Димитар Поп Георгиев-Беровски – Kurir.mk

ООУ „Димитар Поп Георгиев Беровски“ добива нов изглед

Ивона Петрова — Wed, 06 Jul 2022 11:19:15 +0000

Летниот период е училишен одмор за децата , но не и за локалната самоуправа во Ѓорче Петров. Покрај тоа што се работи на реализација на над 25 улици во општината, истовремено не изостанува и долгорочниот влог во образованието , она што е најважно за најмладите. Се работи со полна пареа во општинските основни училишта, со цел подобрување на условите за работа на сите деца, но и за наставниот кадар. Имено, учениците во ООУ „Димитар Поп Георгиев Беровски“ ќе добијат целосно нов изглед на ова училиште, досега непроменет со години ( децении) . Изработена е целосна реконструкција на под на приземје на едно крило и влезна партија кое опфаќа: Демонтажа на постоечка армирано бетонска постоечка плоча и демонтажа на постоечки под од терацо, изведба на нова армирано бетонска плоча, хидро изолација и монтажа на високо квалитетни гранитни плочки со вкупна квадратура од 360 м2. Изминатиов период се работеше на реконструкција на постоечките санитарни јазли со вкупно 12 кабини. Во санитарните јазли се опфатени демонтажа на постоечки чучавци и умивалници. Во истите се поставува нова водоводна мрежа, нови санитарни школки, умивалници, подни и ѕидни плочки. Со овој градежен опфат се изведува и еден тоалет за лица со посебни потреби, целосно опремен и адаптиран за намената. Завршена е обиколката од трите страни со обработка на енергетски ефикасна фасада со површина од 2.000 м2, а во завршна фаза е предната страна на фасадата од училиштето. Се работи и на втората вертикала во другиот коридор, а истите не беа досега изведувани поради безбедносни причини и лична хигиена во училиштето. -Активностите на терен се со засилен интензитет во корист на учениците. Тоа е она што ме прави посебно горд, а изминатиов период во ова училиште направивме многу бидејќи навистина недостасуваше и долг период не беа направени никакви промени“ истакна првиот човек на општината Ѓорче Петров, кој континуирано ги следи тековните градежни активности. „ Го сменивме комплетно подот, се реконструираат тоалетите а во завршна фаза е и фасадата на училиштето која се замени за енергетски ефикасна. Задоволството во работењето е да се видат успешни проекти, а мотивацијата за работа е уште поголема кога се вложува долгорочно за најмладите жители на општината, потенцираше Стојкоски. Проектот е финансиран од Министерство за образование и наука. Општина Ѓорче Петров учествува со изведба на окапници по долж цела фасада и доработка на подни плочк.

Александар Наумовски бега од средба со граѓаните: „Градоначалниче, на народ не се врти грб“ (ВИДЕО)

Дарко Андоновски — Thu, 26 Sep 2019 12:13:07 +0000

Фејсбук страната Ѓорче Петров на својот профил сподели видео на кое јасно се гледа како градоначалникот на Ѓорче Петров Александар Наумовски бега од директната средба со револтираните родители на децата од основното училиште Димитар Поп Ѓоргиев Беровски. -Врв на лицемерието е кога им вртиш грб на тие што те гласале и заминуваш од разговорот со нив. Сепак манирите се за луѓе со развиена свест. Но како и да е, народ памти кога му вртиш грб. Овај наш народ секоја ситница ја памти. Градоначалниче, на народ не се врти грб. Сепак, за да имаш културни манири треба да имаш богато животно искуство. А животно искуство не се стекнува со жадиња, певаљки, тони алкохол и биртиски седенки, стои во нивниот пост на Фејсбук.

Родителите се иcкараа со градоначалникот: Александар Наумовски исвиpкан од poдителите избeга од нeзгоднте прaшања

Дарко Андоновски — Wed, 25 Sep 2019 13:49:14 +0000

Децата во основното училиште „Димитар Поп Георгиев Беровски“ во населбата Хром, општина Ѓорче Петров учат во крaјно нeзавидни услови, нaпикaни по 25 ученици во 20м2, спpoтивно на сите законски и подзаконски акто кои го уредуваат Образованието. Поради игнорантскиот однос на надлежните проблемот се провлекува со години. Со цел да се изнајде решение на проблемот, родителите одржаа срeдба на која присуствуваше градоначалникот на Општина Ѓорче Петров. Редакцијата на Инфомакс, која кој проследи состанокот разговараше со неколку родители кои изјавија дека се разочарани поради одолговлекувањето на проблемот, посебно што бројот на запишани дечиња се зголемува. На средбата родителите побараа да се обeзбедат основни услови за престој и учење. Меѓу другато беше разгледана и можноста да децата да се преместат во објектот на основното училиште. Тие негодуваа бидејќи градоначалникот не издејствувал преку ребалансот на буџетот средства за доизградба на простории. Градоначалникот изјави дека има финансиски средства, но дека проблемот не е решен поради нерешени имотни правни односи, кој сега е решен. Но тој додаде дека проблмот е заглавен кај советот на родители, кои не дале одобрение проектот. Ситуацијата ескалираше кога граѓаните револтирани изјавија дека се свесни дека нема да добијат ново школо по што настана сеопшта кapaница и нaдвикување со градоначалникот, кој избeга без да одговори на нeзгодните прашања.

