димса арсовски – Kurir.mk

Арсовски: Заев брутално го ограби народот преку цените на горивата

Дарко Андоновски — Sat, 26 Jun 2021 10:51:50 +0000

Кризниот данок на Заев од 4.13 денари врз горивата трајно ќе ја зголеми цената на горивата и со тоа новите давачките кои ги наметна лично Зоран Заев и лично оваа расипничка власт на СДСМ за еден литар гориво ќе изнесуваат цели 14 денари. Тоа се пари кои мора да ги плаќаат македонските граѓани, без разлика колку е ниска или висока цената на нафтата на светските берзи, ова денеска преку прес-конференција го истакна Димче Арсовски од ВМРО-ДПМНЕ. -Токму заради овие нови давачки на Зоран Заев и СДСМ македонските граѓани плаќаат енормно скапи горива, а само во последната година бензините од 50 денари по литар скокнаа на 71.5 денари, а дизелот од 46 денари по литар скокна дури на 63 денари. И ова е факт кој што граѓаните секојдневно го говорат. Толку големо покачување на цената на горивата доколку не беа давачките на Зоран Заев и СДСМ во форма на акцизи и даноци немаше да има. Па така, би сакал практично да појаснам, ако едно семејство кое има 1 автомобил и месечно трошело еден резервоар гориво, некаде околу 40тина литри, со покачувањата кои што ги наметнува Зоран Заев, истото тоа семејство сега за гориво месечно одвојува во просек повеќе од 600 денари од она што плаќал претходно. Само да потсетам дека радиодифузната такса која што ја укина Зоран Заев затоа што била скапа за граѓаните чинеше 190 денари. Е сега истите тие 190 денари кои што им ги укина Зоран Заев тродупло им ги зема овие пари на граѓаните, и тоа само по еден автомобил, а има семејства кои што имаат и по два автомобили, вели Арсовски. Тој додават да се навратиме на цените на горивата. На овие цени кои што ги прочитав сега ставете ги и овие 4.13 денари, и со тоа горивата ќе бидат екстремно скапи, во услови кога на светските берзи нафтата е околу 75 долари, а доколку цената расте цените на горивата заради давачките кои што ги наметна Зоран Заев и СДСМ ќе бидат уште повисоки тука кај нас и по вртоглаво. -Ова енормно покачување на цената на горивата не може, а да не предизвика ценовен шок. На удар се сите производи и услуги во чие производство горивата играат важна улога. Тука постои опасност и можност да се покачат и сите цени на транспортниот сообраќај во Република Македонија само заради тоа што има вакво сериозно покачување од Зоран Заев. И тука се загрозени веќе повеќе од половина од граѓаните кои што користат јавен или било каков транспорт. За да не дозволиме Заев да прави што сака и да ја става целата држава во агонија и сиромаштија, иако веќе е, пратеничката група на ВМРО-ДПМНЕ со сите можни средства кои им стојат на располагање во рамки на Собранието и во рамки на демократското работење ќе го блокира овој предлог законот на Заев за кризен данок од 4.13 денари на горивата. Да потенцирам уште еднаш, ќе го блокира со сите расположливи средства ова не смее да помине, и овие давачки не смеат да бидат на товар на граѓаните. А по формирање на нова влада од страна на ВМРО-ДПМНЕ ќе има целосна ревизија на сите антипазарни политики на СДСМ во форми на даноци, акцизи и се останато она кое што директно задира во џебот на граѓаните, односно каде што Зоран Заев директно краде од џебот на граѓаните, вели Арсовски.

Арсовски: Џолев има рок до вторник да поднесе иницијатива за разрешување на Сандев – следуваат кривични пријави

