димче арсовски – Kurir.mk

Арсовски: Додека фирмите на Дрин Ахмети добиваат 80.000 евра од ФИТР, млади умови од Македонија си заминуваат

Дарко Андоновски — Sat, 01 Jul 2023 11:53:24 +0000

„Околу Фондот за иновации, би сакал да ги искоментирам и оние последниве случувања во изминативе неколку дена, а тоа е околу семејствово на Али Ахмети кое е најверојатно како „успешни бизнисмени“ кои што произлегле изминативе години, успеале да бидат и „добри иноватори“. Имено, фирмите не неговиот внук Дрин Ахмети земале од Фондот за иновации во 2022 година околу 80.000 евра за проекти кои што наводно ги спровеле“, истакна портпаролот на ВМРО-ДПМНЕ, Димче Арсовски на денешната панел дискусија насловена „Корупцијата и криминалот, приоритет на власта на ДУИ и СДС“. Арсовски додаде дека Антикорупциската комисија можеше и тоа да го преиспита, да види дали има некаков конфликт на интереси бидејќи таму се внуците на Али Ахмети, а тој е пратеник и претседател на ДУИ. „Но, од сето тоа што реков, антикорупционерите спијат и им дозволуваат да сите овие работи едноставно си поминат многу лесно на ДУИ“, рече Арсовски. Арсовски посочи дека заради сет овој криминал што се случува, а институциите молчат, многу млади умови си заминуваат од Македонија. „Ова е уште еден показател дека нам општеството ни е руинирано“, нагласи портпаролот на ВМРО-ДПМНЕ.

Арсовски: Институциите за гонење криминал го штитат криминалот на СДС и ДУИ, поднесоците се чуваат во фиока без епилог

Дарко Андоновски — Sat, 01 Jul 2023 10:41:49 +0000

„Сведоци сме дека во изминатите години откако СДС ги има запоседнато сите институции во Република Македонија има голем криминал, корупција, енормно збогатување на функционерите кои што се од власта“, истакна Димче Арсовски, портпарол на ВМРО-ДПМНЕ во рамки на акцијата „Пораки од реалниот живот - Ова е Македонија за сите“ на денешната трибина насловена „Корупцијата и криминалот, приоритет на власта на ДУИ и СДС“. Арсовски нагласи дека еден премиер си замина кој што беше криминоген, а другиот што дојде продолжи по неговите патеки. „Пораката на граѓаните е дека највеќе им пречи неказнивоста и она што не одговараат сите овие функционери на власта за сето она кое што го сториле“, рече Арсовски. „Во моментов најактуелно е дека има пораки од странските дипломати, има еве еден функционер на ДУИ, градоначалникот Рамиз Мерко веќе на црната листа на САД заради криминал и корупција. Видовме дека неколку предмети биле ставени во фиока кои што се работеле во ЈО, не биле спроведени понатака да дојдат до самиот финиш за да има одговорност за она што го направил. Гледаме дека е актуелно и семејството на Артан Груби како сериозно се збогатува, се здобива, се стекнува со сериозен имот, а не приложува воедно потекло на истиот тој имот. И она што е најтазе, сведоци сме на семејството на г. Али Ахмети, кој што е претседател на ДУИ како исто така енормно се збогатило, а нема никакво потекло на имотот“, појасни портпаролот на ВМРО-ДПМНЕ. Тој додаде дека и во изминатите години откако СДС и ДУИ се на власт имало стотици криминални афери и скандали за кои што ВМРО-ДПМНЕ излегло јавно да ги обелодени, но ниту еднаш обвинителството не отворило случај по допрен глас. „Би сакал да напоменам во делот на Антикорупционерите кои што се гласни само кога на нив им одговара или имаат некоја насока да излезат во јавност, имаме поднесено стотици и стотици претставки кои што не се обработени изминативе години, а нормално се однесуваат на сомнеж за криминалот и корупцијата на власта. Тие отвораат само случаеви кога се работи само за некој функционер нормално креиран случај, за некој функционер од ВМРО-ДПМНЕ, за подоцна после неколку месеци да самите излезат и се демантираат дека всушност немало никаков криминал. Што значи едно инструирано тело кое што работи само за интересите на власта односно СДС и ДУИ, да ги прикрие нивните криминали“, укажа Арсовски. Арсовски при своето излагање потсети на поднесени претставки во делот на 400 случаеви на непотизам, каде што власта изминативе години си ги вработуваше своите роднини во јавната администрација и државни институции и немаше никаков епилог од сето тоа. Тука е Фондот за иновации каде што се направи една проневера на сериозна сума на пари пред околу четири години каде што функционери, луѓе кои што се блиски до функционери секако како и роднински до власта на СДС и одредени функционери од ДУИ, и тогаш се поднесоа претставки и случајот повторно заврши заглавен во фиока и немаше никаков епилог.