Револтирани родители 23 денови не добиваат одговор до кога нивните деца ќе учат во несоодветни услови- градоначалникот и директорката молчат

Дарко Андоновски — Mon, 23 Sep 2019 13:47:38 +0000

Загрижени родители на децата кои учат во несоодветни услови во подрачното училиштето „Димитар Поп Георгиев- Беровски“ во Хром велат дека 23 дена наидуваат на молк и затворени ходници. -23 денови молк и затворени ходници ! 23 денови нема одговор од надлежните институции кои си ја префрлуваат топката, додека дечињата се гушат во субстандардни услови кои се спротивни на сите законски и подзаконски акти кои го уредуваат Образованието како ресор. МОЛК од самото училиште. МОЛК од локалната самоуправа и Градоначалникот. МОЛК од инспекторатот за образование. МОЛК од Министерството за образование. Се оди на кратка меморија, да се разводни проблемот и да се ''заборави'', но нема да поминe така лесно. Температурите паѓаат, доаѓа зима, епидемија на грип и други болести, кој ќе гарантира дека во простор од 20 м2 сите 25 дечиња ќе бидат здрави ? Дали вие би ги пуштиле вашите дечиња да учат на овие услови ''господа од управата''? За таа цел беше свикан итен состанок, кој заради итноста е заказажан дури 23 денови по почнувањето на учебната година !, на кој нема да биде присутна ниту директорката Сашка Новковска, ниту Градоначаникот Наумоски туку внимавајте, ПРЕТСТАВНИЦИ од општината и Министерството. За таа цел ги повикуваме сите родители, засегнати граѓани и медиуми да присуствуваат на утрешниот состанок (24.09) во 18 часот во просториите на подрачното училиште ''Димитар Беровски'' во Хром и да ни дадат поддршка да им помогнеме на нашите дечиња. Од загрижени родители, стои во нивниот пост споделен на Фејсбук.

„Алфа“: Дел од училиштата претесни за настава поради зголемен број ученици, од директорите молк

Ивана Ефремовски — Tue, 17 Sep 2019 14:16:41 +0000

Како сардини во конзерва, така дечињата од основното училиште „Димитар Поп Георгиев-Беровски“ од Скопје ја следат наставата, се пожалија родителите. Дел од нив пред камерата на Алфа велат дека нивните деца немале никакви услови за учење, зашто од една – се правеле две училници и тоа преградени со гипс картон, без никаква изолација. За проблемот ги известиле надлежните, но до сега немале никаков одговор, пренесува телевизијата. „Алфа“ беше и во двете училишта кои се водат под исто име. -Прво се обративме во главното каде е сместен персоналот, а потоа и во подрачното, каде нема услови за работа. Не бевме добредојдени на двете места. И додека директорката веќе неколку недели бега од нашата камера, јавноста очекува одговор, кој барем за сега го нема. Ниту директорката, ниту педагогот, ниту пак некој од училиштето не сакаше да каже ништо околу низата натрупани проблеми кои родителите ги мачат веќе извесен период. Побаравме одговор и од подрачното училиште, но таму не стигнавме ни до вратата. И додека децата немаат нормални услови за следење на наставата, родителите чекаат одговори од надлежните, кои им ветиле дека ќе се потрудат да најдат соодветно решение. Се надеваат дека ќе им се слушне гласот и дека во една училница повеќе нема да учат по околу 40 деца а некаде и повеќе деца кои немаат ни доволно место за седење, а уште помалку за учење, анализира „Алфа“. Инаку во ова училиште скоро секоја година се зголемува бројот првоооделнци. Дали ќе има доградба на уште некоја училница, за сега никој не кажува ништо. -Но проблемот не е само со ова училиште, туку многу поширок. Имено, проблем има и во основни училишта каде што родители иако не живеат на локалните улици – околу образовните установи, се обидуваат преку приватни конекции во општините и на други нивоа, сепак да ги запишат своите деца. Ќе ја реши ли некој пренатрупаноста? https://youtu.be/lUHhOi1rwGw