градови. Запленети се околу 10 милиони евра во готовина од таканаречените „мазги на пари“ кои имале задача да ги однесат парите во странство. Неколку истраги кои неодамна беа спроведени во Италија покажаа како нарко-картелите сè повеќе користат матни мрежи на нелиценцирани кинески дилери за да перат пари и да вршат тајни прекугранични плаќања. Перењето пари во последниот истражен случај се случило во компании кои увезуваат и извезуваат облека и додатоци во областа Есквилино во Рим. Овие компании служеа како центри за собирање пари од нелегални активности, кои потоа беа префрлени во Кина без да може да се следи. Истрагата беше потпомогната од пристапот до шифрирани разговори на платформа затворена во 2021 година од заедничкиот истражен тим на Европол.

Претрес во Велес, приведени петмина дилери на дрога

Катерина Бојаџиева — Tue, 03 Oct 2023 09:41:21 +0000

На 02.10.2023 од страна на Одделението за недозволена трговија Велес лишени се од слобода пет лица, М.Ж.(31), К.Д.(21), Ј.М.(20) и В.М.(39) и еден малолетник, сите од Велес. По преземени мерки и активности, при извршени прегледи кај малолетникот и кај М.Ж., кои претходно, независно еден од друг, биле во домот на Ј.М., пронајдени се и одземени три пакувања со марихуана и пари во разни апоени, по што биле приведени, а нешто подоцна и К.Д., кој претходно бил во домот на Ј.М., бил запрен од полициски службеници, при што се обидел да избега, фрлајќи пакување со марихуана. Но, и тој набрзо бил фатен и приведен, а дрогата била пронајдена и одземена. Околу 21.00 часот по наредба на Основен Суд Велес извршен е претрес кај Ј.М., при што биле пронајдени марихуана, семки од растението канабис сатива, ќесички за пакување на дрогата и пари во поголем износ. Ј.М. бил приведен, а при претресот, В.М. ги попречувала полициските службеници да вршат службени дејства, по што и таа била лишена од слобода. Во координација со јавен обвинител, против сите пет лица ќе биде поднесена соодветна пријава.

Приведени двајца дилери: Претрес во Скопје, пронајдена дрога (ФОТО)

Ивана Ефремовски — Thu, 24 Aug 2023 17:40:40 +0000

Денеска (24.08.2023) полициски службеници од СВР Скопје- Единица за недозволена трговија со дрога, по претходно добиени оперативни сознанија и наредба за претрес од Основен кривичен суд Скопје, извршија претрес во дом на Б.М. и М.М. во Скопје. При претресот пронајдени се околу еден килограм марихуана, прашкаста материја, две дигитални ваги и поголема сума на пари. Лицата се лишени од слобода и против нив по документирање на случајот ќе биде поднесена соодветна кривична пријава по брза постапка.

Уапсени две лица во Охрид, при претрес им била пронајдена марихуана

Катерина Бојаџиева — Wed, 09 Aug 2023 17:23:22 +0000

На 08.08.2023 во 14.30 часот кај место викано „Лабино“ во Охрид, полициски службеници од СВР Охрид го привеле А.И.(21) од Прилеп, затоа што кај него била пронајдена и одземена марихуана. Истиот ден, на плажа на брегот на Охридското Езеро бил приведен М.Б.(37) од Скопје, затоа што кај него била пронајдена и одземена марихуана. По целосно документирање на случаите, против нив ќе бидат поднесени соодветни поднесоци.

