Димче Атанасовски – Kurir.mk

Атанасовски: Во Македонска Каменица до јуни ќе бидат реализирани 30 проекти од кои добар дел се капитални инвестиции

Магдалена Андонова — Wed, 27 Apr 2022 13:53:59 +0000

До крај на јуни во општина Македонска Каменица ќе бидат завршени околу 30 проекти, вели градоначалникот Димче Атанасовски при денешниот увид на градежни активности на реконструкција на пат во населено место Тодоровци, додавајќи дека добар дел од тие проекти ќе бидат капитални. Во населено место Тодоровци ни останува уште само овој пат да го асфалтираме кој веќе е во завршна фаза и со тоа ќе биде решена комплетна патната инфраструктура, изјави Атанасовски. Атанасовски истакна дека покрај патиштата во општината се работи на водоводи, и други инфраструктурни проекти како и очекуваниот проект за осветлување на кејот во Македонска Каменица. - Ние во моментов работиме на повеќе проекти од кои планираме до крај на јуни да бидат завршени околу 30 од поголеми капитални ќе бидат завршени церски пат, Албанско маало, водовод во Павлиш и она на кое најмногу очекуваме и е во тек тендерската постапка за осветлување на кејот, кој ќе биде во вредност од 16 милиони денари, нагласи Атанасовски.

Атанасовски: 4,2 милиони денари поддршка за спортот, еднократна помош за сите ученици при упис и нови маалски патишта и улици

Тале Кристо — Tue, 15 Feb 2022 13:06:26 +0000

Со многу енергија, ентузијазам, нови идеи и визии го започнавме раководењето со општина Македонска Каменица и ветивме дека нашиот град ќе го врати стариот сјај, рече градоначалникот на општина Македонска Каменица Димче Атанасовски на денешниот регионален отчет „Промени што носат иднина – 100 дена локална власт отчет на ВМНРО-ДПМНЕ“. Атанасовски потенцираше дека креираат систем и начин на работа со кој што ќе овозможат Македонска Каменица да биде општина со нула корупција, укажувајќи дека со транспарентност и отчетност граѓаните знаат каде се трошат нивните пари. Креираме сопствен систем и начин на работа кој што ќе овозможи Македонска Каменица да биде општина со нула корупција. Сите буџетски раскоди ќе бидат транспарентни и достапни граѓаните ќе знаат дека нивните пари се трошат на вистинско место со што ќе ја подобриме довербата во администрацијата во нашето работење. Мојот тим е во континуирана комуникација со граѓаните и така добиваме информации за проблемите на граѓаните кои што ги решаваме во најкраток можен рок, рече тој. Атанасовски посочи дека во првите 100 дена имаат започнато да се реализираат голем број на проекти кои што ги ветил во предизборната програма, додавајќи дека мора навремено да се решаваат проблемите на граѓаните. Нашиот приоритет се нашите сограѓани и затоа со брзи и квалитетни решенија делуваме во сите општествени сфери и градиме модерна, отворена и услужна општина насочена кон подобрување на квалитетот на живот. Во општина Македонска Каменица во тек е изградба или потпишани се договори за изградба на локални пристапни и маалски патишта и улици кои што се со вкупна должина од околу 6545 метри, локален пат до маало Албанци до село Тодоровца, реконструкција на дел од локален пат до село Цера, локален пат до Дракарска маало до село Луковица, локален пат до маало Каранфилци во село Цера, изградба на дел од улицата Миле Јаневски Џингар во Македонска Каменица, кажа Атанасовски. Започнавме постапка за изградба на нова општинска зграда која ќе биде лоцирана во непосредна близина на градскиот плоштад, а за таа веќе е извршена физичка делба на парцела и промена на катастарска култура. Има договор за изградба на згради и помошни објекти за потребите на месни заедници на село Саса, село Тодоровци, село Луковица, и село Костендол. Потпишавме договор за улично осветлување на влезот во Македонска Каменица, проект кој што ќе се финансира преку проект на Центарот за развој на Источно плански регион а за кој дел од средствата ќе се обезбедат од општинскиот буџет. Во фаза на подготовка е документација за изградба на парк на бранителите во централното градско подрачје. Подготвивме проект за реконструкција на дел од Градскиот базен и доградба на нови содржини на градски базени и изградба на мал базен за дечиња, вели Атанасовски. Атанасовски рече дека се исчистени голем број на диви депонии во централното градско подрачје, а веќе од март ќе се започне со чистење на дивите депонии во руралните средини. Ги исчистивме дивите депонии во централното градско подрачје а до крајот на месец март ќе ги исчистиме пријавените диви депонии во руралните средини. Во првите 100 дена поделивме еднократна парична помош за болничко лекување од вкупен износ од 210 илјади денари, а континуирано доделуваме еднократна парична помош за секое новородено дете во износ од 10.000 денари., истакна Атанасовски. Започнавме постапка за изработка на правилник на еднократна финансиска поддршка за сите ученици кои што ќе се запишат во Миле Јаневски Џингар со што ќе придонесеме за зголемување на бројот на ученици во оваа училиште. Во буџетот за 2022 година предвидовме финансиска средства во вкупен износ од 4,2 милиони денари за поддршка на спортски клубови кои ќе профункционираат на подрачјето на општина Македонска Каменица и за реализација на проекти од општинска програма за спорт и млади, заклучи тој. Атанасовски вели дека во однос на она што го наследил од претходниот градоначалник од СДСМ констатирал низа неправилности во однос на склучување на договори со фирми без спроведување на постапка за јавни набавки, додавајќи дека токму поради тоа побарал ревизија на досегашното работење. Во првичните анализи мојот тим констатираше низа неправилности во работата на претходната структура, нема реализација ниту еден значаен капитален проект, огромен број на склучен договори и исплати беа без спроведени без постапки за јавни набавки, договори кои што се на штета на општина Македонска Каменица, сомнителни јавни набавки, недостаток на вистински систем за прибирање на даноци и други давачки, и од таа причина побаравме од Државниот завод за ревизија да изврши контрола на досегашното работење, објасни тој.

