Димитар Димовски – Kurir.mk

Димовски: Филипче го го загрозува здравјето на граѓаните и директно продуцира нови заболени и нови смртни случаи

Тале Кристо — Wed, 10 Mar 2021 11:29:12 +0000

Ова е класично воено профитерство. Уште по страшно е што го прават првите луѓе од владата. Монструозно е што Филипче за негов личен или нечиј друг профит, според пишаното, не само што го загрозува здравјето на граѓаните на Република Македонија, туку и директно продуцира нови заболени и нови смртни случаи. Одамна знаеме дека души немате. И морал и етичност немате. Ама, барем малку сочувство кон луѓето кои живеат во Македонија да имавте?, пишува во својата Фејсбук објава Димитар Димовски од ВМРО-ДПМНЕ.

Димовски: Поради мојата љубов кон Македонија четврта година сум предмет на политички прогон- слушам ќе го прошират со трет, повторно монтиран кривичен предмет

Катерина Бојаџиева — Fri, 19 Feb 2021 21:11:15 +0000

Веќе четврта година сум предмет на политички прогон од страна на власта, заради моето политичко дејствување и мојата љубов кон Македонија. Деновиве слушам дека тој прогон ќе го прошират со трет, повторно монтиран кривичен предмет. И тоа не ме чуди, бидејќи власта има потреба да ги покрива криминалиите кои ги прави и неспособноста која е очигледна. Но, не можам да ги разберам институциите - полицијата, обвинителството и судството, кои наместо да ја гарантираат правдата, се ставени во функција на овој политички прогон и тортура. Толку ли не им е јасно дека доаѓа денот кога ќе одговараат за злоупотребата нивните службени овластувања?, прашува Димитар Димовски од ВМРО-ДПМНЕ. -Како државен службеник, сум го работел она за кое сум бил платен од народот и сум ги штител интересите на државата, но и на граѓаните. Единствено тоа и сум го правел. Имам потпишано над 50.000 предмети и во ниту еден предмет не сум потпишал ништо што било спротивно на законите. По нивната логика, можат да ми пуштат 50.000 кривични пријави. Исто и на над 500 колеги кои ја работат истата проблематика. Ете затоа четири години е блокиран системот. Уплашени се и нив да не ги снајде мојата и судбината на уште неколкумина кои веќе сме обвинети. Во ниту еден процес покренат против мене, немам направено кривични или криминални дејства, ниту сум бил подложен на корупција, туку ме обвинуваат за работата која сум ја работел согласно со законите. Со овие измислени процеси, освен врз мене, се врши политички прогон и тортура и врз неколкумина колеги. Од тоа страдаат моето, но и нивните семејства. Последиците од стресовите ги чувствуваме сите и сериозно се одразуваат по здравјето на секој од нас, пишува тој на Фејсбук и додава: Јас сум родител на две прекрасни, малолетни деца. Ги учам да бидат добри, вредни и чесни, а тие се гордеат со мене. За жал, и тие ја гледаат неправдата со која се соочувам, иако за цело време се трудам да ги држам на страна од овие случувања. Бидејќи еднаш ме однесоа од дома во 5 часот наутро, децата се уплашени дека тоа може повторно да се случи. Понекогаш се будат на среде ноќ, да проверат дали сум дома. Тоа е ефектот на тортурата која ја спроведуваат нарачателот и нему поданички настроените службеници од полиција, обвинителство и судство. На крај, ако целта на овој политички прогон и оваа тортура е да ме замолчите, нема да замолчам. Напротив, до последен здив ќе се борам против вас, оти сте зло. Брзо ќе дојде денот кога ќе одговарате за сите неправди, но и за сите злодела и криминал кои ги правите. Ќе одговарате и за сиот детски плач на моите, но и на децата кои плачат по своите татковци и мајки кои ги обвинувате и судите неправедно. И за секоја солза пролеана од мојата и од сопругите на многумина кои се во иста ситуација како мене. Ќе одговарате и за сета болка и сите болести кои им ги нанесовте на нашите родители. Пред судот или пред Бога, ама ќе одговарате. Ако ви е целта со измислени и монтирани процеси да го замајувате народот, нема да ви успее. На сите им е јасно што правите. Нарачателу и извршители, нема да ве прашам каде ќе ви одат душите, оти души немате, одамна сте ги продале на злото. Ама, поколенија имате. Толку ли не помислувате дека тоа што им го правите на другите, еден ден може да ве стаса и вас или вашите најмили?

