Во Србија просечна плата во мај изнесувала 734 евра, но половина вработени работеле за помалку од 564 евра

Ивана Ефремовски — Tue, 25 Jul 2023 13:01:27 +0000

Просечната (бруто) плата во Србија пресметана за мај годинава изнесува 118.992 динари, додека просечната (нето) плата без даноци и придонеси изнесува 86.220 динари (734 евра), соопштија од Републичкиот завод за статистика на Србија (РЗС), јави дописникот на МИА од Белград. Просечната нето заработка изнесува 66.244 динари (564 евра), што значи дека 50 отсто од вработените оствариле заработка до тој износ. Бруто и нето заработката во периодот јануари-мај, во однос на истиот период лани, номинално се повисоки за 15,5 отсто, но реално се пониски за 0,1 отсто. Во однос на истиот месец од претходната година, просечната бруто и нето заработка за мај 2023 година е номинално повисока за 16,2 отсто, а реално за 1,2 отсто. РЗС соопшти и дека во јуни се родени 5.003 бебиња, а починале 7.289 лица. Според податоците на РЗС, во првите шест месеци од 2023 година во Србија се родени 29.203 лица, а починале 46.618 лица. Негативниот природен прираст изнесува 17.415. Се наведува дека во периодот јануари-јуни 2023 година, во однос на истиот период од претходната година, има намалување на бројот на живородени за 131 или за 0,4 отсто, како и намалување на бројот на умрените за 10.728 или за 17,8 отсто. (МИА)

Фискален совет на Србија: Во 2019 година има простор за поголеми пензии

Ивона Петрова — Wed, 24 Oct 2018 10:53:02 +0000

Фискалниот совет на Србија во својот последен извештај за стратешки препораки за буџет во претстојната година се наведува дека зголемувањето на пензиите за 6,5 до 7 проценти е во согласност со остварениот и очекуваниот раст на БДП во наредниот период. (1 динар = 0,0084 евра) Весникот „Политика” објави дека со зголемување на масата за пензии за седум проценти, односно 35 милијарди динари, би се овозможило да се укине привременото намалување на пензиите и редовно усогласување во 2019 година. За укинување на Законот за привремено намалување на пензиите од 2014 година потребни се 25 милијарди динари буџетски средства, а преостанатите средства ќе бидат доволни за исполнување на законската обврска која предвидува редовно усогласување на пензиите двапати годишно во 2019 година. МИА

динари – Kurir.mk

Во Србија просечна плата во мај изнесувала 734 евра, но половина вработени работеле за помалку од 564 евра

Фискален совет на Србија: Во 2019 година има простор за поголеми пензии