димитров – Kurir.mk

Арсовски: Заев, Димитров, Шекеринска, Османи молчат и очигледно поддржуваат странски политичари да вршат говор на омраза кон македонскиот народ

Тале Кристо — Tue, 01 Dec 2020 19:44:53 +0000

На тема говор на омраза, вечерва портпаролот на ВМРО-ДПМНЕ Димче Арсовски, во 24 Анализа во Телевизија 24, истакна дека актуелната власт односно Заев, Димитров, Шеќеринска и останатите дозволуваат странски политичари до вршат говор на омраза кон македонскиот народ Ксенофобијата е многу лоша после скандалозното интервју на премиерот Зоран Заев, оргомен број на реакции од страна на граѓаните, но и од друга страна странски политичари кон македонските политичари и македонскиот народ, каде што на некој начин се обидуваат да наметнат потчинетост на нашиот народ што е неопростливо и неоправдано, посочи портпаролот. А од друга страна пак вели Арсовски нема никаков коментар од страна на Владата, што нззачи дека Заев, Димитров, Шекеринска, Османи и останатите молчат значи дозволуваат некој да го понижува македонскиот народ, кој го застапуваат во Владата. За жал имаме таква Влада која дозволува и поддржува очигледно некој да го понижува овој народ, ваква влада нема никаде во светот, влада која не си го заштитува својот народ, истакна Арсовски. Арсовски посочи исто така дека жали затоа што нема претставник на СДСМ на вечерашната дискусија, затоа што би сакал да поразговара јавно за пуленот на СДСМ и лидер во говор на омраза, Бранко Тричковски.

Димитров се пофали дека се„лактувал“ со Дендиас

Љупчо Цветаноски — Thu, 30 Jul 2020 10:10:25 +0000

Шефот на дипломатијата во заминување, Никола Димитров, објави на својот Фејсбук профил дека вчера за време на работната посета на Грција, во Атина имал средба со неговиот грчки колега Никос Дендиас. -Разговаравме за добрите билатерални односи и можноста да ја исполниме новата страница на пријателство со конкретни проекти од заеднички интерес. Зборувавме и за нашата ЕУ иднина, актуелните прашања во регионот и во светот, со акцент на пандемијата и како да се справиме со предизвиците со кои сите се соочуваме, напиша Димитров. За чудо на граѓаните и надвор од неговата востановена пракса, Димитров никаде не ја спомна Сееверна...

Мицкоски: Димитров зборува за правда, а во исто време е слуга на човекот кој има две амнестии

Тале Кристо — Sun, 12 Jul 2020 21:42:59 +0000

Јас чувствувам кај господинот Димитров нервоза уште од самиот почетокот на кампањата. Тој влезе во кампањата со навреда за ВМРО-ДПМНЕ дека било здружение замислете човекот кој што како никој доби шанса во ВМРО-ДПМНЕ и тој и неговото семејство ако ништо повеќе нивниот животен пат биде поинаков отколку на милион наши сограѓани, истакна Христијан Мицкоски, претседател на ВМРО-ДПМНЕ во своето гостување во емисијата „Заспиј ако можеш“. Имено Мицкоски во своето гостување укажа дека и сега го гледате Димтиров и замислете во истиот момент кога тој е прв соработник на човекот кој што македонската јавност го гледаше како функционираше евро за батето, евро за нешто друго, човекот кој што има безброј лаги. Самиот во неврзан муабет на луѓе им кажува овој човек не престанува да не ја говори вистината и кога ќе го прашаат како одработи за него ги крева рамениците. Истиот тој на настан видно изнервиран поради тоа што работите не му одат како што они се надевале дека ќе му идат и зборува за правда. И тој потоа вика замислете они ќе зборуваат за правда. Па кој да зборува за правда ако не зборувам јас за правда, ако не зборува професорката Силјановска за правда. Зарем он што е слуга на човекот кој што има две амнестии и аболиции, порача Мицкоски. Мицкоски на крај додаде дека тоа со Никола Димитров беше одлична порака и ги охрабрува дека сме на добар пат, но лоша порака за тие луѓе што го гледаат таму.

