диња – Kurir.mk

Знаете дека е здраво, но не сте свесни колку – еве зошто треба да го јадете ова вкусно овошје

Ивана Ефремовски — Fri, 28 Jul 2023 20:55:10 +0000

Ова овошје содржи неверојатна количина на витамини и на минерали, а бројни истражувања докажале дека лекува многу здравствени проблеми Сите уживаме во вкусот и мирисот на дињата, а не сме ни свесни колку е лековите. Содржи малку калории, па им се препорачува на сите оние што се обидуваат да ги намалат килограмите, освежува и преполна е со витамини и други важни состојки неопходни за организмот, го сопира растот на клетките на рак и лекува дијабетес. Содржи околу 88% вода и само 11% шеќер, па се препорачува нејзина примена неколку пати во текот на денот. Витаминот А од дињата е неопходен за добар вид и тен, а покрај тоа содржи и витамин Ц. Овие два антиоксиданси го штитат организмот од кардиоваскуларни заболувања и од стареење. Го штити здравјето на очите Дињата содржи нутриенти важни за здравјето на очите, бета каротен (од кого се ослободува витамин А), витамин Ц, лутеин и зеаксантин. Со оглед на тоа што бројни истражувања докажале дека недостигот на витамини А и Ц може да доведе до глаукома и макуларна дегенерација, па дури и до слепило, дињата е одличен избор за спречување или забавување на развојот на овие нарушувања. Го регулира крвниот притисок Дињата содржи влакна, калиум, витамин Ц и колин, кој го подобрува здравјето на срцето, го регулира холестеролот и крвниот притисок. Ја спречува појавата на камен во бубрег Внесувањето калиум е поврзано со намалувањето на ризикот од губење на мускулната маса. Овој минерал, исто така, ја спречува појавата на камења во бубрегот. Ја регулира дигестијата Дињата е добар избор за оние со осетлив желудник, бидејќи содржи ензими и не ја троши енергијата на организам на варење храна. Поради изобилството на влакна и вода спречува констипација и помага за регулација на дигестијата, го подобрува здравјето на дигестивниот тракт и го поттикнува исфрлањето на токсините од цревата.

Како да направите домашен СЛАДОЛЕД ОД ДИЊА: Брза припрема за вкусен летен десерт

Ристе Здравков — Fri, 28 Jul 2023 13:16:31 +0000

Дињата е извор на витамин Ц – 200 гр ја содржи речиси целата дневна потреба од витаминот, кој помага во зајакнување на имунолошкиот систем и одржување на здравјето. Исто така, таа е богата со витамин А – го подобрува метаболизмот, а исто така помага да се зајакне рожницата на окото и помага да се зголеми визуелната острина. Содржи и витамин Е, витамин Б, а богата е и со калиум, неопходен минерал за нормализирање на крвниот притисок и непречено функционирање на срцето. Состојки: 300 мл крем за готвење 175 гр шеќер во прав 1 кг диња сок од еден лимон какви било свежи бобинки (по желба) Подготовка: Измешајте ги шеќерот и павлаката и ставете ги на тивок оган. Мешајте додека не зоврие и шеќерот целосно не се раствори. Оставете да се излади. Измешајте ја исчистената и ситно сечкана диња со сок од еден лимон и матете со блендер додека не се добие хомогена маса. Добиената павлака и шеќер се додаваат во смесата со диња, па се мати убаво со миксер додека не се добие мазна маса. Оставете во замрзнувач 6 часа или преку ноќ. Пред сервирање, можете да декорирате со бобинки.

