Димитриеска – Кочоска – Kurir.mk

Димитриеска – Кочоска: Власта и Заев на криминален начин сопственоста на Гама помеѓу државата – Република Македонија и Макпетрол ја направи фифти – фифти

Тале Кристо — Wed, 30 Dec 2020 07:41:56 +0000

-Гама е проблем што постои повеќе од една деценија. Судски спор помеѓу државата и Макпетрол. Проблемот почнува кога се бара колку е процентот на сопственост на државата во Гама. Би се навратила наназад, кога државното правобранителство доставува една информација во август 2019-та година до Владата, во кое што објаснува дека тие ја застапуваат државата, односно дека во името на државата го штителе интересот на државата наспроти Макпетрол. Во овој извештај има допис од Макпетрол уште од 1987, па 1992 година до Владата на Република Македонија насловен како Дефинитивен начин за затворање на финансиската конструкција, тоа значи колку секој од договорените страни ќе вложи во новото друштво кое се вика Гама. Тука пишува влогот на државата е 51,7 проценти. Подоцна во 1995 година стои дека Макпетрол АД Скопје ќе учествува со најмногу 49 проценти од билансираните средства од инвестиционата вредност за реализација на гасоводниот систем. Тоа значи дека државата ќе ја има одлучувачката контрола, посочи Гордана Димитриеска - Кочоска, член на ИК на ВМРО-ДПМНЕ во вчерашната емисија "Заспиј ако можеш" на Алфа телeвизија. Веќе во 2019-та година државата доставува до државното правобранителство спогодба и бара правобранителството истото да го склучи. И тука почнуваат некакви преписки. Кој е одговорен за тоа, дали може тоа да го реши, не може, владата не е одговорна за тоа и така натака. И во тој период Владата вели, односно укажува дека склучување на доставената спогодба вон судско решавање на спор, би предизвикала последици спротивни на имотните интереси на Република Македонија и сметаме дека истата не треба да биде потпишана, објаснува Димитриеска - Кочоска. -На 5 ноември 2019-та во Виена, има ситуација пред Секретеријатот на енергетската заедница, каде вицепремиерот за економски прашања и уште еден член на Владата одат и потпишуваат медијација, односно спогодба во која што се согласуваат дека влогот на државата и Макпетрол е 50 - 50 проценти. Значи со една вонсудска спогодба, после години, години судски спорови сме се договориле фифти - фифти. Како може државата да се откаже од својот имот. Јас не сум правник, со овој случај некој треба озбилно да се позанимава, вели Димитриеска - Кочоска.

Димитриеска Кочоска: Владата дебело лаже за јавниот долг со нереални проекции

Тале Кристо — Sat, 12 Dec 2020 13:59:00 +0000

Владата лаже за јавниот долг, има нереални проекции додека задолжувањата растат, реагира преку социјалната мрежа на Фејсбук Гирдана Димитриеска Кочоска, член на ИК на ВМРО-ДПМНЕ. Во Стратегијата 2021-2025 Владата пишала дека јавниот долг до 2025 ќе биде 58,8% од БДП. Исто така наведуваат дека во периодов на Корона криза ќе има отстапување од тој процент. Сега БДП за 2020 се пресметува со помал пад од она што ќе биде реално. Тоа понатаму значи дека јавниот долг за 2020 ќе биде повисок од досега проектираниот. Во следните години ќе се опоравуваме многу тешко ама долгот ќе расте забрзано. Имено, во буџетот за 2021 имаат напишано дека капитални инвестиции за 2021-2025 ќе бидат 3,1 милијарди евра од кои 1,84 милијарди од кредити. Можеби математиката е тешка да ја сфатите, но заклучокот е следен: некој дебело нѐ лаже. Или во 2025 нема да имаме јавен долг 58,8% од БДП (не гледам како ќе расте економијата, гледам како ја уништуваат само) туку многу поголем, или 3,1 милијарда евра е само ставено на хартија. А најголемата трагедија е што нѐ испозадолжија, ама трошењето на продуктивни работи не се гледа. А ќе враќаат кредити многу генерации во иднина. П.С. Ајде советниците одбранете ја математиката на Владата, пишува во својата објава Димитриеска Кочоска.

