димитар ковачесвки – Kurir.mk

Македонски собитија и муртински жалопојки

Љупчо Цветановски — Thu, 29 Jun 2023 09:41:34 +0000

Пискотници се слушаат од Муртино до Виена, Што тешка несреќа ги збра, И заевистанци и мерковци, та гласи тажна ека, И навева сал коб и зла? И во крешчендото на овие антисердарски лелеци, жалопојќи, врисоци и кукања, се јави Црпко. Навистина се јави, од Халкидики де. Ѓоамити муртинска бапчорка запишти полиглотот, небаре пробушена вувузела. Непребол... Сето ова се „дешава“ кога престолонаследникот му Таче преку ступини примери - дека ако тој бил на црна листа ќе си дал оставка, така понизно и коленичарејќум со горостасно АМАН го моли и кандисува „црнолисташот“ Мерко да си даде отказ, а суфлерот Ахмети се гази од смеење на маките кои му ги предизвика на послушниот ајван-коалиционер. И како „тонч“, во целата трaгикомедија се јави и Црпко. Удрен по честа и угледот?!?! Ок, поверојатно вонземјани играле пајдушко со Јети, Бигфут и Алма придружени од појот на Неси крај Лох Нес. Во термин кога неговиот престолонаследник е ставен меѓу два камена – првиот на најстратешкиот партнер со црни листи и колицискиот „ала ДУИ“ со црнолисташи кои живот и кариера му значат, Црле наместо да го спасува суртукот Ќуран кој сам го намести, плачеше и корнеше коси заради обидот да му се одземе дел од незаконски стекнатите милиони... Дилајлата која ја ничкоса Македонија на колена и која распродаде се’ што не треба, покажа дека имала став и знаела да каже НЕ! Цццццц... Замисли, тоа да ти се „десило“ кога еден австриски амбасадор му брцнал во џебот. Оти, поинаку, Муртинхаузен не реагирал. Може име на држава насила да ти смени, може да донесе непотребна двојазичност, може чета невини Македонци да стави во зандани, може Македонија да ја заложи кај командантот Алија, може да ве умре со лошо здравство, да ве сроза со крш економија, може да ви продаде светци, револуционери и историја, да ве срами до утре сабајле, ама не му чепкајте во џебот, тоа е опасна зона за Црле, таму не! Но пасаран! Во исто време кога внучето на комадантот купуваше милионски бизнис-центри, небаре се работи за барака во Прдејци, а Груби пројавуваше садистичка нежност кон антикорупцијска терајќи ги јавно во ПМ, основоположникот на северната лакрдија кукаше и се закануваше со тужби за „повреда на честа и угледот“?!?!?! Која чест и углед, побогу? Се запраша Македонецот. И додека дознававме дека ЗоЌи имал чест и углед, кои успешно ги криел правејќи ги сите горенаведени глупоштии кон Македонија, Ќуран спремаше нов скандал и дефокус за да протне уставни измени на мала врата, да забошоти Бехтели, Енки и други антимакедонски сенки. Сенки кои сериозно надвиснаа над библиската земја, толку вкусна за армијата стрвинари од северниот сој. Род ли беше... Знаат северните дилајли и нивните странски стартези што најмногу го боли Македонецот. Семејството. Па удрија таму, каде што најмногу пече, боли и жега. Си имаат пустите добра ука од дедовците во УДБА и ОЗНА. Отворете очи. Ширум. А не е на одмет и да излезете на улица, пред Соборен ли. Нешто грдо се подготвува во и за Македонија. Лето е. Време кога, од искуство, одродите најдобро функционираат. Работната температура за предавства е постигната. Таксират северен, ситно бројат, не можат да стојат, а задачата за која се поставени е несработена. Очекувајте вклучување на одрод-турбо на најјако. Македонија е вечна, да, но не е на одмет и ние да направиме нешто за да остане таква...

Лефков: Ковачевски дал државни пари на неговиот кум Паунов, аферата БРОИЛО ќе открие многу криминални дејствија на првиот човек на владата

Ивона Петрова — Mon, 03 Oct 2022 10:19:23 +0000

Станува збор за фирма која што е основана од Димитар Ковачевски и неговиот кум Горанчо Паунов, Пиксел Груп. Веднаш откако станува заменик министер за финансии, Ковачевски го повлекува својот основачки влог обидувајќи формално да се исчисти од тоа, меѓутоа останува КМГ ЕОЛ Квазар која што ја основа неговиот кум. Е сега фирмата на кумот Паунов практично потпишува договор со ЕСМ во кој што му продава фотоволтаични панели во вредност од над 2 милиони евра. А замислете Ковачевски има мандатна сопственост во ЕСМ преку уделот кој што го има државата. Затоа што кога станува збор за државно поседувани претпријатија, уделот на државата е претставуван преку владата. практично ако го анализирате ќе видете дека на договорите се потпишани двајцата кумови, вели пратеникот и член на ИК на ВМРО-ДПМНЕ Миле Лефков во утринската емисија на Радио Лидер, за аферата која вчера ја објави ВМРО-ДПМНЕ, наречена „БРОИЛО“. Лефков посочи дека состојбата со енергетската криза се влошува бидејќи државните енергетски компании стануваат загубари преку ноќ и практично пропаѓаат, укажувајќи дека прогласување на кризна состојба од страна на владата не значи справување со енергетската криза, туку дискреционо владата да троши државни пари за набавка на електрична енергија. Она што се случува навистина е страшно. Гледате како државните енергетски компании стануваат загубари преку ноќ, пропаѓаат, и практично ние сите заеми кои што ги земаме и кризните состојби кои што се објавуваат, и покрај тоа што ја обвинуваат опозицијата дека не поминал некој заем, дека правиме опструкции со долги говори, всушност јавноста треба да знае дека владата со прогласување на кризна состојба не се решава ништо, едноставно се дава можност на владата дискреционо да троши државни пари за набавка на електрична енергија. И кога имате ситуација каде што македонскиот бизнис плаќа двојно поскапа струја од бизнисите во регионот, од друга страна имаме недостаток од производство на електрична енергија, Србија произведува онолку колку што троши, Албанија исто така, Црна Гора, Босна и Херцеговина, Бугарија, додека во Македонија гледаме како државните компании стануваат загубари, истакна Лефков. Лефков додаде дека ВМРО-ДПМНЕ ќе продолжи да објавува детали за аферата БРОИЛО, укажувајќи дека најавено е формирање на компанија заедно со бугарска фирма која што повторно ќе добие државна помош бидејќи ќе се гради во индустриската зона во Тетово. Скандалот не завршува тука, гледаме дека има најава за формирање компанија заедно со бугарска фирма која што треба да добие државна помош затоа што ќе биде во индустриската зона во Тетово. И сега замислете ќе имаме уште еден договор каде од една страна кумот ќе му потпише договор на кумашинот и токму затоа велиме дека ова не е завршена афера, кажа тој. Гледате една длабоко разработена коруптивна шема каде што првиот човек премиерот кој што треба да се грижи за јавниот интерес, треба да се грижи за интересите на неговиот кум, рече Лефков.