димитар мираковски – Kurir.mk

Мираковски: Останува жал за поразот, ова беше дерби во вистинска смисла на зборот

Бошко Тасиќ — Tue, 07 Feb 2023 05:37:17 +0000

Вечното дерби помеѓу МЗТ Скопје и Работнички во 14. коло од Првата лига донесе фантастичен натпревар во Аеродром каде „сино-белите“ стигнаа до 12. победа во сезоната совладувајќи го жилавиот Работнички во неизвесна завршница. Аеродромци имаа предност во текот на целиот меч, но Работнички не се предаде. На крилја на Нотиџ и Форте се врати од двоцифрена негатива до негатива од само еден посед во самиот финиш, но не успеа да направи целосен камбек во пенал завршницата. Тренерот на Работнички, Димтиар Мираковски вели дека останува жал за поразот и испуштената шанса за сензационален триумф, но ја пофали атмосферата на вечното дерби која потсети на некои подобри денови на мак-баскетот.

Димитар Мираковски заминува од Работнички

Бошко Тасиќ — Sat, 05 Jun 2021 13:13:34 +0000

Димитар Мираковски според неофицијални информации ја напушта тренерската позиција во кошаркарскиот клуб Работнички. Неговиот договор со најтрофејниот македонски кошаркарски колектив истече со завршувањето на сезоната, односно елиминацијата во полуфиналето од плеј-офот, а раководството не планира да му понуди нов. Мираковски го презеде Работнички веднаш по завршувањето на играчката кариера. Откако првата сезона беше прекината поради пандемијата со корона вирусот, втората под водство на Мираковски беше дочекана со исклучително високи амбиции, како на домашна сцена, така и во АБА 2 лигата. Сепак, тимот од Градски парк не успеа да се пласира во плеј-офот од регионалното натпреварување, а дома не освои ниеден од двата трофеја и покрај големиот број засилувања и звучни имиња во составот. Во финалето од Купот загуби од МЗТ Скопје, а во плеј-офот беше елиминиран од Еуро Никел во полуфиналето .

Мираковски: Ова е голем срам за Работнички

Бошко Тасиќ — Sun, 07 Mar 2021 14:56:19 +0000

Два рекорди во АБА 2 лигата,забележа тимот на Широки против скопски Работнички ,а по поразот тренерот Димитар Мираковски изјави дека ова е понижување за тим од калибарот кој е работнички во Македонија. Најмногу поени во една четвртина, 41 и најмногу поени на тим во второ полувреме, точно 71 во победата против Работнички од 106:77. „Ова е голем срам за Работнички. Примивме над 100 поени и дури 71 во второто полувреме. Разбирам дека е тешко да се игра во вакви услови на пандемија со Ковид-19, но ова е недозволено. Ќе мора да поразговараме со играчите, бидејќи ова не личи на Работнички“, изјави Димитар Мираковски, тренерот на македонскиот клуб.