диор – Kurir.mk

Судењето му ја зголеми цената: Џони Деп потпиша милионски договор

Ивона Петрова — Sun, 14 May 2023 12:38:10 +0000

Џони Деп потпиша договор со француската модна куќа Диор вреден рекордни 20 милиони долари за рекламирање на парфем за мажи. Деп, ѕвездата на филмовите „Пиратите од Карибите“, наводно го потпишал највредниот договор за поддршка на машки парфем досега. Извор од американскиот магазин Variety потврди дека Диор потпишал тригодишен договор со Деп, кој се проценува на 20 милиони долари. Познатиот актер е заштитно лице на парфемот Dior's Sauvage откако се појави на пазарот во 2015 година. Шефот на матичната компанија на Диор, LVMH, Бернард, само го истакна имиџот на Џони Деп како една од главните причини зошто Sauvage постигна значителен успех. За време на контроверзната правна битка против неговата поранешна сопруга Амбер Херд, Дизни и Ворнер Брос ја прекинаа долгогодишната соработка со актерот. Сепак, LVMH продолжи да соработува со него, а рекламите за популарниот машки парфем продолжија да се појавуваат и во текот на судската постапка, кои јавноста ги следеше со голем интерес.

Ќерката на Жељко Митровиќ ја покажа новата „хит чанта“ која е сон на секоја модерна девојка – сите ја сакаат, но од цената се онесвестуваат (ФОТО)

Дарко Андоновски — Fri, 18 Nov 2022 11:59:08 +0000

Ќерката на Жељко Митровиќ, Кристина Митровиќ од секогаш била стилизирана од глава до пети, а за тоа сведочат и нејзините фотографии на социјалните мрежи. Последна во низа фотографија е од еден ресторан каде позира во златна комбинација која совршено и одговара со крзнената чанта од познатиот бренд „Диор“. Модната комбинација која таа ја сподели на Истаграм е речиси сон на многу девојки, особено чантата која ни повеќе ни помалку, на попуст во овој момент чини 3.665 евра, додека вистинската цена се движи околу 6.300 евра. Инаку Кристина е свршена за милијардерот од Русија Илија, а со него често споделува како ужива во вистински луксуз, се возат во приватни авиони и посетуваат егзотични дестинации низ целиот свет.

„Диор“ претстави „заштитна облека“ за криза

Катерина Бојаџиева — Wed, 02 Mar 2022 08:41:39 +0000

Ревијата на „Диор“ на Mодната недела во Париз вчера беше „борбена“ и по малку „мрачна”… Дизајнерката Марија Грација Чиури изјави дека нагласката на комбинирањето на „убавината и заштитата“ е соодветен при војна. Колекцијата за есен-зима 2022-2023 е создадена долго пред руската војска да почне со бомбардирање на Украина минатата недела. Но, бидејќи моделите на „Диор“ носеа разновидна „заштитна опрема“ – од перничиња за рамена до корсети со воздушни перничиња кои личеа на панцири, тешко е сѐ тоа да не се поврзе со случувањата од Источна Европа, пишуваат западните весници. – Дури и пред конфликтот во Украина, светот веќе беше во војна, рече Чиури, уметнички директор за жени на „Диор“. Ковид е уште еден „облик на војна“. Сите ние минавме низ многу тешки месеци. А, овие тешки времиња многу се размислува како да се комбинираат убавината, естетиката и заштитата, додаде таа. Нејзините најнови креации се насочени кон технички решенија функционални за женското тело. Тие вклучуваат и технолошка адаптација на култната креација на Кристијан Диор – јакната „Бар“… Во соработка со италијанската компанија за додатоци за мотоцикли – „Д-лаб“, новата јакна има дополнителен внатрешен систем за греење. – Самата облека е еден вид заштита… Таа нè смирува. Ова гледиште е многу присутно и во она што го правам – емоционалната заштита, како и – заштита во буквална смисла на зборот, вели Чиури. Во сенка на војната во Украина, во понеделникот организаторите објавија соопштение каде што ги повикуваат посетителите да ги искусат новитетите „свечено, но размислувајќи за овие мрачни часови“.

Ова е најпродаваниот парфем на светот, на секои три секунди се купува по едно шише

