димитар ковачевки – Kurir.mk

Стојаноски до Ковачевски: Колку ќе биде нето поскапувањето на струјата од 1 јули по основ на 8 % покачување на ДДВ?

Тале Кристо — Fri, 26 May 2023 11:18:38 +0000

Пратеникот од редовите на ВМРО-ДПМНЕ, Бојан Стојаноски упати три пратенички прашања до претседателот на владата Димитар Ковачевски, првото прашање беше дали е нормално на консултант кој што не е со специфична струка да се исплати плата 35 500 евра, второто прашање колку ќе биде нето поскапувањето на струјата од 1 јули по основ на 8 % покачување на ДДВ, и третото прашање до премиерот Ковачевски во врска со пресудата од Стразбур е дали ќе иницира отворање на истрага за детектирање на одговорност кај тие судии кои што суделе знаејќи дека ги прекршуваат човековите права. „Ова што се случува е институционално насилие, така што можевме да видиме како се злоупотребува целокупната постапка на носење закони, се злоупотреби европското знаменце, во договорот за коридорите стои одредба каде што за 4 консултанти треба да се исплати плата од 35 500 евра, дали во компаниите во кои што сте работеле дали во компанијата каде што акционер сте сега би дале 35 500 евра плата на вработен за консултантски услуги? Односно дали е нормално на консултант кој што не е со специфична струка е нормално да им се исплати плата 35 500 евра“ праша пратеникот од ВМРО-ДПМНЕ, Бојан Стојаноски на денешната собраниска седница за пратенички прашања. Стојаноски упати прашање до премиерот Ковачевски колку ќе биде нето поскапувањето на струјата од 1 јули по основ на 8 % покачување на ДДВ. „Второто прашање ми е во врска со утринската изјава на вашиот вицепремиер за економски прашања, во врска со поскапувањето на струјата дополнително и воведувањето на евтина тарифа, прашањето ми е следно, колку ќе биде нето поскапувањето на струјата од 1 јули по основ на 8 % покачување на ДДВ“ , праша Стојаноски. Третото прашање на пратеникот Стојаноски до премиерот Ковачевски е во врска со пресудата од Стразбур и дали Ковачевски ќе иницира отворање на истрага за детектирање на одговорност кај тие судии кои што суделе знаејќи дека ги прекршуваат човековите права. „Третото прашање ми е следно, дали доколку судот во Стразбур процени дека во таа водена постапка биле прекршени човековите права за што и наложи државата на почитуваната Елена Доцевска Божиновска да и исплати казна дали вие како премиер сметате дека треба да повикате на одговорност односно да иницирате отворање на истрага за детектирање на одговорност кај тие судии кои што суделе знаејќи дека го прекршуваат човековите права заради тоа што ова е основ за одповикуввање и разрешување на судии“ истакна Стојаноски.

Партијата го надсинхронизира Ковачевски, од СДСМ пуштаат соопштенија за работи кои претседателот не ги кажал

Тале Кристо — Fri, 19 May 2023 14:54:36 +0000

Синоќа во СДСМ беше одржан состанок на Централниот одбор на партијата на кој Ковачевски беше задолжен да ги спроведе сите чекори и разговори кои се потребни за, како што соопштија, државата да го продолжи европскиот пат. Ковачевски имаше и свое обраќање пред присутните, но она што паѓаше во очи беше тоа што соопштението кое беше испратено од партијата до медиумите во повеќе сегменти не се совпаѓаше со тоа што Ковачевски го зборуваше. Па така во деловите кои беа испратени како цитати од неговиот говор имаше работи кои беа отстранети, но што е полошо имаше и надсинхронизирања, односно додавања кои комплетно ја менуваат смислата на тоа што Ковачевски го кажа. Таков е на пример и делот од соопштението во кој се вели дека или ВМРО ДПМНЕ ќе се приклучи кон проевропскиот блок цела, или во делови, а во говорот на Ковачевски воопшто не спомнуваат никакви делови -Јасно е дека во ВМРО-ДПМНЕ има поединци, можеби и пратеници, преставници на раководството кои не мислат исто како нивното лидерство и коишто искрено и од среце сакаат земјата да го продолжи патот кон ЕУ и можеби сакаат да станат дел од европскиот блок. На тие поединци мислам дека треба да им се даде шанса да се приклучат на возот којшто оди за Брисел. И СДСМ е предводник на овој концепт за европска иднина. СДСМ го започна, СДСМ го води, СДСМ го предводи и така ќе биде и во иднина. ИЛИ ВМРО-ДПМНЕ ќе се приклучи кон проевропскиот блок за да утре не се срамат од одлуките кои што ги носеле во минатото, бидејќи не им е сеедно кога денес ќе им кажеме дека не го подржале зачленувањето во НАТО, рече меѓу другото Ковачевски во неговото обраќање пред членовите на партискиот Централен одбор, а соопшението кое беше испратено беше видно „нашминкано“ до степен што се менува и смислата на тоа што го кажал. Друг спорен дел од говорот кој не се совпаѓа со соопштението е и тоа во говорот кажува дека има поединци во ВМРО-ДПМНЕ кои МОЖЕБИ сакаат да станат дел од европскиот блок, што значи си претпоставува, а во испратеното соопштение стои само дека „САКААТ да бидат дел од европскиот блок“, со што практично се констатира. -Во ВМРО-ДПМНЕ има поединци, пратеници, претставници на раководството кои не мислат како Мицкоски и кои искрено, од срце сакаат земјава да го продолжи патот кон ЕУ. САКААТ да бидат дел од проевропскиот блок, стои во соопштението.

