динамо – Kurir.mk

ВИДЕО: Познат идентитетот на усмртениот навивач, крвави траги по улиците во Атина

Ивона Петрова — Tue, 08 Aug 2023 09:20:58 +0000

Хрватски хулигани усмртија навивач на АЕК на улиците во Атина пред натпреварот. Во немирите во Атина случени синоќа, животот го загуби младиот Михалис. Тој почина во болница откако беше смртно ранет во судир меѓу групите поддржувачи на клубовите. Медиумите во Грција открија шокантни детали за неговата смрт бидејќи откако бил прободен со нож и лежел на улица, добил и серија удари по телото, дел со палки. Според грчките медиуми, повикувајќи се на полициски извори, навивачите на Динамо од Загреб со нож го прободел Михалис во артеријата на раката, кој искрварил, а починал во болница. АЕК се простија од својот навивач преку социјалните мрежи. УЕФА го одложи натпреварот меѓу АЕК и Динамо кој требаше да се одигра вечерва.

Динамо најостро ги осуди инцидентите во Атина во кои беа вклучени негови навивачи

Ивона Петрова — Tue, 08 Aug 2023 08:57:27 +0000

Хрватскиот фудбалски шампион Динамо денес преку соопштение ги осуди синоќешните инциденти во Атина предизвикани од навивачи на клубот кои самоиницијативно отпатуваа во грчката престолнина. Во нередите на улиците на Атина едно лице го загуби животот. -ФК Динамо најостро ги осудува нередите што се случија синоќа во Атина, во кои, според извештаите на грчката полиција и грчките и хрватските медиуми, во инцидентите со навивачи на грчкиот фудбалски клуб АЕК учествуваа и навивачи од Хрватска. Ваквите настани не се во согласност со вредностите и етиката што ги промовираме како клуб и заедница. Како спортска организација, ние секогаш сме посветени на промовирање на фер плеј, спортски дух и позитивна атмосфера на стадионите. Немирите не само што ја загрозуваат безбедноста на сите присутни, туку и ја нарушуваат репутацијата на фудбалот како спорт што ги обединува луѓето и културите. Ја изразуваме нашата длабока загриженост за овој инцидент. За жал, едно лице го загуби животот за време на немирите. Динамо изразува искрено сочувство до семејството на починатиот. Уште еднаш ги потсетуваме и ги повикуваме сите навивачи на Динамо да не патуваат на натпреварот во Грција, со оглед на тоа што УЕФА во договор со полицијата одлучи двата натпревари да се играат без гостински навивачи. Динамо останува посветен на создавање средина во која љубовта кон спортот се изразува на позитивен начин, преку заедништво, почит и соработка, стои во соопштените на хрватскиот клуб.

ХАОС НА АВТОПАТ: Навивачи на Хајдук се судрија со полицајци по дербито во Загреб, има повредени (ВИДЕО)

Ивона Петрова — Sun, 22 May 2022 08:27:28 +0000

Навивачката група „Торцида“ на сплитски Хајдук се судри синоќа со полицијата на враќање од дербито во последното коло од хрватското фудбалско првенство против Динамо во Загреб при што има ранети и повредени на двете страни. Како што јавија локалните медиуми, цитирајќи го соопштението од хрватското Министерство за внатрепни работи, ранети се двајца навивачи, а повредени се десетина полицајци. Сите се вон животна опасност. Инцидентот се случил на автопатот А1 кога групата од околу 1.600 навивачи на Хајдук кои со автомобили, автобуси и комбиња се враќале во Сплит со полициска придружба, самоиницијативно застанале кај одморалиштето Деснице, блокирајќи ги сите ленти на автопатот во насока кон Карловац. Поголема навивачка група, притоа, физички и со употреба на „предмети погодни за нанесување телесни повреди“ ги нападнале полицајците, кои во обид да воспостават ред возвратиле со огнено оружје. Инцидентот се случи по првенственото дерби на стадионот „Максимир“ во Загреб во кое Динамо со победа од 3-1 над Хајдук ја прослави шампионската титула во хрватското првенство.

Навивачите на Вест хем дивееја низ Загреб, еден Хрват е тешко повреден

Ивана Ефремовски — Thu, 16 Sep 2021 13:21:43 +0000

Вечерва во рамки на Лига Европа во Загреб ќе се соочат Динамо и Вест хем, а во хрватскиот град пристигнаа и навивачите од Англија, кои веднаш почнаа да прават инциденти. Синоќа околу 21:25 часот во една улица низ Загреб англиските навивачи нападнале двајца Хрвати, при што еден е тешко повреден. „Полициските службеници реагираа навремето и задржаа четири државјани на Велика Британија на 23, 20, 25 и 23 години, кои се наоѓаа во групата која физички нападна двајца Хрвати на возраст од 26 и 21 година“, соопштија од полицијата.

Загреб на нозе: Се слави победата на Динамо (ВИДЕО)

Ивана Ефремовски — Thu, 18 Mar 2021 21:40:02 +0000

Динамо Загреб се пласираше во четвртфиналето во Лига Европа откако славеа на „Максимир“ против Тотенхем со 3:0 по 120 минути фудбал. Голем број навивачи по натпреварот се собраа пред стадионот во Загреб каде ја прославуваат победата. Index.hr ја пренесува прославата:

Потврдена затворската казна за Мамиќ, Динамо останува без тренер

Ивана Ефремовски — Mon, 15 Mar 2021 19:54:54 +0000

Тренерот на загрепски Динамо, Зоран Мамиќ, мора да отслужи затворска казна во траење од четири години и осум месеци, одлучи Врховниот суд во Загреб на три дена пред реванш осминафиналниот натпревар што хрватскиот првак треба да го игра против Тотенхем во Лига Европа. Највисоката судска инстанца во Хрватска денеска ја потврди одлуката на Жупанискиот суд во Осиек со која поранешниот прв човек на Динамо, Здравко Мамиќ е осуден на 6.5 години затвор поради финансиски малверзации, додека неговиот помлад брат и актуелен тренер и спортски директор на клубот Зоран Мамиќ доби тримесечно намалување на затворската казна. Уште две други лица се осудени на вкупна затворска казна од шест години и два месеци, меѓу кои и поранешниот директор на Динамо, Дамир Врбановиќ. Согласно хрватскиот Закон за спорт, екипата на Динамо сега мора да го раскине договорот со Мамиќ во рок од осум денови, бидејќи е правосилно осуден на затворска казна подолга од шест месеци. (МИА)

УЕФА го казни загребски Динамо поради навивачите

Ивона Петрова — Fri, 12 Oct 2018 15:41:55 +0000

УЕФА го казни загребски Динамо со затворање на северната трибина на натпреварот против Спартак од Трнава и со вкупна парична казна од 63.000 евра поради однесувањето на хрватските навивачи на натпревариот во Брисел против Андерлех во Лига Европа. Динамо е казнет заради употреба на пиротехника на стадионот, за фрлање на тврди предмети на теренот, за тепачка меѓу навивачите, како и за истакнувањето на усташки симболи, кои УЕФА ги третира како расистички испад.

- Казната за расизам изнесува 50.000 евра, за пиротехника 5.000, а за фрлање на тврди предмети уште 8.000 евра, сопшти Динамо.

УЕФА против Динамо покрена уште една истага за натпреварот од 20 септември против Фенербахче во Загреб, која се уште не е завршена. МИА