Атанасовски: Власта е исплашена затоа што знае дека ќе одговара и води црна кампања, тоа нема да им помогне, промените доаѓаат

Ивана Ефремовски — Fri, 29 Oct 2021 13:43:22 +0000

Сакам да ве известам имајќи предвид дека локалната власт, гледа дека ја губи власта, почнаа да се занимаваат со црна кампања. Вие и самите знаете дека ние и во текот на целокупното водење на кампањата немавме користено такви работи, и нема ни да користиме, истакна Димче Атанасовски, кандидат за градоначалник на општина Македонска Каменица. „Иако денес е последен ден од кампањата, сакам да им порачам на сите мои сограѓани дека локалната власт ја губи власта, очигледно е дека се плашат од сето тоа што ќе се случува после, а тоа е дека ќе одговараат за сите нивни криминали. Сакам сите да ве охрабрам, да излезете масовно на 31-ви и да го дадете гласот за бројот 7. Да не им се плашите ниту на уцените, ниту да потклекнувате на поткуп“ - порача тој.

Атанасовски: Имаме мнозинство во Советот во Македонска Каменица, на 31 октомври масовно излезете и дајте поддршка за ВМРО-ДПМНЕ и број 7

Дарко Андоновски — Tue, 26 Oct 2021 11:32:31 +0000

Би сакал да ве известам дека од вчера и официјално го добивме мнозинството советници, ова денеска преку изјава го потенцира кандидатот за градоначалник на Македонска Каменица, од редовите на ВМРО-ДПМНЕ, Димче Атанасовски. -Значи имаме вкупно седум советници благодарение на независната листа која што ја предводеше господинот Перо Митровски, на кого му се заблагодаруваме за соработката. И очекуваме на 31-ви октомври да излеземе сите заеднички масовно и да ја дадеме поддршката за бројот 7, вели Атанасовски.

Атанасовски: Mасовна излезност на 31-ви и поддршка за ВМРО-ДПМНЕ за просперитетна и успешна општина

Ивона Петрова — Sat, 23 Oct 2021 09:48:45 +0000

Од срце би сакал да ви се заблагодарам за масовната поддршка која што ми ја дадовте во првиот круг на овие избори, вели кандидатот за градоначалник на ВМРО-ДПМНЕ за Општина Македонска Каменица, Димче Атанасовски. Очигледна е победата на ниво на целата држава Република Македонија, вклучително и во Македонска Каменица. -Искрено се надевам и ве замолувам сите заедно масовно да излеземе на 31-ви да го заокружиме бројот 7 за просперитетна и успешна Македонска Каменица, посочува тој.