димитрис итудис – Kurir.mk

Димитрис Итудис веќе нема да биде селектор на Грција

Бошко Тасиќ — Fri, 08 Sep 2023 04:56:10 +0000

Кошаркарите на Грција имаа катастрофален настап на Светското првенство. Завршија во 2. фаза, и како 15-ти тим на турнирот. Сметката за лошиот настап и лошите резултати ќе ја плати селекторот Димитрис Итудис. Итудис одличил да поднесе оставка по разочарувачкиот настап на селекцијата на Мундобаскетот, тврдат грчките медиуми. Актуелниот тренер на Фернебахче сака да се посвети само на клупската кариера, и да го намали притисокот на себе водејќи и клуб и репрезенатција. Наводно Итудис веќе го информирал претседателот на грчката федерација Вангелис Лоилиос за неговиот потег, кој ќе биде официјализиран во следните неколку дена.

Итудис го доведе Адетокумбо во Фенербахче

Бошко Тасиќ — Sun, 18 Dec 2022 07:26:06 +0000

Димитрис Итудис одлично ја започна сезоната во Фенербахче, но во последните неколку натпревари тимот покажа пад во формата. Во тимот од Истанбул веднаш реагираа и решија да се засилат на центарската позиција, а пристигна играч од НБА лигата. Нов центар на Фенербахче ќе биде Костас Адетокумбо, кој го раскина договорот со Чикаго Булс. Не успеа да се наметне за првиот тим, а повеќе играше за тимот од развојната лига. Минатата сезона ја мина во Асвел каде имаше просек од 4,3 поени. Тој потпиша договор со Фенербахче до крајот на оваа сезона, со опција за продолжување на уште една година.

Итудис: Да извлечеме поука од поразот од Германија

Тале Кристо — Wed, 14 Sep 2022 07:05:59 +0000

Селекторот на грчката кошаркарска репрезентација Димитрис Итудис го призна поразот од Германија во четвртфиналето од плејофот на Евробаскетот (96:107). – Сакам да му честитам на мојот тим. Ова е тежок момент, но треба да станете кога ќе паднете. На теренот имаше машка борба. Германија беше подобра. Но, ова е само почеток. Треба да извлечеме важни лекции од овој пораз. Секој од нас. Многу уживавме во ова натпреварување. Мислам дека направивме многу луѓе горди на начинот на кој настапува овој тим. Сакавме да победиме во оваа војна, но тоа не се случи. Што се однесува до Јанис, лесно е да се работи со него бидејќи е многу мотивиран. Тој е многу скромен. Има извонреден пристап кон животот и спортот воопшто. Сега дефинитивно треба да земе здив, да се врати здрав во НБА, да освои титули таму, па да се врати во националниот тим кога е можно, изјави Итудис. Грчкиот селектор посочи дека му е тешко да ги спои работата во репрезентацијата и турскиот Фенербахче кој настапува во Евролигата. – Нема да можам да работам со националниот тим за време на прозорците на ФИБА бидејќи морам да бидам фокусиран на Евролигата. Навистина се надевам дека на крајот луѓето ќе седнат и ќе го најдат најдоброто можно решение за репрезентациите да бидат во полн состав. Ова е голема дискусија за која немам време во моментов. Едно ќе кажам. Кога НБА играчите не доаѓаат во репрезентациите за време на „прозорците“ затоа што тоа е невозможно, никој не се буни, но кога не доаѓаат играчите од евролигашите, сите ја напаѓаат Евролигата. Не ми е јасно зошто. Не е фер, потенцира Итудис. Германија во полуфиналето на Евробаскет 2022 ќе игра со Шпанија.

Димитрис Итудис нов тренер на Фенербахче

Бошко Тасиќ — Sun, 19 Jun 2022 16:23:04 +0000

Димитрис Итудис е нов тренер на Фенербахче, потврди кошаркарскиот гигант од Истанбул. Поранешниот тренер на ЦСКА Москва ја презеде клупата на Фенербахче, каде го наследи српскиот тренер Александар Ѓорѓевиќ. Итудис потпиша тригодишен договор со Фенер. „Сакаме овој договор да биде од корист и за клубот и за Димитрис Итудис и се надеваме дека нашиот нов тренер ќе има трофејни сезони во жолто-синиот дрес“, се вели во соопштението на клубот. Итудис претходно мина осум години во ЦСКА Москва, шест пати беше шампион на Русија, исто толку пари шампион и на ВТБ лигата, додека со ЦСКА двапати ја освои европската титула.

