Динамо Букурешт – Kurir.mk

Динамо Бикурешт го раскина договорот на Едуардо Гурбиндо

Бошко Тасиќ — Thu, 03 Aug 2023 04:03:12 +0000

Реновирањето во романскиот Динамо Букурешт пред стартот на новата сезона продолжува. По завршувањето на соработката со Калифа Гедбан (потпиша со Еурофарм Пелистер), уште еден искусен ракометар заминува од романскиот шампион. Се работи за ветеранот Едуардо Гурбиндо, кому договорот му е раскинат една година пред истекот.

„Бомба“ од Романија: Лука Циндриќ пристигнува во Динамо Букурешт!

Ристе Здравков — Fri, 28 Jul 2023 16:12:50 +0000

Хрватскиот плејмејкер Лука Циндриќ, конечно успеа да се договори со Барселона и го раскина договорот со каталонскиот клуб, по што веројатно ќе се пресели во редовите на романскиот шампион, Динамо Букурешт. Романскиот клуб сезонава не доби „вајлд-карта“ за настап во Лигата на шампионите и ќе се натпреварува во Европската лига на ЕХФ, каде сака да остави одличен впечаток, па дури најавува и атак на самиот врв во ова натпреварување. Доаѓањето на Циндриќ ќе биде од голема важност за Динамо, затоа што Хрватот има огромно искуство и е освојувач на Лигата на шампионите од времето кога настапуваше за РК Вардар 1961. Динамо ќе се обиде да привлече и други квалитетни играчи кои би го надополниле актуелниот состав, а целта на тимот е јасна - пласман на завршниот турнир во Европската лига и евентуално освојување на трофејот. Циндриќ премина во Барселона во 2019 година и четири сезони престојуваше во Шпанија, а претходно уште настапуваше за Киелце, Вардар, Металург и Карловац. „Ел Мундо Депортиво“ објави дека Хрватот цели два месеца се договарал со Барселона за раскин на договорот кој имаше важност до истекот на сезоната 2024/25. Каталонскиот клуб на овој начин се обидува ги намали трошоците поради финасиската криза во која се наоѓа, а платата на Циндриќ изнесуваше нешто над 30.000 евра месечно. Динамo Букурешт веќе најави дека за следната сезона ќе има на располагање сериозен буџет од 3,5 милиони евра, па не би требало да има поголем проблем да му ја исплаќа истата месечна заработка на хрватскиот репрезентативец.

Веспрем веднаш најде замена за Цупара

Бошко Тасиќ — Thu, 06 Jul 2023 05:21:33 +0000

Владимир Цупара кариерата ќе ја продолжи во Динамо Букурешт откако клубот од Романија го откупи договорот на српскиот репрезентативец. Иако требаше да се пресели во Букурешт следното лето, Цупара оваа година замина од Унгарија.. Српскиот голман парафираше договор до 2026 година со Динамо. Веспрем не чекаше премногу и веднаш доведе замена. Се работи за Игнасио Биоска, кој доаѓа од редовите на Висла Плок. Голманот од Шпанија потпиша на една година со унгарскиот клуб. .

Цупара и Ненадиќ се селат во Динамо Букурешт?

Бошко Тасиќ — Mon, 03 Jul 2023 06:33:19 +0000

Романскиот ракометен тим Динамо Букурешт иако не доби вајлд-карта за Лигата на шампионите, но тоа нема да ги поколеба во обидот да создадат силен тим. Голманот на српската рперезентација Владимир Цупара, кој требаше во Букурешт да се пресели следното лето, се чини дека тоа ќе го стори уште ова лето. Ова го потврди претседателот на романскиот првак, Јонут Попа, во изјава за „Про Спорт“. Тој најави влегување на уште еден голем спонзор во клубот, и доаѓање на ракометар што настапил на последниот Ф4 во Келн. Романските медиуми шпекулираат со името на Петар Ненадиќ, кој беше дел од ПСЖ.

