димче асровски – Kurir.mk

Арсовски: Раководството на ГТЦ преку цензура се обидува да заштити криминал

Тале Кристо — Sun, 21 Nov 2021 12:31:21 +0000

СДСМ и оваа власт е среде огромен скандал на крадење струја, ништо по различно единствено крадење 4 години. Сега веќе е и повеќе од јасно зошто молчат СДСМ со денови за најголемиот скандал за крадење струја во ГТЦ, изјави денеска портпаролот на ВМРО-ДПМНЕ Димче Арсовски. Во продолжение интегрален текст и видео од прес-конференцијата на Арсовски: -Копањето криптовалути преку машини во подрумите на ГТЦ изминативе 3 години дуќанџиите, односно сопствениците да дуќаните и оние кои што имаат таму или водат бизнис ги чинело милиони евра. Од сопственици на бизниси ги доведоа на питачки стап. Дополнително, обидот за цензура од страна на ГТЦ е пуштен на најјако, откако завчера раководството на ГТЦ се обиде да прекине моја прес конференција пред влезот на канцелариите, а истиот ден се обидоа и да прекинат мирен протест и им забрануваа да говорат пред медиумите на сопствениците на дуќаните во ГТЦ, ова нема да помине. И Ѓоко Трајчевски и Трајанка Тасевска, кои се кадри на СДСМ и партиски штитеници на Зоран Заев, во ниту еден случај нема да замолчат никого. Единствено што можат е да си подготвуваат одбрана и да им објаснат на сопствениците на дуќаните колку пари им е направена штета изминативе години и дали и на кој начин ќе им надоместат. Вчера медиумите исто така пренесоа дека и во железница се копале криптовалути во канцеларија. Замислете, државата е девастирана од оваа Влада. Не се знае во ниту една институција што и како се прави. Нема никаде ред, се работи недомаќински и сето тоа, заради храброста која ја добиваат членовите на СДСМ од Зоран Заев и си мислат дека државата е нивна. Во ГТЦ директорите продавале 3 дури и 4 пати поскапа струја на дуќаните за да надоместат крадење на струја, внимавајте продавале повисока струја на чесните луѓе кои што работат таму, само за да надоместат крадење на струја од страна на коалициониот партнер на СДСМ, семејството Бајрам. Дополнително, отворено се сомневаме дека ова не е изолиран случај за крадење струја за копање криптовалути случајот со семејството Бајрам, туку дека има и други кои што истото го прават или го правеле во подрумските простории на ГТЦ. Најмалку што можеа наместо да молчат и да ги нема никаде и да штитат криминал раководството на ГТЦ, можеа да направат увид низ целото ГТЦ и да видат дали има и на друго место крадење на струја за копање криптовалути. Но, тие одлучија да молчат, одлучија да штитат криминал нормално затоа што и самите се вмешани во истиот и според наши сознанија, постои можност изминативе денови да се изнесувале и други машини на диви копачи на криптовалути од ГТЦ. Дополнително, исто така претпоставуваме и имаме простор за сомнеж дека и во други институции се краде струја за копање криптовалути. Но бидејќи од врвот на Владата и од врвот на СДСМ единствено што прават и што знаат е крадење и никој не може да поведе ред и да направи увид дали и на други места и во други институции се краде. Почитувани, Раководството на ГТЦ да си сноси одговорност и да си размисли дали и како ќе ги обештети сопствениците на дуќаните. Сега веќе и сите се свесни зошто половина дуќани во ГТЦ нефункционираат, се затворени, не работат или пропаднаа, тоа е заради оваа криминална банда на власт, истакна Арсовски.

Арсовски: Обвинението за 27 април е од политички – мотивирачки цели со цел да се оцрни одредена политичка структура од опозицијата

Тале Кристо — Sat, 11 Jan 2020 13:43:03 +0000

-Не е прва ситуација и не е прва прилика СДСМ да е таа која што обвинува и осудува за било кој случај. Нашиот став во однос на случувањата за 27-ми април е ист и непроменет, тоа е дека се работи за обвинение кое што е од политички - мотивирачки цели се со цел да се оцрни одредена политичка структура од опозицијата. Во однос на прашањето кое се однесуваше на возилата кои се во сопственост на МВР, а за кои министерот за внатрешни работи Наќе Чулев побара да бидат вратени Арсовски истакна дека тие возила треба да ги користи МВР, а во моментов се користени за лични цели и интереси после работното време. -Од она кое што го имаме како сознание, тие возила треба да ги користи МВР, а во моментов се користеле за лични цели на поединци односно за лични интереси и истите биле возени за приватни цели односно возени во своите домови после работното време. Затоа е побарано од страна на министерот да се вратат работите во нормала, согласно законите и прописите и да бидат повторно во функција на МВР кое што откога се задолжени од страна на трети лица тие коли, па МВР останало без возила, истакна Арсовски.