Ковачевски од СДСМ контра соопштенијата на партијата: Не сум разговарал со ниту еден пратеник за уставни измени

Тале Кристо — Fri, 19 May 2023 14:32:51 +0000

Премиерот Димитар Ковачевски на пресконференција од клубот на пратеници пред неколку часа повторно си ја потопи сопствената партија, и тезите кои секојдневно ги лиферуваат. Премиерот беше дециден дека не разговарал со никого за уставни измени, ниту пак некој убедувал, а со тоа практично потврди дека нема пратеници за уставни измени. -Јас никогаш во живот, ниту сум правел списоци, ниту сум разговарал поединечно со некого, да во нешто го убедувам. Јас секогаш моите ставови ги кажувам јавно, било да е на парламентарна говорница, било да е во пресцентарот на владата или тука во клубот на пратеници. Сметам дека опозицијата треба да се одважи овој пат, бидејќи за нив е непријатно да не учествуваат во ниту една голема одлука во државата, кажа Ковачевски. Од друга страна од неговата партија во соопштение испратено вчера до медиумите напишаа: -Јасно е дека во ВМРО-ДПМНЕ има поединци, пратеници, претставници на раководството кои не мислат како Мицкоски и кои искрено, од срце сакаат земјава да го продолжи патот кон ЕУ. Сакаат да бидат дел од проевропскиот блок. И тие поединци мислам дека многу брзо ќе го остават Мицковски на последната станица и ќе продолжат на возот кон Европа. Се создава впечаток во јавноста дека или премиерот е неискоординиран со сопствената партија или пак станува збор за неуспешни обиди на Ковачевски, кои завршиле со ладен туш од ВМРО-ДПМНЕ. Имено во изјава за медими лидерот на ВМРО-ДПМНЕ, Христијан Мицкоски на 9 април годинава во однос на тоа прашање кажа дека има притисоци, но дека ниту тој ниту ВМРО-ДПМНЕ како цело нема да попуштат. Неговата изјава по однос на таа тема ја пишуваме во продолжение во целост. -Видете дека притисоци има, има ова не е бајка, јас не можам да ви кажам дека нема притисоци, и секој оној кој што се нафатил со оваа работа треба да е свесен дека има притисоци, и треба да е свесен дека има моменти кога треба да се спротивставите на тие притисоци со аргументи. Мојот пристап е да се спротивставам на тие притисоци со аргументи и така и ќе продолжам до сега не сум слушнал аргумент кој што ги победува аргументите кои што јас ги презентирам. Не дека сум јас надмен човек, туку едноставно во животот треба да имате и елементарна логика, моите аргументи се елементарна логика и тие се јавно познати. Ако некој мисли дека со притисок нешто кај мене ќе постигне се лаже, такво нешто нема да се случи. Јас сум свесен дека тоа ќе продолжи и понатаму. Но ќе повторам промена на Уставот во овој парламентарен состав нема да има. свесен за политичката цена која што можеме да ја платиме излеговме во јавност дадовме предлог, а тоа е хрватскиот модел на уставна преамбула, и рековме еве го прифаќаме, ајде господа повелете да видиме кој е европеец кој не е европеец. Ги извадивме на чистина, на виделина излегоа сите лаги сите клевети колку е Ковачевски европеец, колку е Пендаровски Стево европеец, колку е Али Ахмети европеец и останатите на чистина ги извадивме јавноста можеше да ги види . И тука завршува се, истакна Мицкоски. Кога ќе се погледне од дистанца се чини дека сепак Ковачевски полека сфаќа дека уставни измени нема да се случат, затоа што ВМРО-ДПМНЕ се изразито против истите, и сега само ја спасува сопствената кожа, па по примерот на неговиот претходник само што не се заколнал.