динамо киев – Kurir.mk

Рамадани го облече дресот на Динамо Киев

Бошко Тасиќ — Thu, 02 Mar 2023 05:41:09 +0000

Младинскиот репрезентативец во фудбал на Македонија, Решат Рамадани и официјално е нов член на украинскиот великан Динамо Киев. Досегашниот играч на Шкендија беше претставен во новата средина во која ќе го носи дресот со бројот 92. Се работи за најтрофејниот клуб од Украина, клуб во кој 19-годишниот Решат ќе има можност да напредува, да се развива под водство на легендарниот Мирчеа Луческу. Шкендија ќе добие обештетување за оваа операција, а ќе заработи и 15 проценти и од следниот трансфер на играчот за врска.

Претседателот на Фенербахче нема да им се извиниме на Украинците

Бошко Тасиќ — Sun, 31 Jul 2022 06:14:05 +0000

Динамо Киев го елиминира Фенербахче од Лигата на шампиони (ЛШ), а мечот го одбележаа домаќините, кои скандираа „Владимир Путин“и така ги провоцираа Украинците. Претседателот на турскиот клуб, Али Коч за турските медиуми кажа дека нема намера да се извинат поради нивниот потег. „Нема да им се извиниме на Украинците. По непристојните изјави на амбасадорот на Украина, тие треба да се извинат“, кажа Коч.

Амбасадорот на Украина во Турција, Васил Боднар напиша дека е тажно тоа што навивачите на Фенербахче го поддржуваат „убиецот и агресорот“, кој ја бомбардира Украина.

Киевски Динамо го одигра првиот натпревар по руската инвазија

Ивана Ефремовски — Thu, 07 Apr 2022 19:11:51 +0000

Младинскиот тим на Динамо Киев е првата украинска фудбалска екипа, која одигра натпревар од почетокот на руската инвазија на таа земја, и загуби како домаќин на неутрален терен во Букурешт од Спортинг Лисабон со 2-1 во рамки на осминафиналето во Лигата на шампиони. Играчите на Динамо истрчаа на теренот нагрнати со украинското знаме, а сино – жолтата боја може да се види и на трибините на стадионот „Гулешти“ во Букурешт. Пред почетокот на натпреварот со минута молчење оддадоа почит на жртвите на рускиот напад врз Украина, која почна пред 42 денови. Најтрофејниот украински фудбалски клуб Динамо Киев претходно објави дека сениорскиот тим ќе одигра серија пријателски натпревари од хуманитарен карактер против повеќе големи европски екипи, со цел да собере средства за својата држава. - Благодарение на нашите водачи, Динамо ќе ја продолжи меѓународната хуманитарна мисија со серија пријателски натпревари со најдобрите европски екипи, соопшти 16-кратниот украински шампион. Најавено е дека натпреварите против Барселона и ПСЖ ќе се одиграат во периодот од април до јуни, а како потенцијални ривали на Динамо Киев се наведени и Борусија Дортмунд, Стеауа, Милан, Бенфика, Спортинг Лисабон, Ајакс и Базел. Сите дуели ќе бидат под слоганот – „Натпревар за мир! Прекинете ја војната“. (МИА)

Драматичен апел на Бразилците од Шахтјор и Динамо: Помогнете ни да побегнеме од тука

Ристе Здравков — Thu, 24 Feb 2022 15:48:10 +0000

Бразилските фудбалери кои настапуваат за Динамо Киев и Шахтјор Доњецк објавија видео во кое ги молат бразилските власти да им помогнат да ја напуштат Украина. На видеото говори Жуниор Мораеш, фудбалерот на Шахтјор: „Ситуацијата е очајна. Границите се затворени, банките исто така. Нема гориво, а ќе има и недостаток на храна. Немаме пари. Се состанавме и чекаме некој план за да ја напуштиме Украина“, вели Мораеш во видеото. Руските воени сили денеска утрово испалија проектили врз неколку градови во Украина и ги истоварија своите воени сили на нејзиниот јужен брег, објавија украинските службеници и медиуми, откако рускиот претседател Владимир Путин ја одобри, како што ја нарекува, специјалната воена операција на истокот од земјата.