Динамо Букурешт: Челниците на ЕХФ сакаат само интерес и политика

Бошко Тасиќ — Thu, 29 Jun 2023 05:28:40 +0000

Романскиот шампион Динамо Букурешт е бесен на челниците на Европската ракометна федерација (ЕХФ), поради одлуката ППД Загреб да добие покана за настап во Лигата на шампионите. Романците се надеваа дека токму тие ќе бидат учесници во елитното натпреварување, но сепак ЕХФ се одлучи да го „почести“ хрватскиот тим. Од управата на Динамо велат дека челниците на европската ракометна централа се „врзани“ околу политика и интерес. Тие се целосно разочарани од нивната одлука. ППД Загреб доби една од шесте „валјд-карти“ за учество во Лигата на шампионите, а романскиот клуб тврди дека ЕХФ се одлучила на овој чекор поради причини кои немаат допирна точка со спортот и натпреварувачкиот дух. Хрватската јавност, пак, вели дека Романците не морале да го посочат токму Загреб како „виновник“ во целата ситуација, затоа што покана за настап доби и тимот на Колштад, за кој велат дека „до вчера не постоеше на европската ракометна карта“. Од Динамо Букурешт најавуваат жапба на одлуката, а разврската треба да биде позната во следните неколку дена. Разочарувањето кај романскиот тим е големо, затоа што тамошните медиуми тврдеа дека клубот ќе располага со сериозен буџет од околу три ипол милиони евра за новата сезона.

Чави Пасквал во Динамо Букурешт до 2026 година

Бошко Тасиќ — Tue, 13 Dec 2022 06:25:36 +0000

Иако француските медиуми минатиот месец пишуваа за можноста Шпанецот Чави Пасквал да се пресели во ѕвездениот ПСЖ, сепак нема ништо од тој трансфер. Шпанскиот стратег ја продолжи верноста до 2026 година и ќе продолжи да го води романскиот првак и понатаму. Тој го презема Динамо Букурешт од јуни 2021 година, а од август истата година е селектор и на Романија. Динамо е убедливо прв на табелата во романскиот шампионат со 45 бодови, дури 10 повеќе од втората Констанца, а во ЛШ во групата е на четвртото место со 10 поени и практично обезбедено осминафинале.

Барселона ја одби и потпиша за Динамо Букурешт

Бошко Тасиќ — Sat, 16 Jul 2022 12:13:26 +0000

Романскиот шампион Динамо Букурешт денеска преку социјалните мрежи го потврди трансферот на репрезентативецот на Белорусија, Вјачеслав Бохан. Раководството на Динамо Букурешт и Бохан се договорија на тригодишна соработка. За искусниот кружен напаѓач од Белорусија заинтересирани беа и од европскиот првак Барселона, но 26 годишниот ракометар одлучи својата интернационална кариера да ја продолжи во Романија. Бохан потекнува од составот на СКА Минск, чиј дресот го носеше до 2020 година кога замина во Мотор Запорожје, а во СКА Минск играше и последната полусезона. Во новиот клуб ќе ја дели минутажата со Мохамед Мамду и Седрик Сораиндо.

Кристијан Дисингер заминува од Динамо Букурешт

Бошко Тасиќ — Sun, 15 May 2022 06:27:19 +0000

Германскиот ракометар Кристијан Дисингер, се наоѓа на излезна врата од романскиот Динамо Букурешт. Според пишувањата на романскиот медиум „ГСП“, Динамо Букурешт планира на дел од ракометарите да им ги намали платите поради амбициозните планови за следната сезона и зголемениот играчки кадар. Кристијан Дисингер, кој според „ГСП“, заработува месечна плата од околу 12.000 евра, не сакал да прифати намалување и најверојатно ќе го напушти тимот од романската престолнина.Левиот бек од Германија во својата кариера настапуваше за екипите на Кадетен Шафхаузен, Кил и Вардар. Во Вардар беше три сезони, од 2018/19, па сѐ до 2020/21. Во Динамо Букурешт се пресели на почетокот на оваа сезона.

Давид Баруфет се приклучува на Динамо Букурешт

Бошко Тасиќ — Mon, 21 Feb 2022 08:27:03 +0000

Машкиот ракометен тим на Динамо Букурешт продолжува да го засилува стручниот штаб, а ново лице е поранешниот спортски директор на Барселона, Давид Баруфет. Прославениот голман на Шпанија соработуваше со тренерот Чави Пасквал и во Барселона, па сега продолжува со соработката во нов клуб. Баруфет си замина од Барса заедно со Пасквал, но досега беше без ангажман.