Магдалена Андонова — Fri, 11 Jun 2021 12:17:07 +0000

Иван Џолев 5-ти ден по ред молчи за противзаконското делување и постапување на поротникот Митко Сандев. Митко Сандев има полни 60 години и согласно одлуката на Уставен Суд од 2007 година, но и Член 80 од Закон за Судови, кој јасно кажува дека судија поротник со навршени 60 години мора да биде заменет со друг судија поротник во Републичкиот судски совет, изјави на денешната прес конференција, Димса Арсовски, портпарол на ВМРО-ДПМНЕ. - Дополнително, Иван Џолев или Митко Сандев, сокриле дека судијата поротник Митко Сандев на кој треба да му прекине мандатот, е член на партиско тело од Партијата на пензионерите, што е уште една причина да се постапи со менување на нов судија поротник. Согласно законот за кривична постапка, судија поротник не смее да биде член на политичко тело или партија, од едноставна причина затоа што може да одлучува пристрасно. Дотолку што партијата во која членува Митко Сандев е во колиација со СДСМ и со власта. Иван Џолев има време до вторник да постапки согласно законот и да поднесе иницијатива до Републички Судски Совет за прекин на мандатот на судијата поротник Митко Сандев. Бараме да биде заменет со друг, за да може текот на случајот да продолжи непречено и непристрасно, посочи тој. Арсовски вели дека доколку Иван Џолев не постапи по законот и не пушти до вторник иницијатива до Републички судскиот совет ќе биде поднесена кривична пријава и за него, но и за Митко Сандев. - Целиот овој суд на Иван Џолев кој следи наредби од Зоран Заев е крајно пристрасен во постапувањето по овој предмет и не ги почитува законите. Иван Џолев и Митко Сандев имаат избор, или да бидат слуги на Зоран Заев и неговата неселективна правда или да го почитуваат законот. Ако се одлучат за првото, набрзо ќе сносат и кривична одговорност, во вторник, ако се одлучат за второто, ќе покажат дека овој Суд има барем малку капацитет за фер судење и почитување на законите, додаде тој.

Арсовски: Џолев има избор или да биде слуга на Зоран Заев или да го почитува законот што впрочем е и негова обврска

Магдалена Андонова — Thu, 10 Jun 2021 11:34:13 +0000

Во текот на вчерашниот ден бевме сведоци на еден срамен чин од судот каде што самиот претседател на судот Иван Џолев, го наруши угледот на судот. Најпрвин за да се сруши углед на судот, треба да се стекне угледот а овој партиски назначен претседател на суд не може да стекне углед ако работи против законски што впрочем вчера во вчерашното соопштение го призна истото тоа дека го прави, истакна на денешната прес конференција, Димса Арсовски, портпарол на ВМРО-ДПМНЕ. - Во вчерашното недоветно соопштение коешто го испрати судот по насока на Иван Џолев којшто е претседател, можеше да се види неизбежна нервоза затоа што е принуден да постапува по наредбите на Заев, а не да постапува како што наложува законот. ВМРО-ДПМНЕ бара судот и претседателот на судот Иван Џолев да постапуваат единствено по законот и никако поинаку. Иван Џолев како прв во судот, како претседател кој треба да биде пример за почитување на законите, срамота е да толкува нејаснотии во закон и уште повеќе да го руши угледот и на правниците и на судот. Во правосудството ниту ни треба толкувачи, ниту пак ни треба партиски извршители како него, туку ни треба сериозен и праведен претседател на суд којшто ќе ги почитува законите на оваа држава. Имено Иван Џолев вчера призна дека судијата поротник имал полни 60 години и пратил известување до републичкиот судски совет со што сака да ја префрли вината за неразрешувањето на Митко Сандев кај републичкиот судски совет, поосочи тој. - Законот е јасен, членот 80 од закон за судови е повеќе од јасен дека со навршување на 60 години кај судија поротник му прекинува мандатот веднаш и нема никаква друга алтернатива, наспроти известувањата Иван Џолев е должен да испрати барање за разрешување на судијата поротник и по него да постапи Републичкиот Судски совет. Да прецизираме се додека не биде разрешен овој судија поротник Митко Сандев рочиштата се незаконски, вклучително и казната изречена вчера кон мене е неоснована. Бараме Иван Џолев да не оди по паметот на Зоран Заев кој знаеме кај ќе го дотера и веднаш да побара прекин на постапувањето на судијата поротник и тој да биде заменет со друг судија поротник, за да може случајот Талир и рочиштата да продолжат да се одвиваат непречено, ние не бегаме од лицето на правдата, да се соочиме со праведноста, но бараме се да се одвива по законите. Апелираме во спротивно законот е уште повеќе од јасен дека доколку продолжат да работат противзаконски Иван Џолев и Митко Сандев ќе бидат поднесени кривични пријави, ниту Иван Џолев ниту Митко Сандев не се поголеми од институцијата суд, за да вршат силување на законите. Џолев има избор или да биде слуга на Зоран Заев или да го почитува законот што впрочем е и негова обврска, додаде Арсовски.

