Диого Жота – Kurir.mk

СП 2022: Франција без Канте, Португалија без Жота

Ивона Петрова — Wed, 19 Oct 2022 08:05:12 +0000

Француската фудбалска репрезентација на Светското првенство во Катар ќе ја брани титулата без играчот за врска Нголо Канте (31). Фудбалерот на Челзи мораше да го оперира бутниот мускул поради што најмалку четири месеци ќе отсуствува од теренот, Ослабена на Мундијалот во Катар ќе биде и репрезентацијата на Португалија во чиј редови ќе отсуствува Диого Жота. Напаѓачот на Ливерпул се повреди во самиот финиш на дербито против Манчестер сити во неделата и на носилки беше изнесен од теренот на „Енфилд Роуд“. Мундијалот во Катар ќе се одржи од 20 ноември до 18 декември.

Жота го продолжи договорот со Ливерпул

Ивона Петрова — Tue, 02 Aug 2022 16:34:05 +0000

Португалскиот напаѓач Диого Жота потпиша денеска нов долгорочен договор со Ливерпул, објави англискиот прволигаш не откривајќи за колкав временски период станува збор. Според британските медиуми, Жота потпишал петгодишно продолжување на договорот, до 2027 година. Жота минатата сезона му помогна на својот клуб да ги освои ФА купот и Лига купот, додека Ливерпул во Премиерлигата заврши второпласиран, само бод за шампионот Манчестер сити, додека во финалето од Лигата на шампиони претрпе пораз од Реал Мадрид. Португалецот на „Енфилд Роуд“ дојде од Вулверхемптон во 2020 година и постигна 34 голови на 85 натпревари во дресот на Ливерпул во сите натпреварувања.

ВИДЕО: Дуелот меѓу Алиоски и Жота кој стана хит на социјалните мрежи

Ивона Петрова — Wed, 30 Mar 2022 06:02:13 +0000

Репрезентациите на Португалија и Македонија во „Драгао“ вчера го одиграат финалниот натпревар од плеј-офот за пласман на Мундијалот во Катар. Португалија го славеше пласманот на Мундијалот по победата од 2:0, а социјалните мрежи како најинтересен го издвојуваат вербалниот дуел меѓу Езѓан Алиоски и Диого Жота. Асот на Ливерпул изреагира бурно и предизвика реакција кај Џани.

Apaixona-te por alguém que flerte todos os dias contigo como o Jota flerta com o Alioski 🥰 pic.twitter.com/HUK9ozv8hD
— Blessing Lumueno (@BlessingMSL) March 29, 2022

Клоп разјасни за работите во врска со случајот Жота-Фирмино

Ивона Петрова — Wed, 04 Nov 2020 11:50:33 +0000

Новото засилување на Ливерпул, Диого Жота одигра уште еден одличен натпревар откако беше донесен на „Енфилд“. Португалецот започна како стартер против Аталанта на сметка на Роберто Фирмино и постигна хет-трик во импресивната победа со 5:0. Поранешниот напаѓач на Вулверхемптон веќе има седум погодоци на неговите први 10 натпревари, додека Фирмино постигна пет гола за тимот во текот на цела 2020 година. Ова веднаш го стави на дневен ред прашањето дали Жота нема потрајно да го замени Бразилецот од почетниот состав. – Тоа беше одлука за вечерта. Таа се засноваше на формата на Диого и начинот на кој Аталанта играше и се бранеше. Квалитетите на Диого помагаат во овој случај. Но, понекогаш кога некој блеска во одреден момент, почнуваме да зборуваме за фудбалер кој има одиграно можеби 500 натпревари по ред. Ние дури и не би биле во Лигата на шампионите ако Боби Фирмино не беше со нас. Веднаш морам да објаснам зошто не беше во составот. Тој ќе биде во составот, изјави Јирген Клоп. – За нас е важно да имаме повеќе од 11 стартери. Диого ја користи формата. Но, тоа не кажува ништо за Боби и воопшто не ми предизвикува главоболки. Јас сум повеќе од среќен што тие играа на тој начин.

ФОТО+ВИДЕО: Жота на „Енфилд“ во следните 5 години

Ивона Петрова — Sun, 20 Sep 2020 08:36:09 +0000

Ливерпул го комплетираше трансферот на Диого Жота, кој потпиша за 5 години со англискиот шампион и го зеде бројот 20. „Црвените“ се договорија за трансферна сума од 40 милиони фунти, на која може да се додадат уште 5 милиони. Сепак, бидејќи дефанзивецот Ки-Јана Ховер замина во спротивна насока, за 9 милиони плус 4,5 дополнително, во пракса цената на Жота е околу 30 милиони. – Ова е многу возбудливо време за мене и за моето семејство. Ливерпул е еден од најголемите клубови во англискиот фудбал, па затоа е невозможно да му се каже „не“. Јас сум тимски играч и мојата цел ќе биде да го поддржам тимот на најдобар можен начин, прокоментира Португалецот.

Here's @DiogoJota18's first message for you, Reds 🙌 pic.twitter.com/MLNy7olPMr
— Liverpool FC (@LFC) September 19, 2020

Со неговото пристигнување, Јирген Клоп ги засили сите редови на неговиот тим откако Костас Цимикас беше земен во одбрана, Тиаго Алкантара е одлична опција во средниот ред, а Жота сега ќе донесе друга опција во нападот.

We're giving you the chance to win a shirt signed by @DiogoJota18 🙌
— Liverpool FC (@LFC) September 19, 2020