Димовски: Помислив дека ќе се пофалат дека вработиле 40.000 граѓани, а тие само гледаат колку ажурирани членови имаат

Магдалена Андонова — Wed, 10 Feb 2021 09:55:14 +0000

„Јас пак помислив дека ќе се пофалат дека се вработени нови 40.000 граѓани на Република Македонија. Или, дека се вакцинирани 40.000 луѓе против ковид. Ама, всушност, на нив народот не им е пред очи, не го гледаат. Си ги гледаат само сопствените интереси. Добро утро.“ Фејсбук статус на Димитар Димовски

Димовски до Ковачев: Тоа што сте нашле квислинзи на власт, не значи дека Македонците ќе ви попуштат, ние ќе пееме за Јане, оној од чие спомнување се плашите

Ивана Ефремовски — Sat, 28 Nov 2020 22:01:41 +0000

МАКЕДОНИЈА ИМА СВОИ ИНТЕРЕСИ, СВОЈА ПОЛИТИКА И СВОЈА ИДНИНА, АНДРЕЈ КОВАЧЕВ. А ХРИСТИЈАН МИЦКОСКИ Е ПРЕДВОДНИК НА ОТПОРОТ И ПОСЛЕДНИОТ БЕДЕМ, КОЈ ВО СТОИ НА ПАТОТ НА УНИШТУВАЊЕ НА МАКЕДОНИЈА. Оваа порака ја испраќа Димитар Димовски од ВМРО-ДПМНЕ. Во продолжение следува неговиот Фејсбук статус: Ова што денес на големо го трубат властите во Бугарија, не е ништо ново. Зачнато е во 1948 година, кога Бугарија, благодарение на една резолуција на Информбирото, го отфрлила концептот за културна автономија на Македонците во Пиринска Македонија и го забранила учењето на македонски јазик во училиштата. Родено е во 1958 година, кога бугарската комунистичка партија, со официјален став го негира постоењето на Македонски народ и македонски јазик. И ова што се случува денес, не е ништо друго, освен омраза кон нас, која трае со децении наназад. Да сум Андреј Ковачев, Бугарин кој има сериозна агенда и намера да го заврши она што неговите предци не успеале во двете Балкански војни, со Букурешкиот договор, а потоа и со Втората светска војна, да ја имам Македонија под свое, секако и јас би бил сериозно заинтересиран да имам вакви вазали на Власт, какви што се сегашниве во Република Македонија. Бојко, Ковачев, Станишев и Каракачанов да ги бираа, немаше до толку да им се погодат. Синкир, навистина тешко е да се најдат вакви апологети, вазали и безрбетници, какви што се овие, актуелниве. Квинслизи - какви што секој окупатор би посакал да ги има. Но, јас сум Македонец. Не сум најголем, но сум доволно голем, за да им кажам дека Македонија има Македонски народ кој си ја сака татковината, дека не се сите Македонци такви како тие што ги посакуваат. Македонија има свои интереси, своја политика и своја иднина. Таа иднина, неспорно е дека во Европското семејство, рамноправна со другите држави, но исклучиво како суверена, самостојна и независна држава, со своите суштински елементи - Македонски народ, Македонски јазик и идентитет, Македонска култура, фолклор и традиција и Македонска историја. Со своја силна економија, ценето образование, високо развиен здравствен и социјален систем, професионална полиција и добро обучена армија, почитување на правото и еднаквост пред правосудните органи. Всушност, ова треба да биде и националната стратегија, за која мораме да изградиме консензус и никогаш, ниту една политичка партија или политичар, да не смеат да отстапат од неа. Се друго, спротивно на ова, е само одработување и реализирање на туѓи интереси, без разлика дали се работи за големо-бугарски, големо-албански, велико-српски или мегало-грчки. И, седење во скут на едните или на другите, или пак на сите истовремено. Не почитуван Ковачев, овој пат ќе ја пееме она нашата, за Јане Сандански. За оној на кого се плашите името да му го спомнете.