Се служи во елитни ресторани со топка сладолед: Егзотична пита со диња, за да се разладите во овие топли денови (РЕЦЕПТ+ВИДЕО)

Ристе Здравков — Tue, 18 Jul 2023 13:56:49 +0000

Дали некогаш сте пробале пита со диња? Ако не сте, сега е вистинско време… СОСТОЈКИ: тенки кори 2 јајца 2-5 лажици шеќер по желба 3 лажици гриз 100 мл јогурт 1/2 прашок за пециво 1 ванилин шеќер 600 гр диња малку цимет масло Подготовка:

Дињата има низа лековити својства, еве кои се тие

Ивана Ефремовски — Mon, 15 Aug 2022 14:40:38 +0000

Дињата е позната по тоа што е една од препознатливите намирници во лето. Иако исто како лубеницата се смета за врста на овошје, дињата сепак е зеленчук од фамилијата на тиквици. Се верува дека потекнува од Азија уште пред 1000 години пред нашата ера а на нашите простори е донесена од морнари од Африка. Лековити својства на дињата:

Го штити видот и очите.
Го намалува ризикот од астма.
Влијае на регулирање на крвниот притисок.
Штити од рак.
Го регулира варењето на храната.
Ја штити кожата и косата.
Семките и чајот од диња имаат лековити својства.

Кралица на летото: Диња, една од најздравите намирници со кои можете да си го благословите телото во лето

Ристе Здравков — Mon, 25 Jul 2022 05:36:55 +0000

И покрај расправата на готвачите и ботаничарите дали дињата е овошје или зеленчук, никој не може да оспори дека ова летно растение е една од најздравите намирници со кои можете да го благословите вашето тело во овие летни денови. За почеток, дињата содржи голема количина на вода, па затоа е идеална за хидратација, а бидејќи има релативно малку калории, погодна е за диета, како диуретик и за чистење на организмот. Една порција од 150 грама диња содржи 53 калории, 0,3 грама масти, 13 грама јаглени хидрати, 1,4 грама влакна, 30 отсто од дневната количина на витамин А, 78 отсто од дневната количина на витамин Ц и некои калифорниски сорти Познато е дека содржат дури сто проценти од дневните потреби на витамините А и Ц. Овој вкусен зеленчук, често заменет со овошје, е богат со антиоксиданси холин, зеаксантин и бета-каротин, кои го штитат организмот од многу болести. Дињата содржи хранливи материи бета-каротен (од кои се ослободува витаминот А), витамин Ц, лутеин и зеаксантин, кој делува како антиоксиданс и заштита од УВ. Каротеноидите, на пример, ја забавуваат макуларната дегенерација (болест на централниот дел на мрежницата кај постарите лица), додека витамините А и Ц можат да го забават развојот на глауком. Бета-каротенот го намалува ризикот од астма, како и витаминот Ц. Богата со влакна, калиум, витамин Ц и холин, пожелна е и за здравјето на срцето. Јадењето храна богата со калиум помага во регулирањето на нивото на натриум, што е важно за лекување на високиот крвен притисок. Калиумот е потребен и за регулирање на рамнотежата на водата, киселинско-базната рамнотежа и невромускулната функција, а исто така игра важна улога во преносот на електричните импулси до срцето. Внесувањето на калиум е исто така поврзано со намален ризик од мозочен удар и губење на мускулната маса. Дињата е и лесно сварлива храна и се препорачува да се јаде на празен стомак и пред друг оброк. Добар избор е и за оние со чувствителен стомак бидејќи содржи ензими и не ја троши енергијата на телото за варење на храната. Поради изобилството на влакна и вода, спречува запек и помага во регулирањето на варењето, здравјето на дигестивниот тракт и исфрлањето на токсините од цревата. Холинот, важна хранлива материја во дињата, помага за подобар сон, учење и меморија. Важно е и за одржување на еластичноста на клеточните мембрани, пренос на нервните импулси, искористување на маснотиите и намалување на хроничното воспаление. Редовното консумирање диња е одлично за убавината на кожата и косата поради влијанието на витаминот А, кој е неопходен за производство на себум кој ја навлажнува кожата и косата и е неопходен за нивниот раст. Дури и семките од диња, кои исто така се јадливи, се богати со протеини, влакна и омега-3 масни киселини.

