Судот ја потврди 16-годишната затворска казна за Србинот кој го уби младиот Матилоски во Охрид

Ивона Петрова — Tue, 05 Jun 2018 17:41:46 +0000

Бојан Угреновиќ, државјанин на Република Србија, денеска во рамки на повторениот судски процес повторно беше прогласен виновен за сторено кривично дело „убиство“ на охриѓанецот Димитар Матилоски. Судскиот совет пред Основниот суд во Охрид, каде се одвиваше повтореното судење на обвинетиот му изрече казна од 16 години затвор, во која е пресметано и времето што осомничениот го мина во притвор. Првото судење за убиството пред кафе барот „Табана“ во Охрид на 1 јануари 2016 година заврши на 20 декември 2016 година кога Основниот суд во Охрид го прогласи обвинетиот за виновен изрекувајќи му единствена затворска казна во времетраење од 16 години. Обвинетиот на првото појавување од процесот ја призна вината, изразувајќи каење за стореното дело и жалење за последиците, додека оштетените во случајот, роднините на убиениот Матилоски, од Судот бараа најстрога казна, односно доживотен затвор. Првата пресуда беше обжалена од одбраната на Угреновиќ пред Апелацискиот суд во Битола, кој поради забелешки го врати случајот на повторно судење. Повтореното судење за убиството на Матилоски требаше да почне на 5 мај минатата година, а беше неколкупати одложувано поради формални причини, од неможност на службите да го доведат осомничениот поради презафатеност, преку непојавување на адвокатот на одбраната, се до некои процедурални неусогласености. На рочиштето закажано за 25 јули, минатата година, кога беа создадени услови за да почне процесот, обвинетиот го смени исказот и се произнесе за невин, што налагаше повторување на целиот процес со повторување на изјавите на сите сведоци од предметот, така што судењето требаше да почне во септември, минатата година. Поради правни недоследности, спротивно наредбата на Судот да не ја напушта земјата и да се јавува на надлежните органи, обвинетиот ја искористи можноста веднаш по укинувањето на мерката притвор да ја напушти земјата и од тогаш е недостапен за органите на прогонот. МИА

Потресно сведоштво на мајката на Димитар: Свирепо ми го убија детето пред две години, а уште чекаме правда

Ивана Ефремовски — Sat, 31 Mar 2018 16:09:58 +0000

Ни трага ни глас од убиецот на 26-годишниот Димитар Матилоски чиј живот згасна за време на новогодишната ноќ во 2016-та година. Пет месеци откако охридскиот Основен суд донесе решение на српскиот државјанин Бојан Угреновиќ да му се суди во отсуство, и одреди мерки на претпазливост лицето да не ја напушта Македонија,одземајќи му ја патната исправа пасош,за органите на прогонот тој е недостапен, анализира „Алфа“. Мајката на Димитар повеќе од 2 години по убиството,се уште чека правда,откако битолска Апелација ја укина првичната одлука на охридскиот Основен суд кој Угреновиќ го осуди на казна затвор од 16 години и го врати предметот на повторно судење. - Судењата се многу непријатни, бидејќи другарите на Димитар кажуваат на кој начин свирепо е убиен мојот син. Тоа е многу тешко да се слуша, а ние се справувуваме со тага и болка, а за органите на прогонот СВР тој не е достапен, изјави Драгица Матилоска, пренесе Алфа. Убиецот доби можност да се брани од слобода, бидејќи судот му го укина притворот согласно законот за кривична постапка. Тој се појави само на првото рочиште и го снема. Поради тоа во месец октомври лани, судот во отсуство му изрече мерка притвор,но не доби известување од полицијата дали воопшто знаат каде е обвинетиот? Нема инфоrмација дали полицијата распишала меѓународна потерница доколку убиецот е во бегство. Единствена утеха на мајката која ја доживеа најголемата душевна болка е пишувањето, тој вечен непребол по синот кој никогаш повеќе нема да го види, Драгица го преточи во втората книга „Мојот живот после изгубен живот“. -Во книгата поставувам прашање дали знаете што значи да закопате син, да се збогувате засекогаш од него. Да одите на гробишта, на тоа мрачно и студено место, да му запалите свеќа и да му кажите, лесна ти земја. Живеам за гласчињата на моите внуци, живеам, перото на моето срце да го овековечи ликот, добрината и младоста на мојот син, изјави Драгица Матилоска. Инаку следното рочиште за убиствотот на Димитар е закажано за 17 април со сведоци од Македонија но и од Србија.

Димитар Матилоски – Kurir.mk

Судот ја потврди 16-годишната затворска казна за Србинот кој го уби младиот Матилоски во Охрид

Потресно сведоштво на мајката на Димитар: Свирепо ми го убија детето пред две години, а уште чекаме правда