Арсовски: ВМРО-ДПМНЕ ги организира секојдневните блокади во име на граѓаните, СДСМ нема да ги заплаши граѓаните кои протестираат преку МВР и нивните притисоци

Магдалена Андонова — Wed, 09 Jun 2021 13:05:10 +0000

Портпаролот на ВМРО-ДПМНЕ, Димче Арсовски линковски во вестите на ТВ Алфа зборуваше за блокадите кои ВМРО-ДПМНЕ ги организира веќе втор ден, како и за барањата на граѓаните кои ВМРО-ДПМНЕ ги застапува и поддржува. Арсовски потенцираше дека СДСМ на нетранспарентен начин преговара во име на граѓаните, а тоа значи дека нешто се подготвува, односно најверојатно Зоран Заев и Владо Бучковски подготвуваат ново предавство. ВМРО-ДПМНЕ нема да го дозволи тоа и токму преку ваквите блокади и протести ќе го искажува револтот и ќе се спротивставува на црните сценарија кои СДСМ на чело со Зоран Заев ги планира во наредниот период. Притисоците од страна на СДСМ секој ден се се поголеми и пожестоки, а показател за тоа се вчерашните случувања кои што се случија пред ТЦ Мавровка кога млад активист на ВМРО-ДПМНЕ беше физички нападнат и вербално навредуван од страна на полициски службеник, кој без никаква причина го приведе младиот Стефан кој сведочеше за нападите од страна на униформираните лица, додава Арсовски. Доколку ваквите блокади не вродат со плод и власта да има слух за барањата на граѓаните, тогаш ВМРО-ДПМНЕ ќе иницира институционални блокади, се со цел власта да биде разумна и да ги слуша барањата на граѓаните, а не да владее самоволието кое што е се повеќе видливо, истакна Арсовски. ВМРО-ДПМНЕ ќе продолжи да биде во служба на граѓаните и нема да дозволи да бидат изманипулирани и извисени од Зоран Заев и неговите соработници, токму затоа остануваме на улица се додека власта не откаже од намерата за ново предавство, завршува Арсовски.

Арсовски: Филипче и Заев ќе се рекламираат за успешна вакцинација со 300.000 евра народни пари

Магдалена Андонова — Mon, 10 May 2021 10:33:49 +0000

Владата на СДСМ не прекинува со сомнителни тендери и воопшто не губи време. Иако повеќе Драги Рашковски како искусен тендераш, не е Генерален секретар во Владата, сепак Генералниот секретаријат работи со полна парена. Денес сакам да ја запознаам јавноста со еден тендер кој го објави Владата, а ќе видите зошто велам сомнителен тендер. Владата на СДСМ последниот работен ден од април, пред празниците, на 29 април, објави тендер за маркетинг услуги, внимавајте, маркетинг услуги за осмислување и реализација на кампања од јавен интерес за успешна вакцинација и заштита на населението од вирусот КОВИД 19, изјави на денешната прес конференција, Димче Арсовски, портпарол на ВМРО-ДПМНЕ. - Од она што може да се види во тендерската документација која за жал не можев да ја даунлаудирам – може тоа е нова метода на транспарентност на СДСМ. Вредноста на овој тендер е 15,635,580 денари или 255,000 евра без ДДВ. Со ДДВ околу 300.000 евра, 300.000 евра за маркетинг услуги и промоција на неуспешните министер и премиер Венко Филипче и Зоран Заев. Триста илјади евра народни пари, Владата ќе ги даде на некоја нивна блиска маркетинг агенција да им осмисли и реализира кампања за успешна вакцинација и заштита на населението од Ковид 19. Нејасно е како мислат да се промовираат со 300.000 евра низ медиумите, ако сите знаеме дека токму Владата забрани уште на почетокот на своето доаѓање во 2017-тата година, платени владини рекламни кампањи во медиумите. Дали планираат да го прекршат законот? Немаат вакцини, луѓе умираат секој ден, народ собира пари, истакна тој. Арсовски посочи дека додека по социјални мрежи се собираат пари за донации за лекување, донации за витамини, Филипче и Заев решиле да прават кампања од 300.000 евра за успешна вакцинација на терет на граѓаните кои што немаат леб да јадат. - Стопанството трпи, народот трпи, над 60.000 луѓе останаа без работа, угостителите преживуваат, туристичките работници затвараат фирми, но затоа Филипче и Заев сакаат да се рекламираат со парите на сите овие луѓе кои трпат, само за да си го кренат нарушениот рејтинг. Замислете, тендерот ќе заврши на 31 мај, а за да се реализира сето ова ќе требаат најмалку уште 2 месеци, а Владата од сега проценува дека треба да се прави камапња за успешна вакцинација. Најпрвин да се прави кампања за успешна вакцинација, Владата треба да има набавено вакцини, вакцинацијата да оди без никаков проблем и над 70% од населението да е вакцинирано. Кај нас сеуште не се вакцинирани хронично болните и ризичните категории на граѓани, нема вакцини односно вакцини добиваме само од донации, вели тој. - Очигледно, што впрочем и сериозно се сомневаме дека овој тендер за оваа кампања од 300.000 евра е направен со цел да се испумпаат народни пари, да се финансира кампањата за локални избори на СДСМ преку парите на граѓаните и однапред веќе се зборува низ кулоарите кои агенции треба да го добијат. Зошто го велам ова, ќе дознаете наредните денови. Апелирам, да се вклучат граѓанските организации, да се вклучат институциите, граѓаните кои мака мачат да преживеат и да не се дозволи ваков недомаќинлук и криминален тендер на повидок од Зоран Заев и Венко Филипче, додаде Арсовски.