Димовски му одговори на Ковачев: ВМРО-ДПМНЕ протестира против оние чија цел е да ги уништат Македонскиот народ и Македонската држава и против неофашистите како тебе и тој кого го фалиш

Магдалена Андонова — Thu, 26 Nov 2020 17:22:48 +0000

ВМРО-ДПМНЕ, не толку почитуван Андреј Ковачев, протестира против оние чија цел е да ги уништат Македонскиот народ и Македонската држава и против неофашистите како тебе и тој кого го фалиш. Кратко и јасно. И протестира за зачувување на сопствениот идентитет, јазик, култура и историја, стои во Фејсбук статусот на Димитар Димовски. - Ако ова ти е јасно, да ти разјаснам уште нешто. Македонците страдале од Бугарите во повеќе наврати. Претпоследното страдње било за време на втората светска војна, кога бугарските фашистички војници имаат ликвидирано и заклано стотина македонци, но и претепано и силувано илјади Македонци и Македонки. И кога испрстиле стотици македонски Евреи во Треблинка. И кога украле сериозни количини на историски и културни вредности од Македонските цркви и домови. Последното страдање ни го причинувате сега, крадејќи нинка историјата и негирајќи ни ги јазикот и идентитетот, пишува тој. - Ако ова го разбираш, да ти објаснам уште нешто. Македонскиот народ е кроток, добродушен народ. И верувам дека во голема мера ќе ви прости за злоделата. Дојдете ти и твоите истомисленици и шефови, Борисов, Каракачанов, Џамбаски..., да ги посетите спомениците на оние Македонци кои се погубени од раката на бугарскиот фашистички окупатор. Дојдете во Ваташа, во Поречието, во Куманово, Прилеп, Берово, низ цела Република Македонија, влезете и во музејот на холокаустот и кажете: "Простете, нашите предци ви згрешиле многу. Ние сакаме да ја исправиме таа грешка." Ако сте искрени и сериозни, тоа ќе го препознаеме и ќе ви простиме. И можеме да продолжиме да градиме добри односи, да одиме напред, почитувајќи се едни со други, но и почитувајќи ги правата на оние кои се изјаснуваат за бугарско малцинство кај нас (иако не сум чул до сега дека има такви) и на оние кои се изјаснуваат за Македонци кај вас. Јасно ми е дека се срамите од својата историја, па затоа и посегнувате по нашата. Јасно ми е и дека ви причинува фрустрации тоа што Македонци ви биле даскали, градители, министри и премиери. Но ние не го ни споменуваме тоа и нема ни во иднина да ви го кажуваме. Македонија е богата со паметни и мудри луѓе, има и за на вас да ви даде, вели Димовски. - Андреј Ковачев, ти си пратеник во Европскиот парламент, кој по природата на работите, треба да биде нај гласен во промовирањето на европските вредности. Не на неофашистичките и претендентските кон туѓото. П.С. Што се однесува до Југославија, Македонија и Македонците страдале и во тоа време, но секако многу помалку отколку во времето во кое вие сте биле наши "администратори". И да, јас не сум југословен, ниту пак моите предци биле тоа. Ние по корен сме Македонци. Тоа и ќе останеме, пишува тој.

Димовски: Секој од нас, без разлика дали е ВМРО-ВЕЦ, СДС-ОВЕЦ, ЛЕВИЧАР, ДЕМОКРАТ е должен на свој начин да се спротистави на ова лудило и предавство