Милошоски: Шекеринска и Димитров шират лажни вести за да си ги прекријат сопствениот неуспех

Тале Кристо — Thu, 25 Jun 2020 17:30:37 +0000

Кандидатот за пратеник во изборната единица 5 од ВМРО-ДПМНЕ Антонијо Милошоски, во вечерашното гостување во емисијата Само Вистина коментирајќи ги изјавите на Радмила Шекеринска и Никола Димитров дека тој бегал од добивање на покана за предметот Моќник, вели дека е разбирливо зошто Шекеринска и Димитров шират лажни вести за да си ги прикријат сопствените неуспеси. -Го слушнав тоа од Шекеринска и од Димитров и гледам дека во недостиг од свои вести од своја програма шират лажни вести. Јас уредно сум ги примал сите покани кои што се однесувале на мене, вклучително и таа покана од Катица Јанева, сега една од осудените уште во месец април оваа година. Но за жал Шекеринска и Димитров треба да измислат некоја лага за политичкиот опонент за да можат да ги покрија неуспесите кои што ги имаат досега, рече Милошоски. Според него, Шекеринска ќе доживее голем пораз на предвремените парламентарни избори бидејќи се што ветила во 2016 година не го реализира. -Зошто Шекеринска и Димитров одбираат на таков начин да шират лажни вести за мене, прво затоа што во спротивно Радмила Шекеринска би требало да збори зошто не е направен детското одморалиште во Битола, во Пелистер каде што заедно со Павле Богоевски се сликаа и таа вети во 2016 година дека тоа ќе биде завршен проект. Нема ништо од тоа. зошто не е објавен Копанки во Битола, Шекеринска го вети во 2016 година, а нема ниту К од Копанки. Зошто не е направен автопатот Меџитлија, Битола, Прилеп, Велес кој што го вети Радмила Шекеринска нема ништо од тоа. И сега Радмила мора да измислува нови противници, нови теми, лажни теми, за да народот заборави што Шекеринска ветуваше пред 4 години. Ништо од тоа што ветуваше нема остварено и затоа мислам дека ќе доживее голем пораз, нагласи Милошоски.

Тасевски до Димитров: Дечково си го ставил конзул, а тој се бугарофилосува по фејсбук – Не ви се пишуе арно на изборите!

Тале Кристо — Sat, 16 May 2020 08:19:02 +0000

Димитров, не знам дали знаеш, ама дечково си го ставил конзул. Со наши пари го плаќаме, а тој се бугарофилосува по фејсбук. Не ни е баш пријатно да го читаме. Плус навредува друг соседен народ. Каде ги наоѓаш лебати? Чекаме да му удриш клоца, реагира актерот Сашо Тасевски откако вчера излезе вест кај што македонскиот конзул во Софија тврди дека Македонците се Бугари. И уште чекаме на клоцата што Љубави треба да му ја удри на советникот. Не ви се пишуе арно на изборите, сакате верувајте, сакате не.

Андоновски: Зошто Димитров го криеше документот со кој од нас се бара откажување од македонскиот јазик, историја и малцинство како услов за продолжување на европските интеграции?

Тале Кристо — Fri, 24 Apr 2020 11:44:09 +0000

Зошто Димитров го криеше документот со кој од нас се бара откажување од македонскиот јазик, историја и малцинство како услов за продолжување на европските интеграции? Како ќе го прескокне евентуалното вето кога Бугарите си го имаат Договорот (Капитулацијата) в џеб? Се лаже себе или купува мир пред кампањата за избори?, прашува Стефан Андоновски, советник за меѓународна политика на лидерот на ВМРО-ДПМНЕ. Во продолжение ви ја пренесуваме целата реакција на Андоновски: Владината дипломатија е дипломатија која ги користи зборовите „љубов“, „пријателство“ и „мостови“, а работи со зборовите лаги, неуспех, апатија, мизерија. Тој невкусен егзибиционизам е резултат на дволичноста и фрустрацијата на главните ликови. Од евтината драмолетка на Димитров, излегува дека само Македонецот нема право на идентитет. Едноставно, креативноста на Димитров со која толку се гордее, растура сè што повеќе од 150 години се градело од генерации на просветители, револуционери, политичари, војводи, граѓани, селани... Македонците идентитетот си го створиле преку литературата, јазикот, историјата, творбите, хероите, архитектите, уметниците - не преку Комисии - и затоа, не ме интересира мислењето на некакви си „експерти“, не сакам мојот идентитет да зависи од безидентитетски лешинари. Смачено ми е Македонија да ги храни кариерите на домашни и светски „квази политичари“ - недоветни, неспособни, безрбетни амеби на кои државата не им е ни последна на приоритетна листа. За кожените фотелји плаќа цел еден народ! И нека ѝ е на помош на онаа држава на која лидерите ѝ се потпросечни и фрустрирани политиканти. Антон Попов во 1938 запишал: „Беснееја на македонската земја разни господари. Срби, Турци, Грци, Бугари... Тогаш, од македонската нива сите тие береа. До денеска само на еден правото не го признаа. Правото на Македонецот да ја ора својата земја и единствено тој да го бере плодот од својата нива. Стариот господар на таа земја, правото на големиот македонски дух - не беше признат. Историјата на човештвото е полна со неправди..." Уште ли ќе лажете дека македонската нација е измислена од Тито?, прашува Андоновски. https://www.facebook.com/standonovski/posts/10222500387487415