Арсовски: Власта цела недела молчи за доделените тендери во вредност од половина милион евра за маркетинг услуги

Магдалена Андонова — Tue, 02 Feb 2021 18:23:00 +0000

Цела недела има класичен молк од власта избегнување на темата за доделените тендери во вредност од половина милион евра на само три фирми и на само двајца сопственици изјави денеска за медиумите во коментар на денот, Димса Арсовски, портпарол на ВМРО-ДПМНЕ. - Половина милион евра за три години се поделени за маркетиншки услуги и организирање настани, а народот нема леб да јаде.Да делиш пари за организирање настани во ек на пандемија што е уште потрагично кога е забрането групирање и организирање на настани, не е ништо повеќе, туку класично испумпување на парите на граѓаните од државниот буџет кои што завршуваат во нечии туѓи џебови, вели тој. Арсовски посочи дека ова е една од причините и ваквите тендери се причина да Република Македонија биде на 111 место по нивото на корупција во свет на листата на Транспаренси Интернешнл. - Оваа влада и работење е сведено само на брутална гола реклама, манипулација и испумпување народни пари.Она што е најважно да го знаат граѓаните и да немаат грижа, сите договори ќе бидат ревидирани и секаде каде што има основан криминал, сите инволвирани ќе одговараат, додаде тој.

Арсовски: Половина милион евра за три фирми за маркетиншки услуги и промоции

Магдалена Андонова — Mon, 01 Feb 2021 19:10:46 +0000

Во денешниот Коментар на денот во фокус се парите кои што власта ги дава за маркетиншки ПР услуги. Трет ден молк од власта за стотиците илјади евра дадени во ек на пандемија за организирање настани и маркетиншки услуги, во време кога низ цел свет е забрането да се организираат настани и да се групираат луѓе, изјави денеска во „Коментар на денот“ портпаролот на ВМРО-ДПМНЕ, Димса Арсовски. Тој посочи дека половина милион евра завршиле во неколку фирми блиски до власта, кои пак давале маркетинг услуги на институции од оваа власти и дека очигледно е дека се е гола реклама, манипулација и сомнителен начин каде завршуваат парите на граѓаните. - Две маркетинг агенции за две години земале над 300.000 евра, а друга маркетинг агенција на советник од СДСМ земала над 200.000 евра преку тендери од институции. Само од овие 3 фирми за кои што можеа граѓаните да прочитаат и видат се одвоени 500.000 евра односно половина милион евра во рок од 2 до 3 години за организирање настани и за маркетиншки услуги, истакна Арсовски - Замислете наместо со тие половина милион евра да се обезбедат лап топ уреди или таблети за учениците кои немаат услови да следат настава, владата плаќа за маркетинг за да ги сокрие најкатастрофалните резултати од своето владеење. Но, не за долго, додаде портпаролот на ВМРО-ДПМНЕ, Арсовски.

Арсовски: МВР на чело со Чулев го реши „Јавна соба“ за еден ден, додека Спасовски им се смее во лице со денови на жртвите