Многумина ја сакаат заради вкусот, но не знаат дека ГО РЕГУЛИРА ПРИТИСОКОТ И ШЕЌЕРОТ ВО КРВТА: Најефикасна е ако се јаде вака!

Ристе Здравков — Fri, 08 Jul 2022 07:29:30 +0000

Дињата е летно овошје кое е полно со калциум, витамини Ц, Б и А, како и со магнезиум, фосфор, железо, бакар и манган. Содржи и тиамин, ниацин, витамин Б6, фолна киселина, пантотенска киселина. Луѓето ја сакаат поради пријатниот благ вкус и сладост, а одлична е затоа што содржи голема количина на вода, која е неопходна за нормално функционирање на организмот во текот на летните горештини. Според „Американската кардиоваскуларна асоцијација“, калиумот од дињата го намалува крвниот притисок така што го намалува ефектот на натриумот и ги „опушта“ крвните садови. Калиумот му помага на телото да го ослободи вишокот натриум и на тој начин го намалува покачениот крвен притисок. Исто така, ни помага да ја одржиме потребната рамнотежа на водата, киселинско-базната рамнотежа и невромускулната функција, а исто така игра важна улога во преносот на електричните импулси до срцето. Луѓето кои добиваат доволно калиум имаат значително помали шанси да добијат мозочни удари и други срцеви заболувања. Овој минерал ја зачувува густината на коските и го спречува создавањето на камења во жолчката. Дињата лесно се вари, има многу растителни влакна, го регулира варењето и промовира исфрлање на токсините од цревата. Се препорачува да се јаде на празен стомак и пред друг оброк.

Пробајте нешто поинакво: Домашно слатко од диња на кое никој нема да му одолее

Ристе Здравков — Wed, 29 Jun 2022 09:31:55 +0000

Кога зборуваме за плодовите на природата, дињите заедно со лубениците се главниот симбол на летото. Многумина уживаат во нејзината нежна арома, сочност и сладок вкус, што едноставно ве кани да земете уште едно парче. Ви претставуваме уште еден начин како да го искористите овој подарок од природата. – диња, 1 кг – шеќер, 1,2 кг – лимон, 1 парче – ванилин шеќер, 1 кесичка – варова вода, доколку е потребно Подготовка: За да успее слаткото, треба да изберете диња која не е презрела. Излупете ја и исечете на ситни парчиња. После тоа, оставете ги парчињата да отстојат во варната вода. По некое време, измијте го овошјето во неколку води. Истурете вода во поголемо тенџере, исцедете го лимонот и вклучете го да се загрее. Ставете ги парчињата диња во водата кога ќе зоврие. Оставете да зоврие 5 минути, а потоа извадете ги дињите, исцедете ги и ставете ги во друго тенџере, прелијте со вода, додадете една рака шеќер и ванилин шеќер. Кога водата ќе зоврие, тргнете го тенџерето од шпоретот и оставете го преку ноќ. Исцедете ја следниот ден, а потоа сварете килограм шеќер со две чаши вода и исцеден лимон. Додадете диња во неа и варете, како и секое друго слатко.