Арсовски: Мицкоски даде план за заштеда од 300 милиони евра за надминување на енергетската криза, сега се е во рацете на власта и Ковачевски како граѓаните ќе ја преживеат зимата

Магдалена Андонова — Wed, 05 Oct 2022 07:31:38 +0000

Димче Арсовски, портпарол на ВМРО-ДПМНЕ во своето гостување на радио Лидер говореше за вчерашната средба помеѓу Мицкоски и Ковачевски каде посочи дека негов впечаток за таа средба е дека власта не ни знае со што ќе се соочи таа самата, државата и граѓаните во зимскиот период и дека конечно е дојдено време конечно да ги прифатат решенијата кои што ги немаат односно кои што им се понудени. -Но во овој момент штом ние нудиме решение за ова сериозна криза, значи навистина работите се излезени од контрола и дека не е 5 до 12 за решенија, туку 12 и 5, тоа е она кое и претседателот вчера го кажа јавно, дека во моментов она што е најпотребно за Република Македонија е да граѓаните не ја почувствуваат оваа криза која што за жал, наша како држава, како граѓани е резултат на неспособноста на оваа влада. Мојот впечаток иако не сум присуствувал на таа средба иако не знам во детали за што се говорело, мојот впечаток е дека сепак мислам дека власта не ни знае со што ќе се соочи и таа самата, и државата, но и граѓаните во текот на зимскиот период. Зошто го велам ова? Бидејќи сметам дека на толку многу прилики понудени од страна на опозицијата, од нас, од ВМРО-ДПМНЕ каде ги понудивме своите капацитети, знаења, своите луѓе кои функционираат во одредени области, најверојатно заради нивната суета не беа до толку внесени да можат да го разберат тоа дека е дојдено време да ги прифатат решенијата кои што ги немаат односно кои што им се понудени. И еве повторно гледам дека со сето она кое што изминативе денови калкулираа дали да се одржи или да не се одржи средбата, а штом ја прифатија, таму најверојатно имало некој разумен кој што навистина алармирал дека е потребна поддршката од опозицијата, очигледно е дека тие не знаат што се случува во светото и во Република Македонија, рече Арсовски. Арсовски во текот на своето гостување истакна дека државата е во ваква ситуација затоа што власта е насочена само кон тендерите и кон нивните бизнис интереси. -Очигледно е дека човекот заедно со неговиот кум, не им навлегувам во роднинските врски успеал за една нивна, заедничка фирма, односно фирма на неговиот кумашин да им заработи 2 милиони евра преку тендери од државата, се сомневам дека воопшто не му е гајле за граѓаните и за државата. Очигледно е дека тие знаат дека ќе има криза многу одамна, на секое излегување велеа знаевме дека ќе има криза, но ниту еднаш не превземаа буквално ништо. Акумулациите се празни, не произведуваме домашно производство на струја, сега да ја прашаме владата нема решение. Тоа е таа несериозност кај владата, да имале тие повеќе разум за да ја отргнат малку државата од овие проблеми, многу порано ќе мислеле на сето ова. Но очигледно е дека нивниот разум е насочен кон тендерите, бизнисите и се останато и затоа сме дојдени буквално до ова ситуација, вели Арсовски. Тој потсети дека претседателот Мицкоски даде план за намалување и заштедување од околу 300 милиони евра за надминување на кризата со струјата, но сега се е во рацете на власта. -ВМРО-ДПМНЕ, конкретно претседателот Мицкоски иако знаеме дека решението е предвремени парламентарни избори и кој гледаме дека после сето ова мора да се случат, даде план до власта за намалување и заштедување околу 300 милиони евра и ги даде своите позиции кон претставниците на владата кој што ги задолжил Ковачевски да се исконтактираат и да се успее на некој начин да се донесат потребните ресурси, енергенси за да може да се преживее зимата. Сега се останува во рацете на власта, нашите позиции за помош се предадени во нивните раце, додаде портпаролот.