Арсовски: Ова што Заев го прави со Република Македонија, е далеку од европска вредност

Дарко Андоновски — Fri, 11 Jan 2019 15:49:13 +0000

Како што беше најавено денеска Претседателот Христијан Мицкоски свика седница на Извршниот комитет каде се разговара за актуелната политичка ситуација која што се случува во моментот. Морам да истакнам дека на седницата на Извршниот комитет поканета е и пратеничката група на ВМРО-ДПМНЕ. Се аргументираат, се разгледуваат сите можности за да се види како може да се излези од оваа ситуација, вели Димче Арсовски, портпарол на ВМРО-ДПМНЕ во изјава дадена за вестите на Алсат М. Арсовски потенцираше ова што се случува во Република Македонија е жално и е далеку од сите европски вредности за кои што треба да се залагаат сите политички партии. Според него случајот Талир кој денеска е отворен од СЈО претставува само уште еден инструмент за закана и уцени врз ВМРО-ДПМНЕ. -Двете најважни ситуација кои што се разговараат и кои што се тема под актуелната политичка ситуација тоа се она што се случува во моментот оној пазар од страна на Зоран Заев, уцени и закани кон сите пратеници во Собранието на Република Македонија. И вториот дел е за кој што веќе имавме прес конференција од страна на Генералниот секретар Игор Јанушев, за отворање на случајот на Талир за кој што можеме уште еднаш да потенцирам дека тоа е уште еден предмет кој што се отвора се со цел да биде како еден инструмент кој што ќе служи за уцени и закани врз ВМРО-ДПМНЕ, додаде портпаролот Арсовски. На прашањето дали се чека да се повлечат пратениците од Собранието, Арсовски одговори дека седницата на Извршниот комитет е во тек и се очекува веднаш штом заврши да се информира јавноста за донесените одлуки.

Арсовски: Молкот кај Шекеринска и нервозата и нетрпението кај Шапуриќ покажуваат дека се фатени живи како си префрлаат народни пари меѓусебе

Дарко Андоновски — Fri, 10 Aug 2018 12:16:09 +0000

Молкот кај Шекеринска и нервозата и нетрпението кај Шапуриќ покажуваат дека се фатени живи како си префрлаат народни пари меѓусебе, ова денеска на пресконференција го истакна Димче Арсовски од ВМРО-ДПМНЕ. -Господине Шапуриќ, ние ја разбираме вашата нервоза. Скандалот кој што излезе Ви ги помати пресметките за вашиот буџет и нас навистина ни е жал за тоа. Но, како министер кому работа му е да работи за подобрување на климата за домашните инвестиции, Вие никако не смеете да работите за подобрување на климата на буџетот на вашата невладина од која документите велат дека сте дел, а вие негирате. Кој ли лаже? Официјалните документи или Вие? Зоран Шапуриќ пред да се закануваш со тужби треба да одговорите сите инволвирани во скандалот на неколку прашања. Конкретно ти: Пред да се закануваш со тужби кон медиумите и ВМРО-ДПМНЕ, зошто не ја тужиш невладината „Мултикултура“ која наводно како што викаш го злоупотребила твоето име?,прашува Арсовски. Тој го прашува и уште прашање господинот Шупуриќ: Господине Шапуриќ уште едно прашање треба да одговорите. Во демантот велите, цитирам: „Преку соопштение јавно укажав дека немам никакво влијание ниту интерес од активностите на доделување на финансиски средства од Министерството за култура, некои новинари и политичката партија ВМРО-ДПМНЕ упорно го тврдат спротивното”. -Дали сакате јавно и транспарентно да ни укажете дека вашата невладина „Мултикултура“ добила средства и од министерството за култура? Дали постои друг професор доктор на „Американ Колеџ“, Зоран Шапуриќ во Република Македонија или вие сте единствениот со ова име и презиме и оваа титула? Радмила Шекеринска да одговори дали има донесено годишна програма за финансирање на невладини организации во министерството, како што налага законот за невладини организации? НВО „Мултикултура“ да одговори, како се најде името на проф. Др. Зоран Шапуриќ на нивниот сајт и под чиј притисок се тргна од сајтот и документите на „Мултикултура“? Фатени сте живи и нема перење од овој скандал. Доблесно, морално, етички, транспарентно, човечки е да признаете и да си сносите одговорност. Најпрвин политичка одговорност, да си поднесете оставки, а потоа и правна. Јавното обвинителство на волку повикувања од целата јавност па и од самиот инволвиран во скандалот Шапуриќ, треба уште веднаш да поведе постапка и да истера до крај. Граѓаните чекаат одговори, но граѓаните чекаат и одговорност. На крајот граѓаните и Република Македонија ќе победат!, вели Арсовски.