Ивана Ефремовски — Wed, 02 Feb 2022 12:56:38 +0000

Парфемите на модната куќа „Диор“ на многумина им се омилени, а според резултатите од пазарот - еден е посебен. Имено, „Sauvage“ парфемот од Диор, стана најпродаваниот парфем на светот, вклучувајќи ги и машките и женските мириси. Создаден е во 2015-та година, со извонредната креација на Франсоа Демаши, кој тогаш создавал парфеми за Диор и се одлучил за живи и богати ноти на портокал и бергамот, како и прашкасти и дрвени ноти. Интензивниот и моќен мирис ги изненадија и ги освоија обожавателите ширум светот. „Sauvage Universe“ е поделен на четири дела, кои се разликуваат по интензитетот. Сензуалниот и мистериозен Sauvage, Sauvage Eau de Toilette, Sauvage Parfum со префинет шарм и Sauvage Elixir, софистициран и силен. Elixir е посебен по тоа што ги поместува границите на концентрацијата на парфемот во мирисот. Парфемот постигнал исклучителен успех, а нотата на свежина што ја внесува се чини дека го освои целиот свет. Станува збор за приказна за феноменот на машкиот мирис на Диор, кој за првпат во 2021-ва година успеал да ја освои титулата најпродаван парфем во светот. Досега првото место без исклучок во историјата на парфемите отсекогаш го заземале женските мириси. Неговата победничка позиција значи дека во 2021-ва година на секои три секунди се продавало по едно шише парфем Dior Sauvage. Dior Sauvage, исто така, ја отворил вратата за новата генерација на парфеми на Dior, следејќи одржлив пат.

Ема Радукану е ново лице на „Диор“

Ивана Ефремовски — Thu, 21 Oct 2021 12:33:02 +0000

Младата британска тениска ѕвезда Ема Радукану стана ново заштитно лице на модната компанија „Диор“, нешто повеќе од еден месец по победата на „Ју-ес опен“. Тинејџерката ќе ја претставува колекцијата женска облека на француската луксузна модна куќа, како и козметички линии. Ема беше присутна на премиерата на филмот „Џејмс Бонд: Не е време за умирање“ во септември, и притоа облече фустан дизајниран од креативната директорка на „Диор“ – Марија Грација Чијури за колекцијата за 2022 година. Радукану го привлече вниманието со одличниот настап на овогодишниот Вимблдон во текот на летото, и го шокираше тенискиот свет со победата на „Ју-ес опен“, кога ја победи една година постарата Канаѓанка Лејла Фернандез. Ема стана првата квалификантка која освоила гренд-слем титула. (MIA)

ПСЖ влезе во високата мода, потпишан договор со „Диор“

Ивона Петрова — Mon, 06 Sep 2021 10:31:45 +0000

Фудбалскиот гигант Пари Сен-Жермен (ПСЖ) потпиша договор за двегодишно партнерство со францускиот бренд за висока мода „Диор“, објави клубот од Париз. Финансиските детали од договорот, засега, не се познати, наведуваат француските медиуми, додавајќи дека „Диор“ првпат во својата историја влегува во партнерски однос со спортски клуб. – Преку ова партнерство, ПСЖ го продолжува својот пробив во светот на модата и стилот на живот. Модната куќа „Диор“ споделува иста страст кон Париз како и ние и придонесува со своето творештво за негова промоција ширум светот, соопшти францускиот фудбалски прволигаш.

Додека секој час во Македонија по десетици луѓе остануваат без работа, Зорица Заева носи чевли од скоро 900 долари (ФОТО)

Ивана Ефремовски — Sat, 05 Sep 2020 10:57:20 +0000

Додека народот гладува и тоне во сиромаштија, семејството на Зоран Заев се луксузира. Секој час во Македонија по десетици луѓе остануваат без работа, но Зорица Заева носи чевли од скоро 900 долари. Станува збор за брендот Диор.

Медиумите удрија по пејачката: Кога ќе дознаете на што потрошила Пријовиќ 5 просечни плати ќе се онесвестите (ФОТО)

Дарко Андоновски — Tue, 10 Apr 2018 16:07:21 +0000

Идната снаа на Лепа Брена и позната пејачка Александра Пријовиќ во Мадрид овие денови ја запозна модната стилистка Ана Антиќ која е ќерка на фудбалерот Радомир Антиќ.

Miami??

A post shared by Aleksandra Prijovic (@aleksandraprijovic) on Feb 12, 2018 at 8:02am PST

Антиќ инаку која и е стилистка на Андријана Лима и американската актерка Сијен Милер овој пат реши да се погрижи и за Пријовиќ.

?

A post shared by Aleksandra Prijovic (@aleksandraprijovic) on Feb 26, 2018 at 10:53am PST

Но ова нејзино грижење многу ја чинеше пејачката која не ги жали парите на облека, па така лимитираниот фустан од Диор Пријовиќ ја чинеше 1.500 евра, додека нејзините сандали од истиот бренд се 800 евра. Српските медиуми пишуваат дека и доколку се земе предвид просечната плата во Србија од 450 евра, таа потрошила 5 просечни плати на облека, погледнете.

Cute #ladyDior @aleksandraprijovic en #diorortegaygasset Lepa chic mlada! ?❤ @zo_na_ny @carpediem_fbz ?

A post shared by Ana Antic (@anaantic) on Apr 9, 2018 at 8:17am PDT

@anaantic ?‍♀️❤ #style #dior #fashion #madrid #shoppingday

A post shared by Aleksandra Prijovic (@aleksandraprijovic) on Apr 9, 2018 at 9:30am PDT