Димитар Димитриоски – Kurir.mk

Димитар Димитриоски во тимот на колото во шпанската АСОБАЛ лига

Бошко Тасиќ — Thu, 21 Sep 2023 04:29:04 +0000

Maкедонскиот ракометар Димитар Димитриоски продолжи со добрите настапи во дресот на Валјадолид, а сега се најде во тимот на колото во АСОБАЛ лигата. Екс-играчот на Вардар во натпреварот против Пуерто Сагутно постигна шест голови и тоа беше доволно да се најде помеѓу најдобрите во колото. Покрај Димитриоски место добија: Мем, Де Варгас, Кордиес, Нието, Бенитес и Варела.

Димитриоски една година во Ваљадолид

Бошко Тасиќ — Thu, 30 Jun 2022 17:33:03 +0000

Давид Писоњеро, поранешниот тренер на Вардар го доведе во својот Ваљадолид македонскиот ракометар Димитар Димитриоски. Поранешениот играч на Металург, Вардар и Е. Пелистер 2 потпиша едногодишен договор со некогаш силната шпанска екипа. -Го познавам од времето кога го тренирав во Вардар. Иако се уште не е познат во светски рамки, знам дека се работи за добар играч. Може да игра на повеќе од една позиција и тоа е за нас многу битно, затоа што ќе можеме со еден ракометар да покриеме повеќе места, изјави Писонеро. Ваљадолид ќе го користи Димитриоски на позициите лево крило и централен бек.

Димитар Димитриоски не е веќе член на Вардар 1961

Бошко Тасиќ — Wed, 09 Jun 2021 16:27:59 +0000

Македонскиот ракометен шампион Вардар 1961 продолжува со активности на трансфер пазарот, па по разделбата со осум ракометари на натпреварот против Мателопластика, најавено е уште едно заминување. По трансферот на полското крило Чувара, како и продолжувањето на договорот со Дибиров, нема многу простор за македонскиот репрезентативец Димитар Димитриовски. Вардар 1961 за комплетирање на преодниот рок ќе ангажира среден и десен бек, а најавен е и уште еден дефанзивец.

Пристигна замената за Дибиров, ова е новиот ракометар во Вардар

Ивана Ефремовски — Tue, 25 Jun 2019 12:18:08 +0000

Македонскиот репрезентативец Димитар Димитриоски е нов член на Вардар. Левото крило потпиша двегодишен договор со „црвено-црните” и ќе му биде замена на Тимур Дибиров во новата сезона. Со доаѓањето на 21-годишниот Димитриоски клубот продолжи со засилувањето и подмладувањето на тимот во добрана на европската титула. -Вардар секогаш сакал во своите редови да има млади, перспективни и не афирмирани ракометари. Тимот им дава шанса за напредување и за покажување на својот квалитет. Димитриоски не е само талентиран туку и квалитетен играч. Младоста е негова предност, и очекуваме истата посветеност со која и досега играше да биде негова препознатливост. Вардар ќе му даде шанса, и очекуваме дека истата ќе ја искористи. Пред клубот се нови предизвици и со новите сили заеднички да продолжиме со добрите настапи, изјави Давор Стојаноски, извршниот директор на Вардар. Димитровски пет години настапуваше за екипата на Металург. Последната сезона го освои Купот на Македонија, а играше и во СЕХА лигата и Лигата на шампионите. Беше на списокот на репрезентативци за настап на СП 2019 година, но поради повреда на последниот тренинг пред тргнување отпадна од комбинација. (МИА)