Арсовски: Власта троши народни пари на спотови со цел на оцрнување на ВМРО-ДПМНЕ наместо да се фокусира на решавање на реалните проблеми на граѓаните

Тале Кристо — Wed, 21 Sep 2022 19:02:54 +0000

„Активниот бојкот во Собрание, да функционира, меѓутоа во текот на 2022-рата година над 30-тина закони кои што се во интерес на граѓаните се поминати во Собранието на Република Македонија и не биле цел на бојкот. Она што се бојкотира, нормално е да се бојкотира бидејќи не е во интерес на граѓаните, во теснопартиски интерес на власта еве на пример конкретно изминативе неколку дена сведоци сме на предлозите за уставни судии. Практично каде што власта по секоја цена се обидува да избере уставни судии кои што ним им се блиски и ним им се важни да бидат избрани, а воопшто немаат практично никакво портфолио за да седнат на тоа столче, а беа добри кадри други предложени од страна на опозицијата од ВМРО-ДПМНЕ и беа одбиени“,истакна Димче Арсовски, портпарол на ВМРО-ДПМНЕ во гостување во емисијата „Топ Тема“. Арсовски додаде дека власта продолжува со голата политика, со фокусот кон ВМРО-ДПМНЕ, кон оцрнување, она кое што го прави по цели денови. „Власта троши народни пари на спотови со цел на оцрнување на ВМРО-ДПМНЕ наместо да се фокусира на решавање на реалните проблеми“, нагласи портпаролот. „Она кое што исто така ВМРО-ДПМНЕ го имаше предложено во текот на пролетта каде што уште тогаш говоревме дека ни претстои сериозна економска и енергетска криза, предложивме тимови во неколку области да работат заедно со тимови од власта во надминување на проблемите и на кризите кои што ги има и следат на Република Македонија, но тие беа одбиени од страна на власта. Зошто беа одбиени? Беа одбиени затоа што им сметаше да некој навистина направи нешто добро за државата и бидејќи така би им го нарушил комодитетот на крадење, на пљачкање на државата и на пљачкање на народните пари“, нагласи тој. Арсовски рече дека стратегија и легитимна цел на ВМРО-ДПМНЕ е рушење на ненародната власт која државата ја втурна во безброј кризи. „Рушење на власта тоа мора да се случи, а мора да се случи затоа што резултатот изминативе неколку години на власта е крајно поразителен во секој поглед. Од она кое што можеме да го видиме е дека не се справува со криминалците, како на пример бегството на Ден Дончев во Австралија, а кој што беше обвинет за сериозен криминал, до немањето на учебници, до сериозната инфлација, до енергетската криза“, појасни портпаролот.

Арсовски: Обвинителството работи по директива на СДСМ, а не по допрен глас

Катерина Бојаџиева — Wed, 21 Sep 2022 18:59:22 +0000

Самата Кузеска призна дека она кое што го прават преку прес конференциите и соопштенијата е манипулација, зошто ? Затоа што самата призна за истото велејќи дека нема докази туку дека ги охрабрува институциите да испитаат што точно се случува со тендерот, изјави портпаролот на ВМРО-ДПМНЕ Димче Арсовски во вечерашното гостување во дебатната емисија „Топ Тема“ на Телевизија Телма. Тој посочи дека во соопштението на европската инвестицика банка јасно се посочува дека набавките за тој тендер се спроведени во согласност со водичот за набавки на европска инвестициска банка и во согласност со одобрената стратегија за набавка „Обидите да се ревидира стратегијата за набавки без соодветно оправдување во оваа фаза од процес на еваулација или неусогласени принципи со доверливост може да предизвика значително одложување во процесот на набавка и на тој начин може да ја загрози достапноста на средствата“, рече Арсовски. Тој кажа дека ова соопштение од страна на европската инвестициска банка е потврда дека Перински си ја вршел работата достојно и онака како што треба по закони својата работа. „Она кое што мене ме загрижува во овие моменти изминатите денови тоа е практично некоја си космична координираност помеѓу СДСМ и случувањата во ЈП Водовод или Град Скопје, зошто го велам ова ? Ова го велам затоа што уште во текот на утрешниот ден влегоа екипи на финансова полиција, што навистина и е во ред тоа да се слчучи за да се исчисти сомнежот“, вели Арсовски. Арсовски истакна дека кога било до Перински предложено да се промени комисијата, била одбиена таа препорака бидејќи не е во согласност со законите и си продолжила да тече понатака постапката, тоа е се регулирано со дописи. Арсовски запраша за тоа до каде е истрагата за оној скандал во управата за јавни приходи каде над 10тици милиони пари се проневерени и испрани помеѓу реални компаниии за фиктивен поврат на ДДВ ? Тој запраша за тоа дали обвинителството работи со истата брзина како што влезе во ЈП Водовод по допрен глас, за случај за кој европската инвестициска банка потврдува дека се е чисто и регуларно ? Зошто институциите не работат еднакво за сите граѓани туку работат директиви на СДСМ. „Каде се институците во фондот за иновации за проневерени 10тици милиони евра, каде се институциите да влезат и да испитаат околу нелегалното работење на очната болница која ја штитеше СДСМ и Бухова во центаро на Скопје, тоа е болницата на ПроМедика ?“, дециден е Арсовски.