ОВА МОРА ДА ГО ПРОБАТЕ: 5 фантастични рецепти од диња

Дарко Андоновски — Mon, 31 Aug 2020 07:32:27 +0000

Без разлика дали ќе ја јадете во салата или ќе направите ароматични пијалаци од диња – во организмот ќе внесете чисти витамини Рајски плод – ДИЊА Периодов цената на дињата паѓа, па сега е вистинското време да пробате разни специјалитети од неа. Без разлика дали ќе ја јадете во салата или ќе направите ароматични пијалаци од диња – во организмот ќе внесете чисти витамини Во старите медицински трактати, дињата била наречена „рајски плод, кој на кожата ѝ дава боја на праска, ја прави косата блескава, очите млади, а желбата силна“. Современите нутриционисти целосно се согласуваат со античките исцелители. Ароматичниот мек дел од дињата содржи многу супстанции корисни за нашето тело. Благодарение на високата содржина на аскорбинска и фолна киселина, како и каротин, дињата е прифатена како вреден витамински производ. Токму таа е на првото место меѓу плодовите во однос на содржината на калциум. Добро ја гаси жедта, го смирува нервниот систем, има благ ефект врз гастроинтестиналниот тракт, го нормализира балансот на вода и сол. За лековити и превентивни цели, дињата може да се користи за општо зајакнување на организмот, има смирувачки ефект, а дејствува и како диуретик, благ лаксатив и го стимулира создавањето крв. Исто така, овој плод одлично штити од склероза и помага при ревматизам. Маринирана диња Потребно: крупна диња, 30 каранфилчиња, чаша оцет, три чаши шеќер. Малку неодзреаната диња исчистете ја од кората и исечкајте ја на парчиња. Во секое парче боцнете по неколку каранфилчиња, ставете ги во сад и прелејте ги со оцетот. Оставете да отстои 24 часа. Следниот ден, без да го истурате оцетот, ставете ја дињата во вода, оставете ја да зоврие и малку проварете ја, а потоа дињата ставете ја на сито. Исцедете го оцетот преку салфетка. Од шеќер, вода и чаша од исцедениот оцет направете густ сируп, ставете го да зоврие, изладете го и прелејте ги парчињата диња. Салата од диња со домати Потребно: 200 г диња, три домати, китка свеж босилек, китка магдонос, чешне лук, 100 г природен јогурт, сол и бибер по желба. Исечкајте ги на парчиња дињата и доматите. Направете го преливот: во јогуртот изгмечете го чешнето лук, посолете, измешајте и со тоа прелејте ја салатата. Додајте ги босилекот и магдоносот. Малку забиберете ја. Жолто гаспачо Потребно: мала ананас-диња, две жолти пиперки, две стебленца целер, две гранчиња нане, три лажици лимонов сок, две лажици суво бело вино, половина чаша павлака са 20% масленост, сол по желба. Измијте ги пиперките и исчистете ги. Измијте го целерот. Пиперките, целерот и дињата исечкајте ги на коцки. Тргнете настрана околу една чаша коцки од дињата. Преостанатото количество сомелете во пире го заедно со пиперките и целерот. Во тоа додајте ги лимоновиот сок, виното и павлаката, па посолете. Изматете го и оладете го. Распоредете го во високи чаши, одозгора ставете коцки диња и украсете со ливчиња нане. Салата со диња, авокадо и со пилешко месо Потребно: 200 г мек дел од диња, авокадо, два пилешки стека, листови зелена салата, лажица лимонов сок, три лажици билно масло, сол и бибер по желба. Пилешките стекови исечкајте ги на коцки и пропржете ги на билно масло од сите страни. Мекиот дел од дињата исечкајте го на коцки или со помош на лажица од него направете топчиња. Исчистете го авокадото и исечкајте го, па попрскајте го со лимоновиот сок. На чинија ставете ги листовите салата, дињата, авокадото и пилешките стекови. Изматете го лимоновиот сок со масло, сол и бибер, прелејте ја салатата со дресингот и внимателно измешајте. Ликер од диња Зрела ароматична диња исечете на парчиња, наполнете со нив шише и веднаш ставете вотка, така што ќе го покрие овошјето. Оставете го да отстои две недели, потоа исцедете го и засладете го по желба – до чаша и половина шеќер на литарско шише. СОКОТ ОД ДИЊА ГО ЧИСТИ ОРГАНИЗМОТ Денес е многу популарна теоријата на блиц-терапија со сокови за чистење на организмот. Според таа теорија, основата на лековитиот сок е сокот од диња, бидејќи организмот го вари многу побрзо од соковите од другите овошја и зрнести плодови. Се препорачува, за исфрлање на токсините и на нечистотиите, 20 дена секое утро на празен стомак да пиете чаша сок од диња, со додавање какви било зрнести плодови. Најдобро е да користите замрзнати бобинки.