Магдалена Андонова — Wed, 25 Nov 2020 18:13:10 +0000

Историчарите од комисијата не треба да чекаат ниту еден момент повеќе, за да ја напуштат комисијата во која се членови. Се надевам дека за разлика од ликот на сликата, тие барем имаат грам совест и почит кон сопствената држава, историја и народ. Што се однесува до интервјуто на ликов од сликата за БГНЕС, на кого не сакам ниту името веќе да му го изговорам, ќе кажам дека е срамно, подло, грозно и одвратно. Од него не можеме ниту да очекуваме нешто друго, освен таква омраза кон македонскиот народ и држава, стои во Фејсбук статусот на Димитар Димовски. Но затоа, секој еден од нас има должност да ја брани државата од надворешен, но и од внатрешен непријател. Во моментот, тоа се бугарската власт (не бугарскиот народ) и ликот на сликата со неговите слепи послушници.И секој еден од нас, без разлика дали е Македонец, Албанец, Турчин, Србин, Бошњак, Влав, Ром..., без разлика дали е ВМРО-ВЕЦ, СДС-ОВЕЦ, ЛЕВИЧАР, ДЕМОКРАТ... е должен на свој начин да се спротистави на ова лудило и предавство. Не смееме да чекаме ниту еден момент повеќе. Веднаш треба да се спротивставиме, на секој можен начин. Сите ние имаме наследена и стекната должност да ја одбраниме Македонија,затоа што тоа е нашата татковина, нашето наследство, оставштина од нашите предци и нашата иднина. Не треба никој од нас да се правда дека не бил повикан, не бил организиран или се плашел. Веќе не смее да имаме оправдувања. Време е за улица, блокади и изразување револт. Време е да го детронизираме овој диктаторски лик и булументата околу него! Да почнеме веднаш, да не биде доцна!, пишува тој.

Димовски: Нашиот виновник за целата оваа денешна македонска голгота е тука, дома – има име и презиме, Зоран Заев

Магдалена Андонова — Fri, 06 Nov 2020 19:50:43 +0000

„Умислен дека е најпаметниот политичар и мултиетнички македонец што се родил, и дека тој е месијата на "нашата држава", ја донесе Македонија во потчинета улога пред сите, па и пред Бугарија. Уништи се што нашите предци граделе низ минатото, се откажа од сите кои дале жртва и се бореле за Македонија. Гоце Делчев го искористи како пара за поткусурување. Зоран Заев: 📌Го смени името на државата 📌Го промени идентитетот на Македонците 📌Ја распродаде македонската историја 📌 Македонските историски ликови и великани ги призна за бугарски 📌Се откажа од македонското малцинство во соседните држави 📌Ја растури црквата и ни ја прогласи за бугарска ќерка, 📌Ја мажеше Македонија во богато семејство 📌Се коцкаше All in со Македонија 📌 Го подели народот и го направи да се мрази како никогаш порано 📌Ја албанизира цела држава 📌 Македонците ги направи граѓани од втор ред во сопствената држава 📌Испозатвори Македонци затоа што си ја сакаат Македонија и не мислат како него 📌Избриша од секаде каде што можеше да се избрише зборот Македонија. Јас не ја обвинувам Бугарија за блокадата која ни ја ставија денеска. Они заклучиле дека сега е моментот да земат се она кое претходно не успеале да го земат во четири војни. И да создадат минимум можности, за мижеби еден ден, да им се оствари Сан Стефанскиот сон. Не ги оправдувам, но ги разбирам. Начекале. Нашиот виновник за целата оваа денешна македонска голгота е тука, дома. Има име и презиме. Зоран Заев. Со Заев на чело на државата, нема добра иднина за Македонија, ниту некаква перспектива за македонскиот народ. Бидејќи не е чесен ниту како човек, ниту како политичар, од него не може да се очекува дека ќе си поднесе оставка. Но, силата е во рацете на народот и народот е тој кој треба да се избори за своја подобра иднина. На избори, или на улица. Трето нема.“ Фејсбук статус на Димитар Димовски

Димовски ги повика граѓаните на утрешниот протест: Се гледаме на барикадите

Дарко Андоновски — Tue, 22 Sep 2020 20:33:38 +0000

Димитар Димовски од ВМРО-ДПМНЕ преку статус на Фејсбук ги повикува сите граѓани утре да им се придружат на протестот организиран од партијата. -Се гледаме на #барикадите. Затоа што монструмите се на слобода, додека патриотите кои ја бранеа Македонија и Уставот на Република Македонија, неправедно обвинети и осудени, гнијат по занданите! Но и против неправдите за сите други неправедно осудени и обвинети браќа и сестри во политички мотивирани и монтирани судски процеси; против реваншизмот кој го прави власта врз нивните неистомисленици; и против политичкото насилство и терор кои ги спроведува мафијата на власт. Среда, 23-ти Септември, пред Министерството за правда, стои во неговиот пост на Фејсбук.