Александар Ѓорѓевиќ не е тренер на Фенербахче

Бошко Тасиќ — Sat, 18 Jun 2022 06:09:27 +0000

Српскиот тренер Александар Ѓорѓевиќ повеќе не е тренер на турски Фенербахче, соопшти клубот од Истанбул За ваквиот расплет се шпекулираше подолго време, а потврдата за тоа стигна по завршувањето на турскиот шампионат. Ѓорѓевиќ на Фенер му ја донесе титулата шампион на оваа земја, откако во финалната серија го совлада шампионот на Европа, Анадолу Ефес. Наследник на српскиот стручњак на клупата на Фенербахче се очекува да биде Димитрис Итудис, сега веќе поранешниот тренер на ЦСКА Москва.

Димитрис Итудис нов тренер на Фенербахче

Бошко Тасиќ — Wed, 04 May 2022 15:10:50 +0000

Тренерот на ЦСКА Москва, Димитрис Итудис, ги привршува преговорите со кошаркарскиот клуб Фенербахче каде ќе го замени на клупата Александар Ѓорѓевиќ, кој пред почетокот на оваа сезона пристигна во клубот. Итудис, кариерата ја започна како помошник на Жељко Обрадовиќ во Панатинаикос. По 13 години во Панатинаикос, една сезона како прв тренер работеше во Банвит, а потоа се пресели во ЦСКА. Во Москва е од 2014 година, со овој клуб двапати ја освои Евролигата.Димитирс Итудис е актуелен селектор на репрезентацијата на Грција.

Димитрис Итудис ќе биде селектор на Грција

Бошко Тасиќ — Sat, 19 Mar 2022 06:07:30 +0000

Досегашниот тренер на ЦСКА Москва, Димитрис Итудис, доби дозвола од клубот да ја преземе грчката кошаркарска репрезентација ткако двете страни потврдија дека е постигнат договор. „Димитрис Итудис ќе дебитира како селектор на Грција на ЕП 2022 од 1 до 18 септември. Во групата Ц ќе се натпреваруваат со Велика Британија, Украина, Италија, Хрватска и Естонија. Натпреварите од групната фаза ќе се играат во Милано“, соопштија од ЦСКА Москва. Рускиот клуб нема да се натпреварува до крајот на Евролигата оваа сезона, официјалната одлука за суспензија на руските клубови поради конфликтот во Украина се очекува в понеделник. „Би сакал да му се заблагодарам на претседателот Ватутин, и на ЦСКА Москва во целина, што ми дадоа зелено светло и ми дозволија да бидам селектор на репрезентацијата на мојата земја. Тоа е исклучително важно за мене. Исто така, би сакал да му се заблагодарам на г-дин Лиолиос и на другите луѓе во федерацијата што покажаа интерес за мене. Знам што се очекува од мене. Грците се горд народ, ја сакаат кошарката, таа им носи радост. Знам и кои се нашите обврски. Сакам моите играчи да останат здрави и да работат напорно“, изјави Димитрис Итудис.

Димитрис Итудис го продолжи договорот со ЦСКА Москва

Бошко Тасиќ — Mon, 17 May 2021 18:38:11 +0000

Рускиот кошаркарски тим, ЦСКА Москва го продолжи договорот со тренерот Димитрис Итудис. Грчкиот стратег го продолжи договорот со оваа екипа до летото 2023 година. Итудис на клупата на ЦСКА Москва е од 2014 година, што е тренер со најголем стаж во модерната историја на клубот. Итудис откако е на кормилото на ЦСКА по пет пати ги освојуваше рускиот шампионат и регионалната ВТБ лига, два пати беше шампион на Евролигата и два пати беше избиран за најдобар тренер во Европа.

Итудис подготвен да го продолжи договорот со ЦСКА

Дарко Андоновски — Mon, 20 May 2019 07:21:35 +0000

Тренерот на ЦСКА Москва, Димитрис Итудис е подготвен да го продолжи договорот со клубот. Ова го изјави грчкиот тренер по синоќешниот триумф во Евролигата. ЦСКА во финалето на „Фајнал фор“ го победи Анадолу Ефес со 91:93. – Ако ЦСКА ми понуди да го продолжи договорот, ќе потпишам, потенцира Итудис. Четириесет и осум годишниот Грк покрај ЦСКА во својата тренерска кариера работеше и во Банвит, Панатинаикос, МЕНТ, Филипос, Паниониос, ПАОК и Загреб.