Brazilian players from Shakhtar and Dynamo Kiev, accompanied by their families, have released a video asking for the Brazilian authorities to help them leave Ukraine. 🇺🇦 pic.twitter.com/SYQ9j6bCq1
— Football Tweet ⚽ (@Football__Tweet) February 24, 2022

Над 50 навивачи на киевски Динамо уапсени по немирите во Лисабон

Дарко Андоновски — Thu, 09 Dec 2021 15:33:09 +0000

Полицијата во Лисабон денеска објави поединости во врска со немирите што се случија вчеравечер пред дуелот меѓу Спортинг и Динамо Киев во Лигата на шампиони, прецизирајќи дека се приведени 54 симпатизери на украинскиот клуб, а во инцидентите се повредени 11 навивачи од двете страни, како и еден полицаец. Двете навивачки групи во неколку наврати физички се пресметаа измината ноќ на различни локации во Лисабон. Полицијата изрази сомневање дека „судирите меѓу навивачките групи биле однапред договорени“, додавајќи оти „на тоа укажува одредено однесување на домашните и гостинските навивачи“. Бенфика го совлада Динамо Киев со 2-0 и со тоа го обезбеди второто место во групата и пласман во осминафиналето во Лигата на шампиони.

Куман ја пофали Барселона за играта во одбрана против Динамо Киев

Тале Кристо — Thu, 21 Oct 2021 06:44:28 +0000

Тренерот на Барселона, Роналд Куман, го пофали својот тим за изданието во одбрана на натпреварот од 3. коло на Лигата на шампионите против Динамо Киев (1:0). Нашата одбрана заврши одлична работа, Динамо не можеше да создаде ниту еден опасен момент. Се разбира, моравме да постигнеме повеќе, бидејќи резултатот 1:0 е секогаш ризичен до крајот на натпреварот, но дејствувавме добро без топка и игравме интензивно, истакна Куман. Барселона е трета во Е-групата со три бода на три натпревари, Динамо Киев е на последната, четврта позиција со еден бод. На првите две места се Баерн Минхен со девет и Бенфика со четири бода.

Шкендија поразена од Динамо Киев

Бошко Тасиќ — Sat, 06 Feb 2021 16:24:48 +0000

Македонскиот фудбалски тим Шкендија од Тетово на последниот тест дуел загуби од украински Динамо Киев со 1-0,натпревар кој се одигра во Анталија,Турција Шкендија одигра рамноправен натпревар со големиот фаворит, но не успеа да издржи до крај. Победоносниот гол за Динамо Киев беше на Богдан Леднев во 85. минута.

ПРИЈАТЕЛСКИ НАТПРЕВАР

ШКЕНДИЈА – ДИНАМО К. (УКР) 0-1 (0-0) Стрелец: Леднев 85′ (ДК) ШКЕНДИЈА: Захов, Мурати, Незири, Павиќ, Бејтулаи, Дита, Елези, Алими, Зејнулаи, Дориев, Ибраими ДИНАМО КИЕВ: Нешчерет, Миколенко, Попов, Забарни, Кедзиора, Сидорчук, Шапаренко, Бујалски, Циганков, Родригез, Беседин

Пирло: Не можете да доминирате во Лигата на шампионите 90 минути

Тале Кристо — Thu, 03 Dec 2020 12:21:16 +0000

Тренерот на Јувентус, Андреа Пирло, откако го победи Динамо Киев во мечот од 5. коло во Лигата на шампионите (3:0), истакна дека е задоволен од пристапот на играчите. Тој исто така го пофали напаѓачот Алваро Мората, кој постигна еден од головите. – Ризикувавме на крајот на првото полувреме, но тоа е во ред. На овој турнир е невозможно да се доминира сите 90 минути играјќи против добри тимови. Тие се обидоа да го изедначат резултатот, а ние моравме да се браниме некое време, но во целина сум задоволен од пристапот на момците. Мората пристигна во Јувентус многу млад. Тој се врати како многу позрел играч и личност по Мадрид и Лондон. Тој е среќен овде. Не е под притисок и ова му помага да ја покаже својата најдобра игра. Сакавме да го видиме во Јувентус и драго ни е што е тука, истакна Пирло. Јувентус веќе го обезбеди пласманот во плејофот во елитното натпреварување.

Вардар поразен од Динамо Киев во контролна средба

Дарко Андоновски — Thu, 23 Jan 2020 17:28:31 +0000

Екипата на Вардар доживеа пораз и на вториот контролен натпревар на подготовките во Анталија. Украинскиот тим Динамо Киев ги совлада „црвено-црните“ со убедливи 4:0. Вардарци иако на моменти имаа рамнотежа во играта и во поседот на топката, сепак, противникот ги искористи своите шанси и постигна четири голови. Првиот гол падна во 5. минута, откако Бујалски со удар од 15-16 метри го совлада Гачевски, упатувајќи ја топката во долниот десен агол. Вториот гол го постигна Сидорчук откако по една нафрлена топка, убаво ја зафати топката, и го совлада Гачевски. На 0:3 зголеми Дуелунд во 29. минута по акцијата од десната страна. Во второто полувреме Динамо Киев користи уште една шанса во 86. минута. Ѓурковски стартуваше над еден противнички играч, и беше покажан пенал. Сигурно го реализираше Русин, и ги постави конечните 4:0.