Арсовски: Тоа што пишува во дијагнозата на Ковачевски дека е трајно неспособен за служење на воен рок, оттука повлекува да се испита каква е неговата деловна способност да раководи со премиерската функција

Катерина Бојаџиева — Wed, 21 Sep 2022 18:26:58 +0000

Над 8.000 граѓани го изгласаа господинот Ковачки да влезе како пратеник во Собранието на Република Македонија бидејќи тој ги претставува нив. Таму е заради своите општествени заслуги, таму е бидејќи граѓаните ја ценат неговата стручност, таму е затоа што војниците на Република Македонија на кои што голем дел им бил надреден го почитуваат и може легитимно да се бори од собраниските клупи за нивните проблеми, истакна Димче Арсовски, портпарол на ВМРО-ДПМНЕ во гостување во емисијата „Топ Тема“. Арсовски додаде дека во изминатиов период граѓаните гледаат како власта не ги решава проблемите на војниците и Армијата. „Ако имате некој сериозен аргумент против господинот Ковачки СДСМ нека го истакне пред јавноста. Премногу е несериозно да СДСМ нафрла теми и оцрнува човек за кој што немаат доказ. Ако имаат доказ нека го произнесат во јавноста. Јас верувам во професионалноста на господинот Драган Ковачки. СДСМ треба малку повеќе да се позанимаваат и фокусираат на нивниот претседател на партија и претседател на Владата, бидејќи тоа што го направил е многу сериозна тема. Таа тема би требало СДСМ да си ја дебатира на внатрешните состаноци со органите на партијата. Бидејќи човек кој што ја оставил на цедило својата држава, својот народ и кој што се обиде да ја лаже јавноста зошто не служел воен рок, а потоа гледаме дека и дезертирал и дека некој доктор му препишал дијагноза трајно неспособен, тоа навистина е сериозен манипулант од човек кој што треба сериозно СДСМ да го преиспита во неговото делување“, појасни Арсовски. Портпаролот посочи дека Ковачевски го има изиграно законот само за да не служи воен рок. „Излезе во јавноста некаде мислам дека беше изјава во прилеп јануари месец 2022 година, каде што Ковачевски се обиде да излаже зошто не служел воен рок. И треба да се размисли во најмала рака од морални причини дали тој човек треба да ја води државата или не“, нагласи тој. Арсовски рече дека Ковачевски не треба да си дозволи во никаков случај да ја манипулира јавноста и да избегнува закони. „А, тоа што пишува во неговата дијагноза дека е трајно неспособен како човек за служење на воен рок, оттука повлекува да се испита дали и зошто е трајно неспособен, односно каква е неговата деловна способност да раководи со премиерската функција“, укажа Арсовски.

Арсовски: Оставката на Бухова не е доволна, потребна е одговорност за незаконитото работење

Магдалена Андонова — Wed, 24 Aug 2022 10:18:37 +0000

Повторно молк од институциите во врска со незаконитото работење на Ирина Бухова. Како функционер на власта на СДСМ, Бухова е врзана со низа скандали, при што на обзнанување на последниот за очната болница, си даде оставка за која вели дека ја планирала од поодамна. Оставката на Бухова е врзана со последниот скандал за кој не спречила диво работење на приватна очна болница во центарот на Скопје, за која нејзината институција издала решение за забрана за вршење оперативни зафати на Промедика офталмологија, а Бухова продолжила одреден период да ги штити, изјави на денешната прес конференција Димче Арсовски, портпарол на ВМРО-ДПМНЕ. Тој истакна дека не е доволно само да си поднесе оставка, туку дека мора да се отвори случај, да се утврдат фактите и да сноси секаква одговорност. - Министерството за здравство да не молчи повеќе, туку да го испита случајот, бидејќи вака е практично соучесник. Оваа власт предводена од СДСМ од здравствениот систем направи вистински кошмар. Материјалниот и било каков друг интерес на функционерите кои ги раководат институциите во здравството им се далеку поважни од здравјето на граѓаните и непречено функционирање на системот. Оставката на Бухова не значи дека ќе избега од одговорност. Одговорност мора да има за секој кој се огрешил пред законот. Доколку институциите како Министерството за здравство и останатите кои што треба да го испитат случајот се уште молчат, тоа значи дека и тие истите се соучесници, појасни портпаролот.