Димитриеска-Кочоска: Буџетот за 2021 година се сведува на расфрлање на пари за непродуктивни цели

Тале Кристо — Thu, 03 Dec 2020 19:14:25 +0000

Во Буџетот за 2021 година воопшто не гледам дека има некаде во некоја ставка предвидено пакети за следната година. Многу е битно во делот на УЈП да ги детектира оние дејности кои што се многу погодени и посебно да обрне внимание на данокот на добивка, затоа што секое одолговлекување од месец за месец за одлагање на данокот и нивната обврска да го плаќаат данокот само им прави оптоварување и на некој начин им ја пореметува и онаа ликвидност која и во овој момент им е отежната и ако тоа не го спроведат до крајот на годината, тогаш за следната година ќе биде без предметно зошто фирмите кои годинава имаат мали добивки односно загуби, следната година нема ни какви аконтации на данок да плаќаат, а кои ќе бидат тие фирми, оние кои што беа најпогоден во 2020 година, вели Гордана Димитриеска Кочовска, член на ИК на ВМРО-ДПМНЕ во вечерашното гостување во централниот дневник на телевизија Сител. Во однос на забелешки за Буџетот за 2021 година Димитриеска Кочовска додаде дека истиот се сведува на расфрлање на пари за непродуктивни цели, посочувајќи дека вака поставен нема да ја доведе македонската економија до стапка на раст од 5,95 проценти во 2025 Јас не гледам ништо што е паметно во целиот овој Буџет затоа што развојно нема ништо. Се повторно се сведува на расфрлање на пари за непродуктивни цели и тоа нема да не доведе до стапка на раст од 5,95 проценти како што е повторно наведено во овј Буџет за 2025 година, во кој што вели дека целта на оваа влада е преку ваквиот развоен Буџет 2025 година да ја завршиме со 5, 95 проценти стапка на раст со БДП и тоа не може да се случи со ваков буџет, рече таа и додаде: Така да генерално големите забелешки се однесуваат во овој дел, и уште една забелешка ние имаме за 2021 година 570 милиони евра дефицит или ново задолжување. Во суштина ваквиот начин на проектирање не враќа само години наназад бидејќи ние ги расфрламе на некој начин парите кои што ги оставаме на терет на идните генерации бидејќи задолжувањата ќе треба тие да ги враќат.

Димитриеска-Кочоска: Во овој момент на криза нема потреба од некои расходи кои владата на СДСМ ги дозволува

Тале Кристо — Fri, 08 May 2020 19:19:08 +0000

Гордана Димитриеска-Кочоска заменик министер за финансии во гостување на телевизија 24 зборуваше за расходните трошоци каде истакна дека во овој момент нема потреба од јавните набавки дали било на храна или во делот на стоки и услуги. -Прво гледаме дека во периодот имаме ситуација каде јавните набавки дали било на храна, дали било на апетисани јасно покажуваат дека во овој момент апсолутно нема потреба од такво нешто. На крајот од денот зошто треба да има и во наредниот период потреба да се обезнедуваат. Тоа е класичен трошок за репрезентација која што во моментот не ни е потребен. Исто така во делот на стоки и услуги треба да ги погледнеме работите и да сватиме дека и таму треба да се скрати. Во овој момент се појавуваат договори на дело, консултантски услуги , а јасно по закон стои кога треба да се ангажира некој со договор на дело, нели кога има потреба и тоа и со оние на определено и привремено кога има потреба да ги ангажираш или има зголемен обем на работа. Ние и во овој момент продолжуваме со тие расходи, а немаме зголемен обем на работа. Но, кај тие услуги нема регулирано плата како кај администарцијата, таму имаме разлики така да и во тој дел треба да се направи детална анализа, потенцираше таа.

Димитриеска – Кочоска: Потребни ни се брзи пари и кратење на трошоците за да ја надминеме економската криза која ќе ја зафати државата

Тале Кристо — Wed, 25 Mar 2020 18:50:14 +0000

Министерката за финансии требаше многу побрзо да реагира, и уште во четвртокот кога го имавме првиот состанок и кажав дека ќе потпишам и дека вооопшто немам дилема во однос на тоа дека треба да обезбедиме средства. Дај боже да не ни требаат заемите од Светската банка и ММФ, но проекциите кажуваат дека тие пари и малку ќе ни бидат, вели дополнителниот заменик министер за финансии Гордана Димитриеска - Кочоска во вечерашната емисија "Топ тема" на Телма телевизија. Според Димитриеска - Кочоска треба да има кратење на трошоците кои не се приоритетни во моментов. Постојат ситуации во министерството за здравство каде сигурно ќе фалат пари, значи ќе треба буџетот да се зголеми. -Оние непродуктивни или во моментов неприоритетни трошоци треба да ги скратиме. И тоа треба да го направиме веднаш. Затоа што ако денес го погледнеме буџетот проекциите кажуваат дека ситуацијата ќе биде многу лоша. Најпрво ни требаат брзи пари за да го надминеме проблемот со ликвидноста во следниот месец. Гледаме дека банките се ликвидни, имаат средства и во Народна банка. Токму од таа причина сметам дека најпрвин треба да прибереме средства од банките. Затоа што ние проекциите ги правиме на ниво на година. Ако скратиме од трошоците во овој месец на пример, тоа ќе се рефлектира и во наредните периоди. Значи клучно во моментов е да обезбедиме пари, но и да се кратат трошоците. И затоа од таа причина уште минатат недела и кажав на министерката дека треба да се има контрола врз трошоците, посочи Димитриеска - Кочоска.