Магдалена Андонова — Thu, 28 Jan 2021 11:51:28 +0000

Повторното појавување на случајот „Јавна соба“ е само резултат на неспособноста на СДСМ и на Оливер Спасовски. Во моментов Министерството за внатрешни работи со кое што управува Оливер Спасовски во жаргонски речник може да се нарече распашана банда. Впрочем ова го говорат граѓаните и секојдневно упатуваат поплаки, но за жал истите поплаки нема каде да стигнат и до кого да допрат, изјави денеска за медиумите, Димче Арсовски, портпарол на ВМРО-ДПМНЕ. - Последниот случај на неколку пријави од девојки кои биле жртви на „Јавна соба“ и кои јавно излегоа да говорат за тоа како биле избркани од МВР со образложение дека не можат да им помогнат, дека секое чудо траело за три дена, ќе ги заборавеле и дека немале надлежност, само говори за односот на Оливер Спасовски и СДСМ кон жртвите кои што не се само жртви на неколку илјади пазачи, туку се и жртви на неспособниот систем. Вистината е следна, а тоа е дека не им се работи, а можат случајот да го решат за само еден ден, вели тој. - Само за споредба, минатата година исто во јануари кога се појави случај со „Јавна соба“ за само еден ден беше расчистен бидејќи со МВР раководеше министерот Наќе Чулев и целото министерство го стави во функција на заштита на жртвите и затварање на групата. И тоа се случи за со еден ден. Денес, кога одат граѓани да пријавуваат злоупотреби поврзани со истиов случај „Јавна соба“ кој што повторно се појави и веќе трае можеби недела дена и повеќе, администрацијата на Оливер Спасовски ги брка, посочи Арсовски. - Граѓаните не се заштитени и не се безбедни со ваков министер и се оставени сами на себе. Затоа изразуваме поддршка за сите граѓани кои се жртви на овој систем на неспособност и ги убедуваме дека се додека е СДСМ на власт, ќе бидат само предмет на злоупотреба, додаде портпаролот.

Арсовски: Советник од СДСМ за три години земал стотици илјади евра од тендери

Магдалена Андонова — Mon, 18 Jan 2021 13:12:46 +0000

Во едно сме сите сигурни, а тоа е дека функционерите од редовите на СДСМ изминативе три години живеат единствено на на грбот на граѓаните и со парите на граѓаните. Изминативе 3 години откако е СДСМ на власт гледаме само скандалозни и наместени тендери, криминал, корупција, неуспеси и пропаст за нашата држава. Функционерите од редовите на СДСМ наместо да работат за граѓаните, работат за себе и за своите џебови и ги испумпуваат парите од буџетот на Република Македонија, изјави на денешната прес конференција, Димса Арсовски, портпарол на ВМРО-ДПМНЕ. - Фирмата Бригада Дизајн, која го подели тендерот од 200.000 евра за маркетинг услуги со уште една друга маркетинг агенција од Фондот за иновации, редовно си добивала тендери од државни институции од 2018 година па навака, и тоа откако дојде СДСМ на власт, иако Бојан Ивановиќ кој што е еден од челните лица на агенцијата, е советник од редовите на СДСМ во Град Скопје кај Петре Шилегов и е редовен поддржувач на политиките на СДСМ, вели тој. Арсовски тврди дека годините 2018, 2019 и 2020 биле навистина плодни за советникот на СДСМ, кој ја води фирмата Бригада Дизајн. - Бојан Ивановиќ од СДСМ во 2018 година од Фондот за иновации зема тендери во висина од 2.7 милиони денари, за потоа на крајот на 2018 односно почеток на 2019 година исто од Фондот за иновации да земе тендер во висина од 1.4 милиони денари, за потоа да земе и тендери од Регулаторната комисија за енергетика во 2019 година во висина од над 500.000 денари за промоција на регулаторната комисија. За 3 години без последниот тендер оној од 200.000 евра, советникот од СДСМ земал над 4.5 милиони денари, а заклучно со последниот над 10 милиони денари, пари од граѓаните, кои што завршиле во џебот на еден советник од редовите на СДСМ во Град Скопје, посочи тој. - Да нотираме неколку работи, а тоа е додека советникот од СДСМ Бојан Ивановиќ зема тендери од Регулаторна, истата таа регулаторна која потоа ја покачи цената на струјата на граѓаните и сега граѓаните плаќаат повисока цена на струја. Нормално како што говоревме и претходно, овие пари од повисоката цена завршуваат во редовите на СДСМ, дециден е Арсовски. Тој потенцира дека тендерите кога ги зема Бојан Ивановиќ кој е советник од СДСМ се во изборни години, односно во 2018 година кога СДСМ организираше и учествуваше на референдум, во 2019 година кога беа Претседателските избори за Стево Пендаровски и во 2020 година односно кога беа Парламентарните избори. - Оттука потекнува сомнежот кој го изразивме и вчера дека можеби СДСМ ги финансира своите кампањи преку државните институции, од државните институции, односно со парите на граѓаните коишто ги испумпува преку своите советници, функционери, нивни блиски фирми, а тука станува збор за стотици илјади евра испумпани преку советникот на СДСМ во Град Скопје кај Петре Шилегов, Бојан Ивановиќ. И оттука прашуваме, дали е ова вистина?, прашува портпаролот Арсовски. - Јавно прашуваме, дали СДСМ ќе преземе одговорност за ова што се случува со овие скандалозни тендери, дали Петре Шилегов ќе побара оставка од својот советник Бојан Ивановиќ, дали Коста Петров ќе го раскине спорниот тендер и ќе направи ревизија на претходните тендери кои што ги добил советникот од СДСМ и дали конечно Антикорупциска комисија која стана експерт за прикривање корупција на власта, конечно ќе отвори случај да ги истражи овие тендери?, прашува тој. - За регулаторната комисија не ни коментираме веќе, бидејќи знаеме дека тие работат единствено под диктат на Заев, така да Заев ќе треба да им каже дали да го ревидираат или раскинат тендерот кој што бил претходно доделен. Во спротивно, доколку сето ова остане статус кво, ова е резултатот на СДСМ клептоманска. Ако стотици илјади евра завршуваат кај советници од редовите на СДСМ од Град Скопје, може само да замислите колку пари на граѓаните од буџетот на Република Македонија завршуваат кај министрите и другите функционери коишто се од повисок ранг на СДСМ и власта, додава Арсовски.

