Димитар Костадиноски – Kurir.mk

Костадиноски: Денес отвораме нова детска градинка, која ќе згрижува 50 дечиња во општина Јегуновце

Дарко Андоновски — Fri, 30 Sep 2022 11:33:10 +0000

Ви благодарам за вашето присуство на овој свечен чин да посведочиме на уште еден капитален проект во општина Јегуновце. Ветеното се остварува, а општината денес е вистински сервис на граѓаните. Општина Јегуновце денес е отворена, транспарентна институција и јас како градоначалник сум постојано достапен за граѓаните. Мојата канцеларија и вработените во општина Јегуновце се секогаш на располагање и ги решаваат проблемите кои се од локална надлежност. Во согласност со мојата програма и барањата на моите сограѓани ве информирам дека во изминативе месеци работевме вредно, посветено, чесно и успеавме да завршиме неколку капитални проекти, од кои сега ќе ги набројам, ова денеска преку изјава за медиумите го истакна градоначалникот на општина Јегуновце, Димитар Костадиноски. -Завршена е изградба на колекторот за фекална канализација во село Жилче, село Шемшево и целосно оспособување и пуштање во употреба на фекалната канализација во населеното место Жилче; -Во завршна фаза е изградба на два мини парка во населените места Јанчиште и Јегуновце, комплетно се реконструира основното училиште „Симче Настовски“ во Вратница и тоа поставена е нова термо фасада, реновиран е целиот внатрешен дел на училиштето, инсталирано е парно за греење на пелети; -И во населено место Сиричино е изградено кошаркарско игралиште со обезбедени финансиски средства од наш иселеник во САД; -започнавме со изградба на локални улици со бекатон плочки во повеќе населени места на територија на општина Јегуновце; -Обезбедивме пластични канти за комунален отпад и истите ќе бидат поделени на секое домаќинство во периодот што следи, вели Костадиноски. Тој додава дека дополнителни инвестиции кои се планираат за тековната 2022 година се: -Во финална фаза е решавање на долгогодишниот проблем со вода за пиење за населените места Шемшево и Жилче; -промена на досегашниот начин на затоплување во подрачните основни училишта во Туденце, Жилче и Ратае со топлински пумпи со кои ќе инвестираме во нова, модерна, економична и незагадена технологија за нашите најмлади жители односно децата; -Изградба на тротоари во населените места Копанце и Јанчиште; -Во фаза на тендерирање е проектот и реконструкција на локалните патишта и улица во населеното место Јегуновце. -Почитувани пријатели денес сум многу среќен и радосен што успеавме да ја отвориме новата детска градинка „Цветови“ која ќе згрижува 50 дечиња и тоа 25 од македонска паралелка и од 25 од aлбанска паралелка. Градинката е целосна опремена и ги исполнува сите стандарди, инсталирано е ново модерно парно за греење, со топлинска пумпа, поставени се дополнителни детски реквизити во надворешниот дел на градинката и комплетно оградување на целата градинка. Градинката „Цветови“ е подготвена за дечињата од општина Јегуновце и од мое име и од името на целата општинска администрација им посакувам среќни, весели денови на сите дечиња и на вработените од новата градинка, вели Костадиноски.

Костадиноски: Се чисти дивата депонија во Сиричино

Дарко Андоновски — Tue, 08 Mar 2022 10:32:19 +0000

Градоначалникот на општина Јегуновце Димитар Костадиноски преку статус на Фејсбук пишува дека се чисти дивата депонија во Сиричино. -Денес работиме на чистење на дива депонија во Сиричино Во соработка со општинското јавно претпријатие и расположливата механизација исчистена е дива депонија на атар во Сиричино што со години беше проблем за локалното население. Чистењето на дивата депонија е по барање на жителите, а ние како локална власт превзедовме мерки за решавање на проблемот. Континуирано ќе се чистат и уредуваат дивите депонии и јавен простор во сите населени места во општина Јегуновце. Со долгорочна инвестиција во механизација за јавното комунално претпријатие штедиме на буџетски средства, а истовремено механизацијата ќе ја користиме за голем број на потреби од надлежност на општината и комуналното претпријатие. Покрај нашата активност, потребна е поголема претпазливост од жителите и затоа апелирам да не се депонира отпадот и сметот на јавни места и да не се создаваат диви депонии, стои во неговиот пост на Фејсбук.