Арсовски: Оставката на Бухова нема да ја спаси од одговорност што приватна очна болница оперирала на диво

Ивона Петрова — Tue, 23 Aug 2022 10:15:32 +0000

Вчерашното објавување на оставката на Ирина Бухова од директор на Државниот здравствен и санитарен инспекторат е уште една потврда дека нејзиното директорување и раководење на институцијата е поврзано со многу скандали и криминалии, а следствено на последниот кој што го обзнанивме пред неколку дена, изјави на денешната прес-конференција портпаролот на ВМРО-ДПМНЕ, Димче Арсовски. Истакна дека последното во низа беше она кое што го објавивме пред неколку денови, дека дозволила, внимавајте дозволила Ирина Бухова иако имало решение за забрана на вршење на оперативна дејност на очна болница, приватна очна болница да продолжи и понатака да оперира на диво во центарот на Скопје, иако не поседувала лиценци за оперативни зафати. -Можеме да кажеме дека едниот дел од нашата цел, да се тргне оваа директорка која не раководи добро со институцијата и ја внесе во десетици криминалии е исполнет, без разлика што не очекуваме подобро решение од власт, што би ја заменило. Но, она што е уште поважно е дека Ирина Бухова сега треба да сноси одговорност за стореното и за лошото менаџирање и сите криминали кои што се направени во таа институција. Никако, ама никако не смее, внимавајте после секој скандал на било кој директор или функционер на власта на СДСМ и ДУИ, да си поднесе оставка и тука да заврши целата приказна на одговорност. Не тоа не смее да се случи. Практика стана да даваат оставки и да мислат функционерите на СДСМ дека нема да одговараат за стореното и нерегуларното работење, бидејќи сите институции на прогон, јавно обвинителство, МВР итн. Ги штитат пошто се нивни пулени. Еве, јавно од оваа говорница да им порачаме, како политичка партија, како Димче Арсовски, најпрвин на Ирина Бухова, а потоа и на сите други кои си дадоа оставки и мислеа дека тука им завршила одговорноста, нема да биде така. Ниту едно дело нема да помине неказнето. Бидете сигурни во тоа. Никој ама баш никој нема да избега од одговорност, вели Арсовски. Тој нагласи дека Ирина Бухова е само последна во низата на директори што даваат оставка. -Или да речеме, си бараат изговори дека одамна сакала да си замине од функцијата, ама не можеле да и најдат достојна партиска замена, а всушност, Бухова си заминува во оној момент кога објавуваме огромен скандал за нејзе, каде што дозволила приватна очна болница да оперира на диво. Одговорност мора да има. Уште еднаш го повикувам Беким Сали, во најбрз можен рок, заедно со другите институции за спроведување на законите, да отвори истрага за овој случај и да ги изнесе фактите во јавност. Молкот и оставката на Бухова е само потврда за нејзиното незаконско и криминално работење. Одговорност ќе има, макар и до крајот на светот да бегаат и да се кријат функционерите од власта кои што се огрешиле пред законот, вели портпаролот на ВМРО-ДПМНЕ.