Арсовски: Дали дел од 200.000 евра од ФИТР завршиле кај советник на СДСМ од Град Скопје?

Магдалена Андонова — Sun, 17 Jan 2021 11:59:35 +0000

Коста Петров вчера во обид да се испере од овој скандалозен и сомнителен тендер од 200.000 евра кој што го доделила институцијата на две маркетинг агенции, призна неколку работи. Најпрвин, експресно демантираше дека не го склучил тој договорот и дека тоа го направил неговиот претходник, што укажува дека ги трга рацете има нешто сомнително во овој тендер, иако се работи за тендер во време на институција што без разлика кој бил директор на таа институција, истиот потекнува од редовите а на СДСМ како партија и власт, изјави на денешната прес конференција, Димса Арсовски, портпаролот на ВМРО-ДПМНЕ. - Второ, доколку Коста Петров не ги користи услугите на овие две агенции и снима со сопствена продукција како што и самиот вели што и не е докажано, што и хипотетички да е ова вистина, зошто до сега откако е директор не го не го ревидирал истиот договор и да го поништи да спаси 200.000 евра на граѓаните да не завршат непотребно во нечии џебови? Кога немаат никаква работа овие две агенции зошто сепак ги земаат овие 200.000 евра пари на граѓаните, прашува Арсовски. Тој исто така прашува за она што е најскандалозно и заслужува внимание во јавноста, дали Коста Петров или кој било од СДСМ, дали едната од агенциите која земала од овие 200.000 евра за тендерот Бригада Дизајн, нејзино челно лице е Бојан Ивановиќ, имено советник од редовите на СДСМ во Град Скопје? - Се поголем е сомнежот дека овој тендер е доделен свесно и е наместен, бидејќи еден од добитниците на тендерот е советник од редовите на СДСМ во Град Скопје кај Петре Шилегов Дали овие две агенции работеле партиски агенди или ќе работат партиски агенди во иднина платени преку парите на граѓаните, треба уште веднаш да се произнесат Коста Петров и СДСМ? Ако не работат ништо во Фондот за иновации, зошто тогаш се уште е активна оваа јавна набавка и не е поништена, посочи Арсовски. Портпаролот на ВМРО-ДПМНЕ тврди дека ова е начинот на работа на СДСМ како партија и власт. Преку свои функционери, испумпуваат пари на граѓаните и тоа не малку пари туку 200.000 евра. - Дел од 200.000 евра завршиле во џебот на советник од редовите на СДСМ во Град Скопје, што не е ништо поразлично од тоа кога завршуваа парите од граѓаните во Фондот за иновации преку грантови исто така кај фирми на кај функционерите на СДСМ. Фондот за иновации е златна кокошка за збогатување на функционерите на СДСМ. Наместо да дава поддршка на стопанството, компаниите и иноваторите, парите ги дава на функционерите и фирмите на СДСМ, вели тој. - Ова е резултатот зошто се наоѓаме во рецесија, и зошто имаме над 55.000 граѓани кои се невработени во ек на пандемија и економска криза. Одговорот е едноставен, затоа што парите наместо да завршуваат онаму каде што треба завршуваат кај функционерите и фирмите во СДСМ, додаде Арсовски.