Се гледаме на #барикадите. Затоа што монструмите се на слобода, додека патриотите кои ја бранеа Македонија и Уставот на... Posted by Dimitar Dimovski on Tuesday, September 22, 2020

Димовски: Да ја обновиме нашата родна татковина, да ги поништиме сите понижувања

Ивана Ефремовски — Sun, 05 Jul 2020 14:28:02 +0000

Сите заедно, рамо до рамо, рака под рака, како што знаеме ние Македонците, сплотени и обединети, на денот на изборите да гласаме и да заокружиме 14, порача Димитар Димовски од ВМРО-ДПМНЕ. „Браќа и сестри, Македонци по род, достоинствени и горди на својот корен, каде и да сте по белиот свет. Наши ближни по заедничките маки и разочарувања и сочуствителни на понижувањата кои ни се случуваат во последните години. Ви се обраќам вам, кои го носите пламенот на македонскиот непокор во своите срца. Дојдете, чесни, заедно да ја одбраниме Македонија, нашата оставштина. Ако сте спречени да дојдете, побарајте ги вашите роднини и пријатели и замолете ги да ни се придружат во оваа пресудна битка за Македонија. 15-ти јули е денот кога треба секој од нас да се спротистави на предавствата и разнебитувањето кои ги прават СДС и нивното водство. Тоа е денот кога можеме и мораме да ја вратиме државата во рацете на народот. Народот македонски е ВМРО. ВМРО е Македонија. А Македонија е на македонскиот народ! Сите заедно, рамо до рамо, рака под рака, како што знаеме ние Македонците, сплотени и обединети, на денот на изборите да гласаме и да заокружиме 14 за ВМРО, за МАКЕДОНИЈА! Да ја обновиме нашата родна татковина, да ги поништиме сите понижувања и да го вратиме нашето достоинство, идентитет и самоспознание. Да ја направиме Македонија пристојно место за живеење и да ја донесеме на едно ниво кое ќе значи нов почеток и нови можности за сите кои својата иднина и перспектива ја гледаат тука. На апологетите на пасивноста, не им е местото при нас. А на предавниците и на однародените, должни сме да им го обезбедиме ним заслуженото. Да ги поставиме пред столбот на срамот и судот на честа. Денот за тоа е 15-ти Јули, а гарантот е ОбноваНаМакедонија“!-напиша Димовски

Димовски: Да ја вратиме Македонија на Македонците

Ристе Здравков — Wed, 27 May 2020 13:44:42 +0000

Дрво без корен не бидува. Така е и со секој народ и неговата историја, традиција и фолклор. Овие три елементи се корените на народот, на почвата на која тој растел, се развивал и се издигнал. Нашите корени и нас како Македонски народ, не негирале со векови. Секој негатор, од негови лични интереси и побуди. Често пати, во тоа негирање, негаторите биле помагани од нашинци. Така е и денес, ништо не е променето. Повторно негирање од страна на нашите соседи, особено од Бугарите и Грците, а од петни жили поддржано и помогнато од наши одродени сонародници (иако, тие баш и не се чувствуваат за Македонци и според нивната теорија, срамно и "демоде" е да си патриот и да си ја сакаш татковината, а модерно е да си "западен" и со шарено знаме). За овие, нема ништо свето. Ниту народ, ниту држава. Ниту историја, ниту традиција. Ниту жртви, ниту слобода. На нив, дури и нивните предци и поколенија не им се свети. Но, на мнозина од нас, Македонија и се што е Македонско, ни е свето. Оти, тоа е нашиот дом, тоа е нашиот корен, нашата храна, воздух и сонце. #Македонија ни е се! Да ја вратиме #МакедонијаНаМакедонците.