Факти кои го одбележаа денот: Заев и Димитров го кријат документот со кој се условува датумот за преговори и во исто време функционери на СДСМ продолжуваат со криминалот во државата

Тале Кристо — Thu, 23 Apr 2020 18:48:29 +0000

Факти кои го одбележаа денот според ВМРО-ДПМНЕ: 1.Заев и Димитров го кријат од јавноста понижувачкиот документ со кој Бугарија отворено го условува датумот за преговори на Македонија. 2.Во услови на пандемија Вилма Русковска ослободува криминалци и со тоа докажува дека е соучесник во случајот „Рекет“ и помага на нарачателите и Зоран Заев да ги прикријат трагите. 3.Поради непланско, недомаќинско и нестручно работење на СДСМ состојбата со депонијата во РЕК Битола е алармантна. 4.Советникот на Заев, Даниел Димовски го прекршиле законот и постапката за земање под закуп на дел од СРЦ Кале. 5. Заев бара избори. Поважна му е фотелјата отколку здравјето на граѓаните.

Димитров се пофали дека „не биле совршени и дека испорачале“, народот согласен со министерот

Љупчо Цветаноски — Mon, 24 Feb 2020 13:10:49 +0000

Дали Фројдовиот комплекс проработе и кај министерот за надворешни работи, Никола Димитров, познат меѓу народот како потписникот на т.н. Преспанска капитулација? Во последниот пост на Фејсбук, Димитров онака фројдовски си призна дека не биле совршени и дека испорачале. Еве што тој интегрално и „соопшти' на јавноста: „За да може да се продолжи да се говори за европската перспектива на Регионот, неопходно е постигнување на консензус за зелено светло за почеток на пристапни преговори со С. Македонија без одлагање, порача првиот дипломат на земјава Никола Димитров. Март ќе биде тест и за геополитичките амбиции на новата Комисија и на самата ЕУ за кредибилно глобално влијание. Што се однесува до нас, не сме совршени, но сметам дека сите ќе се согласите дека изградивме силно досие и испорачавме. Крајно време е и да се препознае важноста на моментот од страна на Европскиот совет и да се зграпчи шансата за заеднички успех. На Конференцијата на високо ниво посветена на европската перспектива на Западниот Балкан, денес во Солун,“ порача министерот за надворешни. Граѓаните и македонскиот народ се целосно согласни дека Димитров и владата на Заев испорачаа (многу национални светии за бадијала - име, устав, преамбула, двојазичност и др.) и дека дефинитивно не се совршени. Проблемот е само во зборовите „изградивме силно досие“...

Димитров – Папандреу: Министерот не кажа дали му се пожалил за таблата во Труд и социјала

Љупчо Цветаноски — Mon, 10 Feb 2020 11:31:48 +0000

Министерот за надворешни работи, Никола Димитров, се сретна со поранешниот грчки премиер и актуелен претседател на Социјалистичката интернационала, Јоргос Папандреу. Во соопштението од кабинетот на Димитров се вели дека било потенцирано наводното историско значење на Договорот од Преспа со кој се потврдувале заложбите за градење добрососедство, инклузивна соработка и конструктивни меѓусебни односи. Кабинетот, сепак, не соопштува, дали на денешната средба во Скопје министерот му се пожалил и на Папандеу за таблата со Република Македонија во министерството за труд и социјална политика на Рашела Мизрахи. Можеби и затоа, толкуваат познавачите Димитров постојано на средбата, во повеќе наврати ја користел придавката на државата која и онака често ја користи, а не случајно се споменува и во соопштението од неговиот кабинет. -Република С. Макеоднија е вистински посветена на конструктивен дијалог со грчката влада во градењето меѓусебно партнерство засновано врз пријателство и заеднички интерес за просперитетен регион во кој граѓаните на двете држави би сакале да живеат. Договорот има значително позитивно влијание врз билатералните и регионалните случувања во однос на зголемена економија, стабилност и просперитет. Неговото понатамошно спроведување се смета за голем чекор во нормализацијата на билатералните односи што ќе им овозможи на двете држави да го искористат целиот потенцијал на политичката и економската соработка, рече Димитров на средбата. Инаку, посетата на Папандреу на Македонија е во рамките на неговата турнеја во земјите од Западен Балкан, со цел поддршка и зајакнување на евроинтегративниот процес на земјите од регионот.