Арсовски: ДЗСИ јавно да ги објави лиценците за очната болница

Тале Кристо — Mon, 22 Aug 2022 10:10:58 +0000

Молкот и необјавувањето јавно на лиценците за работа на очната болница која што функционира во склоп на медикал центар Промедика е доволен показател дека државниот здравствен и санитарен инспекторат и директорката Бухова нешто кријат или се обидуваат да сокријат и да премолчат, истакна на денешната прес-конференција портпаролот на ВМРО-ДПМНЕ Димче Арсовски. Во продолжение интегрален текст и видео од прес-конференцијата на Арсовски: Покрај признанието дека навистина инспекторатот издал решение за забрана за работа на очната болница, Бухова не ги приложува сите информации во јавноста и повторно ќе кажам нешто крие очигледно. Согласно информациите кои ги изнесовме и прашавме, сакаме уште еднаш да потенцираме дали оваа очна болница има лиценци за вршење оперативни зафати кои веќе ги работи и рекламира? Ова е прашањето на кое што инспекторатот а веќе и министерството за здравство треба да дадат одговор. Второ, доколку работеле без лиценци за вршење оперативни зафати, како наплаќале за истите, односно на кој начин ги приложувале парите и парите влегувале во платен промет, односно на кој начин плаќале данок за истите. Почитувани, Кратко и јасно ова се двете прашања на кои што не треба да ги избегнуваат ниту ДЗСИ ниту пак министерството за здравство. Со оваа власт, со вакви директори како Ирина Бухова, СДСМ направи хаос и руина од здравството. Навистина е срамота за ваков скандал да се однесуваат ноншалантно и да молчат. Сепак се работи за здравје на граѓани. Ова не е срам, брука и проблем на граѓаните, ова е срам, брука и проблем на институциите со кои што раководи СДСМ, рече Арсовски.

Арсовски: ДСЗИ призна дека поликлиниката работела без лиценца, дали Бухова ја штитела болницата која вршела операции без дозвола за работа

Дарко Андоновски — Sun, 21 Aug 2022 11:59:03 +0000

Државниот здравствен и санитарен инспекторат очигледно како институција не постои во рамките на институциите на Република Македонија, ова денеска преку изјава за медиумите го истакна Димче Арсовски од ВМРО-ДПМНЕ. -Државниот здравствен и санитарен инспекторат преку соопштение во текот на вчерашниот ден признаа дека во 2018 година инспекторатот издал решение за забрана за вршење на дејност на очната болница која функционира во склоп на поликлиниката Промедика, а поврзано со случајот кој што го објавивме пред два дена. Директорката Бухова на сериозни обвинувања, за сериозен скандал немаше доблест да излезе лично во јавност и лично да признае дека очигледно до издавање на решението за затварање на болницата работела нелегално, а според нашите информации тоа продолжило и следните години. Замислете, очна болница во центарот на градот, без добиени лиценци за вршење оперативни зафати, продолжила да функционира и да оперира граѓани, благодарение на штитењето од страна на директорката Бухова. Бухова вчера со намера да демантира, всушност призна за целиот овој случај и за нерегуларностите, мислејќи дека ќе се затвори темата и никој повеќе нема да говори, не ги приложи јавно лиценците кои говори дека ги има очната болница, вели Арсовски. Тој додава дека замислете, некој треба да и верува на кажан збор на инспекторатот и на Бухова, а сите се свесни дека од низата скандали гледаме дека таа е мозокот на нерегуларното работење во здравствените установи. -Инспекторатот и Бухова, веднаш нека ги објават јавно лиценците кои ги поседува очната болница за вршење оперативни зафати, тоа е очната болница во скоп на поликлиниката Промедика за која што говоревме пред два дена дека нема лиценци, за да ги уверат граѓаните дека болницата од своето отварање па до денес константно и непречено ги поседува лиценците. Во спротивно, а свесни дека лажат од инспекторатот, треба кривично да одговараат и да поднесе оставка и одговорност директорката. Главните прашања на кои сеуште не одговори Бухова и инспекторатот се следните: Дали оваа очна болница поседува лиценци и дозволи за вршење оперативни зафати или пак Бухова го штити ова диво оперирање? Кој ќе одговара за тоа колку пари се наплатени за оперативни зафати, ако се има предвид дека болницата немала одредени лиценци за вршење дејност и дали е ова затајување данок, перење пари и сериозно економско кривично дело?, прашува Арсовски. Тој додава дека за да се смири целата јавност, Бухова веднаш може да ги објави лиценците и да ги направи јавно достапни на веб сајтот на инспекторатот, со што би спречила понатамошни манипулации. Но, тоа не и одговара ниту нејзе ниту инспекторатот, затоа што нема да може да го штитат криминалот и за тоа да има некаква си корист за која само таа знае. -Оттука, ги повикувам сите надлежни институции, министерот Беким Сали, доколку не е запознаен со овој случај да го испита и да ги направи потребните чекори за санирање на овој хаос, а Бухова да ја разреши и да сноси одговорност. Одговорете на прашањата и јавно објавете ги документи за да се смири јавноста, а не да пуштате штури и празни соопштенија мисјелќи дека одредена тема ќе заташкате или криминал ќе покриете. Не, потребни се одговори и да приложите документи за кои што тврдите дека ги има, истакна Арсовски.