Полицијата со полни раце работа: Уапсени повеќе дилери, меѓу нив и Турчин

Тале Кристо — Sat, 05 Aug 2023 10:03:10 +0000

На 04.08.2023 во 23.35 часот во кругот на поранешна касарна во Охрид, полициски службеници од Одделот за криминалистичка полиција ги лишиле од слобода Н.И.(26) од Свети Николе и М.М.(27) од Велес затоа што кај нив биле пронајдени и одземени таблети и розова прашкаста материја. По документирање на случајот ќе биде поднесен соодветен поднесок. На 05.08.2023 во 00.30 часот во кругот на поранешна касарна во Охрид, полициски службеници од Одделот за криминалистичка полиција го лишиле од слобода В.Н.(38) од Скопје затоа што кај него била пронајдена и одземена марихуана. По документирање на случајот ќе биде поднесен соодветен поднесок. На 04.08.2023 во 23.15 часот во Охрид, полициски службеници од СВР Охрид го лишиле од слобода А.Д.(43) од Охрид затоа што кај него била пронајдена и одземена марихуана. По документирање на случајот ќе биде поднесен соодветен поднесок. На 04.08.2023 во 16.50 часот на подрачјето на Центар, полициски службеници од Единицата за интервентна полиција при СВР Скопје го лишиле од слобода С.Ф.С.(26) од Република Турција затоа што кај него била пронајдена и одземена дробилка со остатоци од марихуана. По документирање на случајот ќе биде поднесен соодветен поднесок. На 05.08.2023 во 03.00 часот на ул.,,Илинденска“ во Тетово, полициски службеници од СВР Тетово ги лишиле од слобода А.А.(31), К.И.(28) и Б.Р.(29), сите од с.Градец, гостиварско, затоа што до нивното возило била пронајдена и одземена ќесичка со марихуана. По документирање на случајот ќе биде поднесен соодветен поднесок. На 04.08.2023 во 14.00 часот на наплатна рампа Тетово-Гостивар, полициски службеници од СВР Тетово го лишиле од слобода И.А.(56) од Гостивар затоа што кај него била пронајдена и одземена кафеава прашкаста материја. По документирање на случајот ќе биде поднесен соодветен поднесок.

ФОТО+ВИДЕО: Спречен транспорт на дрога во вредност од 100.000 евра- претреси во Арачиново, приведени двајца дилери

Катерина Бојаџиева — Fri, 24 Mar 2023 13:38:30 +0000

На 24.03.2023 од страна на полициски службеници од Одделот за криминалистичка полиција – Сектор за недозволена трговија со дрога и опасни материи - Единица за недозволена трговија со дрога во содејство со Одделот за специјални полициски операции – САЕ Тигар, Оперативен тим Потраги при СВР Скопје и СВР Тетово се лишени од слобода две лица од с.Арачиново, скопско, при што е спречен транспорт на околу 35 кг дрога. Имено, во утринските часови на наплатна станица Тетово, на автопатот Гостивар - Тетово, полициски службеници дале знак за запирање на патничко возило „ренџ ровер“, со скопски регистарски ознаки, управувано К.А.(32), во кое сопатник бил О.А.(23), двајцата од с.Арачиново, скопско. Лицата не ја почитувале дадената полициска наредба да го сопрат возилото, туку се дале во бегство, притоа оштетувајќи службено полициско возило, но набргу се запрени и лишени од слобода. При извршен преглед во багажниот простор на возилото пронајдени се 4 вреќи со марихуана, со вкупна тежина од околу 35 кг, со вредност од околу 100.000 евра. На лице место на наплатната станица Тетово излезе и Јавен обвинител од ОЈО Тетово кој го раководеше увидот. Малку подоцна, по добиена судска наредба, извршени се претреси и во домовите на двете лица во с.Арачиново, при што се пронајдени предмети поврзани со кривичното дело. Против А.К., МВР подолг временски период преземаше мерки и активности за негово пронаоѓање и лишување од слобода, бидејќи за него е распишана централна потерница поради бегство од штипскиот затвор, каде има за доиздржување затворска казна од околу 6,5 години, а се барал и по расписи за извршени повеќе кривични дела, како криумчарење на мигранти и шверц со дрога, соопшти Сузана Прањиќ Талевска од МВР. Двете лица се приведени во СВР Тетово и против нив во текот на денот ќе биде поднесена кривична пријава за „неовластено производство и пуштање во промет на наркотични дроги, психотропни супстанции и прекурсори“, по член 215 од Кривичниот законик. Денешната акција е уште една од низата акции на МВР во последниов период преземени во борбата против недозволената трговија со дрога и наркотични средства, но и бројните мерки и активности за пресметка со сите видови криминал.