Анализа: Со новата методологија за проширување, шансите за Македонија во ЕУ се уште полоши

Ивона Петрова — Thu, 06 Feb 2020 12:51:26 +0000

Државите кандидати за членство во ЕУ во иднина ќе преговараат за членство преку шест кластери во кои ќе бидат распоредени досегашните 32 поглавја. Новата методологија, освен заострен процес и вметнување на администрацијата како услов во преговорите, им овозможува на земјите членки на Унијата целосно да ги сопрат преговорите и да ги вратат на почеток, што Македонија ја става во неповолна ситуација. Поранешниот амбасадор и одличен познавач на надворешната политика, Ристо Никовски во изјава за Курир вели дека со ваква методологија од Унијата, шансите на Македонија за членство се никакви. Никовски посочува дека со ова се отвора патот на Бугарија и Грција, уште полесно да стават вето и да ги блокираат евентуалните преговарачки процеси на Македонија. -Во новата методологија клучен за Македонија е фактот дека земјите членки имаат нагласено право на вето, блокирање и слично. Тоа заличува како да е целата методологија правена за нас, да може да се спречи членството на нашата земја во Унијата. Веќе сите знаеме дека Бугарија објави повеќе од 20 услови (уцени) за нашето членство во Унијата и тоа се донесени на ниво на држава што значи дека се крајно обврзувачки и ако тоа остане, а останува шансите за Македонија да еден ден стане членка на Унијата се никакви. Од друга страна и Грција најавува дека ќе направи се’ да го поправи лошиот преспански договор што се сведува на исто. Од две страни ќе бидеме сардисани и се заедно, гледајќи ја само Македонија, нашиот пат кон Брисел не е само полн со трње, туку практично е и невозможен. Од друга страна мора да се додаде и фактот дека Макрон рече дека нема проширување пред реформите на Унијата, а тоа значи долг период. Се’ заедно значи дека новата методологија е за Македонија погубна, вели Никовски за Курир. И додека многумина укажуваат дека промените во ЕУ процесот за проширување се погубни за евроинтеграциите на Македонија, меѓу нив и провладини експерти, на страна неутралните европски аналитичари, шефот на македонската дипломатија Никола Димитров е контра познавачите. Димитров ни во ситуација кога е повеќе од јасно дека процесот се заострува на сметка на Македонија и на останатите кандидати (освен Србија и Црна Гора кои ќе преговараат според стариот модел) не го напушта нереалниот оптимизам. „Ги поздравуваме напорите на ЕК за подобрување на пристапниот процес. Новата методологија придонесува за зајакната политичка димензија, но исто така и за повеќе динамизам, предвидливост и кредибилитет на процесот. Веруваме дека овој обновен пристап ќе резултира со двојна победа во наредните недели: отворање на преговорите во рамките на усовршен пристапен процес,“ напиша Димитров на Фејсбук, по објавената нова методологија за пристапување на земјите од Западен Балкан во ЕУ. Освен тоа, Димитров, веројатно од возбуда, пишувајќи на ФБ можеби и нешто во што не верува, измисли и нов збор -„ДИНАМИЗАМ“. Ваквите кованици познати како Заевизми, се карактеристични за неговиот довчерашен шеф на владата Зоран Заев, кој постојано дава свој неизмерен придонес во збогатувањето на македонскиот јазик. Така, за потсетување, според Заев, Уставот треба да се АМАНДМАНИРА, а настаните се ГРОМОЗОРНИ.... Од друга страна, предизборно обоениот, оптимистички вокабулар на Димитров се должи на розовата слика која е принуден да ја шири, толкуваат познавачите за Курир. За потсетување, Димитров, Заев, Османи и Анѓушев уште пред две години се фалеа со датум за Македонија. Препознатливата слика на наведените функционери со честитиките од владиниот авион во колективната меморија на Македонецот останува како еден од најтешките гафови и најпозната, досега ненадмината лажна вест во македонската дипломатија. На два месеци пред избори и со анкети кои дефинитивно не кореспондираат со желбите на актуелната владејачка гарнитура, „позитивните“ пораки мора да бидат такви и кога ги нема. Аналитичарите, поведени до досегашните дејствувања, во предизборието очекуваат уште многу извртувања и лажни вести од владата на заминување.