Костадиноски: Сопственик на фирма насилник, сака да фактурира без основ, ми се заканува и напаѓа

Ивона Петрова — Thu, 06 Jan 2022 14:23:46 +0000

Градоначалникот на Општтина Јегуновце, Димитар Костадиновски денеска извести дека добивал закани и уцени. Во продолжение интегрално ви ја пренесуваме неговата изјава Имено, вчера на ден 05.01.2022 година, во 11:30 часот, во просториите на Oпштина Јегуновце, поточно пред архивата, додека поминував слушнав арогантен однос спрема архиварката од лице кое инсистира да направи фалсификување на документи односно да повлече фактури од 17.09.2021 и да внесе нови изменети фактури со ист датум. Лицето кое се закануваше на архиварката е управител на фирма за електро материјали кој два месеци се обидува преку архивата да антидатира 4 договори и 4 фактури односно да ги внесе во деловодникот. Најучтиво му укажав дека обидите за фалсификување нема да ги дозволам и доколку се чувствува оштетен слободно да востанови судски спор. Управителот на фирмата се нафрли и на мене и со најпогрдни зборови пред архиварката и уште една вработена, ме омаловажуваше и ми се закануваше. Се воздржав од било каква конфронтација и го замолив да ја напушти општинската зграда и дека пет пат му укажав дека за неговото побарување е избегнато тендерска постапка за набавка на сијалици за улично осветлување, дека и покрај избрана на тендер друга фирма за електро материјали, неговата фирма без заведен договор за набавка и без заведени фактури во архивата, бара исплата на 4 000 евра, односно 4 фактури по илјада евра плус ДДВ, за заменети 6 сијалици за улично осветлување во центарот на с.Јегуновце и 19 сијалици во приватен имот. Управителот на фирмата револтиран ми пријавил во полиција. Полицијата направи увид во 13 часот, зеде изјави од мене и од вработените присутни на настанот и констатираше дека се работи за лажна пријава и дека пријавителот бил тој што навредувал и омаловажувал. Веднаш после увидот на полицијата започнаа притисоци врз вработени да даваат лажни изјави, во полиција Записникот наместо лажно пријавување и омаловажување кон мене, хибридниот режим предводен од СДСМ прави преквалификација и пишуваат пријава за вербален напад од моја страна спрема управителот на фирмата со незаконски побарувања од општина Јегуновце. Јас ќе ја заштитам Општина Јегуновце и Буџетот на општината од сите незаконски побарувања и фиктивни трошоци и ќе одолеам на сите притисоци и закани кон мене. Во понеделник ќе поднесам соодветни поднесоци до Јавното обвинителство за до крај да се обелодени како се работело и како се обидуваат да продолжат да испумпуваат пари од Буџетот на општината, и да не дозволам со измислени и сценирани настани да ми вршат притисок да плаќам незаконски фактури. За многу години да ни е Бадник и денешниов ден !

Костадиновски: Детската градинка „Јаболчиња“ доби нова топлотна пумпа која трајно ќе го реши греењето

Ристе Здравков — Mon, 27 Dec 2021 19:00:58 +0000

Денес ја посетив детската градинка Јаболчиња. Во тек е поставување, инвестираме во нова топлотна пумпа, која трајно ќе го реши греењето за децата згрижени во оваа установа. Најмалите и најмилите го заслужуваат тоа, напиша на Фејсбук градоначалникот на општина Јегуновце, Димитар Костадиноски.